وين اغير قزاز الباب الألومنيوم ؟

[بوحارب]

السلام عليكم

شحالكم ؟

عندي باب الصالة الرئيسي والمجلس الرئيسي المونيوم

والقزاز اللي عليه عاكس في النهار محد يقدر يشوف داخل البيت وفالليل الكل يشوف داخل البيت


المهم


انا الحين ابي اغير القزاز فقطط

هل استطيع فعل ذلك ؟

ابي القزاز المخفي اللي لونه مايل للبياض وملمسه خشن شوي كأن مركبين عليه جلاد

عرفتوه ؟

من وين احصله

افيدوني وبفيدكم في اشياء ثانيه :weeping::victory::secret:

[بوحارب]

للعلم رحت لأحد محلات الألومنيوم ولقيت عنده القزاز المخفي
بس النوع القديم وشكله مب حلو

القزاز يكون مموج شوي

[(عبدالله)]

باب الصالة عندي كان نفس اللي عندك

رحت النهدي وطلبت منهم يركبون لي جلاد أبيض مضبب سووا لي إياه ب 500 ريال زايد ناقص

ركبوه وعطوني ضمان عليه.. حتى الان صار له 3 شهور اشوفه جيد

[بن غيث]

الصناعية .. ارخص بكثير من الورش بنجمه وبعض المناطق

[بوحارب]

باب الصالة عندي كان نفس اللي عندك

رحت النهدي وطلبت منهم يركبون لي جلاد أبيض مضبب سووا لي إياه ب 500 ريال زايد ناقص

ركبوه وعطوني ضمان عليه.. حتى الان صار له 3 شهور اشوفه جيد
الظاهر هذا اللي انا اقصده !!

الجلاد ملمسه خشن شوي صحيح ؟؟

وكم فترة الضمان ولا تهون؟
واشكرك على الرد

الصناعية .. ارخص بكثير من الورش بنجمه وبعض المناطق

هلا بن غيث

والله السالفة ما تسوى العنوه للصناعية في هالزحمه

واتفق معاك الصناعية ارخص

[معماري قطري]

فيه محل نسيت اسمه كان عند دوار الفولكس واغن مختص بالزجاج والاكسسوارات وعندهم مثل الجلاد

وعندك محل نشوان على طريق سلوى كذلك

[بوخالد911]

محلات upvc
عندهم
قول لهم الزجاج المخفي أو المضبب

[بوNasser]

مر طريق سلوى أو الصناعية ما اكثرها محلات الزجاج والألمنيوم، طب وتخير في المخفي وفيه المضبب وفي الرملي (يدخل نور لكن ما تشوف منه).

[بوNasser]

فيه محل نسيت اسمه كان عند دوار الفولكس واغن مختص بالزجاج والاكسسوارات وعندهم مثل الجلاد

وعندك محل نشوان على طريق سلوى كذلك

الله يرحم والديك يا معماري
من يعرف دوار الفولكس ويغن الحين؟؟؟ وابشرك شالوه.

[معماري قطري]

الله يرحم والديك يا معماري
من يعرف دوار الفولكس ويغن الحين؟؟؟ وابشرك شالوه.

ووالديك في الجنة إن شاء الله والله يجمعنا بمن نحب فيها

صادق يا اخوي شكلنا وقف بنا الزمان .. حتى الأسماء استوت حديثة وتغير كل شيء

عن الزجاج صحيح الرملي عجيب ومتوفر بس للمدخل حلاته يكون شفاف ووراه موزع وأبواب خشب ولازم اللي بيبني يحط هالشيء في اعتباره .. الشفاف يكون رحب ومرحب بالقادم ويكون بفريم قوي يو بي في سي يعزل الصوت والغبار وفي نفس الوقت يحمي الخشب .. اللي ما عنده غير باب واحد الرملي زين بس لو فيه فتحة ثابتة فوق يخليها شفافة يبين منها الخارج أحلى

[معماري قطري]

المخفي لو نبيه عاكس حتى في الليل نوجه عليه نور معادل لقوة النور الداخلي أو أقوى ويبقى ممكن تشوف من داخل للخارج في الليل والنهار ويبين مخفي طول الوقت

[النهار]

المخفي لو نبيه عاكس حتى في الليل نوجه عليه نور معادل لقوة النور الداخلي أو أقوى ويبقى ممكن تشوف من داخل للخارج في الليل والنهار ويبين مخفي طول الوقت

هذا هو الرائى الصواب عدال في الاضاءه الخارجيه
خل الاضاءه الخارجيه اقوى من الداخل
اسم الزجاج المنمش يابوحارب
ينفع للدرج والحمامات اما الصاله ماينفع وانا اخوك

[الســـهم]

السلام عليكم ورحمة الله وبركاته اخوي بوحارب ..

ولا تتعنى ولا تتكلف بتبديل الزجاج ..

عندك لومار اللي ببداية خط الشمال ، قوله ابي عازل ابيض (ساند) ، بيجيك لين البيت وبيركبه لك , وفايدته انه ساتر وبنفس الوقت عازل حراري ..

قبل اسبوعين كنت مركب من عندهم , تعاملت مع خوش ولد تونسي اسمه (يوسف) ..

[بوحارب]

بيض الله وجيهكم جميع وما قصرتوا

كلمت النهدي امس مقل ما قال اخوي عبدالله

وحاليا عندي في البيت ولقيت عندهم المخفي اللي ابغيه

وجاري التركيب والضمان ثلاث سنوات

والباب درفه ونص يكلف 400 تقريبا


أشكركم جميع
:)