تسجيل الدخول

مشاهدة النسخة كاملة : تبديل شاشة ايفون 6 اس بلس


وجه السعد 2
04-04-2016, 11:02 AM
وين احسن مكان لتبديل شاشة ايفون 6 اس بلس وكم يكلف تقريبا
خليفـة
04-04-2016, 11:22 AM
خذ لك واحد جديد وفك عمرك
مافيه شغل مثل شد الشركة

موفق ان شاء الله

خليفــة
بعيد النظر
04-04-2016, 01:11 PM
مافي احسن مكان ..
كلهم نفس الشي ..


السد - النصر - الغرافة - المطار ..


سعر العادي ال 6 .. 400 ريال + او - ..
فـ أتوقع البلس ب 600 + ..


وبالتوفيق
asulaiti
04-04-2016, 02:02 PM
الله يعينك ..

نصيحتي لك .. شوف لك شاشة من أمازون حاصلة على تقييم عالي واشترها ..
وشوف لك محل تلفونات معروف .. وخله يبدل لك الشاشة جدامك ..

غير ذلك لا تغامر وتخسر فلوسك .. الشاشات الموجودة كلها غير أصلية ..
وانت حظك في جودتها .. مرة تضبط معاك .. ومرة تحس في بعض أماكن الشاشة الآيفون لا يستجيب للمس ..

بالتوفيق ..
غير البشر
04-04-2016, 02:09 PM
انا من اسبوع مغير شاشه ايفون 6 بلس بمبلغ 1200 درهم في الامارات
ارخص مكان الباقي قالو لي في حدود 1600 درهم

لكن نصيحه اذا قريب رايح دبي ممكن تروح محل ابل في الامارات مول وتاخذ موعد
وراح يكلفك تقريبا 500 درهم

انا ماقدرت انتظر الموعد وبدلتها برع

حتى في الدوحه ماعتقد تحصلها اقل من 1200 ريال
Dana’1
04-04-2016, 02:27 PM
تو كنت برد نفس رد غير البشر
احنا غيرنا ثلاث جوالات ب أبل ستور دبي
fantasy
24-04-2016, 08:51 AM
اخواني ماعرف عن ايفون بلاس
بس انا ايفون 6 العادي انكسرت شاشته يمكن ثلاث مرات
مرة ماكنت مستعجل طلبتها من علي اكسبرس بمتين تقريبا و وديتها محل سواها بميه
والثانيه كنت مستعجل بدلتها بمحل عادي بحدود 300
اخلر مرة من اسبوعين في الصيني بالامارات ربع ساعه جهزه لي ب 250
اتوقع البلاس ب300 الى 350 ريال
السكين
03-05-2016, 12:51 AM
اخوي اسأل مجرب انا أمس مبدلها بمحل فورجي بالغرافة بـ 500 ريال ، وبدلتها لاختي اليوم من ستار لنك بألف ريال.
المحلات عندك من 450 ريال الى 600 ريال.

من النت بتحصل من 150 ريال وطالع وكله تجاري ولا يقص عليك حد ويقول لك اصلي وكوبي ون كلللللهم كذابين.

ستار لنك بنفسهم قالوا لي احنا نفس اللي بره تجااااري .

مافي واحد بقطر كسر شاشات ايفوناته قدي ، فنصيحتي لك ركبها بمحلات معروفة وابعد عن النت لاني شريتها قبل مع التركيب كلفتني 300 بس تركيبهم زفت ولو رجعت لهم يقولك من شاشتك لانها تجاريك.

بالتوفيق
.قطر.
03-05-2016, 02:42 PM
انا بدلتها عند تكنو فكس بـ 600 قالي اصليه
هم يجونك البيت يصلحون الجوال مايحتاج تتعنى :nice:
ضوى
03-05-2016, 02:51 PM
اخوي قطر ممكن رقمهم

ودي اكسر الجوال فوق راس بنتي من كثر ماتكسر شاشات
بريق الحق
03-05-2016, 02:58 PM
هههههههههه اضحك الله سنك ضوى