الخطه التطويريه للموظف ... حقيقه أم كذبه ؟

[koketa]

السلام عليكم ورحمه الله وبركاته


حبيت اطرح موضوع للنقاش وأشوف تجاربكم

في كل المؤسسات الشبهه حكوميه يوجد ما يسمى بالخطه التطويريه او career development plan

المفروض ان هاي الخطه توضح للموظف خطوات معينه لتحسين الأداء واكتساب مهارات معينه تساعده يوصل لمستوى يكون مؤهل بعدها لشغر وظيفه اعلى

هل هناك قانون يحمي هاي الخطه اذا تم التلاعب بالموظف القطري ومحاوله تنحيته عن التقدم للوظيفه اللي تم وعده بها من قبل مدراءه ؟

[سالم الزهران]

التدريب على رأس العمل ، تطوير القوى العاملة ، بشكل قليل يتم تطبيقها في بعض الادارات و الباقي خرابيط

[بعيد النظر]

للأسف هـ الخطة يحطونها عشان يمللون فيها الواحد ..
ويقعد سنين عشان يخلصها .. وكل من هب ودب يجي يتفلسف على المتدرب فيها ..

الشغل يحتاج سنة عشان تتعلمه .. يعطونك خطة حق 3 او 4 سنوات ..
مفيدة ماديا" .. بس مشكلتها تفقد الشخص الشغف للشغل بدون مسؤوليات !


بالنسبة للقانون الله اعلم !

[طلعة الروح]

اذا كانت الخطة التطويرية نيتها فعلا تطوير الموظف وترقيته في منصبه وليس من باب تضييع الوقت والمماطله وتحصيل الحاصل او بمعنى آخر مايستفيد منها الموظف فعليا
فأكيد راح تؤتي ثمارها على مستوى الموظف أولا وعلى مستوى امكانية ترقيته ثانيا،
والأهم من هذا وذاك يكون الموظف نفسه interested في مجال عمله وقادر يعطي فيه ذاتيا بدون حتى خطه تطويريه
ساعتها يفترض انه ينحط في منصب أفضل لأن اثبت نفسه وتفوقه على غيره اذا كانت بيئة العمل صحية والعاملين فيها والمسؤولين عن الموظف أسوياء وعادلين وفي شي اسمه deadline وتدرج وظيفي معمول فيه.
لكن في بيئة العمل القطرية للاسف اللي صاير ان حبتك عيني ماضامك الدهر ولازم يكون عندك PR قوي او شخصية قوية ولسان جريء عشان توصل بين ألف وألف موظف منافس حتى لو كنت فعليا المؤهل الوحيد بينهم.
لأن احنا للحين عندنا مسؤولين ديناصورات تفكيرهم من هالفلان وولد من وشبستفيد لو رقيته وهل هو ذكر أو انثى يعني للحين فيه عندنا تمييز عنصري من بعض المسؤولين اللي انحطوا بسبب الواسطه السلبية او بسبب التقادم، وشخصيا ناهضت هالاشكال وشفتهم بعيني واتمنى انهم ينقرضون من المواقع الحساسه والمسؤولة
لأنه خرب على ناس فرص وظيفية مهمة بس لأن هو حقود ومايبي يتطور وبنفس الوقت مايبي يشوف ناس أحسن منه.

[مهرة]

..

وعليكم السلام ورحمة الله وبركاته,,

اختي العزيزة المشكلة هذي أزلية للأسف وبتكمل مع أجيال أجيالنا وماهي إلا كذبة مزخرفة بخطابات حافظين محتواها مسبقاً وتشبعنا منها وطفحت عقولنا من زخم (التطوير) مالهم بختصار هي كذبة جملوها ورددوها بغرض نزف الميزانية التي ليس لها طريق واضح لا نقطة بداية ولا نهاية وعفى الله عما سلف.!

[المرحب]

للأسف هـ الخطة يحطونها عشان يمللون فيها الواحد ..
ويقعد سنين عشان يخلصها .. وكل من هب ودب يجي يتفلسف على المتدرب فيها ..

الشغل يحتاج سنة عشان تتعلمه .. يعطونك خطة حق 3 او 4 سنوات ..
مفيدة ماديا" .. بس مشكلتها تفقد الشخص الشغف للشغل بدون مسؤوليات !


بالنسبة للقانون الله اعلم !

