توصيلات التلفزيون والإنترنت والهاتف .. سؤالين فنيين

[رجل المستحيل]

مرحبا جميعا .. حاليا أقوم بعمل التمديدات الخاصة بتوصيل الإنترنت والتلفزيون والتلفون في أنحاء الفيلا (تمديد وايرات) ..

عندي سؤالين ..



الأول - هل يستطيع الفني المختص (شركة العنابي) من تمديد كيبل التلفزيون والإنترنت في نفس البايب ، هل الإمكانية قائمة ، أم كان يحتاج لتنسيق مسبق أثناء البناء ؟



الثاني - من أين أحصل على سوكيت خاص يحتوي توصيلة (تلفزيون + نت) في نفس الوقت ، بدل أن يكون سوكيت مختلف لكل واحد ، غير شركة المشرق ؟!

[معماري قطري]

هذي السؤالات ( خربت اللغة العربية ) ما يجاوب عليها الا عزيز يو كي أو الفني

[رجل المستحيل]

هذي السؤالات ( خربت اللغة العربية ) ما يجاوب عليها الا عزيز يو كي أو الفني

فديتها .. اللغة العربية :)

وننتظر يوكي سان أو الفني ..

[سعود.]

أنا حاليأ مسوي التمديدات

ثلاث سويكات واحد لواير الدش واحد كهرباء الرسيفر واحد كهرباء التلفزيون

ثلاثة جنب بعض بتكون مخفية خلف التلفزيون .

[سعود.]

الانترنت والهاتف

تكون تمديداتهم غير لانة يجي لها بيب خاص من الخارج الفيلا على الدور الارضي ومنة على الدور الاول ثم البنت هاوس

[معماري قطري]

استشاري الكهرباء عندي ما شاء الله كان حاسب كل شيء ومجهز له ولا فكرت في هذي الشغلة خليت التفاصيل والمتابعة عليه

[بوخالد911]

هلا بكم
عن نفسي كنت عامل حسابي عدل
اربع بوكسات بالغرف والصالات والمجلس
للدش و النت و الانتركوم و التلفون.

سويت توصيلة انتركوم لين غرفة الخدامة والسايق.

[بوخالد911]

وهالشي لازم كنت تعمل حسابه مع اعداد الخريطة
التمديدات الأولية.
وخليت يحضر اللي بيمدد البيت وقلت له ابي الارسال توووووب
حدد لي مكان الراوتر بالصالة
وفوق حق الأكسس بوينت يغطي الطابق الاول.

[الســـهم]

السلام عليكم ورحمة الله وبركاته ..

انا بجيب على السؤال الثاني أولا , اتوقع بإذن الله تلقى مرادك عند شركة الجيدة , مكانهم في نفس مباني كراج السيارات (شفروليه) ..

اما بخصوص السؤال الأول , مافيه شي صعب هاليومين , والوايرلس راح يغنيك عن التوصيلات ويحل المشكلة , وخصوصا ان معظم الاجهزة اليوم (تلفزيون ، رسيفر , ... إلخ ) تدعم الواي فاي ..

موجود معانا فالمنتدى عضو اسمه المبرمج صلاح , عنده حلول كثيره واجهزه على مستوى عالي , ماتعاملت معاه ولكنه يستخدم احدث الاجهزه فالسوق حسب اطلاعي ..

[بوخالد911]

السلام عليكم ورحمة الله وبركاته ..

انا بجيب على السؤال الثاني أولا , اتوقع بإذن الله تلقى مرادك عند شركة الجيدة , مكانهم في نفس مباني كراج السيارات (شفروليه) ..

اما بخصوص السؤال الأول , مافيه شي صعب هاليومين , والوايرلس راح يغنيك عن التوصيلات ويحل المشكلة , وخصوصا ان معظم الاجهزة اليوم (تلفزيون ، رسيفر , ... إلخ ) تدعم الواي فاي ..

موجود معانا فالمنتدى عضو اسمه المبرمج صلاح , عنده حلول كثيره واجهزه على مستوى عالي , ماتعاملت معاه ولكنه يستخدم احدث الاجهزه فالسوق حسب اطلاعي ..

مساك الله بالخير

نصيحتي للكل :
خل الراوتر الرئيسي تحت بالصالة
ويطلع منه واير لين فوق حق : الأكسس بوينت ( مقوي )

بجذيه نحصل ع إشارة أقوى

:nice:

هالطريقة انا مسويها حاليا

[اللوز]

نصيحة
مرو على شركة سما الدوحة
عناونهم في اللؤلؤة
شغل محترم 100 %

[(عبدالله)]

الأول - هل يستطيع الفني المختص (شركة العنابي) من تمديد كيبل التلفزيون والإنترنت في نفس البايب ، هل الإمكانية قائمة ، أم كان يحتاج لتنسيق مسبق أثناء البناء ؟

ما اعتقد.. واذا يقدرون فأسعارهم غالية جداً مقارنة بالسوق. باختصار.. تنسيق مسبق أثناء البناء.
تعاقد مع شركة من الشركات الثقات على عقدين أو جزئين من العقد: الأول عمل التمديدات (التلفزيون+ الانترنت + التلفون + السماعات + الكاميرات .. إلخ ) حسب رغبتك ببيبات pvc + تمديدات الكيابل + السوكيتات. الجزء الثاني من العقد تركيب الدشات والكاميرات والسماعات والتلفونات والرسيفرات .. مب شرط كلها.. مثلاً للتفلزيونات رسيفر واحد كفاية عشان تختبر ان نقطة الرسيفر شغالة تعطي إشارة، ونقاط التلفون كلها تعطي حرارة.


الثاني - من أين أحصل على سوكيت خاص يحتوي توصيلة (تلفزيون + نت) في نفس الوقت ، بدل أن يكون سوكيت مختلف لكل واحد ، غير شركة المشرق ؟!
ما عندي علم للأسف دورت وماحصلت

أنا للأسف سويت عقد من جزء واحد مع واحد باكستاني اشتغل مع واحد أعرف وضبط له بيته.. فوثقت به وعطيته فلوسه كاملة بدون ما أختبر. لما شريت الأجهزة ووصلتها طلعت البلاوي: نقاط تلفزيون مش واصلة السطح، سماعة سقف مافيها توصيل، نقاط انترنت ما وصلها... إلخ

لين جبت لي واحد تونسي من شركة بيست سيكيورتي اسمه محمد ( رقمه 33867507) جزاه الله خير عدل العيوب كثر ما قدر وعطاني أفكار عملية جديدة وشغل لي الأجهزة كلها

والله يوفقك