بابا ابي ايباد .. بابا ابي 500 ريال بطلع مع ربعي بالويكند ..

[حمد 2002]

السلام عليكم ورحمه الله وبركاته

بابا ابي ايباد

بابا ابي بطبطه بولارس

بابا ابي سكوتر نفس ربعي


بابا ابي شريط سوني جديد قيمته 350 ريال


بابا ابي 300 ريال بطلع مع الربع اللؤلؤه يوم الجمعه


يبه رفيجي ابوه شراله كذا انا ابي كذا !! ،،


ماهي المعاير التي بناءا عليها تنفذ طلبات ابنك إليك !! ،، وهل عدم تنفيذك لطلباته يشعره بالنقص امام اقرانه وعيال عمه وخاله ؟!! ..



هالموضوع للأباء والأمهات معا !! ..


شكرا لكم لحسن متابعتكم للموضوع .. :)

[بانغ بانغ]

موضوع تفجير

مشكلتنا هي مشكلة ثقافية بحته... انخاف انزعل اعيالنا على حساب بعض القيم .

اشوف اعيال الاجانب احيانا اللي بو 16 سنة ماعنده جوال ولا ايباد الا يمكن مشترك مع اخوانهم كلهم

احنا كل عصفور بالبيت الله يحفظهم واعيالكم عنده ايباد مب ناقص اللي قطو البيت يشترون له بعد

اتفق معك احنا طبعا البعض وانا للاسف منهم ادلع العيال عشان ما يزعلون وكل طلعة مع ربعهم اللي بو 500 واللي 300 لا واي شي يبونه اخذه لهم لكن بضوابط معينة .... يعني الكترونيات فقط والعاب مب بطابط

احييك عالموضوع كاتبنا

[حليتان*]

بتعطي ولدك على حسب تربيتك له وتعويدك له

اذا انت معوده على الافتلال وعقب قصرت عنه هني بيحس بالنقص
ا

[بصمة قطرية]

عيالي تعودوا اللي نقدر نوفره بنوفره
و دوم أقول لهم قولوا الحمدلله
غيركم مب محصل ياكل ..
حتى لو حرمتكم أحياناً من أشياء
بعد انتو أحسن من غيركم بوايد ..
القناعه لازم نزرعها بداخل عيالنا من الصغر ..
الحمدلله عيالي مب متعبين في هالأمور
لا يعني لا خلاص ..

[راجي الْعفو]

وعليكم السلام و رحمة الله و بركاته

الايام اللي كانوا العيال يتونسون فيها بريال راحت
نص حلاوة و نص عصير
وجبة كاملة وممتعة و مشبعة ^_^

----
القصد ان تعويد العيال عالقناعة واحترام أوامر ولي الامر ، امر مهم
لا تقصر معهم ولكن اضبط الامور
مب كل شي يبونه تلبيه لهم
وممكن ان تعمل موازنة بين طلباتهم و انجازاتهم عشان يحسون بقيمة اللي يحصلونه


وكلن ادرى بعياله و ما يناسبهم ..



واحد ايباد للعيال الله يخليك ^_^

[سالم الزهران]

شفت مصري منسدح في الشارع بمصر يحتج على راتبه ما استلمه لمدة أربعة أشهر ،،، والراتب كم تتوقعون ؟ 400 جنيه ،، وتذكرت انا نسوي تحديثات لالعاب على مواقع اجنبية بالدولار ؟؟؟ ذيك الليلة صعبت علي حالتنا عندنا خير و لا عندنا سالفه ، مغير اشتر و جيب و رص في الدواليب . اسأل الله ان يهدينا ولا يواخذنا .

[بانغ بانغ]

شفت مصري منسدح في الشارع بمصر يحتج على راتبه ما استلمه لمدة أربعة أشهر ،،، والراتب كم تتوقعون ؟ 400 جنيه ،، وتذكرت انا نسوي تحديثات لالعاب على مواقع اجنبية بالدولار ؟؟؟ ذيك الليلة صعبت علي حالتنا عندنا خير و لا عندنا سالفه ، مغير اشتر و جيب و رص في الدواليب . اسأل الله ان يهدينا ولا يواخذنا .

اخوي سالم خل نشتري حق شيخنا راجي ايباد بابا مشمش هدية

[تاجر كشخة]

دايما خلوكم وسط معهم مب كل شي يطلونه تجيبونه لهم و عطوهم خطوط حمرة ما يتجاوزونها

[@فهد@]

ويجيك واحد ويقول ليه عيالنا خلايف ..

من هالالعاب والزبو الي ماله سنع

خل ولدك يعرف قيمة القرش مب كل ماقال جبت له ولا تخاف تزعل امه

القناعه زينه .. ومب لازم تقليد الاخرين خلك واقعي واحسب حساب بكره ...