:nice:

[بشائر]

للأسف هـ الخطة يحطونها عشان يمللون فيها الواحد ..
ويقعد سنين عشان يخلصها .. وكل من هب ودب يجي يتفلسف على المتدرب فيها ..

الشغل يحتاج سنة عشان تتعلمه .. يعطونك خطة حق 3 او 4 سنوات ..
مفيدة ماديا" .. بس مشكلتها تفقد الشخص الشغف للشغل بدون مسؤوليات !


بالنسبة للقانون الله اعلم !

أحسنت ..

[سالم الزهران]

..

وعليكم السلام ورحمة الله وبركاته,,

اختي العزيزة المشكلة هذي أزلية للأسف وبتكمل مع أجيال أجيالنا وماهي إلا كذبة مزخرفة بخطابات حافظين محتواها مسبقاً وتشبعنا منها وطفحت عقولنا من زخم (التطوير) مالهم بختصار هي كذبة جملوها ورددوها بغرض نزف الميزانية التي ليس لها طريق واضح لا نقطة بداية ولا نهاية وعفى الله عما سلف.!

:nice:

نحن قوم ندعي وحياتنا كلها إدعاء v إدعاء

نزعم التطوير و نزعم و نزعم و الماي يكذب الغطاس

[بوخالد911]

هي أقرب لل ( الإبرة المهدئة )

[سهم عتيج]

اذا كان فيه خطة لتطوير الموظف,, المفروض يبدون بتطوير موظفي الموارد البشرية ,, لأنهم هم العائق الأكبر امام تطوير باقي الموظفين للأسف..

[بوخالد911]

اذا كان فيه خطة لتطوير الموظف,, المفروض يبدون بتطوير موظفي الموارد البشرية ,, لأنهم هم العائق الأكبر امام تطوير باقي الموظفين للأسف..

وكذلك لا بد من تطوير بعض المدراء
فهم أكبر عائق ومطب أمام تطوير الموظفين.

[koketa]

اذا كان فيه خطة لتطوير الموظف,, المفروض يبدون بتطوير موظفي الموارد البشرية ,, لأنهم هم العائق الأكبر امام تطوير باقي الموظفين للأسف..

صحيح 👍🏻👍🏻👍🏻👍🏻

[ضوى]

ميزانية عالفاضي

اذا انت اخذت دورات لازم تطبق اللي اخذته بمجال شغلك وتنصدم يقولك خل على اللي ماشين عليه بلا تطوير بلا بطيخ

لذلك أنا اشوف مالها داعي في الجهات اللي تملك مركزية وبيروقراطية مقيتة

[koketa]

اذا كانت الخطة التطويرية نيتها فعلا تطوير الموظف وترقيته في منصبه وليس من باب تضييع الوقت والمماطله وتحصيل الحاصل او بمعنى آخر مايستفيد منها الموظف فعليا
فأكيد راح تؤتي ثمارها على مستوى الموظف أولا وعلى مستوى امكانية ترقيته ثانيا،
والأهم من هذا وذاك يكون الموظف نفسه interested في مجال عمله وقادر يعطي فيه ذاتيا بدون حتى خطه تطويريه
ساعتها يفترض انه ينحط في منصب أفضل لأن اثبت نفسه وتفوقه على غيره اذا كانت بيئة العمل صحية والعاملين فيها والمسؤولين عن الموظف أسوياء وعادلين وفي شي اسمه deadline وتدرج وظيفي معمول فيه.
لكن في بيئة العمل القطرية للاسف اللي صاير ان حبتك عيني ماضامك الدهر ولازم يكون عندك PR قوي او شخصية قوية ولسان جريء عشان توصل بين ألف وألف موظف منافس حتى لو كنت فعليا المؤهل الوحيد بينهم.
لأن احنا للحين عندنا مسؤولين ديناصورات تفكيرهم من هالفلان وولد من وشبستفيد لو رقيته وهل هو ذكر أو انثى يعني للحين فيه عندنا تمييز عنصري من بعض المسؤولين اللي انحطوا بسبب الواسطه السلبية او بسبب التقادم، وشخصيا ناهضت هالاشكال وشفتهم بعيني واتمنى انهم ينقرضون من المواقع الحساسه والمسؤولة
لأنه خرب على ناس فرص وظيفية مهمة بس لأن هو حقود ومايبي يتطور وبنفس الوقت مايبي يشوف ناس أحسن منه.


