عرض قطري لشراء دار أزياء فرنسي ب 3 مليار ريال قطري تقريبا

[لـبـيـه]

مقابل 500 مليون يورو
عرض قطري لشراء دار أزياء فرنسي
اهتمت جميع وسائل الإعلام الفرنسية المرئية والمكتوبة
والمسموعة، بخبر تقدم قطر لدخول عالم الجودة الفرنسي بعرض
ضخم لشراء دار الأزياء الفرنسية الشهيرة "بيير بالمان"، بعد أن
تملكت منذ عام 2012 دار الأزياء الإيطالية الشهيرة "فالنتينو".
وأعرب جهاز قطر للاستثمار عن اهتمامه بشراء بالمان الراقية
بمبلغ 500 مليون يورو قبل موعد افتتاح المزاد العلني؛ لتنافس
بذلك الدوحة بقوة كلا من الصين والولايات المتحدة

منقول جريدة الشرق

[بانغ بانغ]

وين راح مشروع qela للازياء ؟؟؟؟؟؟

[مفكر قطري]

بالمان ماركة حلوة و راقية و تستاهل و الله يوفقهم في الصفقة!
و ان شاء الله يفتحون في الدوحة و يسوون لنا خصم

[غريب الدّار]

عسى الله يزيد ويبارك

بالتوفيق

[حمد بن سعد]

يابلاش

[الدكتور عزوز]

تعجبني استثمارات جهاز قطر للإستثمار ، الله يوفقهم ونتمنى ان يكون لهذا الاستثمار عوائد جيدة

[qatara]

الله يغنيا بالستثمار الي فيه خير بما يفيد ويوجر ويبارك فيه

الله المستعان

[الدوحه1]

عرض قطري لشراء لاعب ب 800 مليون ريال!!!!!!!!!!!!!!!!
للعلم نادي باريس سان جيرمن مملوك لجهاز قطر للاستثمار الرياضي

مصدر الخبر : قناة الكأس

السؤال من اللي بيدفع هالمبلغ؟؟؟؟؟

الحين بينقز لي واحد وبيقول انت اشفهمك هال 800 مليون ولا شي والنادي مدخوله بالمليارات!!!!!


http://www11.0zz0.com/2016/04/05/11/781887758.jpg (https://www.0zz0.com)

[رآعي موآجيب]

يوم شرت قطر الهارودز في الـ 2010 بمبلغ 7 مليار وشوي ، في وقت كانت الاوضاع فيه مريبه والاقتصاد الامريكي ينهار والاتحاد الاوروبي مبلتش في اليونان ودول الخليج تلوح بربط حزام التقشف ، تضايقت جدا بيني وبين نفسي ، وقلت هالمبلغ كله علشان مجمع شوفني واشوفك في لندن !!

ولكن غيرت رأيي بعد ما تم الافصاح عن الارباح بعد هالصفقه بسنتين بالضبط ، وكانت حوالي نصف مليار ريال ، طبعا الارباح كانت جدا ممتازه مقابل رأس المال المدفوع وخلال فتره بسيطه

من ذاك اليوم عرفت ان ربعنا يعرفون شيسوون بالضبط ولا عليهم خوف :nice:

والحين بكل أمانه هالخبر ضايقني شوي ، لأن الظروف الحاليه تشابه ظروف العالم وقت شراء الهارودز ان لم تكن اسوء ، ولكن هناك شيء بداخلي يقول

( انت ما توب :anger1: )

صفقة الهارودز كانت ناجحه بكل المقاييس ، وان شاء الله هالصفقه تكون نفس الهاردوز وافضل بأذن الله

التنوع الاستثماري مطلوب في هالظروف والاوضاع اللي ماعاد حد يعرف لها او يتنبأ بالأوضاع المستقبيله .

