هل نحن ملتزمون بذلك؟

[bohilal191]

السلام عليكم
طبعا هالتحذير موجود في كل محطات وقود ومكتوب انه مضر بس ماشوف حد يطبق ،في رأيكم ليش


http://i.imgur.com/lwD3QHT.jpg

[ضوى]

انا واحدة اطبق هالتعليمات بحذافيرها الحمد لله

[Dana’1]

لا بصراحه مو كلها
استخدم الجوال في حال جاء اتصال
ولا اطفي المحرك

[bohilal191]

ماقصرتوا بس ليش يا ديور ماتطبقين اللوائح

[معماري قطري]

لا بصراحه مو كلها
استخدم الجوال في حال جاء اتصال
ولا اطفي المحرك

خارج قطر نضطر لصب البترول بروحنا .. فنلتزم بالتعليمات كاملة والجو يساعد .. في قطر داخل السيارة والنوافذ مغلقة ممكن نتكلم في التليفون والسيارة تشتغل والمكيف يشتغل بس يكون الصب عن طريق آخرين .. لكن لو بننزل ونعبي لازم نتبع التعليمات

[Dana’1]

ماقصرتوا بس ليش يا ديور ماتطبقين اللوائح

مافيه سبب معين بصراحه
يمكن متساهله بالموضوع لان الأغلب كذا وبإيش بيضر ردي عالجوال وانا داخل سيارتي ومقفله الشباك؟

مثل ماقال معماري إحنا ماننزل مثل دول برا
لان بأمريكا فعلا كنا نلتزم بالأمر لان فيها نزله واخدم نفسك بنفسك

[نورث يورك]

طبعا التزم حفاظا على سلامتي وسلامة عائلتي. التعليمات الموجودة ليست لسلامتك الشخصية فقط سواء نزلت من السيارة او لا، الخوف مش عليك من الطقس وانما منعا للحريق. شكرا صاحب الموضوع للطرح.

[بعيد النظر]

لا والله عن نفسي غير ملتزم بتاتا" ..
يمكن لاني قاعد في السيارة ..

[ya3coub]

انا حتى القعدة ما اقعدها

كل مرة اصب فوقود لازم انزل اخلص شغلة و ارجع علبال ما يصب.


البحرين من كم سنة ما يصب بترول لو ما بندت السيارة

[.قطر.]

وعليكم السلام
انا مرات انزل من السياره
واستخدم الجوال وانا قاعد داخل السياره
وف الصيف مابند السياره لانه حر بس في لشتا
والتدخين انا بعيد عنه الله لايجيبه لنا ^_^

[طلعة الروح]

انا ماطفي الموتر بس ماستعمل الجوال اخليه بالشنطه
+ اتمنى حد يفيدنا شالحكمة من اغلاق محرك السيارة وقت الصب
شللي بيولد حريق لاقدر الله؟

طبعا أنا اخطر شي اشوفه الزقارة من كل التحذيرات لانها سبب رئيسي للاشتعال
والموبايل رقم 2 اذا كان قريب من البنزين ولا بد من الاحتياط

[بانغ بانغ]

اتوقع حتى محطاتنا ما اتطبق مبدأ السلامة .... الطفايات امغبره والعمال والقائمون عليها ما يعرفون يتصرفون في الازمات اتذكر يوم انفجرت محطة الهلال من كم سنة صار صار تدافع وبهدلة

بس جيد اتكون فيه توعية من قبل الركاب ... عن نفسي اطفي السيارة وطبعا ما ادخن وافتح الدرايش لاني اموت في ريحة البترول