افضل واسرع طريقة لتشطيب بيت عظم

[بدوور]

خلال شهربأذن الله سوف نستلم الفلا عظم من المقاول بعد اكتمال البناء
وبما ان التشطيب الجيد لا يقل اهمية عن البناء فارجو المساعدة في اسم شركة مضمونه ومجربة لاجراء كل ما يلزم بداية من اعمال
السباكة الى تسليم المفتاح
وفي ضوء خبرتكم كم المفروض مدة عقد التشطيب ؟ وهل هذي المرحلة تحتاج استشاري؟
مع خالص التقدير

[بن غيث]

موفق ان شاء الله

[سعود.]

من 6 الى 7 شهور معقولة

مدة التنفيذ مش اهم من التشطيب نفسة .

انا حاليا ابني فلتين وحدة للحين واصل البنت هاوس .

والثانية اشطب من تقريبآ 3 شهور .

خلصت العازل ( والكهرباء والماي ) 80% تقريبا خالص الديكور شبة خالص

الاسبوع هذا ببداء اركب ارضيات دورات المياه .

اكيد استشاري يكون موجود .

[شموخ دائم]

,

,


مرحبا


الاستشاري الان ( اهم ) من المقاول

والمواصفات لكل شي مهمه جدا جدا جدا ولازم تكون مفصله بالتفصيل الممل النوع والشكل والسعر لكل شي
وصناعته واسم الشركه
وتقديم السنابل والعينات لكل شي قبل تركيبه

اعتقد الوقت بيكون بحدود 6 شهور
اذا كل شي واضح ومعروف ( والديكور الداخلي ) متفق عليه ويوجد له رسومات
مثل الجبس والارضيات وديكور الحوائط والارضيات والمقاول جيد والفلوس جاهزه
ويمكن تمتد الفتره الى سنه واكثر اذا الامور غير مرتبه وغير معروف ما سوف يتم تركيبه ولايوجد تاربخ محدد لانهاء الاعمال

بالنسبه لشركات التشطيب
في الحقيقه السوق القطري لايوجد فيه شركات ( محترفه ) للتشطيب الفلل المتوسطه
ولكنهم ( مقاولين ) عاديين
وهناك شركات خاصه للديكور تقدم خدمات vip

يعني اما واحد وشركه ( متعب ) اما واحد وشركه غاليه جدا جدا وغير منطقي بالسعر

:)

,

,

[BoTamem]

اخوي اهم خطة التنفيذ والوقت الزمني ولا لو تركت مقاول على راحته سلامتك بعد سنة عادي

[معماري قطري]

ليش الاستشاري مهم؟

لأن الاستشاري يضبط عقودك مع المقاولين والمواصفات وتفاصيل التركيب .. فلازم تنفذ عن طريقة لأن هو مخول قانونياً لضبط العقد والشغل وشاهد على الاتفاق وحتى البنود المالية ويتابع التنفيذ حسب أُصول الصنعة وحسب المواصفات والشروط اللي المفروض تكون واضحة

[بدوور]

جزاكم الله الف خير على التفاعل والمقترحات المفيده وممكن اطمع اكثر في ترشيح مهندس استشاري او شركة ثقة يتولى الموضوع

[Azizuk]

ليش الاستشاري مهم؟

لأن الاستشاري يضبط عقودك مع المقاولين والمواصفات وتفاصيل التركيب .. فلازم تنفذ عن طريقة لأن هو مخول قانونياً لضبط العقد والشغل وشاهد على الاتفاق وحتى البنود المالية ويتابع التنفيذ حسب أُصول الصنعة وحسب المواصفات والشروط اللي المفروض تكون واضحة



بوعبدالله الاستشاري للعقود والمشاريع الضخمة اصحاب الشركات الكبيرة اللي عندهم محامين وقانونيون

او تاجر كبير له وزنه وله نفوذه يقدر يأخذ حقه بسرعة

اما المواطن العادي مااعتقد يقدر يطّلع حقه بالسهولة

الا راح تطلع روحه مع المقاول والاستشاري لين يطّلع له حكم من المحكمة

انا أقول انت وحضك مع المقاول والشركة المنفذة

الحين في نوعا ما الاستشاري يخاف عند توقيع العقد مع بنك التنمية بس بعد مايخلص قيمة القرض من بنك التنمية

الاستشاري ماله اي دور ومش مرتبط باعقد التشطيب مع جهة رسمية مثل بنك التنمية

الا اذا انت وثقة العقد في وزارة العدل

عندي واحد من الربع اختلف مع شركة ويوم راح يشتكي في المحكمة وقدم لهم العقد والعقد مختوم من الشركة

طلبت منهم المحكمة توثيق العقد في وزارة العدل عشان يكون معتمد ؟؟؟؟؟

انا مستغرب الشركة او المقاول مهب مخول من الجهات الرسمية من الدولة

من وزارة البلدية والداخلية والتجارة والاقتصاد والى اخ....... من الجهات الرسمة ليش بعد توثيق العقد والمرمطه والشحططه من مكان الى مكان

هذا غير عوار القلب لين يطّلع لك الحكم إجراءات طويلة

الواحد الحين يايشطب بروحه او يشوف له شركة محترمة تشطب له

قول لو الشركة المنفذة عارفة ان راح يتحاسب حساب يوقفه عند حده

ويعرف ان راح يخسر بعدين راح يحترم عقدة ويلتزم بالعقد

[hamadazoz]

و الله ياخوك انا حاليا قاعد اشطب بروحي الشغله يبيلها شوية تعب ومتابعة ومراقبة و قبل كل شي توفيق من الله احسن من الشركات بمراحل وينجزون العمل بسرعة مايبيلها شي ترا لالن اغلب الشغل راح يقوم به شركات يتعاقدون معاهم فانت اختصر الطريق على نفسك

[سعود.]

