استفسار الله لا يهينكم يالربع ،،

[r3aad]

يالربع بغيت اسال عن شركه الصباح لبناء فيلا

عطاني عظم وبلاستر المتر ب 1100
وعطاني عرض ثاني مع الكهرباء والسباكه كامل
وتركيب البلاط والتشطيب بس المواد علي

بس انا ماعندي فكره عن اسعار تركيب البلاط واسعار الصبغ
وبغيت اعرف سمعه الشركه واحسن طريقه للتعامل،،

انا يا اخواني فكرت ابني عنده عظم وبلاستر كامل
بس خفت ماحصل شركه تسوي الكهربا تكون ثقه ولا شركه سباكه تكون ثقه

شوركم يالربع ولا تهونون

[BoTamem]

مساء الخير اخوي شخبارك بالنسبة للكهرباء والسباكه كلمني بعطيك رقم مهندس شغال بفلتين لنا ما شاء الله شغله روعه وفنان واسعارها ممتاز

[BoTamem]

وبعد اخوي اذا بغيت شركة ممتازه للمقاولات ادلك عليها من تجربه وامانه بالشغل وحياك شوف شغلهم عندنا بالوكره واسعارهم ممتازه مقارنه بباقي الشركات

[r3aad]

انا رحت لها الشركات ، وشفت اكثر من شركه ، انا ارضي في بني هاجر ف مش اي شركه بتبني هناك

[بوحارب]

انا ممكن افيدك في امور الصبغ والديكور والجبسنبورد

:)

[r3aad]

لاهنت يابوحارب وبيض الله وجهك

[شموخ دائم]

,

,


مرحبا


اخوي الكريم

يعتبر السعر هذا السعر الطبيعي على الفيلا العاديه الي مافيها ديكور ثقيل ولا فيها كورنيش خرساني بالسطح
وكميات الحديد عاديه والنجاره سهله وحفر الموقع سهل ومافيه مشاكل لاصخور ولا منسوب ماء مرتفع
والارض مستواها قريب من منسوب الشارع

كل هذي الامور تدخل بالسعر عند المقاول الجيد
اما الي يحسب بالمتر هذي الامور تسبب له المشاكل اثناء سير المشروع

لان السعر مرتبط بالكميات وليس مثل ماهو دارج بين الناس ( بالمتر )

اكثر المقاولين الي يخسر والي يسكر شركته وتتراكم عليهم الديون بسبب حسبه المتر


لكن الاهم من السعر ان تكون الشركه ( جيده ) ولازم تسئل من بناء معاهم بالفتره الاخيره
زبائنهم الحاليين
من المفترض تشوف مشاريعهم الموجوده الان
شوفهم بنفسك واسئل اصحاب المشاريع

واذا ما عندك الخبره اللازمه اخذ معاك حد فاهم يشوف مشاريعهم لان الموضوع ليس ( نزهه ) الموضوع تقييم هذه الشركه

ولا تمشي على الكلام السطحي لما يرشحهم شخص وهو ما بناء معاهم


بالنسبه للكهرباء الافضل يكون الكهربائي تبع المقاول هو يكمل معاك للاخير
اذا كان الكهربائي جيد

حتى ما تتعرض لمشاكل لما تجيب كهربائي بعد العظم بيقولك البيبات مسكره وكل شوي يطلب عليك فلوس ( اظافيه )
وكل شوي يطلع لك مشكله بالبيت وشوي شوي تلاقي العقد ماله من 40 الف صار 80 الف وانت مو حاس بنفسك
:)

انتبه اخوي وبدل ما توفر بالسالفه تلاقي نفسك دفعت ( دبل ) كثير يوقعون بهذي الغلطه
خاصه الي يبني اول مره ماعنده الخبره لاداره هي المواضيع

تحتاج مقاول جيد وكهربائي جيد

خل اهتمامك الحين بالبحث عن ( مقاول جيد ) وبعدها مسئله الكهرباء



,

,

[معماري قطري]

,

,


مرحبا


اخوي الكريم

يعتبر السعر هذا السعر الطبيعي على الفيلا العاديه الي مافيها ديكور ثقيل ولا فيها كورنيش خرساني بالسطح
وكميات الحديد عاديه والنجاره سهله وحفر الموقع سهل ومافيه مشاكل لاصخور ولا منسوب ماء مرتفع
والارض مستواها قريب من منسوب الشارع

