عيادة اسنان شيل وتركيب اسنان اماميه وين ؟؟

[نفسي عزيزه]

السلام عليكم ورحمة الله وبركاته


بغيت عياده للاسنان شيل تركيب تقويم واسعارها زينه

واذا في شي حول الاند مارك زين

سمعت عن دكتور هندي بالخور جنب مطعم صديق حد جربه ؟؟ وشسم عيادته


وشكرا لكم

[بصمة قطرية]

و عليكم السلام و الرحمة
بالنسبة للتقويم*
في مجمع الشفاء الطبي دكتور إيراني ممتاز
و دوم مواعيده بعيده و زحمة عليه ..
و أسعاره شوي غالية ..
عندك عيادة الريم
دكتور التقويم هندي
وأسعارهم حلوة 6000-7000-8000
و بالأقساط ..
أول دفعة ألفين و عقب كل شهر 500

[نفسي عزيزه]

تسلمين بصمه على الرد والمعلومات

بارك الله فيج ونفع بج

[A-Alansari]

عيادة الريم في العزيزية

وايد زينة انا اتعامل معاهم

واذا بتروح حق تقويم اطلب الدكتور خان

مايكون متواجد في الدوحة يجي اسبوع كل شهر ويروح يعني لازم تسوي موعد حتى لو بالتلفون تتصل عليهم وتاخذ موعد معاه

اعتقد ب 7000 تركيب التقويم عندهم وتقدر تقسطها يعني تعطيهم 2000 دفعة اولى

وبعدها في كل موعد تدفع 300

[خليفـة]

روح شيراز
قيمة الطقم كامل هناك يعادل قيمة ضرس واحد في الدوحه
والضمان مدى الحياة

موفق ان شاء الله
خليفــة

[بوحارب]

روح شيراز نفس ما قالك خليفة وبالمرة جيب لنا معاك حلويات

[راجي الْعفو]

وخذ حسابي معاك في الحلا

بس تحمل ترد لنا من هناك معمّم ^_^

[بوحارب]

وخذ حسابي معاك في الحلا

بس تحمل ترد لنا من هناك معمّم ^_^

ههههههههههههههههههههههههههههههههههههههه

[نفسي عزيزه]

اشكركم جميعا ماقصرتو

وين اروح شيراز بيذبحوني بروحهم كارهينا :weeping:

خلنا هني ابرك لنا هههههههههههه

خليفه وبوحارب راجي شاك فيكم انكم معممين :shy:

يزاكم الله الف خير وارحم الله والديكم ومنكم نستفيد

خلال الاسبوع الجاي بامر على الي ذكرتوهم والي ذكرتهم اختنا شويهينه بموضوع جريدة المنتدى والله يفرجها واتمنى لكم اسنانا جميله مثل قلبكم الجميل

[النهار]

نفسو في دكتور شاطر هندي في عيادة نسيم الربيع
من تقطاح فالح نبن ناصر وانت متجه الي الدوار
تحمل تروح شيراز مافينا شده نراكض وراهم علشان يهدونك ههههههههههههههههههههههههه

[نفسي عزيزه]

النهار هههههههههههههههههههههههه

ان صادوني بيطبخوني باچه :(

وبيوزعون لحمي ياكلونه وعليه علي ياكلوني وانا حي :weeping:


تسلم للمعلومه يالحب نهور :shy:

[حمد 2002]

بالصناعيه خذ لفه من شارع 2 لين 15 ،،

عاد اهم شيء تكاسرهم بالسعر ..

بالتوفيق ..