الأستشاري

مب شرط يوصل المساله للقضاء ممكن يشوف خطأ في التشطيب ويعدلة من مواد او مواصفات او طريقة تنفيذ اواواو........الخ .

غير كذا شركة التشطيب تحاسب منة لنها عارفة ان وراها أستشاري بعكس عدم وجودة .

وفيه شغلات ممكن المالك مب عارفها. يساعدة فيها الأستشاري .

[معماري قطري]

الأستشاري

مب شرط يوصل المساله للقضاء ممكن يشوف خطأ في التشطيب ويعدلة من مواد او مواصفات او طريقة تنفيذ اواواو........الخ .

غير كذا شركة التشطيب تحاسب منة لنها عارفة ان وراها أستشاري بعكس عدم وجودة .

وفيه شغلات ممكن المالك مب عارفها. يساعدة فيها الأستشاري .

قلت اللي ابي اقوله وانا ما اتعامل مع كثير من الاستشاريين الا الزين منهم وتعاملي مع الاستشاري للصفة القانونية وللتخصصات اللي ما اعرف فيها بعمق مثل الكهرباء

[معماري قطري]

بوعبدالله الاستشاري للعقود والمشاريع الضخمة اصحاب الشركات الكبيرة اللي عندهم محامين وقانونيون

او تاجر كبير له وزنه وله نفوذه يقدر يأخذ حقه بسرعة

اما المواطن العادي مااعتقد يقدر يطّلع حقه بالسهولة

الا راح تطلع روحه مع المقاول والاستشاري لين يطّلع له حكم من المحكمة

انا أقول انت وحضك مع المقاول والشركة المنفذة

الحين في نوعا ما الاستشاري يخاف عند توقيع العقد مع بنك التنمية بس بعد مايخلص قيمة القرض من بنك التنمية

الاستشاري ماله اي دور ومش مرتبط باعقد التشطيب مع جهة رسمية مثل بنك التنمية

الا اذا انت وثقة العقد في وزارة العدل

عندي واحد من الربع اختلف مع شركة ويوم راح يشتكي في المحكمة وقدم لهم العقد والعقد مختوم من الشركة

طلبت منهم المحكمة توثيق العقد في وزارة العدل عشان يكون معتمد ؟؟؟؟؟

انا مستغرب الشركة او المقاول مهب مخول من الجهات الرسمية من الدولة

من وزارة البلدية والداخلية والتجارة والاقتصاد والى اخ....... من الجهات الرسمة ليش بعد توثيق العقد والمرمطه والشحططه من مكان الى مكان

هذا غير عوار القلب لين يطّلع لك الحكم إجراءات طويلة

الواحد الحين يايشطب بروحه او يشوف له شركة محترمة تشطب له

قول لو الشركة المنفذة عارفة ان راح يتحاسب حساب يوقفه عند حده

ويعرف ان راح يخسر بعدين راح يحترم عقدة ويلتزم بالعقد

مشكلتنا كل واحد يحط قانون من عنده والا المفروض الاستشاري مؤتمن على العقد وصيغته وعلى حقوق المالك في حدود العقد ومواصفات البناء وآخرها أُصول الصنعة .. بعض المقاولين يقلب أُصول الصنعة ويقنعك إن شغله صح لكن الاستشاري فاهم ونبيه وينبهك له

صف الطابوق من أسهل الأعمال لكن يحتاج إجراءات 1 و 2 و 3 وخطوات محددة .. بعض العمال يختصرون لك من 1 ينقزون ل 4 أو 5 ويخلصون بسرعة وبعدين تعال شوف الشلوخ

يبدأ صف الطابوق من شراء النوع المرشوش بالماء مدة 3 أسابيع ومقوى وناشف من الماء وبعضهم يجيبه ما له يوم طالع من المعمل لا تقوية ولا رش بالماء .. صف الطابوق يفترض قبل يغمسه في الماء شوي حتى يتجانس مع المونة ولا يشرب الماء اللي في المونة .. المونة لازم تكون في كل جهات الطابوقة وبعرض 2 - 3 سم ولازم خلطتها خاصة اعتقد 1.5 إسمنت ل 3 رمل كمقادير والرمل خشن ومغسول والماء صالح للشرب مع إن الخالي من الأملاح هو الأفضل للبناء .. لازم الخلطة تكون قليلة الماء لكن لازم ينرش الطابوق بعد تركيبه بالماء

أُمور كثيرة وخطوات لو اشرحها محد يستفيد منها وينساها لكن المهندس المشرف يكون حافظها عن غيب ويتابعها ويعرف شلون يتأكد من اجراءاتها حتى بعد التنفيذ .. أبسط شيء تجي للمقاول وهو يشتغل وتحرك طابوقة وتشيلها وتشوف شكثر مونة تحتها وتشوف الباقي خط المونة يبين نازل .. بعضهم يركبون تقريباً بدون مونة ويستوي الشلخ على شكل مدرج يبين تشكيلة الطابوق من وراه وبعد البلاستر

ذكرت البسيط لكن خصوصاً في الأُور الكهربية وألحين الدفاع المدني المقاول يلعب لعبته وبمبالغ كبيرة