كل هذي الامور تدخل بالسعر عند المقاول الجيد
اما الي يحسب بالمتر هذي الامور تسبب له المشاكل اثناء سير المشروع

لان السعر مرتبط بالكميات وليس مثل ماهو دارج بين الناس ( بالمتر )

اكثر المقاولين الي يخسر والي يسكر شركته وتتراكم عليهم الديون بسبب حسبه المتر


لكن الاهم من السعر ان تكون الشركه ( جيده ) ولازم تسئل من بناء معاهم بالفتره الاخيره
زبائنهم الحاليين
من المفترض تشوف مشاريعهم الموجوده الان
شوفهم بنفسك واسئل اصحاب المشاريع

واذا ما عندك الخبره اللازمه اخذ معاك حد فاهم يشوف مشاريعهم لان الموضوع ليس ( نزهه ) الموضوع تقييم هذه الشركه

ولا تمشي على الكلام السطحي لما يرشحهم شخص وهو ما بناء معاهم


بالنسبه للكهرباء الافضل يكون الكهربائي تبع المقاول هو يكمل معاك للاخير
اذا كان الكهربائي جيد

حتى ما تتعرض لمشاكل لما تجيب كهربائي بعد العظم بيقولك البيبات مسكره وكل شوي يطلب عليك فلوس ( اظافيه )
وكل شوي يطلع لك مشكله بالبيت وشوي شوي تلاقي العقد ماله من 40 الف صار 80 الف وانت مو حاس بنفسك
:)

انتبه اخوي وبدل ما توفر بالسالفه تلاقي نفسك دفعت ( دبل ) كثير يوقعون بهذي الغلطه
خاصه الي يبني اول مره ماعنده الخبره لاداره هي المواضيع

تحتاج مقاول جيد وكهربائي جيد

خل اهتمامك الحين بالبحث عن ( مقاول جيد ) وبعدها مسئله الكهرباء



,

,

ما شاء الله عليك حكم هندسية وعقارية في نفس الوقت وكذلك إدارية

الكلام اللي مكبر وبالأسود للمقاولين وللملاك .. والمالك المفروض ما ياخذ الأرخص ألا يكون مضمون هو الأفضل ويحاول يشوف الجيد وبحدود السعر المعقول

[r3aad]

بيض الله وجيهكم وماقصرتو يالربع
انا سالت عنه و حتى في الكهربا والسباكه والتشطيب

[معماري قطري]

بيض الله وجيهكم وماقصرتو يالربع
انا سالت عنه و حتى في الكهربا والسباكه والتشطيب

الله يوفقك وكثير من المقاولين جيدين ويهتمون بالشغل ويطورون نفسهم .. يمكن انا ما اعرفهم ولا جربت اشتغل معاهم لذلك اذكر النقاط اللي نركز عليها .. حتى الزيارة لمقر الشركة ضرورية ورؤية الموظفين والمحاسبين وترتيب الإجتماعات كيف .. بعض الشركات لا مقر ولا إدارة صحيحة وأحد الإخوان يذكر لي بأن مكتبه هو سيارته وله علاقات مع عمال كثيرين في السوق ويرتب الشغل عن طريقهم

والحذر واجب من مقاولين الكتلوج اللي يدورون بكتلوجات في سياراتهم ولكل شيء .. هذيلا تسعيرهم غير واقعي وغالي ويجيبون شركات يتفقون معاها بالباطن بسعر رخيص .. تم الإتفاق مع صاحب الشغل هم رابحين ربح كبير ولو ما تم ما يخسرون شيء ولو الشركة اللي بيجيبونها سعرت غالي بقياسات وواقعية أكثر وطلع تسعيره غلط يحاول يرفع السعر وياخذ نصيبه لو ما وافق المالك يلغي الشغلة أو يقول للمقاول هذا المالك سارقني وما يدفع فلوس ويشرد المقاول

[r3aad]

لا هذي الشركه ماشاء الله موظفين وكل موظف له مكتبه وله شغله وكل شي يجي مرتب ومدروس صح ، والتسعير عطاني اياه في اوراق وبالتفصيل على حسب المواصفات والتركيب

[hamadazoz]

انصحك فيهم بقوة من واقع تجربة شركة ماعليها كلام

[معماري قطري]

توكل على الله غطيت الأشياء المهمة واتفاقك واضح وباقي توفيق الله

[r3aad]

لاهنت ياخوي معماري وماقصرت ياخوي