استغلال وجشع القرية الساحرة في كتارا الدخول فقط 15 ريال !!!

[وحيد-الشوق]

السلام عليكم

هل يعقل الدخول من بوابة القرية الساحرة في كتارا القريبة من السانت ريجيس 15 ريال قلت لهم مابي العروض والالعاب قالي لا البوابة مدخل vip وحجتهم انها بوابه غير حاطين زوليه حمراء مصدقين روحهم انا ادخل الفندق وياخذون سيارتي بدون مقابل ويمكن اتمشى داخل الفندق وما اطلب شيء لهذي الدرجة وصلنا لمرحلة الاستغفال والجشع امس دخلت منها ورفضت اني ادفع وكانوا وراي ناس دشوا بعد بدون مايدفعون من زين المكان عشان ادفع :)

[بانغ بانغ]

ويبون اينافسون دول شقيقة

اصلا المفروض ايسوون ملاهي مب زوايا العالب للاطفال

عمرهم ما بيشوفون سياحة

كنت بانزل موضوع من فترة عن " ليش ماتكون عندنا سياحة داخليه على مستوى عالمي ونجذب الناس لنا بدل دبي والكويت مثلا "

شكرا عالطرح شيخنا

[نايم سهران]

ههههههههههههههههههههههههه استغفر الله ، عارفين انه راح ندفع يعني ندفع ،

زين سويت فيهم اخوي ، اتمنى من كل واحد يدخل ما يدفع ولا ريال ونشوف ايش بيسوون ،

عيل قالوا بوابة vip

[رجل الجزيرة]

شفت مقابلة مع الدكتور السليطي مدير ل كتارا قال بالحرف الواحد
المهرجانات والإحتفالات على حساب المكتب الهندسي لين كتارا توقف عدل وتشتهر ويزيدون الزوار بعدين بيصير كل شيء بفلوس بالعربي ال 15 ريال ولا شيء.
أتنمى إني ما سمعت عدل.
:)

[.قطر.]

واذا تبي تدخل ببلاش لازم تمشي من المواقف لييييييين الباب اللي ف الصوب الثاني
المفروض المدخل جدام المواقف ليش تخليني امشي اذا ابي ببلاش !!!

[ya3coub]

لليوم ما طبيتها

رحت مرة اخذ الأهل و تنرفزت و بصراحة لو يسونها بــ20 او حتى 50 ما عندي مانع.

الشباب بالهبل و البنات اغلبهم صغار بالسن و فول ميك اب و مغازل انا ما نزلت و تضايقت من الي شفته بس عند البوابة.


اما الحريم الكبار و الي رايحين يشترون مافيها شي و اهم طالعين يردون لهم المبلغ طالما انه شكل ديبوزت
مادري اذا ليلحين زحمة او لا يوم رحت كانت زحمة غير طبيعية

[aziz4z]

البنانا أبرك لي من الكتار و زحمتها
راحة و هدوء و خصوصية

[kitmat]

والله كنت ناويه افتح موضوع خاص ولكن شكلي باكتب اهنيه اول شي اشكر المنظمين على جهودهم واول ما افتحت القريه العالميه في دبي مرت بعدة مراحل ومشاكل حتى وصلت لما هي عليه وكل مشروع في البدايه يكون فيه قصور واتوقع السنه الجايه بيكون الوضع افضل ولي بعض الملاحظات بالامس وديت الوالده لانها كله في البيت وطبعا الوالده المشي بالنسبه لها صعب شوي كانت الحمامات الله يعزكم كانت مرتفعة وصعب لكبار السن انهم يركبون وينزلون والمسجد بعيد وايد عن منطقة الحمامات وطبعا يحتاج الي مشي وايد وذلك صعب على كبار السن غير ان المسجد لايليق بالمكان لانه وايد صغير في كلاب بالنسبه للمطاعم ان الكهرباء تتسكر بالليل مما يؤدي الى ان الطعام يكون غير صالح للاكل وممكن ان شي يحدث تسمم للناس الذين يتناولون الطعام هناك غير ان البضائع والاكل بأسعار مرتفعة جدا والكثير من المحلات لايوجد اسعار مكتوبه على البضاعة المباعة يعني دخلت محل وحدة مغربية تبيع زيت الارقان في زجاجة اصغر من كف اليد ب ستمائة ريال قطري وقالت بتعطيني اياها اخر شي ب خمسمائة ايش هاي الاسعار وين حماية المستهلك وليش مايلزمونهم ايحطون اسعار على بضاعتهم كل واحد ايبيعون له بسعر وكان المعارض تفتح لاستغلال الشعب ومكان المطاعم ضيق والطاولات متراصة اتمنى في السنه القادمة تلافي كل هذه الاخطاء والمسجد يكون قريب من الحمامات ويراعى فيها كبار السن

