ولدي يدرس في مدرسه انجلش سكول !!

[حمد 2002]

السلام عليكم

مساكم الله بالخير ..


كثيرا مايتفاخر الآباء والأمهات بأن عيالهم يدرسون بمدارس انجليزيه بل ويرددون هالكلام ويهايطون ويفوشرون بالمجالس وقدام ربعهم واهلهم ..


هل هالمدارس الانجليزية اذا انضم لها ولدكم بيطلع ذكي فل ابشن! ! ..

وإذا درس بمدارس الحكومة بيطلع مب ذكي !! ..

هل تلك المدارس تعتبر مقياس للذكاء وتطور الأبناء ؟ ! ..

وهل اذا الابن مادخلها مب فالح بالإنجليزي طول عمره ..


وليش هالاباء يهايطون ويفتخرون بهالمدارس؟ ..


شكرا للجميع ..

[غريب الدّار]

اللي يقول ولدي يدرس في انقلش سكول هذا فرحان عى عمره انه يعرف انجليزي اكثر من ولده :)
وبعدين شنو مدرسة انقلش سكول؟ ترجمتها : مدرسة انجليزية مدرسة :)
قول مدرسة انجليزية وخلاص


المهم شوف بو شهاب (ياللي تقط الموضوع وتمشي ولا ترجع له ولا تشوف عقب شصار فيه)

الولد الذكي في الغالب راح يكون ذكي في أي مكان تحطه
الذكاء من رب العالمين وماله علاقة الولد وين

يمكن المدارس الإنجليزية (او بعضها) مناهجها قوية او اقوى من المناهج الأخرى
يمكن

فاحنا هنيه نتكلم عن المخرجات مب عن الذكاء ، مخرجات التعليم بشكل عام



أضف إلى ذلك اللغة : الدارسة في المدارس الإنجليزية تعزز مستوى اللغة بشكل كبير

مع اني صرت اعتقد ان الجيل الحالي صارت دراسته للإنجليزية وتعلمه اسهل من قبل بسبب وجود عوامل كثيرة تدفع الطفل دفع لتعلم اللغة الإنجليزية
وهذا شي إيجابي في نظري
طبعا مايعني هذا ابدا اهمال اللغة العربية لكن مهب موضوعنا


المهم
بالتالي هاذي قدتكون أوجه المفاضلة


وفي كل الأحوال :
اللي يهايط بهالشي ماعنده سالفة
واللي يهايط ويفوشر بشكل عام شخص سطحي

ياكرهي للمهايط خصوصا اللي يفوشرون بعيالهم :) ناس فيها تفاهة



وقواك الله يابو شهاب

[Qt.1]

للاسف ماتوفقت في اختيار الموضوع هالمره كنت تبي تكتب اي شي وبس !!

[CH Engineer]

قبل كانوا يهايطون فيها لانه يدفع المبلغ الفلاني لولده بهالمدرسه اخر شي يطّلع ميح الحين رد عليه قوله الله يخلي الكوبونات ،،
عالعموم هالمدارس مهما ارتقت كان مستواها اقل من مدارس " وزارة العربيه والتعليم" الافضلية لهالمداًس باللغه الانجليزية لا غير

[المرحب]

للاسف ماتوفقت في اختيار الموضوع هالمره كنت تبي تكتب اي شي وبس !!
:nice::nice::nice:

[ضوى]

ياما شفنا عيال بمدارس اجنبية لا شفناهم هايطوا ولا ابائهم هايطوا من وين تجيب هالسوالف ؟

[حمد 2002]

شكرا للجميع .. سوف اقوم بالرد على جميع الردود فور الانتهاء من
وجبه الغداء وأخذ قسط قليل من النوم = قيلوله ..


شكرا لكم مره آخرى ..