[راجي الْعفو]

اخوي سالم خل نشتري حق شيخنا راجي ايباد بابا مشمش هدية

استقبل بو بلاش ^_^
هذا الايباد جاني هدية اول مانزل السوق والحين محذوف في الدرج
الجوال صار يغني ..

[الدكتور عزوز]

الله يرحمه الوالد من يوم ما كنت طفل أقوله ابي فلوس اشتري لي شي من الدكان يقول لي أكوي غترتي وبعطيك ويعطين ريالين او ثلاثه

أقوله بطلع مع ربعي في الويكند ابي فلوس يقول لي اغسل سيارتي واغسلها ويعطيني

أقوله ابي اشتري سيجا يقول لي جمع في العيد وإذا نقص بزيدك بشرط تكوي ثيابي شهر كامل

من كملت 14 سنة يقول لي جمع من الحين عشان تشتري لك سيارة انا ما راح اشتري لك وفعلا جمعت وكنت أتاجر و اشتري وأبيع بعض الأشياء لربع المدرسة وعيال الفريج وأجمع وفعلا شريت سيارتي الاولى باللي جمعته وكان مبلغ بسيط واشتريت سيارة على قدي وبعد كم شهر الوالد اشترى لي سيارة جديدة

عودنا على العمل لكسب المال من طفولتنا وكنا حريصين وان شاء الله راح اتعامل مع عيالي بنفس الطريقة

[معماري قطري]

لو ولدي يقول لي بابا آبي باصفقه سطار يخليه يشتكي عند الأُمم الملتحدة .. ما يصير بابا وآبي .. أما بابا بدي أو يووووباه آآبي

[معماري قطري]

الله يرحمه الوالد من يوم ما كنت طفل أقوله ابي فلوس اشتري لي شي من الدكان يقول لي أكوي غترتي وبعطيك ويعطين ريالين او ثلاثه

أقوله بطلع مع ربعي في الويكند ابي فلوس يقول لي اغسل سيارتي واغسلها ويعطيني

أقوله ابي اشتري سيجا يقول لي جمع في العيد وإذا نقص بزيدك بشرط تكوي ثيابي شهر كامل

من كملت 14 سنة يقول لي جمع من الحين عشان تشتري لك سيارة انا ما راح اشتري لك وفعلا جمعت وكنت أتاجر و اشتري وأبيع بعض الأشياء لربع المدرسة وعيال الفريج وأجمع وفعلا شريت سيارتي الاولى باللي جمعته وكان مبلغ بسيط واشتريت سيارة على قدي وبعد كم شهر الوالد اشترى لي سيارة جديدة

عودنا على العمل لكسب المال من طفولتنا وكنا حريصين وان شاء الله راح اتعامل مع عيالي بنفس الطريقة

الله يغفر له رباكم صح وهذا المهم

انا جاتني فرصة العمل صغير وكنت وقتها قريب ال 14 ودخلنا نواة الطلبة في الجيش قبل الدفعة الأُولى .. وكان من ضمن دفعتنا 3 من عيال الوالد محمد بن عبدالله العطية ( الزعيم ) الله يغفر له .. ومنهم وزير الدولة لشؤون الدفاع خالد بن محمد العطية

كنا وقتها أطفال وما كنا مفتحين مثل أطفال هالأيام .. كان حدنا تلفزيون قطر ويطلع مشوش وبعض المحطات اللي حولنا ممكن تطلع وممكن ما تطلع .. والساعة 11 ما فيه تلفزيون نهائياً القنوات كلها مبندة .. والوالد قايل لي تمرين بسيط وبس وربعي قبلي داخلين وعارفين إن فيه رواتب ووقت التوزيع صفوا طابور قرب مكتب صغير في الشمس طبعاً ومن دريشة صغيرة واحد يخليهم يبصمون ويستلمون كاش .. قالوا لي صف معانا بنستلم معاش وكان نهاية الشهر الهجري .. وقفت بعيد متورط مخي مب مبرمج على معاش وفلوس وكان حر ( شمس قطر شهر 7 على ما اعتقد ) وقلت لهم ابوي ما قال فيه معاش ومب مقتنع اصف .. المهم صفيت وانا مب مصدق وكان الراتب 1865 = 3 أنواط من الزرق ما ادري وقتها لونها غير وثلاث بو 100 و50 وحدة وعشر و خمس

كنا كلنا نعامل ربع جندي أو ما يسمى جندي ولد ووقت التخريج بعد 45 يوم نتحول نص جندي بس الراتب نفسه .. وكان وقتها غرامنا الدكاكين في الفرجان وعذابنا البيبسي وبعض الحلويات والكافي .. والبيبسي 4 بريال وطعمه غير عن بيبسي هالأيام يخدر ويخليك تضيع مع الأحلام مفهي والكت كات كان باقي لعلاقتي معاه 3 سنين انقطعت بسبب السكر .. كنت وقتها جني نملة خيشة سكر عادي اخلصها