[طلعة الروح]

السلام عليكم

هل يعقل الدخول من بوابة القرية الساحرة في كتارا القريبة من السانت ريجيس 15 ريال قلت لهم مابي العروض والالعاب قالي لا البوابة مدخل vip وحجتهم انها بوابه غير حاطين زوليه حمراء مصدقين روحهم انا ادخل الفندق وياخذون سيارتي بدون مقابل ويمكن اتمشى داخل الفندق وما اطلب شيء لهذي الدرجة وصلنا لمرحلة الاستغفال والجشع امس دخلت منها ورفضت اني ادفع وكانوا وراي ناس دشوا بعد بدون مايدفعون من زين المكان عشان ادفع :)

المفروض بعد تطبيق قانون ال30 دقيقه من عدم الوقوف في الباركنات بو فلوس يرتاح الجميع من هذي المشكلة

[بشائر]

لا تدفع وروح من الباب الثاني مجاني وقريب .. وانت الربحان ماديا بتوفير فلوسك وصحيا بمشي كم خطوة زيادة ..
من زين سجادتهم الحمراء ونظافتها ! لا وحاطين vip بعد
المشكلة حنا اللي نساعدهم على استغلالنا لو الكل ضغط على نفسه شوي وتحمل تعب التجديف للباب المجاني اللي احذاه
كان اغسلوا يدهم من أبواكنا و خلوا الدخول مجاني .

[رايق البال x]

واسعار المطاعم والاكل ناااااااااااااااااااااااااااار
استغلال وجشع من قبل اصحاب المطاعم

عيل ساندويتش شاورما من المطعم التركي 30 ريال شدعووووووة

[نوفا91]

ليش الدفع على مزاج كل واحد عيل قصوا علينا ودفعنا :)
بس شدعوه قدام العالم اتم اترادد وياهم

[وحيد-الشوق]

ويبون اينافسون دول شقيقة

اصلا المفروض ايسوون ملاهي مب زوايا العالب للاطفال

عمرهم ما بيشوفون سياحة

كنت بانزل موضوع من فترة عن " ليش ماتكون عندنا سياحة داخليه على مستوى عالمي ونجذب الناس لنا بدل دبي والكويت مثلا "

شكرا عالطرح شيخنا

معاك حق مادري بنشوف ملاهي تناسب دولتنا قطر

العفو شيخنا :)


ههههههههههههههههههههههههه استغفر الله ، عارفين انه راح ندفع يعني ندفع ،

زين سويت فيهم اخوي ، اتمنى من كل واحد يدخل ما يدفع ولا ريال ونشوف ايش بيسوون ،

عيل قالوا بوابة vip

من اكره الامور عندي الاستغلال ومارضيت ادفع وطنشت لهم 15 ريال ليش وين داش انا !!! الي قهرني شفت كثير من اهل قطر مساكين يدخلون ويدفعون


شفت مقابلة مع الدكتور السليطي مدير ل كتارا قال بالحرف الواحد
المهرجانات والإحتفالات على حساب المكتب الهندسي لين كتارا توقف عدل وتشتهر ويزيدون الزوار بعدين بيصير كل شيء بفلوس بالعربي ال 15 ريال ولا شيء.
أتنمى إني ما سمعت عدل.
:)

الظاهر هذي البداية خل يخلون كل شيء بفلوس وبنسوي حملات مقاطعه ههههه


واذا تبي تدخل ببلاش لازم تمشي من المواقف لييييييين الباب اللي ف الصوب الثاني
المفروض المدخل جدام المواقف ليش تخليني امشي اذا ابي ببلاش !!!

استغلال مادري حسبالهم كسالى ولا كل الشعب متكسر مايقدر يمشي


لليوم ما طبيتها

رحت مرة اخذ الأهل و تنرفزت و بصراحة لو يسونها بــ20 او حتى 50 ما عندي مانع.

