تعبه من المستشفيات .. ابي الوصفات الشعبيه ...

[حمد 2002]

السلام عليهم

العنوان واضح ..

ابي وصفه زينه وشراب للبلغم ..

لاني يومين اصير زين ويومين يرجعلي ..

ابي وصفه تريح الصدر ..


جزاكم الله خيرا ..


واي تعليق خارج الموضوع بشتكي عليكم عن الاداره وبخليهم يتخذون الاجراءات الصارمه تجاهكم ..


شكرا ..

[راجي الْعفو]

وعليكم السلام و رحمة الله و بركاته

قهوة
زنجبيل
بيض مفيوح مرشوش بفلفل اسود

لعل هالاشيا تفيدك

و التدخين مب زين ^_^

لاباس طهور إن شاء الله .

[النهار]

ادهن صدرك بزيت حبة البركه وجيب ورقة الملفوف حطها على الصدر وبعدها حط فوطه وجيب اشارب الصلاه ولف على المحتويات لفه عدله
ونام كرر العمليه لمدة 3 ايام ان ماطبت هههههههههه كل البيض المفيوح مع فلفل
ترى اكلمك صح وهذي عن تجربه

[بانغ بانغ]

هلا بشيوخنا حمد ورجرج

ماي امنقع فيه البان وتم اشرب منه لين تنبط ههههههه والله شي امرتب بس وقف مارلبورو احمر

او خذ لك دواء خطير اسمه codioarبعشر ريالات لكن بوصفه ممتاز للكحة بس ايدوخ

[بانغ بانغ]

Codilar قصدي

[النهار]

Codilar قصدي

هاي وين يبيعونه

[بانغ بانغ]

هاي وين يبيعونه

هلا بشيخنا ... اي صيدلية بس بوصفه لكنه خطير

[راجي الْعفو]

هلا بالشيخ بانغ

النهار يا حمد عطاك خلطة تخليك حصان ماشاء الله ^_^

[بانغ بانغ]

هلا بالشيخ بانغ

النهار يا حمد عطاك خلطة تخليك حصان ماشاء الله ^_^

الريال ما يبي ايكون احصان .. فيه كحة وبلغم يا شباب ركزوا بارك الله فيكم .

ما يصير اتخلونه كيذا

[النهار]

الريال ما يبي ايكون احصان .. فيه كحة وبلغم يا شباب ركزوا بارك الله فيكم .

ما يصير اتخلونه كيذا


:eek5::eek5::eek5:

ليش ياخوي انا أبيه يستفيد منها يصير حصان ومنها يطيب

مشكور ياشيخ راجي على رفع المعنويات
:weeping::weeping:

[راجي الْعفو]

الريال ما يبي ايكون احصان .. فيه كحة وبلغم يا شباب ركزوا بارك الله فيكم .

ما يصير اتخلونه كيذا

زيادة الخير خيرين يا شيخ بانغ ^_^

عصفورين بحجر النهار ..




:eek5::eek5::eek5:

ليش ياخوي انا أبيه يستفيد منها يصير حصان ومنها يطيب

مشكور ياشيخ راجي على رفع المعنويات
:weeping::weeping:

تستاهل تستاهل يا شيخ نهار الذهب

انثر خبراتك كي تستفيد الاجيال منها ^_^

[المخفي]

علاجك في زيت السمسم قبل النوم اشرب ملعقة و ادهن صدرك بالزيت ونام

[فارس قطر]

Prospan بدون وصفه طبيه يصرف يوقف الكحه ويخرج البلغم وسعره رخيص

[حمد 2002]

وعليكم السلام و رحمة الله و بركاته

قهوة
زنجبيل
بيض مفيوح مرشوش بفلفل اسود

لعل هالاشيا تفيدك

و التدخين مب زين ^_^

لاباس طهور إن شاء الله .

هلا هلا صديقي الحلو ..

من صجك البيض المفيوح مع الفلفل الأسود بيجيب نتيجه ..


بجرب وان شاء الله خير ..


وبالنسبه للتدخين ولا مره دخنت والله. .

شكرا لك حبيب قلبي ..

[سالم الزهران]

انا اتوقع ان الحالة ذي ترتبط معك بموسم معين ؟ و لاهي مرتبطة بالزكام و نزلات البرد فقط ؟

شف يا اخ حمد ،،، اتوقع انك تتحسس من العلاجات و تسبب لك افرازات البلغم و تسكير الحلق . لذلك لا تاخذ العلاجات اللي ما تريحك و تضيق صدرك ،، وتأكد انك ما تشخصت عند طبيب فالح ،،، ولابد ما تعرف العلة ان شاء الله و تصير طيب،،،،،اسأل الله لك الشفاء وراحة البال .

[العفريت 2022]

زيت زيتون طبيعي بياله وانت باْذن الله تمام التمام ��������

[حمد 2002]

ادهن صدرك بزيت حبة البركه وجيب ورقة الملفوف حطها على الصدر وبعدها حط فوطه وجيب اشارب الصلاه ولف على المحتويات لفه عدله
ونام كرر العمليه لمدة 3 ايام ان ماطبت هههههههههه كل البيض المفيوح مع فلفل
ترى اكلمك صح وهذي عن تجربه


حي الله النهار ..

