نموذج العم معيض !!!

[غريب الدّار]

محمد العقيدي

اشتكت ولية أمر طالبة من سوء تعامل مديرة مدرسة إعدادية مستقلة للبنات مع الطالبات وأولياء الأمور، موضحة أن المديرة قامت بضرب ابنتها بعصى غليظة أمامها، ولم تستطع التصرف أو الدفاع عنها بسبب سرعة التهجم على الطالبة والتلفظ عليها بألفاظ غير لائقة، حتى ترك الضرب أثرا على جسدها كما هو موضح في التقرير الطبي الذي يثبت تعرض الطالبة للضرب المبرح.


وقالت ولية الأمر التى تعمل في نفس المدرسة في شكواها لـ "الشرق"، ان ابنتها الطالبة كانت تلعب مع صديقاتها في براحة المدرسة بعلب المياه البلاستيكية، وعندما شاهدت المديرة الطالبات قامت باستدعائهن الى مكتبها وقامت بتوبيخهن بعبارات سيئة وجارحة لا يصح التلفظ بها، خاصة من مديرة مدرسة تعتبر قدوة للطالبات، مؤكدة أن المديرة قامت بتوبيخ الطالبات أمام المدرسات وأولياء أمورهن دون أن تراعي أو تحترم وجود الأمهات، وكون أنها تعمل في ذات المدرسة ركزت على ابنتها وقامت بضربها أمامها دون أي رحمة.


ورغم أن قوانين وزارة التعليم والتعليم العالي تمنع ضرب الطلاب أو التلفظ عليهم بأي لفظ سيئ، فإن المديرة لم تتقيد بذلك، ووبخت الطالبات جميعهن وضربت الابنة أمام والدتها.


وأضافت ولية الأمر أن ابنتها من المتفوقات أكاديميا وسلوكيا، ولكن ما عانت منه من عدم احترام أمام زميلاتها وضربها أيضا أمامهن من قبل مديرة المدرسة، من المؤكد أنه سوف يؤثر بالسلب على نفسيتها وكذلك على مستواها الأكاديمي، خاصة أن الأمر حدث خلال موعد الاختبارات، بل ان المديرة هددت الطالبة أمام والدتها بأنها سوف تعاقبها أيضا بالدرجات وتقلل من نسبتها، مؤكدة أن المديرة دائما تتلفظ على الطالبات بأبشع الألفاظ دون مراعاة شعورهن، ودائما ما تقول لهن "إذا أهلكم ما سنعوكم أنا سوف أسنعكم" على حد قولها، وهو ما يعني أنه إن كان الاهل لم يربوا الطالبات فسوف تقوم المديرة بتربيتهن.


وطالبت ولية الأمر وزارة التعليم والتعليم العالي باتخاذ الاجراءات اللازمة مع المديرة وأخذ حق الطالبة بالكامل منها، بعد أن ضربتها وأذلتها بكلمات سيئة لا يصلح أن تتلفظ بها مديرة أمام الطالبات.





المصدر : جريدة الشرق عدد اليوم الخميس 7/4/2016 ، صفحة التحقيقات



(أعتقد نموذج واضح لما قام به الملقب بالعم معيض :nice: )
اترك لكم التعليق

[راجي الْعفو]

العالم شغالين تلطّش ^_^

[غريب الدّار]

العالم شغالين تلطّش ^_^

حياك الله اخوي

[الماريّة]

شوف اخوي غريب

تضربها المديره بعصا وعلى كفوفها هذي شي طبيعي
وماراح يضرها الا بتكون قدوه لغيرها

ياما واحنا صغار ننضرب من ضابطه المدرسه
وكنا ماشين سيدا

لكن تلفظها بالفاظ غير لائقه لا طبعا لايقبل من مربيه للاجيال
ولازم تتعاقب عليه

[غريب الدّار]

شوف اخوي غريب

تضربها المديره بعصا وعلى كفوفها هذي شي طبيعي
وماراح يضرها الا بتكون قدوه لغيرها

ياما واحنا صغار ننضرب من ضابطه المدرسه
وكنا ماشين سيدا

لكن تلفظها بالفاظ غير لائقه لا طبعا لايقبل من مربيه للاجيال
ولازم تتعاقب عليه
يامرحبا والله يالماريّة

كلامج على عيني وراسي
مع اني اعترض معاج في كم نقطة
ولاحظي ان الضرب اللي ضربته إياها كان ضرب مؤثر في جسمها
على فكرة في تقرير في الجريدة او صورة تقرير بس مانقلته


ومهما كان فحضورج شرّف ونوّر الموضوع يالمارية

وياهلا

[MAZEN37]

ما خرب هالجيل الا اولياء الامور اباء وامهات
لين ما صار اغلب هالجيل قمة في قلة الادب والحيا
ووقاحة لابعد الحدود والبنات قبل الاولاد

[غريب الدّار]

ما خرب هالجيل الا اولياء الامور اباء وامهات
لين ما صار اغلب هالجيل قمة في قلة الادب والحيا
ووقاحة لابعد الحدود والبنات قبل الاولاد

مرحبا اخوي مازن

هالجيل مثل الجيل اللي سبقه

ويمكن يكون احسن :)

والجيل السابق بعد في ناس قمة في الوقاحة
مثل أي جيل

ويامرحبا بك

[الماريّة]

يامرحبا والله يالماريّة

كلامج على عيني وراسي
مع اني اعترض معاج في كم نقطة
ولاحظي ان الضرب اللي ضربته إياها كان ضرب مؤثر في جسمها
على فكرة في تقرير في الجريدة او صورة تقرير بس مانقلته


ومهما كان فحضورج شرّف ونوّر الموضوع يالمارية

وياهلا


اخوي غريب انا معاك ضد الضرب المبرح
وذكرت لك ان كان ضربها لها على الكفين ضرب تأديبي