الشباب بالهبل و البنات اغلبهم صغار بالسن و فول ميك اب و مغازل انا ما نزلت و تضايقت من الي شفته بس عند البوابة.


اما الحريم الكبار و الي رايحين يشترون مافيها شي و اهم طالعين يردون لهم المبلغ طالما انه شكل ديبوزت
مادري اذا ليلحين زحمة او لا يوم رحت كانت زحمة غير طبيعية

انا كنت متعني عشان اجرب نوع من الاكل وادري مسبقاًان المكان مايسوى في الاساس محلات تبيع جلابيات تلقاها في كل الاسواق وعطور وخلطات تجارية واكيد السعر فوق


البنانا أبرك لي من الكتار و زحمتها
راحة و هدوء و خصوصية

لين الحين مازرت البنانا :) بس اكيد البنانا غير ومختلفه عن كتارا ذيك جزيرة وهذي عبارة عن حي ثقافي

شكراً للمرور



والله كنت ناويه افتح موضوع خاص ولكن شكلي باكتب اهنيه اول شي اشكر المنظمين على جهودهم واول ما افتحت القريه العالميه في دبي مرت بعدة مراحل ومشاكل حتى وصلت لما هي عليه وكل مشروع في البدايه يكون فيه قصور واتوقع السنه الجايه بيكون الوضع افضل ولي بعض الملاحظات بالامس وديت الوالده لانها كله في البيت وطبعا الوالده المشي بالنسبه لها صعب شوي كانت الحمامات الله يعزكم كانت مرتفعة وصعب لكبار السن انهم يركبون وينزلون والمسجد بعيد وايد عن منطقة الحمامات وطبعا يحتاج الي مشي وايد وذلك صعب على كبار السن غير ان المسجد لايليق بالمكان لانه وايد صغير في كلاب بالنسبه للمطاعم ان الكهرباء تتسكر بالليل مما يؤدي الى ان الطعام يكون غير صالح للاكل وممكن ان شي يحدث تسمم للناس الذين يتناولون الطعام هناك غير ان البضائع والاكل بأسعار مرتفعة جدا والكثير من المحلات لايوجد اسعار مكتوبه على البضاعة المباعة يعني دخلت محل وحدة مغربية تبيع زيت الارقان في زجاجة اصغر من كف اليد ب ستمائة ريال قطري وقالت بتعطيني اياها اخر شي ب خمسمائة ايش هاي الاسعار وين حماية المستهلك وليش مايلزمونهم ايحطون اسعار على بضاعتهم كل واحد ايبيعون له بسعر وكان المعارض تفتح لاستغلال الشعب ومكان المطاعم ضيق والطاولات متراصة اتمنى في السنه القادمة تلافي كل هذه الاخطاء والمسجد يكون قريب من الحمامات ويراعى فيها كبار السن

بالنسبة لموضوع الحمامات تكرمون نفس الوضع في مهرجان الاغذية في حديقة المتحف الاسلامي حاطين درج خشب شطول شنو يطلعون كبار السن أو ذوي الاعاقة حتى سوق الوكرة في محلات واماكن صعب عليهم يدخلونها طيب والحل معقول مافكرتوا في عذي الفئة !!!




المفروض بعد تطبيق قانون ال30 دقيقه من عدم الوقوف في الباركنات بو فلوس يرتاح الجميع من هذي المشكلة

نتمنى ذلك :)



لا تدفع وروح من الباب الثاني مجاني وقريب .. وانت الربحان ماديا بتوفير فلوسك وصحيا بمشي كم خطوة زيادة ..
من زين سجادتهم الحمراء ونظافتها ! لا وحاطين vip بعد
المشكلة حنا اللي نساعدهم على استغلالنا لو الكل ضغط على نفسه شوي وتحمل تعب التجديف للباب المجاني اللي احذاه
كان اغسلوا يدهم من أبواكنا و خلوا الدخول مجاني .