كلام واقعي للأسف

[koketa]

ميزانية عالفاضي

اذا انت اخذت دورات لازم تطبق اللي اخذته بمجال شغلك وتنصدم يقولك خل على اللي ماشين عليه بلا تطوير بلا بطيخ

لذلك أنا اشوف مالها داعي في الجهات اللي تملك مركزية وبيروقراطية مقيتة

حتى لو طبقتيها وخصوصا في البيئة اللي فيها اجانب

يتم استغلال الموظف وفي الأخير ينسبون الشغل لهم

[CH Engineer]

كذبه..

[qatarman8008]

هي خطة مدروسة بمراحل معينة تهيئ الموظف لشغر منصب مرموق من خلال الخوض في برنامج تطوير معين.. بمراحل..
كلام جميل..
لكن لمن يعطى هذا البرنامج..؟؟
على حسب عقلية المدير..
قد يكون المدير منفتح فكريا وملتزم بمبادئ العمل الشريف ويرشح النوابغ من افراد القسم..
وقد يكون منغلق.. مركزي.. عنصري ويرشح احد افراد القسم الغير مؤهل عللى حساب المؤهلين من اجل مصلحة او هدف شخصي..

[بانغ بانغ]

السلام عليكم ورحمه الله وبركاته


حبيت اطرح موضوع للنقاش وأشوف تجاربكم

في كل المؤسسات الشبهه حكوميه يوجد ما يسمى بالخطه التطويريه او career development plan

المفروض ان هاي الخطه توضح للموظف خطوات معينه لتحسين الأداء واكتساب مهارات معينه تساعده يوصل لمستوى يكون مؤهل بعدها لشغر وظيفه اعلى

هل هناك قانون يحمي هاي الخطه اذا تم التلاعب بالموظف القطري ومحاوله تنحيته عن التقدم للوظيفه اللي تم وعده بها من قبل مدراءه ؟

موضوع وايد مهم وخطير ويعاني منه اكثر الموظفين

يوم كنت في البترول في حقبة ماضية ... كان كل موظف عنده pcp personal career plan بحيث يعرف وضعه عدل خلال سنين تدريبه وفي مشرفين ايتابعونه لدرجة يعرف بعد شهر او سنة مثلا ايش بيكون وضعه

احين بعض الدوائر حتى خطة تدريبات ماعندهم

احييك عالموضوع المهم

[برزان]

كلمة ( مشي الشغل ) !!!

هذا الوضع عندنا في معظم اجهزتنا زين خله ايهرول شوي ولا خل يضرب سبرنت ، هنا تتقاطع معك مقولة العقل السليم في الجسم السليم .
اما من ناحية الكفاءات ومن يستحق ومن لايستحق مازال يحكمها المزاجيه وهوا النفس .
اما من ناحية الكارير دفلوبمنت فهو مولود من رحم عقيم وسيصبح على هالوتيرة لفترة طويله من الزمن ، ولك في السنين الماضية دليل .

[الدوحه1]

اذا بتسأل عن الخطه الجهنميه لتطفيش الموظف... فهي حقيقه!!



على العموم اللي يبي يطور نفسه ويوصل لاعلى المناصب يسوي اللي في الصوره!!!!!

http://www5.0zz0.com/2016/04/11/13/764673273.jpg (https://www.0zz0.com)

[koketa]

موضوع وايد مهم وخطير ويعاني منه اكثر الموظفين

يوم كنت في البترول في حقبة ماضية ... كان كل موظف عنده pcp personal career plan بحيث يعرف وضعه عدل خلال سنين تدريبه وفي مشرفين ايتابعونه لدرجة يعرف بعد شهر او سنة مثلا ايش بيكون وضعه

احين بعض الدوائر حتى خطة تدريبات ماعندهم

احييك عالموضوع المهم

المشكله ان الدوائر اللي عندهم البرنامج اللي يطبقونه للأسف*ماعندهم
الخبره في التطبيق وللاسف ما في سياسة في المؤسسات لحمايه حقوق الموظف او حمايه خطه التطوير

[koketa]

اذا بتسأل عن الخطه الجهنميه لتطفيش الموظف... فهي حقيقه!!