والشرف لي اكثر ومنور بوجودك فيه

[غريب الدّار]

اخوي غريب انا معاك ضد الضرب المبرح
وذكرت لك ان كان ضربها لها على الكفين ضرب تأديبي

والشرف لي اكثر ومنور بوجودك فيه
معناها متفقين ان ضد الضرب المبرح اللي ممكن يأثر في الجسم او (الضرب كيفما اتفق):)

على راسي يالمارية
ومرحبا بج

[مختلف جداََ]

لمدعين المثالية فقط :

من فيكم يرضى ولده و لا بنته ينضرب و ينسب و يتم تهديده بخفض الدرجات ( و في حضور و لي الأمر ) ؟؟؟

[غريب الدّار]

لمدعين المثالية فقط :

من فيكم يرضى ولده و لا بنته ينضرب و ينسب و يتم تهديده بخفض الدرجات ( و في حضور و لي الأمر ) ؟؟؟

في الصميم يامختلف وياكثرهم :)

اشكرك

[بشائر]

أبدا مو من حق المديرة تتعامل بالضرب بهالطريقة الهمجية وبوجود ولية الأمر بعد
رغم إنه في طلاب يبيلهم صج ضرب وتأديب بسبب تقصير الأهل في تربيتهم وإزعاجهم وقلة أدبهم
لكن هذا ماهو مبرر للضرب المبرح وترك علامات وآثار بعد !

[التميمي 3]

ايام انضربنا ضرررب ولاضرنا شي
وبالعكس انضبطنا

لكن الحين شوفوا عيال الوقت قليل أدب وغير متعلم صح بسبب الدلع الزايد فيه

[العقل المدمر]

ودي اعرف شلون متفوقة سلوكيا
وهي تلعب بالماي اللي هو من اعظم نعم الله علينا
خصوصا ان في ناس تموت من العطش مب لاقية ماي نظيف
وثانيا لما تلعب بالماي فالماي ينكت عالارض يعني فوق عدم احترام النعمة وصاخة !

انا ضد ضرب الطلاب ومع فصلهم ويقطونهم فجبود اولياء امورهم يربونهم عدل
بس بعد يعني ماله داعي تقعد تمدح فالبنت بهالطريقة عشان تستعطفنا

[سالم الزهران]

المعلم والمعلمة لديهم ضوابط و لوائح إدارية لانهم يعملون في سلك حكومي

العم معيض في بيته و يضرب اولاده و هو من يضع الضوابط او يلغيها ، لا اعتقد ان المقارنة او التشبيه في مكانه

[Rashid554]

الله يرحم ايامنا وايام الضرب الي طلع جيل السبعينات والثمانينات
لكن شوفو الي بعدهم

[معماري قطري]

لمدعين المثالية فقط :

من فيكم يرضى ولده و لا بنته ينضرب و ينسب و يتم تهديده بخفض الدرجات ( و في حضور و لي الأمر ) ؟؟؟

محد أكيد هذا اعتداء سافر ولا يناسب الجريمة الكبرى اللي قامت بها بنت في الاعدادية باللعب بقراش بلاستيك .. اتوقع شاتوها مثل الكورة .. لو انا مدير مدرسة نزلت الساحة معاهم للعب

وجدام الأُم صج شيء محزن ويقهر

بو المعايض مسكين لويش عياله بعد ما قوموه من النوم وقام معصب لازم بيغسلهم ولا بيكررون العملية دوم

نفترض صايده البنت تدخن ممكن تعصب عليها وتضربها ضرب تأديبي بعد بدون سب بس لازم عبارات توبيخية وطول ما أُمها موجودة تترك المهمة أكثر لأُمها لكن لعب بقراش في الساحة .. يفترض الساحة إنحطت للعب والوناسة يستانسون فيها عيالنا حتى في وقت الامتحانات

[sweet qatar]

(أعتقد نموذج واضح لما قام به الملقب بالعم معيض :nice: )
اترك لكم التعليق

:anger1:

شلون تقارن رجل بسيط مثل العم معيض و مربية (مديرة مدرسة) المفترض انها محترفة في التعامل التربوي


المقارنة ظالمة من كل النواحي

[غريب الدّار]

أبدا مو من حق المديرة تتعامل بالضرب بهالطريقة الهمجية وبوجود ولية الأمر بعد
رغم إنه في طلاب يبيلهم صج ضرب وتأديب بسبب تقصير الأهل في تربيتهم وإزعاجهم وقلة أدبهم
لكن هذا ماهو مبرر للضرب المبرح وترك علامات وآثار بعد !
يامرحبا والله اختي بشاير
تو ماتبارك الموضوع

اشكرج على المرور العطر ورايج على عيني وراسي

[غريب الدّار]

ايام انضربنا ضرررب ولاضرنا شي
وبالعكس انضبطنا

لكن الحين شوفوا عيال الوقت قليل أدب وغير متعلم صح بسبب الدلع الزايد فيه

اللي ينضرب يالتميمي راح ينضبط من الخوف ماقلنا لا
واللي ينضرب وبتعذب الإسلام اباح له انه ينطق بالكفر وقلبه مطمئن بالايمان
شوف لاي درجة
أخرج عبد بن حميد بسند صحيح عن عمر قال : " ليس الرجل بأمين على نفسه إذا سجن أو أوثق أو عذب "
يعني الضرب يجبر الواحد على فعل مايكره او مايريده غيره
الضرب ليس مقياسا ابدا

الكلام عن الأساليب التربوية
وبعدين اخوي انت تقول شوفوا عيال هالوقت :
وانا أقول لك شوف الشباب قبل شلون
طبعا بعضهم
في بعد قلة ادب حاله حال أي وقت واي جيل

ويامرحبا

[غريب الدّار]