أنا دخلت وكانت ثاني زيارة لي (أول مرة دخلت من بوابة مب حاطين سجادة حمراء ) ونادوني قالي لحظة لازم تدفع مايصير قلت شنو ادفع مابي اشوف عروض سحر ولا ابي العب قالي قيمة الدخول طنشت له ورحت ووراي شباب الحقوني ودشوا ههههههههه بسنا استغلال حتى البوابة تلوع الجبد مع السجادة الي حاطينها أصلاً المكان بكبرة عفسه ولايستحق كل هذي الدعاية والضجة



واسعار المطاعم والاكل ناااااااااااااااااااااااااااار
استغلال وجشع من قبل اصحاب المطاعم

عيل ساندويتش شاورما من المطعم التركي 30 ريال شدعووووووة

كلام صحيح صحن عبارة عن كورة عيش ريزتو ب45 ريال وهمبرجر صغيرة عادي واحد زطي ياكلها بلقمه وحده ب20 ريال هههههههه



ليش الدفع على مزاج كل واحد عيل قصوا علينا ودفعنا :)
بس شدعوه قدام العالم اتم اترادد وياهم

واذا تميت ارداد (مع العلم مارديت عليهم رد استفزازي أو محرج ) مابتطيح كرامتي ولابتفشل انا عندي مبدأ وقناعة ولاهمني فلان وعلان

ترى وايد غير ما ادفعوا :)

[المرحب]

وحيد-الشوق

يعني جات على 15 ريال ؟؟؟

في قطر صرنا ندفع حتى على الهواء اللي نتنفســـه :omen2:

[Tomford_qtr]

اعتقد الله اعلم ان حتى بوابة الدخول لكتارا بتكون برسوم ... لان ما حطو البوابه الا حق أخذ رسوم بالمستقبل .... انتهى زمن لبلاش .......

[بصمة قطرية]

وديت العيال و دخلنا من هالبوابة
ما دفعونا لأني حجزت تذاكر لعرض السحر ..
قالوا لي اللي يحجز يدخل بدون دفع ..
بس بصراحة أحسه نصب ..
حلوة بوابة بـ 15 و بوابة فري ..!!
انزين لو ينثرون ورد معليش بدفع لو خمسين :)

الأسعار طبعاً ناااااار
كل شي الأكل الألعاب المشتريات ..

[بوخالد911]

المكان ما يسوى
غااااااااااااااااااااااالي ع الفاضي

ايسكريم بو بسكوت ب 20 ريال !!!!!!!!!!!!!!!!!

[@فهد@]

انتوا الي خليتوهم يستغلونكم... مب في هالمكان ولكن اجمالا .. في ناس تفكر القطري بنك متحرك

لو الواحد يقاطع كل مكان او جهه ترفع اسعارها او تعرض منتجات باسعار مبالغ فيها كان خفت هالظاهره .. لكن هناك ناس تحب الفشخره وتاثر علي الاخرين ..

الاستغلال في كل مكان .. في اوقات العطلات الفنادق ترفع اسعارها بشكل مبالغ فيه

[تاجر كشخة]

اما عاد نعيش ونسمع

[تاجر كشخة]

المكان ما يسوى
غااااااااااااااااااااااالي ع الفاضي

ايسكريم بو بسكوت ب 20 ريال !!!!!!!!!!!!!!!!!

مب بأيدهم الاجار حق شهر 30 الف او أكثر

[قهوة الضحى]

ال vip


ماذابحني غيرها

يدرون اذا حطوا هالكلمة ورى اي شغلة الشعب يدفع كل مايملك ويسوي المستحيل انه يصير من الvip

:)

[طلعة الروح]

ال vip


ماذابحني غيرها

يدرون اذا حطوا هالكلمة ورى اي شغلة الشعب يدفع كل مايملك ويسوي المستحيل انه يصير من الvip

:)

ليش مانكون أذكى ونعرف حاجتنا الحقيقية ف وين بالضبط
يمكن ال vip ما يناسبني لأي سبب من الأسباب في وقت ومكان معين وتقتصر الحاجه ع الستاندرد لأنه قد يخدمني أكثر

[محمد11]

والله العظيم احنا مايعجبنا العجب ..

سوا مكان حق فلوس وسو مكان بلاش .. ياخي خلاص روح المكان الي بدون رسوم !!
والي يقول انا امشي وبعيد !!
يعني ليش انت بتدخل الحين داخل بتمشى بسيكل !! ماهو انت ماشي ماشي !!
وال 15 ريال هذي للعلم انت تددفعها في القرية العالميه يمكن حق كرك ولا حق كستنا 8 حبات ..
والله انتوا برع البلاد .. راح تدفعون ملاييين وانتوا تدرون ان غالي ومايستاهل ..
مثال القريه العالميه .. كلنا ندري مافي مقارنه بالتنظيم والديكور بين القريه وهني .. لكن كأول مره وبداية لازم في اخطاء ..
والقرية العالميه الكل يدري انها غاليه وانا اولهم والمستأجرين هناك يدرون يمكن اغلى مكان ف العالم .. لكن بعد نشتري ونروح اغلى المطاعم .. لكن بس علشان ( خيروك ) انك تدفع مبلغ رمزي سويت موضوع !!! ...
لو برع الحين دفعت وانت مغمض

