مراكب الكورنيش ..!!!

[بصمة قطرية]

بسم الله الرحمن الرحيم
السلام عليكم ورحمة الله و بركاته


صباح الخير جميعاً ..

موضوعي عن المراكب اللي على الكورنيش
والتسعيرات العشوائية اللي يحطونها الهنود ..

صار لي فترة كل أسبوع أروح مع العيال و نأجر مركب
بكون برايفت ..
خاص لنا بس ..
نص ساعه و لا ساعة ..
حسب الجو والوقت ..
المهم ..
السعر اللي آخذه كل مرة 80 ريال نص ساعه
و 160 للساعة ..
أمس رحت و قالوا لي الساعه بـ 250
قلت لهم ليييش ..!!
أنا ما آخذ هالسعر ..!
خليت الأول رحت للثاني قال لي 300
قلت لهم على كيفكم كل واحد حاط سعر ..!!
و أصور اللوحة اللي فيها الرقم و أقول لهم ببلغ عليكم
البلدية و الشرطة عشان يعرفون أنكم حرامية ..
قدامي إثنين تهاوشوا معاهم على السعر
وقالوا لهم إنتو حرامية ..
رحت للثالث إلا اللي هناك قال لي 200
قلت له تعطيني السعر اللي آخذه كل مرة
إلا يجيني الهندي اللي كل مرة آخذ منه
قال لي روحي للأول إنتي كل مرة تجين سعرج معروف
قلت له طلب 250
وأنا خلاص ببلغ عليكم كلكم عشان يعرفون ..
قام يتعذر و يقول مدام هاي صغير ومجنون ما يعرف
بليز لا تعلمين بلدية و شرطة ..
قلت له ما تصير حرامي ما راح أعلم حد
لكن جذي تبوقون الناس حرام ..

حسيت نفسي شريرة
بس بصراحة يستاهلون لأنهم مصخوها ..
اللي ما يعرف لهم يدفع دبل السعر ثلاث واربع مرات
ليش ..!!!
لازم يحددون لهم السعر للشخص و للبرايفت ..
و لو في دفتر خاص مثل التذاكر أحسن ..

[بوخالد911]

لازم تبلغون عليهم
ولا الاسعار بتوصل فووووق

فهل أنتم فاعلون !؟!؟

[طلعة الروح]

ما نلومهم اغلب الوقت يكشون ذبان والحين بعد داخلين ع الصيف
وغريبه اول مرة ادري انه لا يوجد تحديد اسعار لركوب البوم في الكورنيش
وهذا اللي جعل تحديد السعر سبهلله للعاملين عليه

[بصمة قطرية]

لازم تبلغون عليهم
ولا الاسعار بتوصل فووووق

فهل أنتم فاعلون !؟!؟

ما راح أبلغ يا بوخالد ..
أخاف بصراحة
قطع الأعناق و لا قطع الأرزاق ..
بس خوفتهم عشان ما يبوقون الناس ..
في ناس غافلين و ممكن يدفعون أسعار خيالية ..
نبي هيئة السياحة تتدخل و تحدد الأسعار ..
عشان ما يصير بوق و تلاعب ..

[بصمة قطرية]

ما نلومهم اغلب الوقت يكشون ذبان والحين بعد داخلين ع الصيف
وغريبه اول مرة ادري انه لا يوجد تحديد اسعار لركوب البوم في الكورنيش
وهذا اللي جعل تحديد السعر سبهلله للعاملين عليه


متخيلة واحد قال لي الساعه بـ 400 ..!!!
الله يرحم أيام كانت بـ 60 ريال ..
دام مافي رقابة بيصير تلاعب في الأسعار..

[بوخالد911]

ما راح أبلغ يا بوخالد ..
أخاف بصراحة
قطع الأعناق و لا قطع الأرزاق ..
بس خوفتهم عشان ما يبوقون الناس ..
في ناس غافلين و ممكن يدفعون أسعار خيالية ..
نبي هيئة السياحة تتدخل و تحدد الأسعار ..
عشان ما يصير بوق و تلاعب ..

عيل اشلون بتتدخل الهيئة وانتوا ما راح تبلغونهم !؟!؟

بسكم طيبة
واللي بسببها استغلوكم هالعمال

[طلعة الروح]

متخيلة واحد قال لي الساعه بـ 400 ..!!!
الله يرحم أيام كانت بـ 60 ريال ..
دام مافي رقابة بيصير تلاعب في الأسعار..

صحيح انا توقعت ان المبلغ اقل من اللي ذكرتيه بالرغم من ان كذا مره ينادوني عشان اركب بس ارفض
وكنت متوقعه ان السعر بين 50 و100 ريال مثلا

[بصمة قطرية]

عيل اشلون بتتدخل الهيئة وانتوا ما راح تبلغونهم !؟!؟

بسكم طيبة
واللي بسببها استغلوكم هالعمال

بوخالد أخاف فيها قطع أرزاق
أخاف والله ..
ممكن نوصل شكوى و إقتراح للهيئة ..