مرحبا بالعقل المدمر

ودي اعرف شلون متفوقة سلوكيا
وهي تلعب بالماي اللي هو من اعظم نعم الله علينا
خصوصا ان في ناس تموت من العطش مب لاقية ماي نظيف
اول شي يالعقل المدمر لاتنسين ان أمها اللي تتكلم وماراح تذم بنتها
ثانيا الله يسلمج يمكن فعلا متفوقة سلوكيا (أقول يمكن) لكن قامت بهالفعل تحسبه عادي ، خصوصا ان احنا مادرينا بالضبط وش صار او شلون لعبت بالماي بالضبط
وانا والله ماادافع عنها لكن أقول يمكن
ويمكن كلامج انتي صح 100% بعد يالعقل المدمر لكن الاحتمالات واردة
يعني يمكن (والله اعلم) ماتكون متفوقة سلوكيا او يعني مشاغبة والله اعلم


انا ضد ضرب الطلاب ومع فصلهم ويقطونهم فجبود اولياء امورهم يربونهم عدل
بس بعد يعني ماله داعي تقعد تمدح فالبنت بهالطريقة عشان تستعطفنا
رايج على العين والراس يالعقل المدمر
بس مااعتقد شخصيا ان المسالة مسالة استعطاف
اللي اشوفه : أولا هي أمها ومدحتها وهي بنتها
ثانيا اعتقد انها مدحتها علشان تثبت غلط المديرة ، يعني شوفوا بنتي مؤدبة ومع هذا ضربتها
اعتقد والله اعلم

ويمكن كلامي اللي فوق كله غلط وكلامج انتي صح

شاكر لج مرورج الكريم اختي الكريمة ويامرحبا بج

[غريب الدّار]

المعلم والمعلمة لديهم ضوابط و لوائح إدارية لانهم يعملون في سلك حكومي

العم معيض في بيته و يضرب اولاده و هو من يضع الضوابط او يلغيها ، لا اعتقد ان المقارنة او التشبيه في مكانه
أقول اخوي سالم :
شنهي الضوابط اللي تتكلم عنها والخبر يقول أصلا ان الضرب ممنوع؟ :)
وين الضوابط اللي التزمت فيها المديرة ؟

هاذي نقطة

ثاني نقطة :
المعلم والمعلمة عندهم ضوابط ، واللي في البيوت والآباء وأولياء الأمور ماعندهم ضوابط؟ الشرع ضبط المسالة (وين اللي يتكلمون بالشرع بس؟ ) :)
الكون مضبوط بأوامر الهية من يوم ماانخلق


الامر الثاني :

العم معيض في بيته و يضرب اولاده و هو من يضع الضوابط او يلغيها ، لا اعتقد ان المقارنة او التشبيه في مكانه
أولا : معيض (وهو اسمه الحقيقي مب معيض بس هذا اسم الشهرة) المهم ضرب عياله وعيال اخوه بطريقة مهينة
والمديرة ضربت الطالبة بطريقة مهينة

المديرة (حسب الخبر ) تلفظت بألفاظ نابية
ومعيض نفس الشي


عرفت وين التشبيه اخوي الكريم سالم ؟ :)

ويامرحبا بك

[غريب الدّار]

الله يرحم ايامنا وايام الضرب الي طلع جيل السبعينات والثمانينات
لكن شوفو الي بعدهم

هلا اخوي راشد
اللي بعدهم في اللي احسن منهم وفي اللي أسوأ منهم :)
في كل جيل فيالصالح والطالح

حتى اللي انولدوا سنة 2000 مثلا ، بعد عشرين او ثلاثين سنة راح يقولون عن اللي جا عقبهم نفس الكلام

وهلم جرا :)


شاكر لك مرورك اخوي

[غريب الدّار]

محد أكيد هذا اعتداء سافر ولا يناسب الجريمة الكبرى اللي قامت بها بنت في الاعدادية باللعب بقراش بلاستيك .. اتوقع شاتوها مثل الكورة .. لو انا مدير مدرسة نزلت الساحة معاهم للعب

وجدام الأُم صج شيء محزن ويقهر

بو المعايض مسكين لويش عياله بعد ما قوموه من النوم وقام معصب لازم بيغسلهم ولا بيكررون العملية دوم

نفترض صايده البنت تدخن ممكن تعصب عليها وتضربها ضرب تأديبي بعد بدون سب بس لازم عبارات توبيخية وطول ما أُمها موجودة تترك المهمة أكثر لأُمها لكن لعب بقراش في الساحة .. يفترض الساحة إنحطت للعب والوناسة يستانسون فيها عيالنا حتى في وقت الامتحانات

يامرحبا اخوي معماري

اشكرك على المداخلة اول شي


ثاني ش :
مصطلح (الضرب التأديبي) هذا شفت اكثر من عضو يقوله ويردده

ممكن ولا عليك امر توضح معنى (الضرب التأديبي ) وخلنا نتناقش على أساسه ؟

ويامرحبا بك

[بانغ بانغ]

مرحبتين اخوي غريب

اتذكر لما نزلت موضوع ضرب معلم لطالب بشكل وحشي ..... الناس قامت علي

احين بعض الناس يمتدحون هذا الفيديو اللي لحين مش مقتنع فيه

القضية قضية ثقافة .... العرف عندنا في دولنا ان التربية تكمن بالعصا والضرب

لا ابدا .... ليش ما يكون التأديب توعوي وتكوين role model لها امام الطلاب والطالبات

القضية الثانية ... هي روح التربية نفسها .... السموحة كثير من المديرات والمدرسات اللي ايعيشون دور الضحية في البيت من زوجها ا او ابوها او اخوها .... تنتقم بدافع التربية وتطبيق القوانين

الموضوع كله ثقافة ليس الا

مرة كنت على بركة سباحة والا اسرة عربية قامت ضرب في ولدها لان رمى الاكل في البركة ... الابو والام واللي ايحب النبي يضرب

واحيانا اتشوف اجانب ... لو غلط ولدهم ... يعطونه بنظرة تعبر عن الف كف

تحياتي

[غريب الدّار]