جربه امس حبه البركه الي قلت لي عنها وتدهنت بها وان شاء الله خيرر لاني لين الحين ماحسيت بشيء بس فيني النوده شوي لاني امس مانمت عدل كله اتقلب بالنوم ..


شكرا ..

[حمد 2002]

هلا بشيوخنا حمد ورجرج

ماي امنقع فيه البان وتم اشرب منه لين تنبط ههههههه والله شي امرتب بس وقف مارلبورو احمر

او خذ لك دواء خطير اسمه codioarبعشر ريالات لكن بوصفه ممتاز للكحة بس ايدوخ

تقصد علج بان ذكر ؟

نقعته من فتره وفادني شوي .. شكرا لك ... وبالنسبه للدواء بجوفه ان شاء الله اذا مافادت حبه البركه ..

وبالنسبه للتدخين مادخن والله بس يمكن استنشق احياننا نادره التدخين السلبي في الاسواق والاماكن العامه ..

شكرا لك يالذيب ..

[حمد 2002]

علاجك في زيت السمسم قبل النوم اشرب ملعقة و ادهن صدرك بالزيت ونام

ان شاء الله بجرب دواءك بعد 3 ايام اذا مافاد حبه البركه ..

تسلم يالذيب ورحم الله والديك ..

[حمد 2002]

Prospan بدون وصفه طبيه يصرف يوقف الكحه ويخرج البلغم وسعره رخيص

تسلم اخوي فارس ..

وان شااء الله بجربه اذا مافادت حبه البركه ..

رحم الله والديك وماقصرت ..

[حمد 2002]

انا اتوقع ان الحالة ذي ترتبط معك بموسم معين ؟ و لاهي مرتبطة بالزكام و نزلات البرد فقط ؟

شف يا اخ حمد ،،، اتوقع انك تتحسس من العلاجات و تسبب لك افرازات البلغم و تسكير الحلق . لذلك لا تاخذ العلاجات اللي ما تريحك و تضيق صدرك ،، وتأكد انك ما تشخصت عند طبيب فالح ،،، ولابد ما تعرف العلة ان شاء الله و تصير طيب،،،،،اسأل الله لك الشفاء وراحة البال .

اي والله وانت الصادق ..

كل دختور يوصف لي شيء ، لين تهت في عالم الادويه ..


شكرا لك .. ماقصرت يالذيب ..

[حمد 2002]

زيت زيتون طبيعي بياله وانت باْذن الله تمام التمام ��������

اشربه يالذيب ولا اتدهن فيه ؟

ان شاء الله بجربه اذا مافادت وصفه حبه البركه ..


رحم الله والديك ياخوي ..

[بصمة قطرية]

أول شي روح إكشف على صدرك تأكد إن صدرك*سليم..
يمكن معاك حساسية في الصدر و هي السبب في البلغم
لأنك ما عالجت الحساسية ..
روح للدكتور خالد الشيخ جداً ممتاز ..
هو اللي إكتشف إنه معاي حساسية في الصدر
و علاجه ريحني وايد من اول يوم ..
مرات العلاج الغلط يسوء الحالة ..
ما عليك شر يا حمد ..

[رجل تعليم]

اخي العزيز حمد
تبي عسل الغاب أصلي ألف بالمئة ...أشوف لك أخوي وأرسله لك نصف لتر أو لتر اذا لقيت لأن هذا مب وقته ...سيبدأ استخراجه بعد شهر تقريبا .. ولكن ممكن ألقى لك شيء منه عند صديق لي
ارفع دواء مجرب هو العسل الطبيعي

ولو تحتاج زيت زيتون ارسله لك أخوي
عندي منه والحمد لله
وأفضل زيت زيتون للعلاج هو تبع العام الماضي وهو أيضا موجود عندي منه لترين أو أقل ومدخرينها للعلاج خصوصا لبنتي سلمى من حين لحين يجيها سعال وتشرب منه ملعقة في الليل ويتوقف كل شيء في رمشة عين سبحان الله.
المهم اللي تحتاجه من هذا احسبها عندك ان شاء الله ولا أريد منك سوى الدعاء.
المهم انت تبقى لنا سليما معافا
مزحة معك لتلطيف أجوائك : كلما رأيت اسمك إلا وقلت هذا هو حمد ..ملح الإستراحة ...وإبزار الحوار العام ...ووديع جدا حين تستفسر عن شيء في قسم الاستفسارات خخخخ
لا تشتكيني للإدارة

[لما]

عسل طبيعي مع زنجبيل في حليب دافئ

[بنت شرق]

افضل شيء لطرد البلغم كما قال احد الاخوة البان ، تنقعه بماي بارد من الليل وتغطيه والصبح تشربه على الريق ، خلال نصف ساعة الى 45 دقيقة بتدا تعاني من نوبة كحة ومعها البلغم كرره اكثر من يوم وستبدأ الاعراض تخف تدريجيا

[الأصيلة]

الوصفة التي تقطع الكحة
عسل ودارسين ( قرفه )
فنجان عسل وملعقة قرفه ناعمه ويشرب ثلاث ملاعق كل يوم وباذن الله
تذهب الكحة