[Amigo]

تبي ولا كيفك :tease:

[عثرة جواد]

والله لين رحت حسيت اني ف سويسرا قرشة الماء 10 ريال


ليش هاي الطمع والجشع

[بوحارب]

كفو وحيد انك مادفعت:)

[Dana’1]

صادق غير كذا ..إنه فجأه قرروا يخلونها بفلوس يعني قبل رحت له وكان الدخول عادي مجانا
وبعدها بفتره وديت أمي وخواتي إلا بلفوس...ذكرتي بحركات بعض الدوله العربيه بالسياحه ،،قال vip قال ههه
عاد المشكله لو كان زحمه مره وطوابيرعالدخول بقول عادي يسوون لاين للvip يشتري راحته ويدخل بسرعه
بس المدخل شبه فاضي...والمدخل الثاني بعيد والسيارات ماتوقف عنده تنزلك بعيد مع إن يمديك تدخل وتنزل هلك،،، كل هذا لأجل يحدونك على ال vip
وليش التذبذب في هالامور كان من البدايه بفلوس أو من البدايه مجانا

[Locale]

ماعجبتني القريه
والبوابه دفعنا واشوف اللي عقبنا مادفعوا
ناس وناس
واسعار غاليه
وزحمه
الشي الوحيد اللي عجبني يومها الجو

[Qt.1]

للحين يظنون كل قطري عنده في بيته بير بترول واشفط منه قد ماتقدر !! مارحتها ولابي اروحها بعد ,,

[بصمة قطرية]

رحتها مرة ثانية و ما دفعت
قال لي لو سمحتي قلت له خير ..!!
بتدفعني عشان هالسجادة ..!!
قلت له ولدي بيصف السيارة و بيجي
و ماراح يدفع بعد ..

[أم هشام]

اعتقد الله اعلم ان حتى بوابة الدخول لكتارا بتكون برسوم ... لان ما حطو البوابه الا حق أخذ رسوم بالمستقبل .... انتهى زمن لبلاش .......

هذه بالذات يا ريت لو برسوم صارلي اكثر من سنه ما رحت كتارا من الزحمة الخانقة .

[أم هشام]

ال vip
كلمة صرنا نشوفها بكل مكان
صاروا يستغلوا حب الناس و رغبتهم الشديدة بانهم يكونو vip !! و يحطوا على كل شي vip و يضاعفوا الرسوم و هي و لا بتسوى و الله . بس استغلال للكلمة فقط و الناس بتصدق .

[Qt.1]

ال vip
كلمة صرنا نشوفها بكل مكان
صاروا يستغلوا حب الناس و رغبتهم الشديدة بانهم يكونو vip !! و يحطوا على كل شي vip و يضاعفوا الرسوم و هي و لا بتسوى و الله . بس استغلال للكلمة فقط و الناس بتصدق .

مره كنا في واحد من المجمعات حاطين اللوحه vip عند الباب وواحد واقف علشان يوقف لك السياره وانت تنزل عند الباب يعني مثل مانقول فاليه بارك , وبدله وكاشخ وقفازات يوم وقفت فكرني باعطيه السياره يوقفها نزلت هلي وانا رحت وقفت السياره ورجعت المجمع , ايفكرون لين حطو هالحركات الناس بتدفع لهم وللاسف في فئه اتاثر بهالشي ,,

[أم هشام]

مره كنا في واحد من المجمعات حاطين اللوحه vip عند الباب وواحد واقف علشان يوقف لك السياره وانت تنزل عند الباب يعني مثل مانقول فاليه بارك , وبدله وكاشخ وقفازات يوم وقفت فكرني باعطيه السياره يوقفها نزلت هلي وانا رحت وقفت السياره ورجعت المجمع , ايفكرون لين حطو هالحركات الناس بتدفع لهم وللاسف في فئه اتاثر بهالشي ,,
صحيح و الله للاسف
احسن شي سويتيه و اغلبهم بصفوا السيارة تحت الشمس .