:anger1:

شلون تقارن رجل بسيط مثل العم معيض و مربية (مديرة مدرسة) المفترض انها محترفة في التعامل التربوي


المقارنة ظالمة من كل النواحي

:eek3: ليش معصبة ؟ :eek3:
جزء من ردي على الأخ الفاضل سالم الزهران :


أولا : معيض (وهو اسمه الحقيقي مب معيض بس هذا اسم الشهرة) المهم ضرب عياله وعيال اخوه بطريقة مهينة
والمديرة ضربت الطالبة بطريقة مهينة

المديرة (حسب الخبر ) تلفظت بألفاظ نابية
ومعيض نفس الشي

قد تختلف درجة وحجم الجرم اختي الكريمة سويت بالنسبة لمرتكبه لكن الفعل واحد تقريبا (من وجهة نظري)

وحياج الله ياسويت ورايج دوم على راسي وتشرفين موضوع اخوج اللي هو موضوعج

[جبر ال جبر]

نموذج العم معيض هو الطب النفسي نموذج فاشل في التربيه

[sweet qatar]

:eek3: ليش معصبة ؟ :eek3:
جزء من ردي على الأخ الفاضل سالم الزهران :


قد تختلف درجة وحجم الجرم اختي الكريمة سويت بالنسبة لمرتكبه لكن الفعل واحد تقريبا (من وجهة نظري)

وحياج الله ياسويت ورايج دوم على راسي وتشرفين موضوع اخوج اللي هو موضوعج



الله يحييك ويرحم والديك

كريم بأخلاقك اخوي غريب ومتفضل علينا :)


انا بقول لك الفرق في اليهال نفسهم


في ياهل يسمع الكلمة و في ياهل*يحتاج*اكثر*من*الكلام*عشان*ينضبط


أساليب التربية تختلف ومنها الضرب


العم معيض لا هو تربوي ولا هو اداري

رجل بسيط .. افتر بالخيزرانة على اليهال لكن ما كفر فيهم

رايح راد ،، وان كان غلط بالكلام تراه ما مسك كل واحد و رزل فيه ونزل قيمته


ليش تطرح الموضوع كان العم معيض هو الي اخترع الضرب و محد كان يعرفه قبله !!


وليش المديرة ما تتحمل غلطها بدل ما نعلق خطأها على ظهر الرجال الي كان في بيته !!


لا هو الي قدم نفسه على انه شخص تربوي عنده المؤهلات لقيادة مؤسسة تعليمية يبيلها حكمة وصبر


ولا هو الي يستلم راتب وامتيازات عشان يعلم اليهال ويهيء لهم البيئة المناسبة



Ps: لا زلت معصبة

ماحب التحليل الزايد للتصرفات العفوية


سوري بس هذا رايي

[بشائر]

يامرحبا والله اختي بشاير
تو ماتبارك الموضوع

اشكرج على المرور العطر ورايج على عيني وراسي

الله يرحب بك اخوي يسلم راسك ..
وتسعدني المشاركة في مواضيعك .

[غريب الدّار]

مرحبتين اخوي غريب

اتذكر لما نزلت موضوع ضرب معلم لطالب بشكل وحشي ..... الناس قامت علي

احين بعض الناس يمتدحون هذا الفيديو اللي لحين مش مقتنع فيه

القضية قضية ثقافة .... العرف عندنا في دولنا ان التربية تكمن بالعصا والضرب

لا ابدا .... ليش ما يكون التأديب توعوي وتكوين role model لها امام الطلاب والطالبات

القضية الثانية ... هي روح التربية نفسها .... السموحة كثير من المديرات والمدرسات اللي ايعيشون دور الضحية في البيت من زوجها ا او ابوها او اخوها .... تنتقم بدافع التربية وتطبيق القوانين

الموضوع كله ثقافة ليس الا

مرة كنت على بركة سباحة والا اسرة عربية قامت ضرب في ولدها لان رمى الاكل في البركة ... الابو والام واللي ايحب النبي يضرب

واحيانا اتشوف اجانب ... لو غلط ولدهم ... يعطونه بنظرة تعبر عن الف كف

تحياتي

رحم الله والديك على المداخلة الاكثر من رائعة يابانغ

وبالنسبة للتناقض اللي ذكرته في البعض اللي يمدحون هنيه ويذمون هناك : ياكثرهم :)
معاهم معاهم عليهم عليهم

المشكلة ان في ناس كل همهم (والله اعلم) إرضاء غيرهم او التجمل قدام غيرهم بغض النظر عن مستوى الرد
فتلاقيهم يردون في موضوع واحد ردين متناقضين ، او تلاقي اللي يقول وجهة نظره في موضوع وفي نفس الموضوع يأيد وجهة نظر مخالفة وكنه مب فاهم شقاعد يقول !! وعند العيايز كل شي يايز :)

اما بالنسبة ل :

العرف عندنا في دولنا ان التربية تكمن بالعصا والضرب
للأسف هذا صحيح
واخوك ذكر هالشي في احدى مداخلاته وهالشي ينطبق على الوطن العربي (في نظري ) بشكل عام


ويامرحبا بك وشرفت الموضوع يابانغ

[غريب الدّار]

نموذج العم معيض هو الطب النفسي نموذج فاشل في التربيه

أنا اشهد

الحركة اللي سواها مالها علاقة في التربية

[غريب الدّار]

الله يحييك ويرحم والديك

كريم بأخلاقك اخوي غريب ومتفضل علينا :)


انا بقول لك الفرق في اليهال نفسهم


في ياهل يسمع الكلمة و في ياهل*يحتاج*اكثر*من*الكلام*عشان*ينضبط


أساليب التربية تختلف ومنها الضرب


العم معيض لا هو تربوي ولا هو اداري

رجل بسيط .. افتر بالخيزرانة على اليهال لكن ما كفر فيهم

رايح راد ،، وان كان غلط بالكلام تراه ما مسك كل واحد و رزل فيه ونزل قيمته


ليش تطرح الموضوع كان العم معيض هو الي اخترع الضرب و محد كان يعرفه قبله !!


