الفحص الفني في الصناعية

[جوال 11]

من يمر في الشوارع القريبة من الفحص الفني في الصناعية سيشاهد ويعاني من الاختناق المروري ويحاصر نظرا لاستخدام الشاحنات المسارين للدخول لبوابة الفحص الفني وتتضرر مصالح الناس بالاضافة الى وقوف السيارات على يمين ويسار الشارع ولا يوجد من ينظم حركات هؤلاء السائقين الذين تجاوزوا كل قوانين المرور .هل هنالك من تحرك لنقل الفحص الفني للشاحنات خارج المنطقة الصناعية وان يكون لهم متسع ويمكن استخدام مواقف الشاحنات التي وفرتها الدولة خارج المدن والتي لا تستخدم اصلا .

[لـبـيـه]

الفحص الفني هذا نقمه للناس

[mersal]

اذا السيارة اجتازت الشوارع المؤدية للفحص الفنيه بدون اي مشاكل،،،

كن على ثقة انها ناجة والسيارة فيها شده لا تفرط فيها

[معماري قطري]

الفحص الفني هذا نقمه للناس

كم مرة وديت سيارتي الفحص الفني في أمريكا قبل ليكتشفونه هنيه .. فحصهم سريع وتكلفته بسيطة وكله مربوط بكمبيوتر المرور .. ونقاط الفحص منتشرة في أماكن الصيانة السريعة وتبديل الآيل في محطات كثيرة .. صدقني ولا يوم اذكر وقفت في طابور وحتى سيارتي ما انزل منها .. يمرر السكانر على رقم السيارة ويطلع كل المعلومات ويحط جهاز يفحص الانبعاثات وشغل كمبيوتر ويعطيك الستكر مال الترخيص تلزقه على الرقم وهو ستكر واحد ورقم واحد ورا جدام بدون للتوفير وما له داعي

[بانغ بانغ]

المشكلة احيانا ايناحسون وايجاملون ربعهم

سيارة قرمبع اتدخن تنجح وسيارة يديدة بس ليتاتها مرفوعة اشوي ترسب

مرة رسبوا واحد سيارته وسخة جدا من جراء المطر .... راح غسلها ورجع لهم ونجح

[MAZEN37]

رحت من يومين اجدد الاستماره الشرطي يقولي روح المعموره
يا عمي ليش صارلي ساعتين لين وصلت لكم قالي اصلا الفحص الفني للسيارات الكبيره والتريلات
ورجعت وفعلا تضايقت

[حليتان*]

اخس شي قرارهم السيارات الي تحت موديل 2000 تنفحص فالصناعيه ! ووفحصهم اصلا يخرب الموتر

انزين ليش ؟؟؟؟!

مره مودي موتر موديل 97 صبغ شركه وما اطلعه من البيت مخزن اندعم وانا طالع من الفحص :(

[مواقف النجادة]

جت على الفحص الفني بس ؟!
الصناعية بكبرها بلاء من رب العالمين يختبر فيها عباده
لو انا مسئول .. كان غصبت المقاولين اللي سوو شوارع الصناعية يفترون كل يوم على الشوارع اللي سووها كعقاب لهم لين ما تتكنسل مواترهم و تصيدهم امراض العمود الفقري..

[naklan]

الفحص الفني جباية من منلا يملك
لمن لا يستحق

[بوخالد911]

شوارع الصناعية يبيلها اقتلاع من الجذورررررر
يبيلهم يبدون من الصفر.

[نيساني]

صناعيه كلها حفرررررررررررررررررررررررررررررررررررررررررررررررر ررررررر

[توشيبا]

كم مرة وديت سيارتي الفحص الفني في أمريكا قبل ليكتشفونه هنيه .. فحصهم سريع وتكلفته بسيطة وكله مربوط بكمبيوتر المرور .. ونقاط الفحص منتشرة في أماكن الصيانة السريعة وتبديل الآيل في محطات كثيرة .. صدقني ولا يوم اذكر وقفت في طابور وحتى سيارتي ما انزل منها .. يمرر السكانر على رقم السيارة ويطلع كل المعلومات ويحط جهاز يفحص الانبعاثات وشغل كمبيوتر ويعطيك الستكر مال الترخيص تلزقه على الرقم وهو ستكر واحد ورقم واحد ورا جدام بدون للتوفير وما له داعي

عندنا قبل ادش الفحص ركب جانبينات واكسلات وبوشات من الوكاله وركبها في اي كراج وقول حق راعي الكراج برجع لك بعد الفحص الفني عشان تركب لي مره ثانيه

من ادش الفحص يحطونها فوق حدايد وترج السياره رج غير طبيعي ينبط لك الجابين ومزانيت السكان تخترب و الاكسل يخرب و البوشات تخترب

اذا كلها اختربت دفعه وحده مبروك ناجح

[ya3coub]

لا ابتدي

الله يهدي الي هناك شغالين من مسؤولين المرور خصوصا للصبغ على ناس و ناس و مطبه جنها جبل تتعلق فيها السيارة.