على العموم اللي يبي يطور نفسه ويوصل لاعلى المناصب يسوي اللي في الصوره!!!!!

http://www5.0zz0.com/2016/04/11/13/764673273.jpg (https://www.0zz0.com)


الله الغني

[direction]

السلام عليكم
حتى لو لم توجد هالخطة في مكان العمل الحالي .. الواحد يسوي له بنفسه (كثر مايقدر) .. يكتسب المهارات المطلوبة .. واذا ماحصل بزشن في شغله الحالي ان شالله يحصل في مكان ثاني.. من احلى الاشيا الي ترفع قيمة السي في الشهادات المهنية .. مثل ال cpa في مجال المحاسبة مثلا...

[طبيب قطري]

الكل متفق ان ال cdp كذبه ! عيل يلغونه احسن

[direction]

هو مب كذبة .. هو خارطة طريق لايصال الموظف الى تارجت بوزشن او مهارات يحتاجها للمنصب الجديد .. المشكلة مب في الاداة .. المشكلة في المدير(اذا كان راضي او مايدري) يتعطل الموظف او ينتهي من هالبرنامج بسرعة البرق قبل لا يتعلم فعليا ..

[koketa]

هو مب كذبة .. هو خارطة طريق لايصال الموظف الى تارجت بوزشن او مهارات يحتاجها للمنصب الجديد .. المشكلة مب في الاداة .. المشكلة في المدير(اذا كان راضي او مايدري) يتعطل الموظف او ينتهي من هالبرنامج بسرعة البرق قبل لا يتعلم فعليا ..

ولما يكون المدير أجنبي ويفصل الوظيفه ويتحايل على الخطه التطويريه عشان يعين صديقه ولا قريبه ويضيع وقت ومجهود الموظف ... هاي مين يحاسبه ؟

[GENIUS]

اغلب الجهات التي لديها مثل هالبرامج لبعض موظفيها للعرض وال show للجهات العليا يعني شوفونا عندنا .

وإن كان مفعلا فلجماعة اذا حبتك عيني والشلة المقربة من المركزية في تلك الجهة.

ناس تصعد بسرعة البرق وناس نفس سالفة النمر والثعلب ( ليش ما تلبس قحفية ) .

[direction]

ولما يكون المدير أجنبي ويفصل الوظيفه ويتحايل على الخطه التطويريه عشان يعين صديقه ولا قريبه ويضيع وقت ومجهود الموظف ... هاي مين يحاسبه ؟

المسؤول الي فوقه

[خالد_قطر]

عن تجربة معاي ومع غيري هي خطة للتنويم المغناطيسي وتستخدم فقط للقطري والأجنبي يترقى أكثر من ترقيك وإنت لين الحين ما خلصت الخطة ...
أنا اختصرت الخطة وطلعت تقاعد...

[ya3coub]

هل هناك قانون يحمي هاي الخطه اذا تم التلاعب بالموظف القطري ومحاوله تنحيته عن التقدم للوظيفه اللي تم وعده بها من قبل مدراءه ؟

الحكومة و الجهات الحكومية المفروض اي كل موظف عارف ترفيعته متى و بداية المربوط و نهاية المربوط على حسب الدرجة


فالخاص و شبه الحكومي للأسف لا.

كلام يقال شفهيا ولا شي على ورق انت و حظك انت و من يظبطك بالــــهيد اوفيس "Head Office" لا من ناحية الرواتب ولا الكرير ديفلوبمنت.


في شركات عندهم قسم تقطير يحاول بس الإدارة العليا ترفض لا في شي واضح من الـــ HR او قسم التقطير يحارب و هناك مسكرين بيبانهم
و في شركات ادارة التقطير عبارة عن ناس تتكلم عن التطوير الوظيفي ولا يسون شي غير كيكة كل 3 شهور و محاضرة سخيفه يحظرها الموظفين للتصوير فقط.
و في القطاع البترولي عندهم خطة واضحه لمدة 5 سنين حتى لو اجتهدت اكثر من الطبيعي ما يحقلك إلا تمشي عالجدول و ممكن التعديل بشي خفيف اما بالتأخير او التقديم.

و عن الحكومة ان ما خاب ظني قانون الموارد البشرية لما قريته فيه كلشي واضح و بين و هاي القوانين الي تفتقر لها الجهات شبه الحكومية و الخاصة

[koketa]

الله المستعان