خبراء المالديف .... حياكم

[بانغ بانغ]

يعطيكم العافية شباب ومشرفنا الغالي

هل هاي وقت المالديف

افكر اسافر الويكند الجاي كم يوم .... هل فيها فعاليات ونشاطات والا بس سكن وريلاكس

واذا عندكم خبرة فنادق ... مابي اللي عالبحر مثل الاكواخ ايقولون البريعصية اتطب من فوق !

لحيني ماحجزت صراحة بس ناوي

شوكرن شباب

[ذكي جدااا]

مرحبا اخوي بانغ. ممكن تحط سيشل من ضمن الخيارات وتقارن بين الاثنين. واسمحلي عالمداخله

[سالم الزهران]

حياك يا اخ بانق ، الايام ذي انتهى موسم المالديف السياحي ويفترض تنخفض الاسعار مع انتهاء شهر مارس و اذا فيه شيء ممكن انبه عليه فهو المواصلات ، لازم الواحد يحط في حساباته ان بعض الوجهات يتم الوصول لها عن طريق الطائرة المائية او القوارب وهذه مجدولة بأوقات محددة ، فلا تعلق نفسك وضع في الجدول اول يوم و آخر يوم يكون في ماليه ، جزيرة المطار.

[بانغ بانغ]

مرحبا اخوي بانغ. ممكن تحط سيشل من ضمن الخيارات وتقارن بين الاثنين. واسمحلي عالمداخله

ايصبحك بالخير تشرفت بمشاركتك ... المشكلة اتوقع بعيدة سيشل وثاني شي مابي اطول حدي ثلاث ليال

بس فكرة والله اشكرك عليها

حبيب

[بانغ بانغ]

حياك يا اخ بانق ، الايام ذي انتهى موسم المالديف السياحي ويفترض تنخفض الاسعار مع انتهاء شهر مارس و اذا فيه شيء ممكن انبه عليه فهو المواصلات ، لازم الواحد يحط في حساباته ان بعض الوجهات يتم الوصول لها عن طريق الطائرة المائية او القوارب وهذه مجدولة بأوقات محددة ، فلا تعلق نفسك وضع في الجدول اول يوم و آخر يوم يكون في ماليه ، جزيرة المطار.

الله يجزاك خير .... نفس ما قالوا الشباب لي . تسلم

[ذكي جدااا]

http://www.qatarshares.com/vb/showthread.php?482248-%CA%DE%D1%ED%D1-%D3%DC%DC%DC%ED%DC%DC%DC%D4%DC%DC%DC%E1-%C8%DA%CF%D3%C9-HADi/page2
شوف هالتقرير بس اللي سمعته الحين ان القطرية وقفت رحلاتها الى سيشل. يعني في هالحاله الذهاب عن طريق الاماراتيه

[fantasy]

الله يوفقك بانغ بس اش دعوة بريعصية،، قاعد في أم الحول