₩₩₩ اقبل الصيف ...سقيا الماء₩₩₩

[حبر وقرطاس]

السلام عليكم ورحمه الله وبركاته...
احبتي في الله ..جميعكم يرى تقلبات الطقس في هذه الايام
وكأن الصيف يسحب رداء الشتاء ليحل محله..فأصبح الجو متقلب..
مابين باردا ليلا ..دافءا نهارا...
ماتبادر الى ذهني واحببت ان اشلرككم اياه ..هو سقيا الماء ..افضل الصدقات عند الله ..اتريدونةالاجر والحسنات لموتى المسلمين..لكم...لمن ترجون له الاجر والرحمه والشفاء..عليكم بسقيا الماء..
اقبل الصيف وقريبا تشتعل درجات الحراره سخونه..ويصبح الجو متعب وصعب..ويتطلب الصبر والتوكل على الله..
احبتي فالله نحن في قطر ..الكهرباء والماء مجانا..نعيش منعمين..في رفاهيه ..فالاولى ان نقوم بسقيا الماء في كل ركن وزاويه في بلادنا الحبيبه..لما لا نبادر كل في بيته ..قطعه من اواني البلاستيك او علب البلاستيك الخاصه للماء مصممه لاقفاص الدواجن ضعوها في حديقتهم او فوق الشجر..ولحتسبوا الاجر عند الله...

الصلاه والسلام على سيدنا محمد وعلى اله وصحبه ..

[بوحارب]

وعليكم السلام

جزاك الله خير على الموضوع الطيب

[بانغ بانغ]

غفر الله لك ونفع بك

[تاجر كشخة]

بارك الله فيك أخوي وانا شفت بعض الاخوة يحط ماي للطيور عسى ربي يدخلهم الجنه

[رجل تعليم]

جزاك الله خيرا

[بوخالد911]

صدقة سقي الماي
من أعظم الصدقات
كما قرأت وسمعت.

[naklan]

جزاك الله خير اخوي حبر وقرطاس
بس ياليت في العنوان تخفف
W وحده يمين ووحده يسار تكفي
كل ما شوف ال www اتذكر
المصارعة تحياتي

[مرتبش]

احسنت
واحب اضيف.. لو زين الشركات توفر الماء للعمال في مواقع البناء بدلا من المنظر الصباحي للعمال حاملين مطارات الماي مع الهوز على القاري ومحتلين برادات الماي في الفريج .

[بصمة قطرية]

الله يجزاكم خير ..

[معماري قطري]

كنت افكر في نافورة حق الطيور والسائق ترجم الفكرة وتم يحط خبز مفتت وماي لهم يومياً واشوفهم مستانسين

[naklan]

كنت افكر في نافورة حق الطيور والسائق ترجم الفكرة وتم يحط خبز مفتت وماي لهم يومياً واشوفهم مستانسين

معماري
غير الخبز فيه اكياس مخلوط للعصافير والحمام
أنا اشتري واحذف لهم بس الاحسن في ساحة جنب
البيت علشان ما يوصخون في البيت الخبز القديم
زين اذا في صحن وعليه شوية ماي الله يكتب
الأجر لنا ولكم في كل ذات كبد رطبة اجر
لقطاوه مساكين اكثر مايطير ولا حدً
يعطيه اكل زيادة الغدا في مكان
فيه ضل وارموه في اليوم
الثاني

[حبر وقرطاس]

هههههه ابشر ماطلبت شي ...بس محسوبك عيونه تتعب عشان يطلع مواضيعه فيحط هالرمز تميزه العين بسرعه

[حبر وقرطاس]

فكره راءعه الله يجزاك خير ...مافي اجمل من صوت الماء مع تصميم راقي ...والعصافير تشرب منه وتتسبح فيه ..اشكرك عليها والله

[معماري قطري]

معماري
غير الخبز فيه اكياس مخلوط للعصافير والحمام
أنا اشتري واحذف لهم بس الاحسن في ساحة جنب
البيت علشان ما يوصخون في البيت الخبز القديم
زين اذا في صحن وعليه شوية ماي الله يكتب
الأجر لنا ولكم في كل ذات كبد رطبة اجر
لقطاوه مساكين اكثر مايطير ولا حدً
يعطيه اكل زيادة الغدا في مكان
فيه ضل وارموه في اليوم
الثاني

ايه هو يحط خبز مصبوب عليه شوية ماي وتستوي حشرة عند العصافير ويجون غربان وحمام رسايل

[طلعة الروح]

ايه هو يحط خبز مصبوب عليه شوية ماي وتستوي حشرة عند العصافير ويجون غربان وحمام رسايل

اول مرة ادري ان عندنا غربان وحمام مسجات
زين ماعندنا بوم وعندليب وخفافيش؟

[Dana’1]

جزاك الله خير
أبوي فدييته كل صبح لازم يأكل الطيور من فتات الخبز الباقي وحتى الرطب وثمار الشجر والماء
حتى الطيور ولفته وتنتظره بنفس الوقت عشان الخبز مع إن مالها اي عش عندنا سبحان الله
الله يكتب له الأجر يارب

[الماريّة]

الله يجزيك خير على التذكير
ونفع الله بك البلاد والعباد

[ضوى]

الله يجزيج خير عالتذكير

[معماري قطري]

اول مرة ادري ان عندنا غربان وحمام مسجات
زين ماعندنا بوم وعندليب وخفافيش؟

والله من صجي اللي ذكرتهم أعرفهم وفيه غيرهم بعد الله أعلم شنوعهم

[معماري قطري]

اللي يضحك أول الصبح الطيور يشوفون انعكاسهم في درايش البيت وينقدون الدريشة يحسبون طير ثاني بس أثناء بداية النور وبعدين يوقفون

[طلعة الروح]

اللي يضحك أول الصبح الطيور يشوفون انعكاسهم في درايش البيت وينقدون الدريشة يحسبون طير ثاني بس أثناء بداية النور وبعدين يوقفون

أعتقد أن صوت العصافير بحد ذاته يعطي طاقة ايجابية حلوة للانسان