[السكين]

ياما شفنا عيال بمدارس اجنبية لا شفناهم هايطوا ولا ابائهم هايطوا من وين تجيب هالسوالف ؟

من مجالس الرجال :nice:

[ضوى]

من مجالس الرجال :nice:

صج ؟ صاروا الرجال جذي بعد ؟! اخبر هالسوالف للحريم

[راجي الْعفو]

وعليكم السلام و رحمة الله و بركاته

اشوف ان سلبياتها اكبر من مصالحها

اثرت ع دين العيال سواء شعروا بذلك او لم يشعروا

صاروا يسوون اشيا و يستسهلونها بحجة انه برنامج مدرسي كبعض الاحتفالات مثلا

والتأسيس الديني طبعا تعبان اذا ما كان منعدم !

وبعدين نسمع بعض أولياء الامور يتشكون ان المدرسة الفلانية تقيم شعائر مخالفة للإسلام

ماشاء الله يا اخي العبقري ، وليش حضرتك دخلته مدرسة تخالف في برامجها تعاليم الاسلام ؟

ج: والله عشان اللغة ^_^

تناقض في القناعات و الاعتقادات و الافعال ..


الله يصلح الحال ..

[طلعة الروح]

السلام عليكم

مساكم الله بالخير ..


كثيرا مايتفاخر الآباء والأمهات بأن عيالهم يدرسون بمدارس انجليزيه بل ويرددون هالكلام ويهايطون ويفوشرون بالمجالس وقدام ربعهم واهلهم ..


هل هالمدارس الانجليزية اذا انضم لها ولدكم بيطلع ذكي فل ابشن! ! ..

وإذا درس بمدارس الحكومة بيطلع مب ذكي !! ..

هل تلك المدارس تعتبر مقياس للذكاء وتطور الأبناء ؟ ! ..

وهل اذا الابن مادخلها مب فالح بالإنجليزي طول عمره ..


وليش هالاباء يهايطون ويفتخرون بهالمدارس؟ ..


شكرا للجميع ..

عمرها المدارس ماكانت benchmark او مقياس للذكاء والتطور ، أنا ضد التركيز على هذا العامل في حد ذاته اذا مارافقته عوامل مساعده أخرى
زي : ذكاء الطفل الفطري والوراثي ، حماسة وتشجيع الاهل لطلب العلم وترغيبهم فيه ، البيئة المحيطة ، الخ
واللغة الانجليزية وهي بحر كبير جدا ونفس أي مهارة يستطيع الانسان اكتسابها وتعلمها وزيادتها في أي عمر بالتعلم المستمر والمطالعة والممارسة، اما أخذ العلم في سنوات الدراسة الأساسية والاكتفاء بذلك واقعد واقول خلاص وصلنا خير هني الغباء والحماقة وتوقف استخدام التفكير، لأن العلم عمره مايخلص ولا يوقف على مرحلة دراسية محددة، واذا الانسان مايواكب التحديثات في هذا العلم يضل اسمه متخلف بغض النظر عن في أي مدرسة أو جامعه درس ووش مجاله او تخصصه الاكاديمي.

[مفكر قطري]

الصراحة انا متخوف من فكرة دخول ابنائي للمدارس المستقلة من الأشياء
اللي نشوفها و نسمعها من تصرفات الطلاب فيها..
الله يرحم مدرسة الأندلس و الفرقان على أيامهم لما كانوا صج يظبطون الطلاب..*
كثير من أولياء الأمور يخافون على اخلاق ابنائهم بسبب سلوكيات بعض الطلاب في المدارس المستقلة ..*

[تاجر كشخة]

انا عيالي بأذن الله بعلمهم علوم المرجلة وتاريخ العرب والشعر وبعدها بوديهم انقلش سكول :nice:

[بانغ بانغ]

انا عيالي بأذن الله بعلمهم علوم المرجلة وتاريخ العرب والشعر وبعدها بوديهم انقلش سكول :nice:

ههههههههههههه الله يوفقهم ان شاء الله