ذكريات طويلة وأيام صعبة كان العرق يدخل عيوننا يحرقها ولا نقدر نحك وجوهنا خوف من العقاب .. وكنا نركض حق اللاندروفر نتسابق من يقعد في الأخير حتى تجيه هبة نسيم صحراوي بدرجة حرارة 40 وفوق مخلوطة بشوية دخان ديزل

الله يرحمك يا بو عبدالله كنت نعم القائد الطيب والأب الحنون وتتابعنا من بعيد وأعطيتونا فرصة نتمنى نوفرها لعيالنا وألحين الخدمة الوطنية تواصل لما سبق لكن كم تمنيت تكون لسن 14 وحولها حتى يعيش الشاب حياة الرجولة ويتذوق طعم الشغل وهو صغير .. ولنا في رسولنا الكريم ( صلى الله عليه وسلم ) أُسوة فقد عمل صغيراً وكذلك أهل قطر الأولين ومن اشتغلوا في الغوص والتجارة وغيرها

[الصغيره]

والله يااخي وش نقول وش نرد

للاسف واقع مر ومدمر الصراحه انا اشوف اطفال من ثلاث سنوات روسهم ماترفع من الايابد وطلباتهم اوامر للاسف تجي الام مشغوله بالسناب واطفالها كل

طفل راسه مكندس

مدري اتخيل شوارعنا عقب 15 سنه ؟؟؟ بنصير اشباه ناس روسنا مكندسه على الاجهزه

بتظهر اعاقات جسديه وعقليه وضياع

كم نصحت ام عن ما تسمح لطفلها باستخدام الايابد او الايفون خصوصا لمن هم تحت 12 فجاء الرد مثل الصاعقه

صجونا نبي الفكه من الحنه


وش ارد واقول

الله يرحم زمانا نوكيا وابعد يخب علينا

كنا من المتميزين والمتميزات وما نعطى جوال الا وحنا بالجامعه ومرات ياخذونه منا ونستلف مكالمه من بعض


زمن مخيف الصراحه

والامهات والا باء ماعاد يهمهم التربيه قد ما يهمهم راحة البال


وجع وتصدع يضرب المجتمع نتائجه مرعبه وللاسف مازال هذا الوجع ينبعث من كل بيت وبيد كل طفل وطفله


الله يعين

[الماريّة]

الله يغفر له رباكم صح وهذا المهم

انا جاتني فرصة العمل صغير وكنت وقتها قريب ال 14 ودخلنا نواة الطلبة في الجيش قبل الدفعة الأُولى .. وكان من ضمن دفعتنا 3 من عيال الوالد محمد بن عبدالله العطية ( الزعيم ) الله يغفر له .. ومنهم وزير الدولة لشؤون الدفاع خالد بن محمد العطية

كنا وقتها أطفال وما كنا مفتحين مثل أطفال هالأيام .. كان حدنا تلفزيون قطر ويطلع مشوش وبعض المحطات اللي حولنا ممكن تطلع وممكن ما تطلع .. والساعة 11 ما فيه تلفزيون نهائياً القنوات كلها مبندة .. والوالد قايل لي تمرين بسيط وبس وربعي قبلي داخلين وعارفين إن فيه رواتب ووقت التوزيع صفوا طابور قرب مكتب صغير في الشمس طبعاً ومن دريشة صغيرة واحد يخليهم يبصمون ويستلمون كاش .. قالوا لي صف معانا بنستلم معاش وكان نهاية الشهر الهجري .. وقفت بعيد متورط مخي مب مبرمج على معاش وفلوس وكان حر ( شمس قطر شهر 7 على ما اعتقد ) وقلت لهم ابوي ما قال فيه معاش ومب مقتنع اصف .. المهم صفيت وانا مب مصدق وكان الراتب 1865 = 3 أنواط من الزرق ما ادري وقتها لونها غير وثلاث بو 100 و50 وحدة وعشر و خمس

كنا كلنا نعامل ربع جندي أو ما يسمى جندي ولد ووقت التخريج بعد 45 يوم نتحول نص جندي بس الراتب نفسه .. وكان وقتها غرامنا الدكاكين في الفرجان وعذابنا البيبسي وبعض الحلويات والكافي .. والبيبسي 4 بريال وطعمه غير عن بيبسي هالأيام يخدر ويخليك تضيع مع الأحلام مفهي والكت كات كان باقي لعلاقتي معاه 3 سنين انقطعت بسبب السكر .. كنت وقتها جني نملة خيشة سكر عادي اخلصها

