كل يوم نسمع تسمم بالمطعم هذا وغش بالمطعم ذاك وحشرات !!!

[حمد 2002]

السلام عليكم ورحمه الله وبركاته

صبحكم الله بالخير جميعا

كل يوم نسمع تسمم بالمطعم هذا وغش بالمطعم ذاك وحشرات الى آخره !!! ..

طيب وشالحل ؟!!


الصراحه انا عندي الحل !!


انه نرجع لأكل البيت !!


وانا طبعا مافضل طباخ الخدامات لانه كنك ياوزيد ماغزيت يعني نفس المطاعم بالغش والوصاخه الا من رحم ربي !! ..


وترى الطباخ سهل سواءا للرجال او الحريم او الاولاد او البنات ..



فرضا العشاء

روب قليل الدسم على خبز ايراني على نخي على باجله واسلام ..

ولا سمح خيطك على السيف وصيد لك كمن قرقفانه ولا شعوم ونظفهم وحط عليهم بهارات ووو وشوهم بالحوش !! . ومع عيش ابيض ولا خبز ايراني ياسلااام ..


ترى افكار العشاء بسيطه والله والغداء وانظف والله مليون مره ..



ملاحظه مهمه انا مابرىء نفسي من اكل المطاعم فانا من مرتادينها بشكل مستمر ..


ملاحظه ثانيه :- يرجى عدم الاساءهم للنساء او الرجال بالموضوع والا سأقدم شكوى لاداره المنتدى لاتخاذ الاجراءات الصارمه تجاه المشاركات المسيئه والتي تؤدي لحذف الموضوع ..



شكرا ..

[طبيب قطري]

اشكرك ياحمد على الموضوع بس خلينا واقعين من بهالزمن بيروح يقعد بالساعات بالبحر حتى يصطاد سمجتين يتعشى فيهم!!
الاسهل والاوقع ايضا انك تروح مره بالاسبوع مثلا سوق السمج او حتى الجمعيات وتشتري اغراضك ولحومك واسماكك لمده تكفي اسبوع وتطبخونهم بالبيت

[حمد 2002]

اشكرك ياحمد على الموضوع بس خلينا واقعين من بهالزمن بيروح يقعد بالساعات بالبحر حتى يصطاد سمجتين يتعشى فيهم!!
الاسهل والاوقع ايضا انك تروح مره بالاسبوع مثلا سوق السمج او حتى الجمعيات وتشتري اغراضك ولحومك واسماكك لمده تكفي اسبوع وتطبخونهم بالبيت

صادق وضربه هالشيء على سبيل المثال بالذيب. .


جزاك الله خيرا ورحم الله والديك على المشاركه الطيبه بالموضوع ..

[النهار]

وينك ياولد العرب تعال شوف الدرر المنثوره
الله يرحم ايام كافتريا الورد حمد لين الحين تروح ولا غيرت

[حمد 2002]

وينك ياولد العرب تعال شوف الدرر المنثوره
الله يرحم ايام كافتريا الورد حمد لين الحين تروح ولا غيرت

ولد العرب مشغول بكتابه مواضيع عن الموتى والجرائم والضبان واللضفادع بالإستراحه هههه :( ..

الحين قمت اروح الؤلؤه وشكلي برجع للبيت ..

[ولد العرب]

بالله عليك ياعكرمه تبيني اشارك في موضوع معيض2002
ايش هالموضوع ينم عن فقر الفكري
بين عليه مفلس من مواضيعه
قال استراحه ولد العرب قال
علي الاقل اخذ اجر في ناس تفرح تنسئ همومها
:anger1:

[بانغ بانغ]

التثقيف والقناعة لهما دور كبير

البعض طول عمره في مطعم كيمه وفجأة ايروح اللؤلؤة

خلاص يبا عازمك على سوشي مع الشباب وراجي وبايلوت .

[ولد العرب]

ياخي شوسي ني ني :(

[بانغ بانغ]

ياخي شوسي ني ني :(

يعجبك مع خبز ايراني

وحمد بيدفع

[ولد العرب]

يسعد لي جوك يابانغ :omg:

[بوخميس]

أخالفك الرأي اخوي حمد

تسميح الخيوط يؤدي إلى إهدار الثروات السمكية، واصطياد أسماك محضورة أو مهددة بالانقراض.

ممكن نحول على الضبان كون البيئة القطرية مليئة بهذا المخلوق الجميل، ويعتبر لحمه من أفضل أنواع اللحوم الخضراء

[عطر فرنسي]

بالله عليك ياعكرمه تبيني اشارك في موضوع معيض2002
ايش هالموضوع ينم عن فقر الفكري
بين عليه مفلس من مواضيعه
قال استراحه ولد العرب قال
علي الاقل اخذ اجر في ناس تفرح تنسئ همومها
:anger1:

صحيح صحيح

[راجي الْعفو]

التثقيف والقناعة لهما دور كبير

البعض طول عمره في مطعم كيمه وفجأة ايروح اللؤلؤة

خلاص يبا عازمك على سوشي مع الشباب وراجي وبايلوت .

