مسجد حق الشيخ فقط...

[تجاوز]

فى احد الاماكن دشيت اصلى الظهر الا مطوع بنغالى. يقولى هاى مسجد حق الشيخ فقط ..للامانه هاذى اغرب شى قابلته للحين فى حياتى واتمنى انى ما اقابل شى اغرب من هذا...
وسلامتكم

[ضوى]

استغفر الله واتوب اليه

مب يمكن هالبنغالي فاهم غلط :weeping:

[محمد2]

عادي ليش مستغرب مزاحمهم حتى في مساجدهم
لهم مقابر خاصة ومساجد خاصة ؟؟؟؟ ف (ما يحبون حد يزاحمهم وانت اللي يهديك ما حصلت مسيد تصلي فيه الاهذا ، لاحقهم حتى في مساجدهم خلهم يتنفسون اشوي وياخذون راحتهم

[تجاوز]

استغفر الله واتوب اليه

مب يمكن هالبنغالي فاهم غلط :weeping:

البنغالى هو امام المسجد الخاص...

[حمد 2002]

هالمسجد داخل البيت ولا خارج البيت ؟

[ضوى]

البنغالى هو امام المسجد الخاص...

عقلي وقف عن التفكير

يارب اغفر لنا واعفي عنا

[جبر ال جبر]

اعتقد في لبس في الموضوع ماظن وصلنا لهدرجه انت مب داش مجلسه الخاص انت داش بيت الله والبنغالي يمكن قصد مكان معين يجلس فيه الشيخ ونبهك لك وماعرف شرعيه هالشي اما لاتصلي!!! غريبه

[عيسى111]

العلم عند الله قصده المكان ورى الإمام

ووقت الصلاة يتأخر شوي حتى يحضر

قد قالنا المطوع ما نصلي لين يجي الشيخ

وهذا رأيته في بعض المساجد

[حمد 2002]

عادي ليش مستغرب مزاحمهم حتى في مساجدهم
لهم مقابر خاصة ومساجد خاصة ؟؟؟؟ ف (ما يحبون حد يزاحمهم وانت اللي يهديك ما حصلت مسيد تصلي فيه الاهذا ، لاحقهم حتى في مساجدهم خلهم يتنفسون اشوي وياخذون راحتهم

لاتتهم الناس بدون ماتعرف الموضوع كامل ..


الله يهديك بس ..

[ضوى]

العلم عند الله قصده المكان ورى الإمام

ووقت الصلاة يتأخر شوي حتى يحضر

وهذا رأيته في بعض المساجد

وهل يجوز حجز المكان ورا الامام ؟ اليس الاجر لمن سبق ؟

[تجاوز]

الصلاه فى المسجد كامل للشيخ فقط ً..الموضوع واضح

[فيصل99]

أكيد في لبس فالموضوع سواء فهمك أنت أو في طريقة توصيل المعلومة من الإمام
الشيخ مابنى المسجد إلأ للثواب
وأما أن قصده المكان محجوز لفلان فلا يجوز حجز الأماكن والمبكر للمسجد أولى في مكانه من المتأخر
حتى الشيخ العثيمين أصدر فتوى بعدم جواز تأخير طفل من الصف الأول إلى الخلف حال كونه بكر إلى الصف الأول ليقف المتأخر البالغ مكانه .

[عيسى111]

أكيد في لبس فالموضوع سواء فهمك أنت أو في طريقة توصيل المعلومة من الإمام
الشيخ مابنى المسجد إلأ للثواب
وأما أن قصده المكان محجوز لفلان فلا يجوز حجز الأماكن والمبكر للمسجد أولى في مكانه من المتأخر
حتى الشيخ العثيمين أصدر فتوى بعدم جواز تأخير طفل من الصف الأول إلى الخلف حال كونه بكر إلى الصف الأول ليقف المتأخر البالغ مكانه .

