تفصيل كبتات غرفة الملابس

[مــاي ورد]

ابغي شركة او محل يفصل كبتات لغرفة الملابس بسعر معقول و سعر حلو... مع تركيب ليتات داخل الكبت تشتغل لما يفتح لكبت

[معماري قطري]

ابغي شركة او محل يفصل كبتات لغرفة الملابس بسعر معقول و سعر حلو... مع تركيب ليتات داخل الكبت تشتغل لما يفتح لكبت

انا تعبوني في هذي الشغلة مع إن العملية بسيطة وخذت لها سويشات خاصة لكن ما عرفوا يركبونها .. ركبت زر تشغيل خارجي مع ليتات الغرفة بحيث يستوي عندك ثنائي التشغيل .. الحل الثاني يكون السويش الداخلي مربوط بخلية كاشفة للحركة ويشتغل لفترة معينة مثل المؤقت وأكيد أحد الاخوان الفاهمين في الكهرباء مثل الفني بيفيدنا فيها أو عزيز يو كي

[معماري قطري]

ولو عندك غرفة ملابس ممكن تركب عليها باب سوها بكبتات بدون أبواب ونور في السقف بس نازل ينور الكبتات أفضل .. شوف حطيت شرح ونماذج في موضوع غرف النوم وفيه بعد عن غرف الملابس لأَنها تابعة لغرف النوم

تكون عندك الغرفة مفتوحة وبسهولة تاخذ اللي تبي وترتب الأغراض وتقفل الباب

[مــاي ورد]

اها.. شكرا بس بغيت اسم شركة تفصل لي

بهصوص الليتات مب مشكله لو ما تتركب بس اكيد في لها حل

[إعلامي قطر]

..

إذا ماعندك مشكله بأسعار شوي أغلى من سعر السوق
فأنصحك بعنف بمحل "الميره" بضاعتهم سوبر وأيضاً
تعاملهم راقي وصار لي كم سنه أتعامل معاهم والحمد
لله مرتاح في كل المراحل، ركبت كباته للغرف ومغاسل
وحالياً مطابخ داخليه وخارجيه وإذا مب مستعجل
ممكن أرسل لك الصور الشهر الجاي إن شاء الله..

..

[بوخالد911]

اها.. شكرا بس بغيت اسم شركة تفصل لي

بهصوص الليتات مب مشكله لو ما تتركب بس اكيد في لها حل

من فترة بسيطة وقعت مع محل عالم الخزائن بشارع سلوى
جمب أنصار سيتي.

عندهم حركة الليت led لما تفتح الباب يفتح الليت
ولما تسكر الباب. الليت يتسكر تلقائي.

عجبتني هالحركة وطلبت منهم يطبقونها في كل خزينة لبيت العمر.

بس نصيحة خلي موقع الليت مب فوق الحديدة اللي تتعلق عليها الملابس.
وانما جدام الملابس بشوي

[معماري قطري]

من فترة بسيطة وقعت مع محل عالم الخزائن بشارع سلوى
جمب أنصار سيتي.

عندهم حركة الليت led لما تفتح الباب يفتح الليت
ولما تسكر الباب. الليت يتسكر تلقائي.

عجبتني هالحركة وطلبت منهم يطبقونها في كل خزينة لبيت العمر.

بس نصيحة خلي موقع الليت مب فوق الحديدة اللي تتعلق عليها الملابس.
وانما جدام الملابس بشوي

نصيحتك في محلها .. يعني يجي فوق قرب باب الكبت .. وعندك إنارة الال اي دي حرارتها بسيطة جداً وآمنة

لو ممكن إخوي بو خالد صور لسويش الانارة أو طريقة عمله

[الكواري 1972]

هذا كبت بو ليت عجيب

[بوخالد911]

نصيحتك في محلها .. يعني يجي فوق قرب باب الكبت .. وعندك إنارة الال اي دي حرارتها بسيطة جداً وآمنة

لو ممكن إخوي بو خالد صور لسويش الانارة أو طريقة عمله

ممكن تشيك الخاص.
لطفاً.

[معماري قطري]

ممكن تشيك الخاص.
لطفاً.