وليش المديرة ما تتحمل غلطها بدل ما نعلق خطأها على ظهر الرجال الي كان في بيته !!


لا هو الي قدم نفسه على انه شخص تربوي عنده المؤهلات لقيادة مؤسسة تعليمية يبيلها حكمة وصبر


ولا هو الي يستلم راتب وامتيازات عشان يعلم اليهال ويهيء لهم البيئة المناسبة



Ps: لا زلت معصبة

ماحب التحليل الزايد للتصرفات العفوية


سوري بس هذا رايي


الله يحييك ويرحم والديك
ووالديج الجنة يارب


كريم بأخلاقك اخوي غريب ومتفضل علينا :)

ابد مالي فضل ياسويت وماقلت الا اللي تستاهلينه


انا بقول لك الفرق في اليهال نفسهم


في ياهل يسمع الكلمة و في ياهل*يحتاج*اكثر*من*الكلام*عشان*ينضبط


أساليب التربية تختلف ومنها الضرب

اكيد ياسويت ماقلنا لا
بس احنا نتكلم عن واقعة بعينها
والضرب بشكل عام (حتى في الإسلام) يتم اللجوء له كآآآآآآآآآآخر حل
وله ضوابط انت تعرفينها


العم معيض لا هو تربوي ولا هو اداري

رجل بسيط .. افتر بالخيزرانة على اليهال لكن ما كفر فيهم

رايح راد ،، وان كان غلط بالكلام تراه ما مسك كل واحد و رزل فيه ونزل قيمته
انا مادري شنهي شغلته ياسويت بصراحة
لكن سواء كان بسيط او مب بسيط (تعالي شدراج انه بسيط اصلا؟) ؟ وش المقصد من كلمة بسيط؟ ثقافيا؟ ماديا؟

المهم
سواء طال عمرج كان بسيط او مب بسيط الحركة اشوفها غلط


ليش تطرح الموضوع كان العم معيض هو الي اخترع الضرب و محد كان يعرفه قبله !!

لا بالله مب هذا قصدي يالشيخة سويت
انا ماقلت هالكلام وعنيته ، انا أتكلم عن واقعة معينة ياسويت بغض النظر عن مرتكبها
يعني الحركة هاذي غلط أيا كان مرتكبها او اللي بيرتكبها


وليش المديرة ما تتحمل غلطها بدل ما نعلق خطأها على ظهر الرجال الي كان في بيته !!

؟؟؟؟؟؟؟؟؟؟؟ !!!!!!!!
شعلاقة هذا بذاك ياسويت ؟
من قال لج اني ابرر للمديرة أصلا ؟ مثل ماقلت لج الفعل غلط أيا كان مرتكبه
انا اشرت للي اسمع معيض على اعتبار ان كان في تاييد لفعله مع اني اشوفه غلط (ضرب والفاظ نابية) والمديرة نفس الشي

ماطرحت الموضوع علشان ابرر للمديرة او غيرها ياسويت

مثل ماقلت لج وكقاعدة عامة :
أي حد يرتكب فعل خطأ فهو مخطئ



لا هو الي قدم نفسه على انه شخص تربوي عنده المؤهلات لقيادة مؤسسة تعليمية يبيلها حكمة وصبر


ولا هو الي يستلم راتب وامتيازات عشان يعلم اليهال ويهيء لهم البيئة المناسبة

انا بس خاطري اعرف ياسويت شغلى بعد اذنج :
شلون عرفتي تاريخ معيض ؟ :) انه مب تربوي ولا عنده مؤهلات وغيره (طبعا انا مادري عنه بش شكلج نبشتي تاريخه ياسويت) :)

والحين بغض النظر عن تاريخه ، انا أشرت له كمثال سئ فيما ارتكبه من فعل


: لا زلت معصبة

ماحب التحليل الزايد للتصرفات العفوية


:eek3:
صدقيني مب تحليل زايد ياسويت ، في نظري الفعلين متشابهين
بس لاحظي انج تقولين ماتحبين التحليل الزايد وانتي حللتي شخصية معيض وتاريخ طوايفه :nice: بس مادري من وين


سوري بس هذا رايي
افا
الموضووع موضوعج ياسويت
وتشرفين في أي وقت
ورايج محل تقدير واعتبار دائما

وياهلا

[غريب الدّار]

الله يرحب بك اخوي يسلم راسك ..
وتسعدني المشاركة في مواضيعك .

ومن قال

لي الشرف بمشاركتج

وياهلا

[غريب الدّار]

مصطلح (الضرب التأديبي) هذا شفت اكثر من عضو يقوله ويردده

ممكن ولا عليك امر توضح معنى (الضرب التأديبي ) وخلنا نتناقش على أساسه ؟

ويامرحبا بك
هل من إجابة؟

[غير البشر]

صباح الخير

مرحبا اخوي غريب الدار

انا بصراحه غير مؤيد لأسلوب الضرب
ولا ارضى ولا اسمح بالضرب سواء بقانون او بدون قانون

قديما كان اسلوب الضرب هو اسلوب تعديل السلوك
لان الناس ماكانت متعلمه نفس الحين
وماكانت في درسات وفهم للشخصيه وكيفيه تعديل سلوكها
فكان الحل الوحيد هو الضرب للتأديب
سواء بالبيت ( مثال السوط الاصفر الي عند الوالد الله يرحمه ماينسي :rolleyes2:)
او بالمدرسه عند المدرسين

اما الحين من المفترض ان يكون المديرات والمدرسات تربويات
وعندهم استطاعه على فهم السلوك وتقويمه