ذكريات طويلة وأيام صعبة كان العرق يدخل عيوننا يحرقها ولا نقدر نحك وجوهنا خوف من العقاب .. وكنا نركض حق اللاندروفر نتسابق من يقعد في الأخير حتى تجيه هبة نسيم صحراوي بدرجة حرارة 40 وفوق مخلوطة بشوية دخان ديزل

الله يرحمك يا بو عبدالله كنت نعم القائد الطيب والأب الحنون وتتابعنا من بعيد وأعطيتونا فرصة نتمنى نوفرها لعيالنا وألحين الخدمة الوطنية تواصل لما سبق لكن كم تمنيت تكون لسن 14 وحولها حتى يعيش الشاب حياة الرجولة ويتذوق طعم الشغل وهو صغير .. ولنا في رسولنا الكريم ( صلى الله عليه وسلم ) أُسوة فقد عمل صغيراً وكذلك أهل قطر الأولين ومن اشتغلوا في الغوص والتجارة وغيرها


عشت الاحداث معاك
ايّا على ايام البساطه وايام الطيبين والله يرحم الزعيم

عجل انت الي يطلع في قناه الريان عساكر يستلمون الروبيات من دريشه صغيره
مدري عساكر والا موظفي البترول بس شفت هاللقطه في الريان في برنامج قديم


الله يرحم ايام شيبانا

وبخصوص موضوع اخوي حمد
انا وحده اعترف اني دلعت عيالي واجد:secret:
ولا ارد لهم شي يبونه الا اخلي لهم البوك في الشنطه
ومتى مابغوا اخذوا

ادري تصر مب زين بس مايطاوعني قلبي اردهم :shy:
والحمدالله مهب خساره طلعوا فديتهم بارين بي وفيهم لطف
ولا يعصوني جعلني فداهم :)

واشكرك اخوي حمد 2002 على الموضوع

[معماري قطري]

عشت الاحداث معاك
ايّا على ايام البساطه وايام الطيبين والله يرحم الزعيم

عجل انت الي يطلع في قناه الريان عساكر يستلمون الروبيات من دريشه صغيره
مدري عساكر والا موظفي البترول بس شفت هاللقطه في الريان في برنامج قديم


الله يرحم ايام شيبانا

وبخصوص موضوع اخوي حمد
انا وحده اعترف اني دلعت عيالي واجد:secret:
ولا ارد لهم شي يبونه الا اخلي لهم البوك في الشنطه
ومتى مابغوا اخذوا

ادري تصر مب زين بس مايطاوعني قلبي اردهم :shy:
والحمدالله مهب خساره طلعوا فديتهم بارين بي وفيهم لطف
ولا يعصوني جعلني فداهم :)

واشكرك اخوي حمد 2002 على الموضوع

الله يغفر لهم جميع

ذاك الوقت صحيح 50 ريال تكفيني والباقي تبقى

ما اعتقد صورونا وقتها .. كان المكتب البلاستر متموج ومصبوغ بأبيض وقرب الدريشة الصبغ متحول نيلي بعد البصمة نمش صبعنا في الطوفة وصج وقتها كنا نكتب ونقرأ بس التوقيع للحين ما نوقع

عندي ذكريات وايد حق ذاك الوقت .. كنت ما اعرف الكبار الموجودين من عيال عمي .. وكان جزء كبير هناك للشرطة وإبوي قال لي وين أحصل عمي الله يغفر له وكان أوقات يوصلني البيت بس يطلع متأخر .. كان وقتها مدير السجون في الداخلية وكنت إذا دخلت مكتبه آحس برهبة للمكان وعنده ضغط وازعاج من بعض المساجين

بعد ال 45 يوم وزعونا مراسلين على كم مكان .. مراسل تدليع شوي لفراش .. مطراش يعني .. واحنا كنا ثلاثة ربع ولازم نجتمع نشتغل في مكتب واحد وهم وزعونا لأماكن ثانية بس مب على كيفهم .. ألا نكون مع بعض اللعبة وقتها تطغى على الشغل .. ويسئلونا وين انتوا خلاص إحنا في المحاسبة .. والمحاسبة تعتبر المالية على وقتنا هذا وهي مجموعة مكاتب مديرهم شيبة باكستاني .. وقربها غرفة للمناوب وفيها تلفزيون ومكيف بارد ونتسلل نتابع مسلسل يومياً وإذا جاء آخر الشهر كانوا يجيبون الفلوس كاش في كيس قماش كبير .. ثلاث أيام عد وعمل كشوفات ويطردونا حتى ما نزعجهم .. كله باكستانيين تقريباً وكانت لعبتنا المفضلة واحد يقعد على الكرسي بو تواير والثاني يدزه

[ضوى]