[بصمة قطرية]

صحيح انا توقعت ان المبلغ اقل من اللي ذكرتيه بالرغم من ان كذا مره ينادوني عشان اركب بس ارفض
وكنت متوقعه ان السعر بين 50 و100 ريال مثلا


ممكن غيري ياخذها أقل ..
تلاعب واضح وكبير ..
لازم يشوفون لهم حل ..

[سالم الزهران]

بلغي ، حق البلد و حق الزوار بعد عليك

ما احد قد قطع رزق احد ، الارزاق بيد الرزاق والاستغلاليين حقهم من يعلق الواحد بأذنه

[توشيبا]

روحي اللولوه استاجري من عندهم

اضمن لج بدال هالخشبه اللي ماعليه ضمان ولا صيانه ولا سفتي

من شفت اللي احترق في البندر والهنود اللي حوله كل واحد طب في البحر وسحب

بكره لو يحترق ولا يخرب بيطب بحر ويرجع ويخليكم

[khaldoon]

كيف هالهندي بيبني قصر في سنة في بلده...بهالطرق الملتويه و بعدين لما ينطرح موضوع في المنتدى عن تحويلات العرب لبلادهم يقولون كثير و وايد و الله لا يباركلهم و لما ينطرح تحويلات الهنود ينقال عليهم بالعافيه و الله شعب صبور و يتحمل و من جد وجد...اللي مب مصدق يرجع للمواضيع من سنة و ان كنت ناسي افكرك ....هههههههههههههههههههه

[بانغ بانغ]

كيف هالهندي بيبني قصر في سنة في بلده...بهالطرق الملتويه و بعدين لما ينطرح موضوع في المنتدى عن تحويلات العرب لبلادهم يقولون كثير و وايد و الله لا يباركلهم و لما ينطرح تحويلات الهنود ينقال عليهم بالعافيه و الله شعب صبور و يتحمل و من جد وجد...اللي مب مصدق يرجع للمواضيع من سنة و ان كنت ناسي افكرك ....هههههههههههههههههههه

اي والله صادق اخوي خلدون ... مساكين هالعرب والله .....
ههههههه الله يعينهم لا مترقعين من حد وايعممون عليهم لاي تصرف فردي .
الاسيويين اكثر ناس ايخربون سمعة اي حد خاصة العمال

[بصمة قطرية]

بلغي ، حق البلد و حق الزوار بعد عليك

ما احد قد قطع رزق احد ، الارزاق بيد الرزاق والاستغلاليين حقهم من يعلق الواحد بأذنه

والله مادري
أبلغ من بالضبط يا لين حد يفيدني
ما راح أعطيهم الأرقام أصلاً مسحتها
بس بقول لهم عن اللي يصير ..

[بصمة قطرية]

روحي اللولوه استاجري من عندهم

اضمن لج بدال هالخشبه اللي ماعليه ضمان ولا صيانه ولا سفتي

من شفت اللي احترق في البندر والهنود اللي حوله كل واحد طب في البحر وسحب

بكره لو يحترق ولا يخرب بيطب بحر ويرجع ويخليكم


لا تخرعني توشيبا
بنفسي ما أعرف أسبح :(

اللي في اللؤلؤة قصدك التاكسي المائي ..!
مب شي بس يمشيك صوب اللؤلؤة
صوب المارينا ..
حلاته تمشي على طول الكورنيش تشوف الأبراج ..
و الجت بوت اللي في كتارا بـ 500
وايد بصراحة ..

[بصمة قطرية]

كيف هالهندي بيبني قصر في سنة في بلده...بهالطرق الملتويه و بعدين لما ينطرح موضوع في المنتدى عن تحويلات العرب لبلادهم يقولون كثير و وايد و الله لا يباركلهم و لما ينطرح تحويلات الهنود ينقال عليهم بالعافيه و الله شعب صبور و يتحمل و من جد وجد...اللي مب مصدق يرجع للمواضيع من سنة و ان كنت ناسي افكرك ....هههههههههههههههههههه

يقول أنا مدام أنا مسكين
قلت له والله إحنا المساكين مب انتو ..

[بانغ بانغ]

بصمة ... من يومين وديت العيال وصحيح 160 ريال نص ساعة حسسني راكب التايتانيك

بس حليوة حق كشتة

[بصمة قطرية]

بصمة ... من يومين وديت العيال وصحيح 160 ريال نص ساعة حسسني راكب التايتانيك

بس حليوة حق كشتة

بعطيك رقم واحد بيعطيك الساعه بـ 160
نص ساعه بـ 80

[بريق الحق]

امممم اذا الواحد ينصب علي اقول قطع الاعناق ولا قطع الارزاق
اختي بصمه لازم كل شخص يجوف شخص مخالف يبلغ عليه ولا كل بايقين فلوسنا ولا احنا مستفيدين شي

[Dana’1]

اي كل واحد يعطيك تسعيره
اذا شاف العدد كبير قال الشخص بكذا وربع ساعه بعد والمبلغ كبير واذاا شافنا اثنين قال الساعه بكذا بعد المبلغ كبير! شلون يعني هي بالساعه والا بالشخص والا الاثنين ؟!