أماكن الصلاة خلف الإمام في المسجد الحرام كلها محجوزة

[الدوحه1]

ف
ى احد الاماكن دشيت اصلى الظهر الا مطوع بنغالى. يقولى هاى مسجد حق الشيخ فقط ..للامانه هاذى اغرب شى قابلته للحين فى حياتى واتمنى انى ما اقابل شى اغرب من هذا...
وسلامتكم



وين مكان هالمسجد؟؟؟

[BoFahed]

اخوي انا شفت مساجد صغيره في قصور بس تكون داخل القصر وفيها امام وشفت في مدخل ام صلال محمد مسجد قريب من الشارع بس ما فيه باب تدخل له لازم تدخل القصر اعتقد مسوينه لاهل القصر والساكنين فيه من خدم وصبيان

يمكن البعض عندهم كبار في السن ويبون يصلون جماعه يجيبون امام على كفالتهم ويبنون مساجد بقصورهم

ما ادري الصراحه الحكم الشرعي ؟؟؟بس امانه وايد مساجد بقطر واكبرها مبنيه على نفقة الشيوخ

[ضوى]

اخوي تجاوز

اعتقد انك توك مقيم بالبلد وماتعرف عن شيوخنا شي بس هذي اول مرة تمر علينا ولا قد سمعنا لا الحين ولا قبل ولا بنسمع عنها ان شاء الله ليوم الدين ، يمكن البنغالي مافهم لهجتك عدل او انت مافهمت عليه عدل بس انه يمنعك من الصلاة بأمر الشيخ فمن اول المستحيلات

[بوحارب]

لو نطرت الشيخ لين يوصل وسألته

هل صحيح يا طويل العمر الصلاة في هذا المسجد لك بروحك ؟؟


كان افضل وابرك من انك تكتب الموضوع بهذي السرعة

والشيوخ معروفين اغلبهم مسوين مساجد في بيوتهم ومجالسهم وفاتحينها للشعب عامة

من مواطن ومقيم وزاير وووو

انا متأكد انك فهمت الموضوع غلط !!

[بانغ بانغ]

سبحان الله من بعض الاعضاء .... الا ايطلعون العضو غلط

[غير البشر]

الملائكه يدخلون عشان يسجلون الحسنات او لا

استغفر الله العظيم

نفس ماقالت لك الاخت ضوى تأكد يمكن فهمته غلط
او نفس ماقالو الاخوان يمكن المسجد داخل حدود القصر او المنزل

لان ماعتقد نوصل لهدرجه

[غير البشر]

سبحان الله من بعض الاعضاء .... الا ايطلعون العضو غلط


لا مايطلعون غلط اخوي الغالي بانغ
بس الواحد لازم يتأكد على اساس نحاول نعذر الشخص راعي البيت وندور له الاعذار
لان المنطق مايتقبل هالشي

[بانغ بانغ]

لا مايطلعون غلط اخوي الغالي بانغ
بس الواحد لازم يتأكد على اساس نحاول نعذر الشخص راعي البيت وندور له الاعذار
لان المنطق مايتقبل هالشي

حياك الله اخوي

انا صارت لي مرة صوب المرخية ورا مكدونالدز ..... مسجد شيوخ الامام الباكستاني يتصرف وكأنه مخابرات واخّر الصلاة ساعه الا ربع لين راعي المسجد وصل

فما استغرب صراحة

[khaldoon]

اخوي تجاوز لو سمحت لطفا و ليس امرا ارجع على المسجد و قولنا ايش بيصير معاك علشان نقطع الشك باليقين و شكرا

[عيسى111]

حتى مساجد بعض الوزراء السابقين اللي في بيوتهم نفس الشيء

وكذلك بعض التجار

[naklan]

الحين المساجد الله مكثرها بين المسجد والثاني 500 متر
او اقل شتبون في مسجد الشيخ ومساجد رب العباد موجوده
وبعد هذي مساجد كيف يعني الصلاة ما تقام في موعدها
تقام اذا حضر راعي المسجد الأبرك ما تروح لها ابد

[محمد2]

لاتتهم الناس بدون ماتعرف الموضوع كامل ..


الله يهديك بس ..
انا ما اتهمت اقراة ردي عدل وقلت لا تزاحمونهم وتضايقونهم

[محمد2]

أماكن الصلاة خلف الإمام في المسجد الحرام كلها محجوزة
اي بس تدري ليش لانهم كلهم من حفظة القران . وعشان اذا غلط الامام او نسى . يذكرة اللي خلفة مب في مساجدنا كلها صف او صفين ومب حافظ سورة

[محمد2]

اخوي انا شفت مساجد صغيره في قصور بس تكون داخل القصر وفيها امام وشفت في مدخل ام صلال محمد مسجد قريب من الشارع بس ما فيه باب تدخل له لازم تدخل القصر اعتقد مسوينه لاهل القصر والساكنين فيه من خدم وصبيان

يمكن البعض عندهم كبار في السن ويبون يصلون جماعه يجيبون امام على كفالتهم ويبنون مساجد بقصورهم

ما ادري الصراحه الحكم الشرعي ؟؟؟بس امانه وايد مساجد بقطر واكبرها مبنيه على نفقة الشيوخ