عمري مادلعت ولا بادلع والحمد لله عيالي مب متطلبين وايد واذا طلبوا شي اناقشهم فيه لين اقتنع او هم يقتنعون انه ماله معنى

ولدي بثالث ثانوي للحين عايش على ايفون فور قلت له اذا نجحت بنسبة ترضيني باخذ لك تلفون حديث

احط بحساباتهم مبلغ شهري ومايتجاوزونه واذا تجاوزوه واحتاجوا خصمته من فلوس الشهر اللي عقبه وعادة مايتجاوزونه لانهم عارفين نظامي فما يوهقون روحهم

الدلع مفسدة في التربية الله يعينا عليها

[الماريّة]

عمري مادلعت ولا بادلع والحمد لله عيالي مب متطلبين وايد واذا طلبوا شي اناقشهم فيه لين اقتنع او هم يقتنعون انه ماله معنى

ولدي بثالث ثانوي للحين عايش على ايفون فور قلت له اذا نجحت بنسبة ترضيني باخذ لك تلفون حديث

ضوى غاليتي احييج على صبرج معاهم
وجعل ربي يحفظهم لج

واغبطج على هالشي لاني فعلا ضعيفه قدام عيالي ماقدر
ارد لهم طلب :weeping: حتى لو كنت زعلانه وسويت نفسي معصبه
وعييت ماعطيهم الي يبونه وواجد منهم كسر خاطري بكلمه والا تم ساكت ماقدر اراضيه بسرعه
واعطيه الي يبيه:(

والله وحده المربي سبحانه والله يربي عيالنا ويصلحهم يارب

[عثرة جواد]

الكماليات تكون بين الترغيب والترهيب


يتعود الطفل من يوم يكون صغير ع ثوابت ف الحياة وهي انه مهما احتاج يضل عزيز نفس

مايسال احد والا يضيق وتكون عنده قناعه انه اليوم ناقصة شي بكرة الله بيكرمة وكذا علمت عيالي

ولكل مجتهد نصيب بس ماشرطها بشي لانه غلط كبير تشرط .....غير هشي يتبرعون أسبوعيا حتى لو بريال

الحمدلله التربية من اصعب مهام الحياه الله يبلغنا عيالهم .....



عساااك ع القوة

[الماريّة]

الله يغفر لهم جميع

ذاك الوقت صحيح 50 ريال تكفيني والباقي تبقى

ما اعتقد صورونا وقتها .. كان المكتب البلاستر متموج ومصبوغ بأبيض وقرب الدريشة الصبغ متحول نيلي بعد البصمة نمش صبعنا في الطوفة وصج وقتها كنا نكتب ونقرأ بس التوقيع للحين ما نوقع

عندي ذكريات وايد حق ذاك الوقت .. كنت ما اعرف الكبار الموجودين من عيال عمي .. وكان جزء كبير هناك للشرطة وإبوي قال لي وين أحصل عمي الله يغفر له وكان أوقات يوصلني البيت بس يطلع متأخر .. كان وقتها مدير السجون في الداخلية وكنت إذا دخلت مكتبه آحس برهبة للمكان وعنده ضغط وازعاج من بعض المساجين

بعد ال 45 يوم وزعونا مراسلين على كم مكان .. مراسل تدليع شوي لفراش .. مطراش يعني .. واحنا كنا ثلاثة ربع ولازم نجتمع نشتغل في مكتب واحد وهم وزعونا لأماكن ثانية بس مب على كيفهم .. ألا نكون مع بعض اللعبة وقتها تطغى على الشغل .. ويسئلونا وين انتوا خلاص إحنا في المحاسبة .. والمحاسبة تعتبر المالية على وقتنا هذا وهي مجموعة مكاتب مديرهم شيبة باكستاني .. وقربها غرفة للمناوب وفيها تلفزيون ومكيف بارد ونتسلل نتابع مسلسل يومياً وإذا جاء آخر الشهر كانوا يجيبون الفلوس كاش في كيس قماش كبير .. ثلاث أيام عد وعمل كشوفات ويطردونا حتى ما نزعجهم .. كله باكستانيين تقريباً وكانت لعبتنا المفضلة واحد يقعد على الكرسي بو تواير والثاني يدزه

عجل انت من ايام قائد الشرطه كوكرين

الايام الحلوه ببساطتها وباحساس التعب فيها والشقى
الحين اللهم لك الحمد والنعمه صرنا براحه ومافيه ذاك التعب لا على الرجل
ولا على المرأه والله يديمها من نعمه يارب

[بشائر]

الاعتدال والوسطية في تلبية رغبات الأبناء ينمي طموحاتهم ويديم فتيلها مشتعلا ً..







