الهيئة العامة للسياحة القطرية .... شكرآآآآآ [الأرشيف]

مشاهدة النسخة كاملة : الهيئة العامة للسياحة القطرية .... شكرآآآآآ

sweet qatar

29-03-2016, 09:37 PM

امس ودعنا مهرجان قطر العالمي للأغذية 2016

http://foolmagazine.com/wp-content/uploads/2016/03/QIFF2016_dinner-in-the-sky.jpg

المهرجان في دورته السابعة كان مميز بكل ما تحمله الكلمة من معنى .. كمية من الجماااال والاجواء الرائعة

كنت متخوفة من توزيع المهرجان في اكثر من مكان .. :shy:

و للامانة مادري اذا اللؤلؤة وكتارا كانوا بنفس مستوى حديقة المتحف الاسلامي

لكن حبيت اشكر الهيئة بكل كوادرها الي نظموا و خططوا للفعاليات الجميلة الي شفتها

اختيار مميز لمشاهير السوشال ميديا .. سواء القطريين او الخليجيين او الاجانب

واشكر بعد السنابرز القطريين على تغطياتهم الشاملة للمهرجان .. من مقابلات و ورش و دروس

التنظيم كان رائع ابتداء من الابتسامة الي تقابلك مع دخولك من البوابة الذهبية و تزويدك بكل المعلومات الي تحتاجها

انتهاء بتوفير جميع الاحتياجات للزوار

المشاركات القطرية كانت مميزة جداً .. الله يزيد ويبارك

شكرا من القلب .. و الله يوفقكم و نشوف كل فعالياتكم السياحية بنفس هالمستوى الراقي

sweet qatar

30-03-2016, 01:08 PM

عندي ملاحظة ما تقلل ابدا من قيمة النجاح او الجهود المبذولة فيه

لكن الموضوع تكرر في اكثر من فعالية و مع اكثر من جهة

بالنسبة لأسعار بعض الأنشطة ادفع عليها مبلغ و قدره

في الوقت الي يتم توزيع كمية كبيرة من التذاكر المجانية

الموظفين وأهلهم يستاهلون وعليهم بألف عافيه

لكن لازم تراعون الي بيدفع خصوصا ان الحدث عائلي يعني بالراحة بنصك 5 آلاف !!

بالضبط نفس الفعاليات الي تكون في Qf

التذاكر تتوزع بالمجان للموظفين وعائلاتهم ومن يعز عليهم

المفروض يكون في نوع من العدالة بين الدعوات والي يدفع

بريق الحق

30-03-2016, 01:17 PM

مادري عن المهرجان معانا وصلت لي دعوه لكن ماحضرت
لكن احنا في حالة تقشف المفروض نوقف مثل هذي الامور

sweet qatar

30-03-2016, 02:50 PM

مادري عن المهرجان معانا وصلت لي دعوه لكن ماحضرت
لكن احنا في حالة تقشف المفروض نوقف مثل هذي الامور

المهرجان من هيئة السياحة و الخطوط القطرية

يعزز السياحة و الترفيه العائلي في قطر ... نتمنى يكبر ويتطور

وبعد الشي الحلو السنة شفنا تطور العادات الغذائية للشعب القطري

قبل الي يبي يكشخ يدور بكوب ستاربكس الحين يتمشى بجوزة هند و عود :o

مهرة

31-03-2016, 10:19 AM

بوحارب

31-03-2016, 11:05 AM

كنت ناوي اروح للمهرجان

وخصوصا امر على المطاعم اللي توزع اكل ومشروبات مجانية
بلفيت دعايه :)

لعببببببتي الأكل ببلاش

ولكن

بعد ما شفت سناب واحد من الربع والمهرجان متروووووس من الجالية الفلانية

كنسلت الفكرة وقعدت في البيت :(

بعيد النظر

31-03-2016, 11:09 AM

الحمدلله شاركنا فيه .. بمشروع بسيط ..
والمشاركة كانت موفقة .. اعتب على التوزيع فقط !

وللأسف ما حصلي وقدرت امر المهرجان ..

بشكل عام .. تنظيم طيب
وعساهم ع القوة

أم هشام

31-03-2016, 11:22 AM

فعلا كان مليان من جاليتين مش جالية حتى .. لولاهم للاسف
كان المهرجان من اجمل و افخم و (( انظف )) ما يكون ..

sweet qatar

31-03-2016, 01:02 PM

..

للصبر قال حدود ... يا مصبر الموعود

اصدق بوعدك يوم
ودي احس انك وفي.,,

ليش ماتعزمين:waiting: متى بتوفين بوعدج؟؟

ياما قلتي بسوي وبفعل وبجي وانطروني وجاكم الخير ومن هالكلام:rolleyes2:

ماشفنا منج إلا لومي اسود ومطحون بعد.!!

المهرجان ممكن يكون جميل بس بعد يبيلة تنظيم اكثر ودعاية اكبر وجهود قطرية شبابية اكثر طبعاً من خلال الدعم والتشجيع.,,

اي وعد ؟؟ :rolleyes:

يالغاليه المهرجان كله مشاريع قطريه واغلبهم عليهم زحمه

يمي ديليشز و قوت ستيشن و غيرهم وايد الله يزيد ويبارك

والفال لج اشوفج في بوث السنة الجاية

وكثري اللومي الأسود :)

كنت ناوي اروح للمهرجان

وخصوصا امر على المطاعم اللي توزع اكل ومشروبات مجانية
بلفيت دعايه :)

لعببببببتي الأكل ببلاش

ولكن

بعد ما شفت سناب واحد من الربع والمهرجان متروووووس من الجالية الفلانية

كنسلت الفكرة وقعدت في البيت :(

تقصد الهنود ؟؟

ما شوفك عفت لندن منهم :rolleyes:

تراهم اوادم حالهم من حال غيرهم

و ما ذكر انهم كانوا تارسين المكان مثل ما تقول

sweet qatar

31-03-2016, 01:09 PM

الحمدلله شاركنا فيه .. بمشروع بسيط ..
والمشاركة كانت موفقة .. اعتب على التوزيع فقط !

وللأسف ما حصلي وقدرت امر المهرجان ..

بشكل عام .. تنظيم طيب
وعساهم ع القوة

ماشالله الله يوفقك و يبارك لك

عسى كنتوا في المتحف الاسلامي ؟؟

فعلا كان مليان من جاليتين مش جالية حتى .. لولاهم للاسف
كان المهرجان من اجمل و افخم و (( انظف )) ما يكون ..

الله يهداج يام هشام يبقون اوادم حالهم من حال غيرهم

و عمال النظافة كانوا تارسين المكان

ترى الترفيه لنا ولكم ولهم