عدل كلامك على ما اعتقد قصده هذه المساجد ، لاني مرة بغيت ادخل مسجد ونفس الشي حصلته في قصر داخل ومالة مدخل من الخارج للعام حتى يدخلة اي مصلي ،

[محمد2]

حياك الله اخوي

انا صارت لي مرة صوب المرخية ورا مكدونالدز ..... مسجد شيوخ الامام الباكستاني يتصرف وكأنه مخابرات واخّر الصلاة ساعه الا ربع لين راعي المسجد وصل

فما استغرب صراحة

زين ان حصلنا واحد حصل له موقف نفس ما صار لنا:app::app:

[فارس قطر]

في تجاوزات من بعض الاءمة ياخر الصلاة ويحجز المكان لأكن يمنع من الصلاة مامر علي ومااستبعدها من البنغاليين المطاوعه والمؤذنين الي من تخلص الصلاة ركب سيارته وراح يتكس ومااخصهم كلهم بس الكثير منهم يحول سيارته بعد الصلاة لسيارة الخاصة الى سيارة اجرة.

[سعود.]

أعتقد الموضوع فية لبس ؟؟؟

بالعكس اشيوخنا أكثر الشيوخ تواضعآ في الخليج . تلقاهم في اي مجلس بدون حرس ولا غيرهم .

اما المسجد الشيخ الي في ام صلال محمد تقدر تدخل بسيارتك لين المسجد وعندك مدخلين له .

للعلم انا من سكان ام صلال .

[بصمة قطرية]

أحسنوا الظن يا جماعة ..
أعتقد الموضوع فيه لبس ..

[الحاقول]

الموضوع فيه عدم فهم

[سعود.]

اخوي انا شفت مساجد صغيره في قصور بس تكون داخل القصر وفيها امام وشفت في مدخل ام صلال محمد مسجد قريب من الشارع بس ما فيه باب تدخل له لازم تدخل القصر اعتقد مسوينه لاهل القصر والساكنين فيه من خدم وصبيان

يمكن البعض عندهم كبار في السن ويبون يصلون جماعه يجيبون امام على كفالتهم ويبنون مساجد بقصورهم

ما ادري الصراحه الحكم الشرعي ؟؟؟بس امانه وايد مساجد بقطر واكبرها مبنيه على نفقة الشيوخ


اي مسجد تقصد ؟؟؟؟ عطني الوصف ؟؟؟

[نيساني]

شيوخ ام صلال محمد ماعليهم قصور ولايهونون الباقي

المسجد الاول وانت متجه صوب دوار تيك اوي بيكون على يسارك المسجد داخل البيت
المسجد الثاني وانت متجه صوب دوار تيك اوي فيه لفه على يمينك توديك صوب المدارس بيكون المسجد على يسارك
المسجد الثالث نفس الطريق للمسجد الثاني بس هالمره تكّمل سيده لين ماتحصل مسجد صغير على يسارك

بالنسبه لي اصلي في المسجد الثاني بس سعود هل صليت في الثلاث مساجد؟

وشكراً

[سعود.]

صحيح اخوي . صليت فيهم جميعا . وكلهم مفتوحين للكل

عندك بعد وانت رايح سفاري مسجد الشيخ / ثاني على يسارك بس مدخلة شوي صعب تدخلة من السوق الي قبل سفاري ع اليسار من الخلف وطريقة وعر شوي . اساسا هو مسجد متواضع من كبينة . وقليل الي يجونه

[سالم الزهران]

اظن ان اللي يبني مسجد و ويخلي بابه من جوا البيت انه يعرف ان فيه مساجد قريبة يقدر الناس يصلون فيها ، و الا ما كان قفل المسجد من صوب الشارع ( ميه في الميه ) مع العلم انه خالف الأولى وهو الاجتماع للصلاة في مسجد واحد لكل حي .

و بعدين يا الحبيب صاحب الموضوع ، شغلة الامام البنقالي تضحك ،،، والله تفقع من الضحك و يستحق سلفي

[MAZEN37]

زين ان حصلنا واحد حصل له موقف نفس ما صار لنا:app::app:

انا شخصيا كنت مسؤل لجمع تبرعات بالمساجد وصادني موقف انه بعد الصلاه جو علينا ومنعونا من جمع تبرعات في احد المساجد بحجة انه خاص
زين ما منعونا نصلي
عموما كل انسان ونيته وياجر عليها والله يهدي الجميع

[رجل الجزيرة]

على حسب علمي:
الواحد إذا بنى له مسجد فهو الأولى بالروضة أو خلف الإمام، أذكر يوم كنت صغير على أيام غرافة الريان كانت الروضة ما تحجز إلا للشيوخ ويمكن حتى الآن.