الله يغفر لهم جميع

ذاك الوقت صحيح 50 ريال تكفيني والباقي تبقى

ما اعتقد صورونا وقتها .. كان المكتب البلاستر متموج ومصبوغ بأبيض وقرب الدريشة الصبغ متحول نيلي بعد البصمة نمش صبعنا في الطوفة وصج وقتها كنا نكتب ونقرأ بس التوقيع للحين ما نوقع

عندي ذكريات وايد حق ذاك الوقت .. كنت ما اعرف الكبار الموجودين من عيال عمي .. وكان جزء كبير هناك للشرطة وإبوي قال لي وين أحصل عمي الله يغفر له وكان أوقات يوصلني البيت بس يطلع متأخر .. كان وقتها مدير السجون في الداخلية وكنت إذا دخلت مكتبه آحس برهبة للمكان وعنده ضغط وازعاج من بعض المساجين

بعد ال 45 يوم وزعونا مراسلين على كم مكان .. مراسل تدليع شوي لفراش .. مطراش يعني .. واحنا كنا ثلاثة ربع ولازم نجتمع نشتغل في مكتب واحد وهم وزعونا لأماكن ثانية بس مب على كيفهم .. ألا نكون مع بعض اللعبة وقتها تطغى على الشغل .. ويسئلونا وين انتوا خلاص إحنا في المحاسبة .. والمحاسبة تعتبر المالية على وقتنا هذا وهي مجموعة مكاتب مديرهم شيبة باكستاني .. وقربها غرفة للمناوب وفيها تلفزيون ومكيف بارد ونتسلل نتابع مسلسل يومياً وإذا جاء آخر الشهر كانوا يجيبون الفلوس كاش في كيس قماش كبير .. ثلاث أيام عد وعمل كشوفات ويطردونا حتى ما نزعجهم .. كله باكستانيين تقريباً وكانت لعبتنا المفضلة واحد يقعد على الكرسي بو تواير والثاني يدزه


ماشاء الله ذكريات جميلة .. أسلوبك في الكتابة سهل وبسيط لو تجمعها في دفتر ذكريات وتضيف لها خبراتك المعمارية بتكون مرجع ممتاز .

[سالم الزهران]

اخوي سالم خل نشتري حق شيخنا راجي ايباد بابا مشمش هدية

اذا فيها مشمش ما ظنيت انك جاد ،،،ههههه ،،، يبشر الشيخ ،،،،بالمناسبة التحديثات على الاب ستور لألعاب للولد ،، يعني بدل ما يحفظون قرآن او شيء يفيدهم :/

[معماري قطري]

الاعتدال والوسطية في تلبية رغبات الأبناء ينمي طموحاتهم ويديم فتيلها مشتعلا ً..







ماشاء الله ذكريات جميلة .. أسلوبك في الكتابة سهل وبسيط لو تجمعها في دفتر ذكريات وتضيف لها خبراتك المعمارية بتكون مرجع ممتاز .

كلها فضايح اختي بشاير بيزعلون ربعي بعضهم ما يتذكرون وإثنين توفوا الله يغفر لهم ودي لو نقدر نجتمع مع بعض .. واحد كل ما اتصل به مسافر وواحد رجع لحياة البداوة وخذ بيت في الكرعانة وعاش هناك .. ببساطة ما ينصادون

ومشكورة على الإشادة بإسلوب الكتابة ممكن من كثر ما اكتب في المنتدى تحسنت الصياغة شوي

[معماري قطري]

عجل انت من ايام قائد الشرطه كوكرين

الايام الحلوه ببساطتها وباحساس التعب فيها والشقى
الحين اللهم لك الحمد والنعمه صرنا براحه ومافيه ذاك التعب لا على الرجل
ولا على المرأه والله يديمها من نعمه يارب

لا الله يحفظج كوكرين سمعت به ودخلت في مباني مبنية على وقته ويخرعونا به .. كانت دفعتنا سنة 1978 ووقتها كانت القيادة العامة في رميلة وفيها مركز كل شغل الجيش وجزء بسيط من الشرطة .. على ما سمعت هو رقمه 1 ورقم 2 أحمد بن محمد آل ثاني الله يغفر له ( اللي مسماه الكلية العسكرية بإسمه ) ورقم 3 الزعيم الله يغفر له

من ذكرياتي وكنت تحت الخمس سنين كان والدي وخالي من اللي انظموا للعمل العسكري وعطوهم صناديق كبيرة فيها ثياب .. بس شهر يمكن وما واصلوا

[الماريّة]

لا الله يحفظج كوكرين سمعت به ودخلت في مباني مبنية على وقته ويخرعونا به .. كانت دفعتنا سنة 1978 ووقتها كانت القيادة العامة في رميلة وفيها مركز كل شغل الجيش وجزء بسيط من الشرطة .. على ما سمعت هو رقمه 1 ورقم 2 أحمد بن محمد آل ثاني الله يغفر له ( اللي مسماه الكلية العسكرية بإسمه ) ورقم 3 الزعيم الله يغفر له