و الشوارع المؤدية متروسه احفر تتكسر و تتلعوز و تتشمخ السيارة قبل لا توصل عندهم.


و عن الشاحنات لو يسون باماكن بعيده خدمات فحص للشاحنات بتخف الزحمة.


و للسيارات نفس ما الجديدة مرة كل 3 سنين المفروض بعد التجديد كل 3 سنين الفحص و الواحد يرتاح و لما توصل 10 سنين بعدين كل سنتين او سنويا معقولة.

[المبرمج صلاح]

مستحيل اروح الصناعية وخاصة اللي عنده سيارة صالون ( السيارات الفورويل ما تتحمل شوارع الصناعية مابالكم بالصالون )
بعد ما فتحو الفحص الفني في بعض محطات بترول وقود وخاصة اللي في الدحيل ممتاز فحصت فيه اخر مرة من 3 شهور
بصراحة انبهرت النظام الجديد عندهم وطريقة وسرعة تخليص المعاملة

رحت الصباح الساعة 10 تقريبا دخل الفحص عالطول مباشرة عموظفة الاستقبال وانت جالس في السيارة تعطيك رقم و وصل تدخل عالفحص مباشرة
يفحصون السيارة من غير رفع ولا خطخطة وانت بجوار السيارة 10 دقايق وانت مخلص تركب السيارة تروح للضابط جالس في مكتبه وانت ما تنزل من السيارة هو عنده كاميرات تشوف السيارة من كل الزوايا يقولك بتوصلك رسالة النجاح عالجوال اركن سيارتك وادخل استلم المعاملة
مجرد تركن السيارة توصلك رسالة نجاح المركبة بتدخل عالموظفين بتامين وبترخص وبتستلم الاستمارة في نفس الوقت

هذه كلها خلال اقل من 40 دقيقة

هذا موقع الفحص الفني اللي بدحيل اللي حاب يروح يفحص هناك

https://goo.gl/maps/jzhXsUKSWk12

[تاجر كشخة]

المشكلة احيانا ايناحسون وايجاملون ربعهم

سيارة قرمبع اتدخن تنجح وسيارة يديدة بس ليتاتها مرفوعة اشوي ترسب

مرة رسبوا واحد سيارته وسخة جدا من جراء المطر .... راح غسلها ورجع لهم ونجح

صحيح السيارة لازم تكون نظيفة ولا ما بيتعاونون معاك وهذا حقهم

[تاجر كشخة]

شوارع الصناعية يبيلها اقتلاع من الجذورررررر
يبيلهم يبدون من الصفر.

او يسوون صناعية جديدة صوب ام صلال علشان يخف الضغط

[تاجر كشخة]

مستحيل اروح الصناعية وخاصة اللي عنده سيارة صالون ( السيارات الفورويل ما تتحمل شوارع الصناعية مابالكم بالصالون )
بعد ما فتحو الفحص الفني في بعض محطات بترول وقود وخاصة اللي في الدحيل ممتاز فحصت فيه اخر مرة من 3 شهور
بصراحة انبهرت النظام الجديد عندهم وطريقة وسرعة تخليص المعاملة

رحت الصباح الساعة 10 تقريبا دخل الفحص عالطول مباشرة عموظفة الاستقبال وانت جالس في السيارة تعطيك رقم و وصل تدخل عالفحص مباشرة
يفحصون السيارة من غير رفع ولا خطخطة وانت بجوار السيارة 10 دقايق وانت مخلص تركب السيارة تروح للضابط جالس في مكتبه وانت ما تنزل من السيارة هو عنده كاميرات تشوف السيارة من كل الزوايا يقولك بتوصلك رسالة النجاح عالجوال اركن سيارتك وادخل استلم المعاملة
مجرد تركن السيارة توصلك رسالة نجاح المركبة بتدخل عالموظفين بتامين وبترخص وبتستلم الاستمارة في نفس الوقت

هذه كلها خلال اقل من 40 دقيقة

هذا موقع الفحص الفني اللي بدحيل اللي حاب يروح يفحص هناك

https://goo.gl/maps/jzhXsUKSWk12

كانت لي تجربه غير موفقه معهم ورحت مجبور فحص الصناعية علشان أخلص السيارة

[هيليوم]

سيارات ما قبل 2000 عادي تدخل الفحص في الفروع الجديدة وللامانة الشغل سريع وما يقصرون