[بانغ بانغ]

عرض قطري لشراء لاعب ب 800 مليون ريال!!!!!!!!!!!!!!!!
للعلم نادي باريس سان جيرمن مملوك لجهاز قطر للاستثمار الرياضي

مصدر الخبر : قناة الكأس

السؤال من اللي بيدفع هالمبلغ؟؟؟؟؟

الحين بينقز لي واحد وبيقول انت اشفهمك هال 800 مليون ولا شي والنادي مدخوله بالمليارات!!!!!


http://www11.0zz0.com/2016/04/05/11/781887758.jpg (https://www.0zz0.com)

اخوي النادي مملوك لشركة قطر للاستثمارات الرياضية برئاسة الخليفي

[مخطط قطري]

500 مليون يورو تعادل تقريبا 2 مليار ريال

[بانغ بانغ]

اذا اللاعب بيدخل مليارات عالبلد فلم لا

كان زين شافوني يوم كنت العب في الشباب والناشئين .... ما كنت بكلف شي !!!

[qatara]

عرض قطري لشراء لاعب ب 800 مليون ريال!!!!!!!!!!!!!!!!
للعلم نادي باريس سان جيرمن مملوك لجهاز قطر للاستثمار الرياضي

مصدر الخبر : قناة الكأس

السؤال من اللي بيدفع هالمبلغ؟؟؟؟؟

الحين بينقز لي واحد وبيقول انت اشفهمك هال 800 مليون ولا شي والنادي مدخوله بالمليارات!!!!!


http://www11.0zz0.com/2016/04/05/11/781887758.jpg (https://www.0zz0.com)

"ثم لتسألن يومئذ عن النعيم"

الله مسائل الانسان عن الريال الحلال من اين اتا وفيما صرف وهو ريال حلال

فمابلك في ما يصرف في الحرام او في واللهو اوفي التبذير



الله المستعان

[نايم سهران]

الله يديم النعمه علينا ويجعلنا شاكرين لها ،،

النعمه زواله ،،

﴿ وَضَرَبَ اللَّهُ مَثَلاً قَرْيَةً كَانَتْ آَمِنَةً مُطْمَئِنَّةً يَأْتِيهَا رِزْقُهَا رَغَداً مِنْ كُلِّ مَكَانٍ فَكَفَرَتْ بِأَنْعُمِ اللَّهِ فَأَذَاقَهَا اللَّهُ لِبَاسَ الْجُوعِ وَالْخَوْفِ بِمَا كَانُوا يَصْنَعُونَ ﴾


وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ

[shadad]

البلد يمر بحالة اقتصادية ولزوم الفلوس تروح لنوادي وشراء لاعبين ما منهم اي فايده. واللي يفكر بمدخول من اللاعب اقوله استريح. لو منه هو والا ناديه فايده ما كان انباع. سلامي للبرشا والريال بس اللي هي صج نوادي.

[الماريّة]

ان كان فيها خير للبلاد والعباد الله يوفق ويسهل كل امر
والله لايواخذنا ان كان علينا ذنب لان اغلب ملابسهم غير ستيره

الله يغفر لنا

[جبر ال جبر]

شخبار التقشف ؟

[غريب الدّار]

شخبار التقشف ؟

يسلم عليك :)


لا خلني أقول لك شغلة اخوي جبر لو تسمح :

انا اعتقد ان الحديث عن التقشف في مثل هالسياق هو كلام بعيد عن المضمون تماما وفي غير محله ،وياخذ الموضوع لمنحى آخر

لان اذا خذنا التقشف ذريعة لعدم الاستثمار ، فراح يصير الوضع : من جرف لدحديرة

فبالتالي أعتقد ان الاستثمار في مثل هالظروف وغيرها هو ملاذ آمن
وأعتقد ان الاستثمار الصحيح في مثل هالظروف قد يقضي على التقشف شيئا فشيئا


وأتمنى اهل الاقتصاد يفيدونا في الموضوع

[qatara]

شخبار التقشف ؟

حتى لو لم يكن هناك تقشف فهل هذا يرضي الله

هل البشر نست سوال العزيز المتعالي وحسابه على مقدار ذره فما بالك بكل هذه المبالغ ؟!