من ذكرياتي وكنت تحت الخمس سنين كان والدي وخالي من اللي انظموا للعمل العسكري وعطوهم صناديق كبيرة فيها ثياب .. بس شهر يمكن وما واصلوا


مرحبا اخوي معماري

كوكرين دايم اسمع ابوي رحمه الله يسولف عنه
كان يقول انه شديد على العساكر وخصوصا القطريين

وياليتك صدق اخوي تحط لنا صور من تاريخ ذكرياتكم ودنا
نشوف الماضي الحلو

كنت اتحسف دايم ان ابوي ماعنده صور له ذيك الايام
كل ماسالناه ليش ماصورت قبل يقول دايم حرام العكس ^_^
يعني الصوره

مايصور الا بس للجواز والبطاقه العسكريه ههههه غيره حراام

[راجي الْعفو]

مرحبا اخوي معماري

كوكرين دايم اسمع ابوي رحمه الله يسولف عنه
كان يقول انه شديد على العساكر وخصوصا القطريين

وياليتك صدق اخوي تحط لنا صور من تاريخ ذكرياتكم ودنا
نشوف الماضي الحلو

كنت اتحسف دايم ان ابوي ماعنده صور له ذيك الايام
كل ماسالناه ليش ماصورت قبل يقول دايم حرام العكس ^_^
يعني الصوره

مايصور الا بس للجواز والبطاقه العسكريه ههههه غيره حراام

الله يرحمه .. كلامه طيب وفي محله ..
يازين الشيبان ، فيهم تقوى و ورع بالفطرة ..

[بوحارب]

اي والله عيال هالأيام مشكلة
بابا ابي
بابا عطني
بابا اشتر لي
بابا رفيجي شرى هذا

زين يابابا انا مالي شغل ياخي فكني شوي هههههه

[راجي الْعفو]

اي والله عيال هالأيام مشكلة
بابا ابي
بابا عطني
بابا اشتر لي
بابا رفيجي شرى هذا

زين يابابا انا مالي شغل ياخي فكني شوي هههههه

طلبات غنوم جايه في الطريق ^_^

[بوسيف الهاجري]

الله يرحم ذيك الايام الدنيا كانت بسيطه ولا فيها متطلبات
عايش يومك
اذكر كنا نسمع با لموز و التفاح
في السبعينبان كانو طلاب الجامعه يروحون رحلات للبروق
كانو يمرون علينا الصبح يوم الجمعه في منطقتنا
اذا مرو يخذفون علينا كيسه فيها روتي سلايس وجبن وزبده وموزه
والعصر نفس الشي بس الكيسه فيها سندويش وتفاحه
عاد خذ ضرب النعل كنا حوالي 15 بزر اعمارنا من 6 الا 8 سنين
واوقات يوقفون يصورون معانا اتقل في جنوب افريقيا

[الماريّة]

الله يرحم ذيك الايام الدنيا كانت بسيطه ولا فيها متطلبات
عايش يومك
اذكر كنا نسمع با لموز و التفاح
في السبعينبان كانو طلاب الجامعه يروحون رحلات للبروق
كانو يمرون علينا الصبح يوم الجمعه في منطقتنا
اذا مرو يخذفون علينا كيسه فيها روتي سلايس وجبن وزبده وموزه
والعصر نفس الشي بس الكيسه فيها سندويش وتفاحه
عاد خذ ضرب النعل كنا حوالي 15 بزر اعمارنا من 6 الا 8 سنين
واوقات يوقفون يصورون معانا اتقل في جنوب افريقيا

الا ماجاكم الروشن ^_^
الي فيه قوطي العنصنص انتهاد عليه ههههههه

[الماريّة]

الله يرحمه .. كلامه طيب وفي محله ..
يازين الشيبان ، فيهم تقوى و ورع بالفطرة ..

الله يجزيييييييييييييك كل خير ورحم الله والديك ويطول باعمارهم يارب
احسن دعاء سمعته اليوووووم فديييييييييت ابوي الله يرحمه :weeping:

[ذكي جدااا]

بالثانويه كان راتبي اليومي عشرة ريال خمسة ريال للاكل وخمسة ريال حق التاكسي البرتقالي يوصلني البيت الظهر وبس والله وماكان في جوالات وحلم الشباب كان نيسان باب واحد :nice:

[معماري قطري]

مرحبا اخوي معماري

كوكرين دايم اسمع ابوي رحمه الله يسولف عنه
كان يقول انه شديد على العساكر وخصوصا القطريين

