بصمة قطرية
30-03-2016, 01:23 AM
بسم الله الرحمن الرحيم
السلام عليكم و رحمة الله و بركاته
صباح / مساء الخير ..
الأطفال أحباب الله
من أعظم النعم
يارب يرزق كل محروم و لا يحرم كل متزوجة
من نعمة الأمومة ..
صار لي فترة أشوف تصرفات من أفراد
أقل ما يقال عنهم مستهترين
مستهينين بحياة أطفالهم ..!!
بذكر كم موقف صاروا قدامي ..
واقفين عند الإشارة و على يميننا سيارة
اللي يسوق رجل من حدا الجنسيات العربية
وراه طفل مطلع راسه من الشباك ..
من شفته شهقت حسيت الشباك بيرتفع بالغلط في أي لحظة
والله مت خوف و فعلاً إحساسي طلع في محله
في اللحظة اللي نزلت فيها الشباك و قلت له
دخل الولد حاسب عليه
هو يبتسم يعني ان الأمر عادي
افتر للولد عشان يبعده
الولد شكله ضغط الزر ورفع الشباك
و يسحبون الولد بسرعه ..
تحلطمت عليه وكان خاطري أنزل أقول له
حرام عليك حياة الطفل مب لعبة ..
في الأخير هو طفل ما يفهم و غير مسؤول
عن تصرفاته ..
الموقف الثاني :
كنت في حياة بلازا رايحة صوب المطاعم من فترة بسيطة
أول ما لفيت صوب المطاعم أشوف طفلة عمرها كم شهر
طاحت على الأرض قدام عيني
والله قلبي كان بيوقف مت خوف لأنها طاحت على راسها
والسبب الأم ما كانت حاطة لها حزام فطاحت البنت
لو حاطة حزام كان ما طاحت و طبعاً ماتت صياح
والأم ما كانت عارفة شتسوي ماسكتها و تصارخ
خذتها منها سميت عليها و حاولت أهديها
و أتحسس راسها مكان الطيحة
نفس الوقت اقول للأم تتعوذ من ابليس و تهدا
صراخها مروع البنت ..
الموقف الثالث :
نفس الوقت رايحة صوب المطعم
أشوف أم قاعدة معاها ولدها يمكن عمره خمس سنين
مد يده ياخذ شبس ضربته على يده ضربة
الولد صرخ و صاح
وانا قلبي متقطع ..
خاطري أروح لها أهاوشها ليش تضربه جذي
والله العظيم حرام عليها ..
آخر موقف اليوم :
واقفين بنطلع من مواقف حياة بلازا قدامنا الإشارة
على طول قدامنا موتر الأم مقعدة بيبي عمره كم شهر في حظنها
تميت أتحلطم عليها ودي أقول بها اشتري كرسي
وقعدي البيبي وره
هني وايد خطر لا هي رابطة الحزام و لا البيبي في أمان
ممكن بريك قوي يطير الياهل من يدها ..
لاحظت هالتصرفات أغلبها من أجانب و مقيمين
أغلب هل قطر يحطون كراسي لعيالهم
ما أقول مافي ناس جذي ممكن يهملون عيالهم في السيارة
بس نسبة بسيطة ..
الموضوع مش من أكثر ..
الموضوع :
نبي توعية للأهالي المهملسن عيالهم و مستهترين بأرواحهم ..
والله إني لما أشوف هالتصرفات
سواء إهمال وإستهتار بحياة الطفل
أو ضرب الطفل و تعنيفه بقوة
أتمنى أروح لهم أقول لهم أنا من حقوق الطفل
و راح أقدم بلاغ ضدهم
أبي أشوف إش بتكون ردة فعلهم ..
والله الأطفال مساكين ..
طولت عليهم وايد
مقهورة من اللي أشوفه من بعض الناس
الله يهديهم ..
السلام عليكم و رحمة الله و بركاته
صباح / مساء الخير ..
الأطفال أحباب الله
من أعظم النعم
يارب يرزق كل محروم و لا يحرم كل متزوجة
من نعمة الأمومة ..
صار لي فترة أشوف تصرفات من أفراد
أقل ما يقال عنهم مستهترين
مستهينين بحياة أطفالهم ..!!
بذكر كم موقف صاروا قدامي ..
واقفين عند الإشارة و على يميننا سيارة
اللي يسوق رجل من حدا الجنسيات العربية
وراه طفل مطلع راسه من الشباك ..
من شفته شهقت حسيت الشباك بيرتفع بالغلط في أي لحظة
والله مت خوف و فعلاً إحساسي طلع في محله
في اللحظة اللي نزلت فيها الشباك و قلت له
دخل الولد حاسب عليه
هو يبتسم يعني ان الأمر عادي
افتر للولد عشان يبعده
الولد شكله ضغط الزر ورفع الشباك
و يسحبون الولد بسرعه ..
تحلطمت عليه وكان خاطري أنزل أقول له
حرام عليك حياة الطفل مب لعبة ..
في الأخير هو طفل ما يفهم و غير مسؤول
عن تصرفاته ..
الموقف الثاني :
كنت في حياة بلازا رايحة صوب المطاعم من فترة بسيطة
أول ما لفيت صوب المطاعم أشوف طفلة عمرها كم شهر
طاحت على الأرض قدام عيني
والله قلبي كان بيوقف مت خوف لأنها طاحت على راسها
والسبب الأم ما كانت حاطة لها حزام فطاحت البنت
لو حاطة حزام كان ما طاحت و طبعاً ماتت صياح
والأم ما كانت عارفة شتسوي ماسكتها و تصارخ
خذتها منها سميت عليها و حاولت أهديها
و أتحسس راسها مكان الطيحة
نفس الوقت اقول للأم تتعوذ من ابليس و تهدا
صراخها مروع البنت ..
الموقف الثالث :
نفس الوقت رايحة صوب المطعم
أشوف أم قاعدة معاها ولدها يمكن عمره خمس سنين
مد يده ياخذ شبس ضربته على يده ضربة
الولد صرخ و صاح
وانا قلبي متقطع ..
خاطري أروح لها أهاوشها ليش تضربه جذي
والله العظيم حرام عليها ..
آخر موقف اليوم :
واقفين بنطلع من مواقف حياة بلازا قدامنا الإشارة
على طول قدامنا موتر الأم مقعدة بيبي عمره كم شهر في حظنها
تميت أتحلطم عليها ودي أقول بها اشتري كرسي
وقعدي البيبي وره
هني وايد خطر لا هي رابطة الحزام و لا البيبي في أمان
ممكن بريك قوي يطير الياهل من يدها ..
لاحظت هالتصرفات أغلبها من أجانب و مقيمين
أغلب هل قطر يحطون كراسي لعيالهم
ما أقول مافي ناس جذي ممكن يهملون عيالهم في السيارة
بس نسبة بسيطة ..
الموضوع مش من أكثر ..
الموضوع :
نبي توعية للأهالي المهملسن عيالهم و مستهترين بأرواحهم ..
والله إني لما أشوف هالتصرفات
سواء إهمال وإستهتار بحياة الطفل
أو ضرب الطفل و تعنيفه بقوة
أتمنى أروح لهم أقول لهم أنا من حقوق الطفل
و راح أقدم بلاغ ضدهم
أبي أشوف إش بتكون ردة فعلهم ..
والله الأطفال مساكين ..
طولت عليهم وايد
مقهورة من اللي أشوفه من بعض الناس
الله يهديهم ..