فالحل الامثل حاليا ليس الضرب
اشوف ان الضرب فقط يجعل الشخص يحاسب من فعل الخطأ اما المعاقب لكن مايترك الفعل

[غريب الدّار]

اشوف ان الضرب فقط يجعل الشخص يحاسب من فعل الخطأ اما المعاقب لكن مايترك الفعل

يامرحبا اخوي غير البشر
قد اختلف معاك في بعض تفاصيل ماتفضلت وطرحته ياغير البشر ، كتفاصيل مب كفكرة عامة

لكن ماشاء الله عليك اختصرت جمل ومواضيع بهالسطر

وانا ضربت امثلة كثيرة حتى من التراث الإسلامي بهالخصوص

أشكرك على مداخلتك

[sweet qatar]

ووالديج الجنة يارب


ابد مالي فضل ياسويت وماقلت الا اللي تستاهلينه


اكيد ياسويت ماقلنا لا
بس احنا نتكلم عن واقعة بعينها
والضرب بشكل عام (حتى في الإسلام) يتم اللجوء له كآآآآآآآآآآخر حل
وله ضوابط انت تعرفينها


انا مادري شنهي شغلته ياسويت بصراحة
لكن سواء كان بسيط او مب بسيط (تعالي شدراج انه بسيط اصلا؟) ؟ وش المقصد من كلمة بسيط؟ ثقافيا؟ ماديا؟

المهم
سواء طال عمرج كان بسيط او مب بسيط الحركة اشوفها غلط


لا بالله مب هذا قصدي يالشيخة سويت
انا ماقلت هالكلام وعنيته ، انا أتكلم عن واقعة معينة ياسويت بغض النظر عن مرتكبها
يعني الحركة هاذي غلط أيا كان مرتكبها او اللي بيرتكبها



؟؟؟؟؟؟؟؟؟؟؟ !!!!!!!!
شعلاقة هذا بذاك ياسويت ؟
من قال لج اني ابرر للمديرة أصلا ؟ مثل ماقلت لج الفعل غلط أيا كان مرتكبه
انا اشرت للي اسمع معيض على اعتبار ان كان في تاييد لفعله مع اني اشوفه غلط (ضرب والفاظ نابية) والمديرة نفس الشي

ماطرحت الموضوع علشان ابرر للمديرة او غيرها ياسويت

مثل ماقلت لج وكقاعدة عامة :
أي حد يرتكب فعل خطأ فهو مخطئ



انا بس خاطري اعرف ياسويت شغلى بعد اذنج :
شلون عرفتي تاريخ معيض ؟ :) انه مب تربوي ولا عنده مؤهلات وغيره (طبعا انا مادري عنه بش شكلج نبشتي تاريخه ياسويت) :)

والحين بغض النظر عن تاريخه ، انا أشرت له كمثال سئ فيما ارتكبه من فعل


:eek3:
صدقيني مب تحليل زايد ياسويت ، في نظري الفعلين متشابهين
بس لاحظي انج تقولين ماتحبين التحليل الزايد وانتي حللتي شخصية معيض وتاريخ طوايفه :nice: بس مادري من وين


افا
الموضووع موضوعج ياسويت
وتشرفين في أي وقت
ورايج محل تقدير واعتبار دائما

وياهلا


ميرسي اوي


اولا .. انا عرفت عن العم معيض من خلال تويتر

ثانيا .. سيماهم في وجوههم يبين عليه طيب


ثالثا .. لو ضربت ياهل ضربة تعور وانت تلعب معاه

بيضحك بصوت عالي


لكن لو عصبت عليه و مسكته بس

بينفجر من الصياح


في فرق حتى لو الفعل واحد في اسباب و مكان و وقت و طريقة ومليوووون متغير

[معماري قطري]

ما ادري ليش حبيت اسم معيض

[غريب الدّار]

ميرسي اوي


اولا .. انا عرفت عن العم معيض من خلال تويتر

ثانيا .. سيماهم في وجوههم يبين عليه طيب


ثالثا .. لو ضربت ياهل ضربة تعور وانت تلعب معاه

بيضحك بصوت عالي


لكن لو عصبت عليه و مسكته بس

بينفجر من الصياح


في فرق حتى لو الفعل واحد في اسباب و مكان و وقت و طريقة ومليوووون متغير
مرحبا سويت

الله اكبر !!! قبل شوي تقولين :



ماحب التحليل الزايد

ماتحبين التحليل الزايد :nice:


سيماهم في وجوههم يبين عليه طيب
وحللتي شخصيته وتاريخه من ويهه :omen2:

انزين ويهه بالنسبة لغيرج يمكن يكون مب طيب :vampire:


انتي بتدخلينا في تحليل شخصيات ياسويت وانا تكلمت عن الفعل
:)


ثالثا .. لو ضربت ياهل ضربة تعور وانت تلعب معاه

بيضحك بصوت عالي

صج والله ؟ انزين واللي انلشط من العم معيض (الطيب حسب تحليلج) ماقام يصيح وصياحه صار له صدى بعد ؟ :nice: وانتي بهالكلام تنتقدين معيض (اللي قلتي عنه طيب :) ) لانه ضرب هو عصب وماكان يضحك
من وين جبتي هالمعلومة ياسويت ؟

جربيها مع أي ياهل وردي علي خبر ابي اعرف شلون راح يضحك وهو ينلشط :nice:
وبعدين ياسويت شعلاقة ضرب الياهلوالواحد يضحك ؟ الحالات اللي نتكلم عنها مالها علاقة بهالمثال
وبعدين انا قلت قبل ان التأديب يختلف والضرب بغضر التاديب ماله علاقة بالعصبية
ذكرت هالشي في اكثر من مرة
وانتي الحين تعيدين كلامي تقريبا مع اختلاف بسيط:)
الياهل لو ينضرب ضربة تعور سواء الواحد يضحك ولا مايضحك احتمال كبير انه يصيح ويصارخ ويكره اللي ضربه بعد