شيكت متأخر توني من شوي وما تقصر

[مــاي ورد]

عالم الخزائن المتر ب سبعميه تقريبا وحصلت شركة ثانيه خمسميه و خمسين وطلع الكبت ب ست عشر الف مع عالم الخزائن !!لو حد يعرف شركة ارخص

[al-buainain]

عالم الخزائن المتر ب سبعميه تقريبا وحصلت شركة ثانيه خمسميه و خمسين وطلع الكبت ب ست عشر الف مع عالم الخزائن !!لو حد يعرف شركة ارخص

كم مساحة التفصيل ؟؟

وشنهي مواصفات الكبت الي سعروه ؟؟ يعني بابه سحاب كبير ولا باب صفاق مع مرايات ولا بدون .

[معماري قطري]

انا آخر واحد سويته بعرض الحائط 4 متر وبارتفاع الباب وطلع علي بحدود 10000 .. السعر بالمتر يستوي فيه لعب المفروض تصميم وسعر

اللي عندي يطلع المتر بحدود 1136 وصراحة ما اتذكر كان بعشرة أو ثمانية

[معماري قطري]

حتى تعرف كم الأمتار تضرب الطول في الارتفاع لكن هم عندهم حسبة ثانية فيها لف ودوران .. خلك من المتر وركز على التصميم والمواد المستخدمة والاكسسوارات

[مــاي ورد]

الحين شنهي الشركات اللي سعرها مناسب وارخص مع جودة.. انا سمعت في كبتات المنيوم بس شكله خشب او شي جذي ما ادري

[معماري قطري]

الحين شنهي الشركات اللي سعرها مناسب وارخص مع جودة.. انا سمعت في كبتات المنيوم بس شكله خشب او شي جذي ما ادري

كل شيء موجود ولكل نوع سعر حتى التصاميم لكل تصميم واكسسوارات سعر .. الألمنيوم بتشكيلة الخشب باصوره لك وباحطه بعدين وايد ارتحت منه

وما شاء الله الشركات عندها نوعيات كندية وأمريكية وأُوروبية وكلها زينة .. البارتشن داخل الغالبية بلايوود خشب بنوعيات مختلفة

[معماري قطري]

انا عندي لكل غرفة نظام خاص بها وبعضها سويت كبت من حائط لحائط ماخذ واجهة كاملة وبعضها سويت غرفة ملابس بباب وتقسيمات داخلية بدون أبواب

هذا كبت خططت له من الأساس بعمق 75 سم وقدمت الباب الموصل لغرفة الملابس والتسريحة ومنطقة ( تكرمون ) الحمام .. وسويت كسرة للتلفزيون وكلها بالطابوق وتم تلبيسه بالخشب مثل ما تبين هذي الصورة

http://i.imgur.com/RkyO4W7.jpg

بحيث كلهم يجون على خط واحد وقل عرض الغرفة من 6 أمتار ل 5.25 متر

الكبت من قريب .. والنكتة إني سنوات كنت احسبه خشب واكتشفت إنه ألمنيوم يوم رحت اشتري مرة ثانية لغرفة ثانية

http://i.imgur.com/BwU19dI.jpg

الكبت من داخل وتبين هوزات التكييف من فوق والسقف الخرسانة والليتات نيون جهة طرف حافة الباب فوق .. الليتات هذي صار لها 11 سنة ما تغيرت ونولعها وقت الحاجة بسويج قريب وألحين ما قصر بو خالد 911 ولا قصرت التكنولوجيا بالخلية اللي بالحركة وباشوف كم تكلف وباركبها بإذن الله

http://i.imgur.com/nluof0E.jpg?1

من تفتح الكبت تشوف تفصيلاته الخشبية ولا تدري وشو فوق والليتات تولع على داخل الكبت .. وألحين فيه نظام الإل اي دي تحطها بعد في حافة رف تعليق الثياب ولا تحتر وآمنة

في الصورة تبين شنطة رينوا الألمانية ماخذها سنة 1982 من بون وعليها شعار الحب القديم الريان

http://i.imgur.com/dKM0mUf.jpg

[كود نمبر]

مرحبا معماري
انت تقول الشغل هذا انت مسويه عند الخزائن الامريكيه
أنا سألتهم عن الالمنيوم يقولون ماعندنا الي موجود بليود mdf
بس فريمات الأبواب ألمنيوم ويعطون عليه 7 سنوات ضمان

[معماري قطري]

من داخل بلايوود بقشرة حماية بتشكيلة خشبية بنية أما الخارجي الفريم والباب اللي حطيت صورتهم ألمنيوم ويمكن القطعة اللي فوق بس خشبية في أعلى الكبت

[فريج النجادة]

عندك عالم المطابخ شارع سلوى

اجود وارخص الاسعار

عن تجربة من خمس سنوات مركب عندهم:nice: