مطلوب مقاول او مهندس شاطر متخصص في علاج مشاكل السقف

[RVD]

السلام عليكم

الله لايهينكم مطلوب ضروري مقاول ولا مهندس فنان متخصص في السقف ، لانه بيت الوالد صارلنا ساكنين فيه فوق ال 25 سنه وقاعدين نسوي صيانه للبيت والصاله في الطابق الثاني يوم كسرنا الجبس القديم لقينا الجبس متشقق في اماكن وايد وبعض الحدايد طالعه من السقف مساحه الصاله 6*6، شركه الجبس اللي جبتها يقولون مايقدرون يصلحونه يقولون تحتاج واحد مهندس شاطر يعالجاك هالمشكله ويسويلك عازل وبلستر ويعالجلك الحديد الشوي اللي طالع والتشققات. يعني عادي اذا ماعالجته بعد كم سنه السقف يطيح . الله لايهينكم اذا تعرفون احد متخصص فالسقف تساعدوني؟؟؟

[معماري قطري]

انا شفت المشكلة هذي في ملحق في بيت الوالد القديم من حول 20 سنة وكنت وقتها ادرس هندسة .. قلت لا اهدموه ما ينفع معاه شيء .. إخوي قعد يضحك وقال لي روح يالمهندس جبت عامل هندي قال اشتر لي كرتون بيض وكيسين اسمنت وخل الشغل علي .. قلت له شهالخزعبلات اسمنت بالبيض هذا الظاهر يشتغل في مطعم .. كان السقف منتهي والحديد طالع وطايحة قطع كثيرة يعني بعد التكسير بقى يمكن 75% من الاسمنت الأصلي

هو حك الصدأ من الحديد وخلط الاسمنت ببياض البيض وشوية ماي اظن وتبي الصج نسيت المقادير .. وسواه ويوم شفته كل وقت امر واتأكد إن ما استوت شلوخ .. بعد سنة وأكثر وطلعنا من البيت وتأجر وللحين على ذاك التصليح بس سووا عازل ماي جديد وهذا أهم شيء

بالنسبة لك لو تبي بتان يصلحه اعرف واحد شاطر وبيجيب لك مواد من فوسروك وهي خلطات خاصة لهذي النوعية .. وشوف يوتيوبيات البناء فيها عن تصليح السقف

تبي غير عند تدمر مكينة الشوتنغ كريت مر على نبيل حلاوة مدير قسم البرك والعازل وهو بيعطيك فكرة عن طريقته وبعد خلهم يسوون العازل فوق هذا ضروري

[RVD]

يعطيك العافيه يامعماري عالرد شيك عالخاص ولاتهون

[معماري قطري]

تم الرد إخوي

[معماري قطري]

وصلتني الصور على الوتس أب وكان واضح تبين شلوخ بسيطة والحديد مصديء .. المشكلة إن الحديد مب مغلف ( الأخضر ) ودوم انصح به والظاهر العازل ضعيف وتوصل رطوبة للحديد .. الشيء الثاني الحديد نازل قريب حافة السقف يعني خرسانة كافية تغطيه ما فيه وهذا يخلي الخرسانة تنفتح بسهولة بسبب الصدأ وهذا بسبب عدم بسكوتات اسمنت ترفع الحديد شوي

الحل يتصلح العازل أهم شيء من الخارج فوق السطح ونعدل الحديد اللي طالع بالتكسير شوي حوله وعمل صنفرة وتنظيف للصدأ ثم طليه بمادة خاصة كحماية ثم تغطيته ببلاستر مخلوط بمواد مقوية ولاصقة .. أو أبسطها خلطة البيض والاسمنت بدون أي اضافات ثانية حتى بدون ماي

الخرسانة تبين لي جيدة وتعطي عمر فوق 30 سنة وحتى 50 سنة لو تم تصليح عازل الماء

حاولت انزل الصور للكمبيوتر ما قدرت ما ادري شالعلة