جربيها وردي علي خبر :)

في فرق حتى لو الفعل واحد في اسباب و مكان و وقت و طريقة ومليوووون متغير
ماقلتشي ياسويت
لكن الفعل متشابه

وعلى فكرة تحليلج للعم معيض غير مقنع
شدعوة يبين من ويهه طيب :)

أرجع وأقول لج يالشيخة سويت :
من وجهة نظري ان الفعل واحد وان اختلفت درجته وشدته
لكن الفعل واحد :
ضرب + ألفاظ نابية لاتمت للتربية أو الأدب بصلة

:nice: ميغسي بكو :nice:

[غريب الدّار]

ما ادري ليش حبيت اسم معيض

حياك لله اخوي معماري

[معماري قطري]

حياك لله اخوي معماري

الله يحييك ويبقيك

[sweet qatar]

مرحبا سويت

الله اكبر !!! قبل شوي تقولين :




ماتحبين التحليل الزايد :nice:


وحللتي شخصيته وتاريخه من ويهه :omen2:

انزين ويهه بالنسبة لغيرج يمكن يكون مب طيب :vampire:


انتي بتدخلينا في تحليل شخصيات ياسويت وانا تكلمت عن الفعل
:)



يا طويل العمر هذا مب تحليل هذي فراسة :)










صج والله ؟ انزين واللي انلشط من العم معيض (الطيب حسب تحليلج) ماقام يصيح وصياحه صار له صدى بعد ؟ :nice: وانتي بهالكلام تنتقدين معيض (اللي قلتي عنه طيب :) ) لانه ضرب هو عصب وماكان يضحك
من وين جبتي هالمعلومة ياسويت ؟

جربيها مع أي ياهل وردي علي خبر ابي اعرف شلون راح يضحك وهو ينلشط :nice:
وبعدين ياسويت شعلاقة ضرب الياهلوالواحد يضحك ؟ الحالات اللي نتكلم عنها مالها علاقة بهالمثال
وبعدين انا قلت قبل ان التأديب يختلف والضرب بغضر التاديب ماله علاقة بالعصبية
ذكرت هالشي في اكثر من مرة
وانتي الحين تعيدين كلامي تقريبا مع اختلاف بسيط:)
الياهل لو ينضرب ضربة تعور سواء الواحد يضحك ولا مايضحك احتمال كبير انه يصيح ويصارخ ويكره اللي ضربه بعد

جربيها وردي علي خبر :)

ماقلتشي ياسويت
لكن الفعل متشابه




انت قلت بنفسك احتمال .. يعني شنوووو يعني ردة الفعل تختلف حسب الموقف


العيال في الفيديو يدرون انهم غلطانين و اتوقع والعلم عند الله ان العم معيض منبههم ومحذرهم اكثر من مرة

شلون وصلت لهالمعلومة من مركز الارصاد الي في مخي :)


يبين من ردة فعلهم انهم عارفين ليش عصب عليهم


طبعاً السب ماله مبرر غير ان بعض الناس عندهم مثل هالالفاظ شي عادي

وماله داعي اجرب التكنيك على اي حد .. شوف عيني دفاشة الصبيان وهم يلعبون ويتكركرون








وعلى فكرة تحليلج للعم معيض غير مقنع
شدعوة يبين من ويهه طيب :)

أرجع وأقول لج يالشيخة سويت :
من وجهة نظري ان الفعل واحد وان اختلفت درجته وشدته
لكن الفعل واحد :
ضرب + ألفاظ نابية لاتمت للتربية أو الأدب بصلة

:nice: ميغسي بكو :nice:




الفعل واحد هاااا :eek5:


بالنسبة لي يفرق وايد

لو انا مدرسة و طالب لعب بنعمة الله .. بنبهه واحذره وعلى حسب عناده يمكن اشتكي عليه الادارة

اما لو واحد من عيالنا لعب بالنعمة بضربه

لان نعمة الله خط احمر .. واحنا نحترمها ونقدرها


وبالنسبة لمشاعري وتعاطفي مع العم معيض

مادري والله انا من شفت الفيديو استانست عليه .. حبيت اليهال الله يحفظهم و شخصياتهم

و اسلوبهم مع عمهم :happy:


على فكرة الي يقول ان التربية ممكن تكون بنظره !!


بقوله اقسى انواع التعذيب هي نظرة السخط والغضب


عشان جذي دايما ندعي رب العالمين " اللهم لا تنظر الينا بعين سخطك وأنظر لنا بعين رضاك "


ترى الكلمة الشديدة او النظرة القاسية من احد الوالدين تجرح نفس الطفل اكثر بمليون مرة


انا لا اؤيد الضرب .. لكن ما ابالغ في رفضه :shy:

[غريب الدّار]

يا طويل العمر هذا مب تحليل هذي فراسة :)










انت قلت بنفسك احتمال .. يعني شنوووو يعني ردة الفعل تختلف حسب الموقف


العيال في الفيديو يدرون انهم غلطانين و اتوقع والعلم عند الله ان العم معيض منبههم ومحذرهم اكثر من مرة

شلون وصلت لهالمعلومة من مركز الارصاد الي في مخي :)


يبين من ردة فعلهم انهم عارفين ليش عصب عليهم


طبعاً السب ماله مبرر غير ان بعض الناس عندهم مثل هالالفاظ شي عادي

وماله داعي اجرب التكنيك على اي حد .. شوف عيني دفاشة الصبيان وهم يلعبون ويتكركرون








الفعل واحد هاااا :eek5:


بالنسبة لي يفرق وايد

لو انا مدرسة و طالب لعب بنعمة الله .. بنبهه واحذره وعلى حسب عناده يمكن اشتكي عليه الادارة

اما لو واحد من عيالنا لعب بالنعمة بضربه

لان نعمة الله خط احمر .. واحنا نحترمها ونقدرها


وبالنسبة لمشاعري وتعاطفي مع العم معيض

مادري والله انا من شفت الفيديو استانست عليه .. حبيت اليهال الله يحفظهم و شخصياتهم

و اسلوبهم مع عمهم :happy:


على فكرة الي يقول ان التربية ممكن تكون بنظره !!