أنا لين الحين في بالي أول من عرض عليك عزومة السوشي ^_^

[لـبـيـه]

عطني اسم مطعم تم اغلاقه من البلديه ويوم رد افتحوه ماحصلت الناس بزياده عنده

مشكلتنه ماعندنه فن المقاطعه

سياستنه كل ممنوع مرغوب

[بانغ بانغ]

عطني اسم مطعم تم اغلاقه من البلديه ويوم رد افتحوه ماحصلت الناس بزياده عنده

مشكلتنه ماعندنه فن المقاطعه

سياستنه كل ممنوع مرغوب

بالضبط

عدم وجود ثقافة هاي المنحنى الخطير خاصة نقابات خاصة بهالمواضيع

[ماجد البدر]

المقاطعة سلاح فعال
و الطبخ في البيت هو عين العقل دام غالب اهل قطر عندهم خدم خلهم يغسلون الصحون و على الاب او الام الطبخ
طبعا طبخ على القد
اي شي بيصير حلو من يد الزوجة او العكس

[معماري قطري]

قبل التسمم موجود والمطاعم القذرة موجودة بس عين الرقيب مغمضة أو حتى ما فيه رقيب .. وألحين تغيرت الظروف

[qatari 111]

ليش مانسوي حملة مقاطعة المطاعم المخالفه راح يكون رادع لعم بشكل قوي وغيرهم راح يحسب الف حساب لهالشي لان فالاخر البلديه اللي عليهم ينفذون قوانينهم مشكوره وراح ينتهي الموضوع اما احنا كمرتادي المطاعم راح يكون بايدنا العقاب # (( سياسة المقاطعه ))

[7llo]

حمد طباخ البيت ممتاز ماعليه كلام , الحمدالله اعرف اطبخ كل شي ودوم اتفنن في العنه حق الربع بس تدري شنو المشكله انه دوامتنا طويله يعني اخلص دوام 3 ادخل البيت 4 الا ربع او 4 اذا واحد متزوج وعنده عيال العيال صعبه ينطرون لين 5 ونص او 6 عشان يتغدون ف الواحد يضطر ياكل من طباخ الخدامه اذا كان الاب والام دوامات

[بصمة قطرية]

واللي ما ياكل بحري شيصيد ..!!!
أكل البيت ما في أحسن منه
كفاية إنه نظيف ..
الحمدلله في بيتنا الأكل صحي
والمطاعم تكون لمجرد التغيير بس ..

[جمال اليافعي]

البلدية تحتاج الى تشريع جديد , وهو ارغام مدير المطعم بالتواجد فيه ( مدير و ليس صاحب الحلال ) معظم هذه المخالفات تحدث لعدم وجود مدير المطعم بالموقع او عدم وجوده بالاصل .

وظيفه مدير المطعم الاشراف على النظافة للمنشأة و الموظفين , حل مشاكل مرتادي المطعم , التأكد من صلاحية الاغذية , خلق بيئة صالحه للعمل.

يمكن عمل اختبارات لمدراء المطاعم من قبل البلدية والصحة , او اعطاءهم دورات , وبعدها تشديد العقوبة ان حدثت مخالفة مقصودة.

ولكن من الي بيسوي هذا كله ؟

ما اتوقع خبراء البلدية ولا الصحة عملوها في بلادهم ...

فكلامي هذا كله فاشل واسمحوا لي على الاطالة

لأن حنا اهل البلاد ما نعرف شي والخبير له الكلمة الاخيرة وان كانت مهب اختصاصة .

[معماري قطري]

البلدية تحتاج الى تشريع جديد , وهو ارغام مدير المطعم بالتواجد فيه ( مدير و ليس صاحب الحلال ) معظم هذه المخالفات تحدث لعدم وجود مدير المطعم بالموقع او عدم وجوده بالاصل .

وظيفه مدير المطعم الاشراف على النظافة للمنشأة و الموظفين , حل مشاكل مرتادي المطعم , التأكد من صلاحية الاغذية , خلق بيئة صالحه للعمل.

يمكن عمل اختبارات لمدراء المطاعم من قبل البلدية والصحة , او اعطاءهم دورات , وبعدها تشديد العقوبة ان حدثت مخالفة مقصودة.

ولكن من الي بيسوي هذا كله ؟

ما اتوقع خبراء البلدية ولا الصحة عملوها في بلادهم ...

فكلامي هذا كله فاشل واسمحوا لي على الاطالة

لأن حنا اهل البلاد ما نعرف شي والخبير له الكلمة الاخيرة وان كانت مهب اختصاصة .

هذا الصحيح والمفروض يسونه وغالبية المطاعم العالمية فيها مدير

[حليتان*]

سمج وخبز ايراني :omg:

وسمج ع العشا :secret: