منع الشاحنات من استخدام 22 فبراير

[مرتبش]

هل خبر منع الشاحنات والباصات وسيارات النقل الكبيرة من استخدام الطريق السريع او مايعرف بطريق 22 فبراير او طريق الشمال (طب وتخير) والمنشور في الجرايد
http://www.al-sharq.com/news/details/411932
خبر حقيقي ام فكرة للمستقبل ام دعاية واعلان.. مريت اليوم العصر في الشارع وتاتا في كل مكان والمازدا محملة بكل شي والخويا موجودين عادي والمرور مسكرين مدخل الطريق عند سوق العلي عادي .. حسيت ان الخبر كذبة ابريل .
اذا المرور مايقدرون يطبقون قرار المنع ليش يصدرونه!!

[.قطر.]

هاي التساؤل يدور ف بالي بعد :con2:
انا قاري الخبر من فتره ف المنتدى ورديت عليه باني توقعت مايكون في التزام والظاهر توقعي كان صح

[نفسي عزيزه]

انا عادي ادخله بالهولكس الحمدلله

مكتوب شاحنه على الهلوكس عشان ماتقولون اتطنز

[بانغ بانغ]

هو اصلا هل تركيبة الشوارع تستحمل شاحنات

[معماري قطري]

هو اصلا هل تركيبة الشوارع تستحمل شاحنات

هذا منجز حديث والمفروض انتبهوا لفكرة سياراتنا خفيفة

[معماري قطري]

هل خبر منع الشاحنات والباصات وسيارات النقل الكبيرة من استخدام الطريق السريع او مايعرف بطريق 22 فبراير او طريق الشمال (طب وتخير) والمنشور في الجرايد
http://www.al-sharq.com/news/details/411932
خبر حقيقي ام فكرة للمستقبل ام دعاية واعلان.. مريت اليوم العصر في الشارع وتاتا في كل مكان والمازدا محملة بكل شي والخويا موجودين عادي والمرور مسكرين مدخل الطريق عند سوق العلي عادي .. حسيت ان الخبر كذبة ابريل .
اذا المرور مايقدرون يطبقون قرار المنع ليش يصدرونه!!

إذا الجريدة صادقة في نقل الخبر فالخبر واضح ولازم على المخالف غرامة بس ما ذكروا الغرامة كم

[النهار]

حسب التصريحات الصادره من ادارة المرور ان نظام منع الشاحنات لم يطبق حتى الان
الي قاعدين تشوفونه من تحويل مسارات الشاحنات هذه الايام الي المسارات الاخرى هي تمهيد للتطبيق الفعلي بعد تركيب اللوحات الارشاديه
والكيمرات الحراريه يتم التطبيق الفعلي من منع الشاحنات من الساعه 5 الفجر الي الساعه 10 مساء
من كم يوم تم تركيب الكيمرات من الجهتين في عدة اماكن وخاصه عند المداخل والمخارج

[بوخالد911]

ان شاء الله بتخف الزحمة
ولكن ما هو الحل مع ( سلاحف الطريق ) !؟!؟!؟

[مرتبش]

مواطنون: منع مرور الشاحنات بشارع 22 فبراير... خلق انسيابية واضحة للمركبات

محليات السبت 02-04-2016 الساعة 08:17 م
http://www.al-sharq.com/news/details/412634
عنوان اخر من نفس الجريدة .. ضعنا في الطوشة

[A-Alansari]

ان شاء الله بتخف الزحمة
ولكن ما هو الحل مع ( سلاحف الطريق ) !؟!؟!؟

بعد تفكير عميق والحالات الي شفتها جدامي في الشارع

وصلت لحل

ماطلع من البيت الا لضروره

[@north_star@]

المشكلة مب بالشاحنات المشكلة بالسلاحف على قولة اخونا بوخالد وخاصة اللي ماسكين خط اليسار هم السبب الرئيسي للزحمة ويسببون حوادث تسكر الشارع بكبره

[ابوالعبد]

المشكله مب مشكله شاحنات تخطيط الشارع فبراير خطا شارع يودي الي معظم مناطق الدوله وشارع ضيق ليش مايسونهظ¦ خطوط ترى الوسع حلو لما يوسعونه ويظبطونهماراح يكون فيه زحمه مثل شوارع دبي عندهم شارع ظ¦ حارات

[شيخ الديرة]

اذا اردت ان تطاع، فأمر بالمستطاع

اولاً، لم يعطوا الوقت الكافي لتبليغ السواق
ثانياً لم يقترحوا طرق بديلة
ثالثاً لا اتوقع انهم سوف يوقفون السير حتى يعطون غرامات للمخالفين

[بو راشد 1]

دائما يطلعون قرارت، و ما يقدرون يطبقونها، تذكرت اول ما انزلت الارقام المميزة في المرور، من القوانين: ممنوع البيع، ممنوع التنازل، و اذا مت الرقم لا يورث، .... الخ.
شارع 22 فبراير كما كان, ما شفت فرق بين شهر مارس و شهر ابريل.

[فيصل99]

ننتظر التطبيق على الواقع ونشوف النتائج

[BoTamem]

السموحة منكم الله يلعن الشاحنات 100 مره استهتار واضح الارواح امس ماشي عالخط 100 وراي شاحنه يفلل استغربت يعني كم تبي تمشي قالت خليني اقهره ومشيت 20 لين وصلت هههههههههههههههههه اقسم بالله حرام ولازم يتم اتاخذ اجراءات صارمه معاهم