بقوله اقسى انواع التعذيب هي نظرة السخط والغضب


عشان جذي دايما ندعي رب العالمين " اللهم لا تنظر الينا بعين سخطك وأنظر لنا بعين رضاك "


ترى الكلمة الشديدة او النظرة القاسية من احد الوالدين تجرح نفس الطفل اكثر بمليون مرة


انا لا اؤيد الضرب .. لكن ما ابالغ في رفضه :shy:

يامرحبا والله سويت ويصبحج بالخير



يا طويل العمر هذا مب تحليل هذي فراسة :)

عمرج طويل
يعني اللي انتي تسوينه فراسة واللي غيرج يسويه تحليل :nice:
انزين انا بعد فراسة مب تحليل :victory:
ويمكن يجيج واحد يقول انا اكره الفراسة :)


انت قلت بنفسك احتمال .. يعني شنوووو يعني ردة الفعل تختلف حسب الموقف
طبعا ياسويت لازم أقول احتمال
احنا ماندري عن خفايا الأمور
لكن الواضح في المقطع والواقع انه ضربهم ضرب بشكل غير مقبول وسبهم بطريق غير مقبولة
الضرب والالفاظ النابية مب احتمال
هاذي اكيد
:victory:


العيال في الفيديو يدرون انهم غلطانين و اتوقع والعلم عند الله ان العم معيض منبههم ومحذرهم اكثر من مرة

شلون وصلت لهالمعلومة من مركز الارصاد الي في مخي :)

رديتي حق التحليل
قصدي الفراسة طبعا :nice:
لكن يظل مجرد توقع قد يصيب وقد يخطئ
لذلك النقاش يكون على أساس الفعل اللي تم ارتكابه واللي شفناه بعيونا ياسويت


يبين من ردة فعلهم انهم عارفين ليش عصب عليهم


طبعاً السب ماله مبرر غير ان بعض الناس عندهم مثل هالالفاظ شي عادي
انتي طلعتي برع الموضوع ياسويت تدرين ليش؟
احنا مانناقش فعل اليهال او ردة فعلهم
احنا نناقش فعل ثاني
اما اللي يشوف مثل هالالفاظ عادية فاقول له لازم يراجع تربيته والبيئة اللي عاش فيها


بالنسبة لي يفرق وايد

لو انا مدرسة و طالب لعب بنعمة الله .. بنبهه واحذره وعلى حسب عناده يمكن اشتكي عليه الادارة

اما لو واحد من عيالنا لعب بالنعمة بضربه

لان نعمة الله خط احمر .. واحنا نحترمها ونقدرها
بتضربينه علشان تعاقبينه ولا علشان تادبينه؟

هاذي نقطة

ثاني نقطة :
كيفية الضرب : هل بالتلشط مثل ماشفنا؟ هل بعصا؟ شلون؟

ثالث نقطة :
الضرب دائما في السلام آخر حل
اذا الصلاة وهي صلاة وهي اللي اذا صلحت صلحت سائر الاعمال الرسول قال اضربوا الولد عليها في سن عشر سنين
هاذي وهي صلاة
ماقال قبل
وهل لعب الكورة في الميلس اعظم من ترك الصلاة ياسويت ؟

هذا مثل ماقلت لج اذا بنناقش المسالة من منظور ديني


رابع نقطة :
الضرب في الإسلام له ضوابط وحدود
والرسول عليه السلام بينها لنا
ماقال بالتلشط اللي شفناه :)

الحين ارجع حق نفس السؤال الأول ياسويت بعد اذنج :
قلتي بتضربين الولد اللي يلعب بنعمة الله
انزين شلون؟ واي ولد قصدي على أي عمر بتضربين؟ هل لو عمره خمس سنين بتضربينه مثلا؟

ارجو التوضيح



وبالنسبة لمشاعري وتعاطفي مع العم معيض

مادري والله انا من شفت الفيديو استانست عليه .. حبيت اليهال الله يحفظهم و شخصياتهم

و اسلوبهم مع عمهم
هاذي ياسويت نظرة شخصية خاصة فيج وانا احترمها
مع اني مادري استانستي على وشو بالضبط !! لكن ارجع وأقول احترم نظرتج الشخصية


على فكرة الي يقول ان التربية ممكن تكون بنظره !!

أيضا احترم أصحاب الراي هذا والكل على العين والراس


بقوله اقسى انواع التعذيب هي نظرة السخط والغضب


عشان جذي دايما ندعي رب العالمين " اللهم لا تنظر الينا بعين سخطك وأنظر لنا بعين رضاك "

هاذي ياسويت لي وقفة وياها ويمكن أكون مافهمتج :
شلون قارنتي نظرة العباد او نظرة الاب لولده بنظرة رب العالمين ؟
نظرة رب العالمين بالسخط وراها جهنم
اما نظرة الاب فلها معاني أخرى

شلون قارنتي بينهم او ربطتي بينهم ؟

اسمحي لي من وجهة نظري مافي ربط ابدا ولا مقارنة
القياس في غير محله اطلاقا ولايمكن قياس نظرة رب العالمين سبحانه باي نظرة أخرى ياسويت
على الاطلاق
سواء نظرة الغضب او نظرة الرضا


انا لا اؤيد الضرب .. لكن ما ابالغ في رفضه

وصلنا ياسويت :nice:

وهذا اللي انا أقوله واشرحه :
الضرب موجود في الإسلام والإسلام مايؤيد الضرب الا كآخر حل
وبضوابط معينة
ولنا في رسول الله اسوة حسنة
صلى الله عليه وسلم



ويامرحبا بج ياسويت