[السمسمه]

السلام عليكم ورحمة الله وبركاته،،
بخصوص الموضوع انا من نفسي صار لي موقف في مسجد المفروض في وقت تقوم الصلاة مثلا صلاة العصر25 دقيقة عادي يخليها لين يجي الشيخ يمكن نص ساعه اواكثر على حسب وويقيم الصلاة انا شاهدت الشئ بنفسي ومع احترامي للجميع الموضوع مافي اي لبس هذا الواقع الي احنا شاهده،،،
عسى الله يهدي الجميع يارب العالمين،،

[سالم الزهران]

الامام اللي يتأخر عن وقت الصلاه ما فيه رجا و لا يستحق ان يكون إمام ، وللأسف كثرو عندنا ، يا الربع حنا ما لنا شيء عندهم غير انهم يطبقون السنة و يكون كفو للإمامة .

[قطري كاشخ]

السلام عليكم ورحمة الله وبركاته
شباب ليش الواحد منا يستعجل في الرد والإفتاء بعد يجوز ما يجوز
يجب على الشخص الذي يستشكل في مسألة ما أن يوجهها إلى أهل الاختصاص وهم العلماء ورثة الأنبياء

[naklan]

الامام اللي يتأخر عن وقت الصلاه ما فيه رجا و لا يستحق ان يكون إمام ، وللأسف كثرو عندنا ، يا الربع حنا ما لنا شيء عندهم غير انهم يطبقون السنة و يكون كفو للإمامة .

هههههه ياخوة انت تطلب المستحيل راتبه عند الشيخ
وسكنه عند الشيخ هذا لو شيصير ما تقوم الصلاة الا بحضوره
وللاسف بعضهم يصلي بالجوتي وأنتم كرامة وحتى لو حللت
من بعض المشايخ اراها تكبر مكروه والعلم عند الله

[بوخالد911]

ونهاية هالموضوع وشووووو !؟!؟!؟

[naklan]

ونهاية هالموضوع وشووووو !؟!؟!؟

نهايته يابوخالد الي كتب الموضوع طس وما عاد يرد
على الناس ومازال مكان المسجد مجهول وما ذكر وين
علشان تبين الحقيقة الموضوع مبهم ومجهول
الزمان والمكان

[الماريّة]

هههه الله يهديكم في كل شي تكتبون وضوع

انزين يمكن البنغالي صدق ماوصلةالمعلومه صح
ماعتقد ان به شيخ بيبني مسيد خاص له ويمنع الناس يصلون فيه مادش العقل ... كلن يبي الاجر

[بوخالد911]

نهايته يابوخالد الي كتب الموضوع طس وما عاد يرد
على الناس ومازال مكان المسجد مجهول وما ذكر وين
علشان تبين الحقيقة الموضوع مبهم ومجهول
الزمان والمكان

عيل اقترح اعطاء مهلة للموضوع لين بكرة
واذا راعيه ما رد
يتم الغاؤه.

[محمد2]

يا اخواني انتوا الحين عرفتوا السالفة وما يحتاج نتجادل فيها ،
عرفتوا ان في مساجد خاصة ،
وعرفتوا ان الصلاة ماتقام الا بحضور صاحب المسجد لان مثل ما تفضل احد الاخوة راتبة وسكنة واكلة وشربة على حساب صاحب المسجد .
وانا قلت لكم فالبداية يعنى تبون تزاحمونهم في مساجدهم خلوهم على راحتهم وهذا حقة وهواللي بناه ويصرف عليه ، مالنا حق في هالشي ،
بس مع الاسف البعض من الاخوان مب مصدقين هالكلام وفاكرين كذب وافتراء (زين عندكم كذا واحد راح مسجد من المساجد وحصلت معاه انهم مب راضين ، وهذا حقهم واحنا ليش نزعل ،)

[Abu Mahmoud]

ففي الصحيحين وغيرهما عن عثمان بن عفان رضي الله عنه سمعت رسول الله صلى الله عليه وسلم يقول { من بنى مسجدا يبتغي به وجه الله بنى الله له بيتا في الجنة } . وفي رواية { بنى الله له مثله في الجنة } .