بماذا سيجيب الانسان الضعيف عندما يساله الله عن هذه المبالغ من اين اتت وفيما صرفت

الله المستعان

[شالح بن هدلان]

يا حكومة


نبــأ قصـــايد

[سليمان احمد]

يسلم عليك :)


لا خلني أقول لك شغلة اخوي جبر لو تسمح :

انا اعتقد ان الحديث عن التقشف في مثل هالسياق هو كلام بعيد عن المضمون تماما وفي غير محله ،وياخذ الموضوع لمنحى آخر

لان اذا خذنا التقشف ذريعة لعدم الاستثمار ، فراح يصير الوضع : من جرف لدحديرة

فبالتالي أعتقد ان الاستثمار في مثل هالظروف وغيرها هو ملاذ آمن
وأعتقد ان الاستثمار الصحيح في مثل هالظروف قد يقضي على التقشف شيئا فشيئا


وأتمنى اهل الاقتصاد يفيدونا في الموضوع




انت تقول انك تعتقد ان الاستثمار الان ملاذ امن

طيب الان احنا في تقشف والدوله بدات في بعض محاوله التعويض

الاستثمارات القديمه في هارودز وغيرها هذا وقتها خل نشوف العوائد اللي تعود بالنفع علينا هذا وقتها

عشان نقتنع ان احنا نستثمر الان في وقت التقشف للوقت القادم خل نبدا بحل الازمه الحاليه قبل لانفكر في الازمه

الاكبر قبل لا نعود الى مرحله نقترض من الدول لان الدول اللي استثمرنا فيها فلوسنا اصبحت دول مفلسه

[غريب الدّار]

مرحبا اخوي سليمان


انت تقول انك تعتقد ان الاستثمار الان ملاذ امن

نعم أقول هالكلام


طيب الان احنا في تقشف والدوله بدات في بعض محاوله التعويض

الاستثمارات القديمه في هارودز وغيرها هذا وقتها خل نشوف العوائد اللي تعود بالنفع علينا هذا وقتها

شوف اخوي أقول لك شغلة :
من قال لك ان هالاستثمارات ماتنفعنا الحين ؟

لو نكون منصفين :
احنا حتى مع إجراءات التقشف ولله الحمد ، المواطن ماتضرر بذيك الدرجة الكبيرة
مع ان احنا دولة نفطية والنفط نزلت أسعاره بشكل كبير جدا
ومع هذا اللهم لك الحمد التأثير محدود جدا في الدولة

قد يكون ذلك بفضل الله طبعا أولا وأخيرا ثم بفضل الاستثمارات اللي الدولة سوتها سابقا

يعني في ناس اخوي سليمان (وماادري اذا كنت منهم او لا ) انا احس انهم يبون الدولة توزع عليهم فلوس في الطالعة والنازلة بس علشان تثبت لهم ان الاستثمارات ناجحة !! ----------------> وطبعا هذا مجرد إحساس قد أكون مخطئ فيه لاني مبني على أساس مب قوي

ترى مب شرط الدولة توزع فلوس او ترفع رواتب مثلا علشان تكون استثماراتها ناجحة (ويمكن يحصل هالشي طبعا لكن مب شرط)



عشان نقتنع ان احنا نستثمر الان في وقت التقشف للوقت القادم خل نبدا بحل الازمه الحاليه قبل لانفكر في الازمه

الاكبر قبل لا نعود الى مرحله نقترض من الدول لان الدول اللي استثمرنا فيها فلوسنا اصبحت دول مفلسه
انا اعتقد اخوي سليمان ان الوضع الاقتصادي للدولة بفضل الله سبحانه أولا وأخيرا ثم بفضل القيادة الرشيدة خططت وتخطط صح للوضع

وهالكلام قاله طويل العمر في خطابه مرة ان الوضع يدعو للحذر وليس الى الخوف
وخلني أكون صريح وياك وأقول ان لولا الاستثمارات اللي استثمرتها الدولة وعوايدها (بالإضافة طبعا الى العوائد الأخرى) اعتقد ان وضعنا راح يكون جدا جدا سئ


والله يوفق الجميع لما فيه الخير يارب