ولدك يسأل سؤال محرج ... كيف ترد.

[بانغ بانغ]

بما ان الثورة المعلوماتية والانفجار التقني والعولمة الانفتاحية .... لم تترك اي شخص الا وتغلغلت بداخله ... صغير كبير ... منفتح متدين .... ولد بنت .... جاهل متعلم .....

الكل اصبح فضوليا ومكتشفا في نفس الوقت ... بكبسة زر

ولدي سألني سؤال عن بعض مظاهر المراهقة بما انه مقبل عليها ... صراحة ماعرفت اجاوب ودخلت النت

الموضوع هل عندنا ثقافة النقاش في هالجوانب مع الصغار ( اقصد الجوانب المحرجة ) وكيف التصرف

وهل المدرسة لها دور في غرس الثقة في النقاش وتوعيتهم ...

تحياتي ...

[Charisma]

مرحبا بوفيصل،،

لاتنتظر من ولدك يسالك ، ولاتعطيه الفرصه يشبع فضوله من مصادر اخرى ، ولاتنتظر من المدرسه تقوم بدورك ، في هالمرحله لزوم تعطيه ( محاضره ) ، توضح فيها كل شيء ، وتركز على النقاط اللي ممكن يتعامل معاها بشكل خاطىء ، يعني خلك دبلوماسي واتبع اسلوب ( الترفيع ) امدح فيه وانه وصل مرحله تعتمد فيها عليه وتثق في اخلاقه ، ( تهيئه ) ، وابدأ التوضيح ، واخر المحاضره تناول نقطه ( الحرام ) بشكل غير مباشر واضرب له الامثله .

الله يحفظ لك ولدك ويبلغك فيه .

[Abu Mahmoud]

ممكن تشرح له بصورة مبسطه تطور مرحلته العمرية ووما يتم من تغيير فيها

وفي تكوين جسمه ... مع توضيح الصحيح والخطأ ..

[ضوى]

الاطفال ماعاد يسألون أسئلة محرجه ، ماتذكر احد من عيالي سألني سؤال محرج لكن اللي اتذكره اني كنت وايد شديدة معاهم يمكن هالشي اللي ماخلاهم يسألون اسئلة محرجه والحياة تمشي وعسى الله يبلغني فيهم بمناصب عليا دنيا واخرة ياارب

[راجي الْعفو]

جاوبه جواب يناسب عمره و عقله وثقافته ..

وكل ما كبر شوي كل ما وضحت له اكثر ..

[الماريّة]

هذا واجب الاب نحو ابنه يعلمه ويثقفه بهذي الامور ولاينتظر يسأل غير والده
وبالمقبال الام تعلم بنتها بهذه الامور ايضا

[فيصل99]

على حسب السؤال يتحدد الجواب مع الإخذ في الإعتبار العمر الي فيه والجواب الي يوقف تفكيره

[تجاوز]

فى راىى ان من سابع المستحيلات ان الابن يسال ابوه مثل هذه الاسئله ...فتره البلوغ والمراهقه هى اكثر فتره الابناء يبعدوا فيها عن الاباء ...

مجرد وجهه نظر ..

[koketa]

جاوبه جواب يناسب عمره و عقله وثقافته ..

وكل ما كبر شوي كل ما وضحت له اكثر ..

مع هذا الرأي

[رجل الجزيرة]

بسيطة:
عيب يا ولد.

[naklan]

مرحبا اخوي العزيز بانغ بانغ ذكرتني بسالفة قاعد مع
احد الاصدقاء ونسولف وحذانا 13 و 14 سنة ولده وشوية من عيال
الجيران عاد نتكلم ونسولف وذأ دخلنا في سالفة ما يبيهم يفهمون
يقول الحمام يأكل حب علشان ما نفتح عيونهم على سوالف الكبار
عاد مره قال الحمام يأكل حب رد عليه واحد منهم وقال الحمام
الحين يطير وما عاد يأكل حب ههههه يعني نفهم كل شي
في هذا الزمن يفهمون الي ما ينفهم لأكن ما فيه مانع
انك تنبهه انه بيدخل عمر الرجوله وتقوي صلته
بالله والمحافظة على الصلاة والله الحافظ

[العقل المدمر]

مرحبا اخوي العزيز بانغ بانغ ذكرتني بسالفة قاعد مع
احد الاصدقاء ونسولف وحذانا 13 و 14 سنة ولده وشوية من عيال
الجيران عاد نتكلم ونسولف وذأ دخلنا في سالفة ما يبيهم يفهمون
يقول الحمام يأكل حب علشان ما نفتح عيونهم على سوالف الكبار
عاد مره قال الحمام يأكل حب رد عليه واحد منهم وقال الحمام
الحين يطير وما عاد يأكل حب ههههه يعني نفهم كل شي
في هذا الزمن يفهمون الي ما ينفهم لأكن ما فيه مانع
انك تنبهه انه بيدخل عمر الرجوله وتقوي صلته
بالله والمحافظة على الصلاة والله الحافظ


نفس الحركة سويتها فنفس العمر
الصغار اذكى من ان تطوفهم هالنغزات
حتى بو 7 سنوات يفهم ان مايبونه يفهم
اذكر كنت استغرب ليش هلي يحسبوني مافهم


فى راىى ان من سابع المستحيلات ان الابن يسال ابوه مثل هذه الاسئله ...فتره البلوغ والمراهقه هى اكثر فتره الابناء يبعدوا فيها عن الاباء ...

مجرد وجهه نظر ..

نفس رايي
وخصوصا هالايام
لان المجال عندهم مفتوح
مواقع اجتماعية والنت فيه كل شي
اللي يبي يعرف معلومة مابيخلي كل هالمصادر ويحرج نفسه ويا هله ويحرجهم معاه

[بريق الحق]

من كتاب الله وسنة النبي صل الله عليه وسلم