وروى البزار واللفظ له والطبراني في الصغير وابن حبان في صحيحه عن أبي ذر رضي الله عنه قال قال رسول صلى الله عليه وسلم { من بنى لله مسجدا قدر مفحص قطاة بنى الله له بيتا في الجنة } ورواه ابن خزيمة من حديث جابر بن عبد الله رضي الله عنهما ولفظه { ومن بنى مسجدا كمفحص قطاة أو أصغر بنى الله له بيتا في الجنة } ورواه ابن ماجه بإسناد صحيح . ورواه الإمام أحمد والبزار من حديث ابن عباس رضي الله عنهما عن النبي صلى الله عليه وسلم إلا أنهما قالا { كمفحص قطاة يسعها لبيضها } ومفحص القطاة بفتح الميم والحاء المهملة هو مجثمها .

والبناء يكون بحيث يرتاده كل المسلمين بدون تفريق بينهم ..

[معماري قطري]

الحين المساجد الله مكثرها بين المسجد والثاني 500 متر
او اقل شتبون في مسجد الشيخ ومساجد رب العباد موجوده
وبعد هذي مساجد كيف يعني الصلاة ما تقام في موعدها
تقام اذا حضر راعي المسجد الأبرك ما تروح لها ابد

يا اخوي تحس ببرستيج وكشخة غير

أذكر دخلت مسجد يصلي فيه رجل فاضل الله يغفر له كان يتبرع سنوياً بنص مليون للغارمين وبسرية الله يتقبل منه وياجره .. وكنت وراء الإمام وجاء الشيبة واحترام له حاولت أوسع ومسكني وخلاني مكاني ووقف جنبي

اللي يبنون مساجد غالبيتهم أو خلوا نقول كلهم وتكون شبه خاصة تكون في المجلس والمجلس مفتوح وفي طرف ممكن للكل يستعمله .. أما الإمام خصوصاً البنقال والباكستانيين يحطون نفسهم وكلاء على المكان اللي يشتغلون فيه ويتجاوزون من أنفسهم وبدون توصية .. كتأخير الصلاة وما اعتقد إنسان عاقل يبي الأجر بيوصيهم

[AL_MUTAEM]

اي بس تدري ليش لانهم كلهم من حفظة القران . وعشان اذا غلط الامام او نسى . يذكرة اللي خلفة مب في مساجدنا كلها صف او صفين ومب حافظ سورة

اخوي محمد استغرب ردك وكأنك تتكلم عن دوله ليست قطر ابشرك حافظين كتاب رب العباد اللا اذا كنت تقصد ان كل شخص يتكلم عن نفسه فهذا موضوع اخر ..

[بن جعران]

اغلب الشيوخ مجالسهم مفتوحه فما بالك بالمسجد اللي بانيه عشان ياخذ الاجر من وراه

اكيد في لبس فالموضوع !! يمكن المطوع فاهم غلط او الشيخ نفسه متعود يصف ورى الامام والبنغالي فاهم الموضوع غلط

[qatara]

لابد فيه سو فهم في ختلاف اللغه

نحسن الضن عن الظلم يجوز فهم

البنغالي انك تسال عن الشيخ

بالعكس الله يجزيهم خير مجالسهم مفتوحه

ومسايدهم مفتوحه حتى وهي داخل سور البيت


واضح ان في الموضوع لبس


يعني صليت ولا منعك ؟

[شبح الصمت]

اتوقع والله اعلم

انه البعض منا يشوف منارة مسجد وطبعاً عارفين قصور الشيوخ اشلون مدخل وعقب يجيك البيت داخل وقبل لا تدخل البوابة الرئيسية مسجد او كبينه


فالاخ شكله دخل الموقع وهالمسجد مخصص للشيخ وعياله والخدم والدريولية داخل حرم القصر ..

فجاه البنغالي قاله ترى هذا مسجد الشيخ

[ضوى]

للاسف الشديد ، كاتب الموضوع وحتى اللحظة لم يثبت لنا الموضوع

[شبح الصمت]

وثاني شيء محد راح بيبني مسجد وما يبي من وراه الأجر

[qatari911]

صاحب الموضوع
كتب من فتره موضوع علشان ياثير المشاكل ولا رجع رد والحين فاتح موضوع لمجرد فتنه
وان فيه تفرق حتى بالمساجد
المسجد الي داخل البيت ولايوجد باب من الخارج فهو خاص واذا كان فيه باب للخارج فهو للعامه اعتقد الي يبني مسجد في بيته له ولعياله والخدم فهو حر بالمسجد واذا كان فيه باب خارجي للناس فجزاه الله خير