وياليتك صدق اخوي تحط لنا صور من تاريخ ذكرياتكم ودنا
نشوف الماضي الحلو

كنت اتحسف دايم ان ابوي ماعنده صور له ذيك الايام
كل ماسالناه ليش ماصورت قبل يقول دايم حرام العكس ^_^
يعني الصوره

مايصور الا بس للجواز والبطاقه العسكريه ههههه غيره حراام

مرحبتين اختي المارية

زين تتذكرين الإسم وانا شبه ناسيه

والله يغفر لإبوج ولجميع موتى المسلمين

شالفرق بين البارحة واليوم؟ كوكرين كان مستلم الأولين وفي بعض الهيئات خوكرين مستلم الباقيين

[معماري قطري]

بالثانويه كان راتبي اليومي عشرة ريال خمسة ريال للاكل وخمسة ريال حق التاكسي البرتقالي يوصلني البيت الظهر وبس والله وماكان في جوالات وحلم الشباب كان نيسان باب واحد :nice:

كنت مدلع انت ترجع في تكسي .. إحنا قبل لنسوق كنا نمشي مسافة لين الشارع نحصل سيارة توصلنا

بعدين اللي يخلص ثالث اعدادي سيارة وليسن .. عاد سيارات قبل تطلع روحك وانت ترفس دواسة البترول لين توصل 160 وبعضها حدها 120

[معماري قطري]

اي والله عيال هالأيام مشكلة
بابا ابي
بابا عطني
بابا اشتر لي
بابا رفيجي شرى هذا

زين يابابا انا مالي شغل ياخي فكني شوي هههههه

ولدي جنني قبل لينزلون الجيات الجداد .. كنت مسافر ويطلع لي صور ويرسل لي وتس أب

عمره 15 ويقول فلان حاجز وفلان ويوم شاف اللي خذوهم ربعه اقتنع بالقديم الموجود عندنا وألحين يحاول يشوف واسطة عند المرور يعطونه ليسن قلت له بدون ليسن ما فيه .. وهذا مثال على ربعي عندهم

[qrt_trading]

بالنسبة لي أوكي باجيب لهم إللي يبونه حتى لو طلبوا عيوني عطيتهم إياها، لكن بمقابل مش بس تعال خذ وهاك وإللي تامر عليه، يعني مثلاً في طلعة من الطلعات أعجبتهم لعبة غرض أي شي وقالوا نبيه ما أروح أشتريه لهم على طول لا أنتظر مثلاً أنجحوا أروح أجيبه لهم وأقول لهم هذي هدية نجاحكم أو مثلاً طالعين طلعة أحدد لهم المبلغ إللي يقدرون يشترون فيه أي شي مثلاً كل واحد له 200 ريال يبي لعبه يبي أي شي بس هال200 ويقدرون إذا يبون يشترون لعبة مثلاً للإكس بوكس أو البليشتيشن يجمعون المبلغ كله ويشترون لهم لعبة أو 2 وتكون جماعية واللي يبقى يروحون الجمعية ويشترون لهم حلاوة أو أي شي.

[طبيب قطري]

الدلع الزايد والمبالغه فتلبيه طلبات الطفل تطلع الطفل جشع غير قادر على تحمل المسووليه وغير قادر على بناء نظره طموحه للمستقبل ..

[طبيب قطري]

من فتره مطرشينلي فيديوهات عن طفله يقولون صارت مشهوره بالانستقرام بحبها للمكياج ، كل فيديوهاتها كلام عن ( الميكب ) مثل مايقولوا ، بالذمه طفله ماكملت حتى اربع سنين تعرف تحط روج وتصبغ اظافرها وتحط كحل! اي افكار يزرعونها الاهل في عقل هالطفله! في ناس تقولك البنت كيوت وتجنن وبريئه ومن هالكلام طيب وبعدين! الحين مستانسين عليها بكره لين اكبرت اشلون بيمنعوا عنها حب هالاشياء ؟

[طلعة الروح]

من فتره مطرشينلي فيديوهات عن طفله يقولون صارت مشهوره بالانستقرام بحبها للمكياج ، كل فيديوهاتها كلام عن ( الميكب ) مثل مايقولوا ، بالذمه طفله ماكملت حتى اربع سنين تعرف تحط روج وتصبغ اظافرها وتحط كحل! اي افكار يزرعونها الاهل في عقل هالطفله! في ناس تقولك البنت كيوت وتجنن وبريئه ومن هالكلام طيب وبعدين! الحين مستانسين عليها بكره لين اكبرت اشلون بيمنعوا عنها حب هالاشياء ؟

مستحيل تمنع هالشي لان شي فطري في البنت، اذا من هي صغيرة حبته ف معناته انها يا بتطلع موهوبه لين كبرت او مجرد حب طبيعي للميكب بس الناس سوت عليه stress بزيادة لدواعي الشهره والى آخره