تنبيه هام للآباء والأمهات !!!

[مشاكل]

السلام عليكم ورحمة الله وبركاته

ارجو من جميع اخواني واخواتي الاباء والامهات الانتباه لأبنائهم ان هناك بعض الحركات قاموا يسوونها بعض المراهقين وذلك بتشريط وتجريح اليد وهذي الحركة تقليد للشواذ في الغرب والمرضى النفسيين وذلك كنوع من اظهار الحزن او اليأس ،،، شوفوا الصورة علشان تعرفون الحركة شلون
96772
اتمنى ايضاً من المدرسين والمدرسات الانتباه للطلبة والطالبات وتنبيه الطلاب لخطر وحرمة هذا الأمر

والله من وراء القصد

[ضوى]

ماظهرت الصورة عندي ياخوي

[qatari911]

ماظهرت الصورة عندي ياخوي


http://www.qatarshares.com/vb/attachment.php?attachmentid=96772&d=1459673679

[بانغ بانغ]

جزاك الله خير مع اني اول مرة اسمع عنها

تطلع لنا اشياء غريبة من ورثة عبدة الشيطان المنتشرين في كل مكان

[qrt_trading]

ما تطلع الصوره أخوي

[رجل تعليم]

الصورة واضحة وطالعة مرتين
شكرا لك

[طبيب قطري]

self destructive behavior هذي الحركه وغيرها من حركات تشويه وايذاء الجسد هي من ضمن اعراض مرض اضطراب الشخصيه - المجموعه ب ( الشخصيه الحدوديه)

[qrt_trading]

الصورة واضحة وطالعة مرتين
شكرا لك

اخوي اذا الصورة ظاهرة عندك مرتين أنا ما طلعت لي ولا مرة

[التاجرالصغير]

يا خوي لاتنشر هالاشياء جزاك الله خير..وتكبر السالفة
مافيه شيء من اللي تقوله..ولا سمعنا شيء ولا شفنا شيء الله يرحم والديك..

[عثرة جواد]

للأسف اخوي منتشرة وبكثرة بين طلاب الإعدادية


ويتفاخرون فيها ويصير تحدي الي يحط حرف والي يحط خطوط ...

المشكلة المدارس ما تخذ الموضوع محمل الجد ومافي توعية .....

والاهل الله با الخير


عساااك ع االقوووة

[الماريّة]

وانا ماطلعت لي الصوره
شكل الدوام مشفر علينا كل شي

[مشاكل]

ماظهرت الصورة عندي ياخوي


وانا ماطلعت لي الصوره
شكل الدوام مشفر علينا كل شي

افتحوا الصفحة عن طريق الاجهزة الذكية

[مشاكل]

جزاك الله خير مع اني اول مرة اسمع عنها

تطلع لنا اشياء غريبة من ورثة عبدة الشيطان المنتشرين في كل مكان
وجزاك بمثله اخوي العزيز بانغ
هالامور ماكنا ندري عنها وماجتنا الا مع طوفان برامج التلفونات اللي شرها اكثر من خيرها

الصورة واضحة وطالعة مرتين
شكرا لك
تسلم اخوي العزيز ماقصرت

self destructive behavior هذي الحركه وغيرها من حركات تشويه وايذاء الجسد هي من ضمن اعراض مرض اضطراب الشخصيه - المجموعه ب ( الشخصيه الحدوديه)
اشكرك اخوي العزيز ع الاضافة المهمة وياليت لو عندك تفصيل اكثر تفيدنا فيه وجزاك الله خير

يا خوي لاتنشر هالاشياء جزاك الله خير..وتكبر السالفة
مافيه شيء من اللي تقوله..ولا سمعنا شيء ولا شفنا شيء الله يرحم والديك..
اخوي العزيز انا ماقلت شي من عندي والاخت الفاضلة عثرة جواد اكدت وجود هالشي عند البعض ،،، وبالعكس انا اشوف ضرورة تنبيه اولياء الامور لمتابعة ابنائهم ،، يمكن البعض يجهل هذا الشيء ويكتشف لاسمح الله ان احد من ابنائه يقلد في مثل هذي السلبيات ،، ولذلك الوقاية خير من العلاج

للأسف اخوي منتشرة وبكثرة بين طلاب الإعدادية


ويتفاخرون فيها ويصير تحدي الي يحط حرف والي يحط خطوط ...

المشكلة المدارس ما تخذ الموضوع محمل الجد ومافي توعية .....

والاهل الله با الخير


عساااك ع االقوووة
الف شكر لك اختي الفاضلة على الاضافة والله يستر علينا وعلى عيالنا من كل شر

[حليتان*]

من كم يوم المدرسه موقعين بنت اخوي تعهد ومصيحنها فالمدرسه
مسكينه يدها فيها شمخ من القطوه عزكم الله قالو هاي مقصصه يدها يعني حتى الي مايعرفون المدارس بيعلمونهم وله شسالفه !

[معماري قطري]

قبل البعض يحرق يده بعقب زقارة والحين القصة تتكرر

يحتاجون توعية وبصرامة .. بعدين وجود آلات حادة معاهم في المدارس المفروض يكون عقابه كبير وهذا معمول به حتى في مدارس العالم المتطور .. يمررونهم على كاشف الحديد

[بانغ بانغ]

لحد يزعل ... وين مشايخ الفضائيات والسناب شات والبرامج هذي

لازم تتغير المفاهيم الخاصة بالتوجيه والارشاد ...

استغرب من وجود مشايخ شباب بس همهم حشد اكبر عدد ممكن من الجمهور خاصة جيل الشباب ..

وامركزين على التدخين واهمية الوضوء والصلاة .... نعم هذي اولويات نعرفها كلنا حتى العاصي ايعرفها

وينهم من هالطوفان المعلوماتي والايديولوجي الخطير اللي يقتحم عقول المراهقين .... معقوول مش منتبهين له والا ما يتابعون بس همهم ضحك وتنكيت وتصوير

[العقل المدمر]

اووه هاذي من ايامي وانا فالاعدادية
بس احنا ننقش حروف ربعنا بالموس :tease:
ومن يقول الحين مب منتشرة لا والله الحين منتشرة اكثر بعد
وعارفين ان بهالطريقة يقدرون ينتحرون لما يقصون مادري اي عرج
للاسف اغلبية هالجيل خربان ويدرون بحرمة الموضوع ولا همهم
والنصيحة ماتفيد فيهم ولا الدلع اللي هم فيه فايد معاهم :secret:
مافيه الا يشيلون عنهم الادوات الحادة لين يكبر مخهم شوي

[المحاميه]

الله يهديهم ويصلحهم
عاد اخس شي طلاب الاعداديه
مرحلة المراهقه اصعب فتره
تكلمه ماتكلمه النتيجه 1
:secret:
المخ داق