[بوخالد911]

اذا ما راح تبلغون عليهم
شنو الفايدة من طرح الموضوع !؟!؟!

[بصمة قطرية]

امممم اذا الواحد ينصب علي اقول قطع الاعناق ولا قطع الارزاق
اختي بصمه لازم كل شخص يجوف شخص مخالف يبلغ عليه ولا كل بايقين فلوسنا ولا احنا مستفيدين شي

إن شاءالله ببلغ ..

[بصمة قطرية]

اي كل واحد يعطيك تسعيره
اذا شاف العدد كبير قال الشخص بكذا وربع ساعه بعد والمبلغ كبير واذاا شافنا اثنين قال الساعه بكذا بعد المبلغ كبير! شلون يعني هي بالساعه والا بالشخص والا الاثنين ؟!

ما عليج منهم
الشخص بعشر ريال نص ساعه
و البرايفت تاخذينه خاص مثل ما ذكرت
النص ساعه بـ 80
والساعه بـ 160
غصب بخليهم يوحدون الأسعار
و لا ينصبون على العالم ..

[بصمة قطرية]

اذا ما راح تبلغون عليهم
شنو الفايدة من طرح الموضوع !؟!؟!

ببلغ عليهم إن شاءالله ..

[شبح الصمت]

مب قطع ارزاق

اليوم فيه بنقول من العصر لين فالليل خلنا نقوب بيشتغل السمبوك في اليوم 6 ساعات

لو طلع 150 ريال في الساعة يعني تطلع له 900 ريال في الشهر يعني 27 الف حلووه لهم

والله يبارك لهم ما نقول شيء بس انه ينقزوونها على كيفهم

ذولي وهالجنسيات معروفين اي مكان يحتلوونه في اي مهنة اتوقع يعقدون اجتماعات ويتفقون على سعر معين انهم ما راح ينزلون منه

وياكلها الي يبي يستانس يكدرون خاطره وهههاي ويقفل ويكدر الي معاه عشان سعر ..

وترى اهي مب سالفة فلوس سالفة انا كنت اخذ بهالمبلغ ليش ارتفع شلي تغير البحر
والا السمبوك صار يخت !!

[عـ العبيدلي]

مره قالولنا مبلغ كبير اذا ما اكون غلطان حول ال 300 .. وصل معانا لي 130 ..

يعني هو يجرب .. يقول 100 الشخص مثلا اذا مشت عادي .. لو كاسرته بينزل لو لي 20 الشخص ..

ومثل ما قالو الجماعة .. مانبي نقطع ارزاق وله شي ..

بس خليحددون سعر ثابت يكون معقول .. لا خسر لهم وله بوق لنا ..
مب يخلونها على الحظ والزبون اذا كان مقصه او لا ..

[شبح الصمت]

مره قالولنا مبلغ كبير اذا ما اكون غلطان حول ال 300 .. وصل معانا لي 130 ..

يعني هو يجرب .. يقول 100 الشخص مثلا اذا مشت عادي .. لو كاسرته بينزل لو لي 20 الشخص ..

ومثل ما قالو الجماعة .. مانبي نقطع ارزاق وله شي ..

بس خليحددون سعر ثابت يكون معقول .. لا خسر لهم وله بوق لنا ..
مب يخلونها على الحظ والزبون اذا كان مقصه او لا ..



تذكرة سالفة يالعبيدلي واحد من الشباب الله يرحمه


يقول ابي اشتري عطر ودخلت فيه اثنين هنود يقول وانا اسمعهم يرطنون واحد يقول ارفع عادي بيدفع ومن هالكلام ..

يقول عقب ما خلصووا وخلاص اتفقوا على سعر وانا اطالعهم

يقول واعطيهم بالاوردو يقول قاموا يتلفتوون يشوفون بعض ..

يحلف انه قالوا له خذ العطر ابلاش ..

من الخوف انه يبلغ عليهم

[رايق البال x]

صار لهم عشرين سنة على الكورنيش ، لو البلدية تبي تحدد اسعارهم وتحمي المواطنين كان حطت من زمان اصلا
لكن هذا دور المواطن : انه يكون واعي ويساهم في تصحيح اي خطأ حتى لو كان بالاستنكار وابلاغ الجهة المسؤولة

[اللوز]

نتمنى تحديد الاسعار نفس ما صار في تحديد اسعار الدراجات النارية ( البطابط ) من محلات التاجير في سيلين

[Abu Muhsen]

قبل اسبوعين بالظبط يمكن ... فعلا كل واحد سعر ... لكن بالنهاية انا وزوجتي واطفالي فقط بالمركب نص ساعة بي 120 ريال اتوقع .. ..

لكن الي لفت نظري موضوع الاغاني وبعض التصرفات الغريبة من رقص وامور صراحة غير طيبة من قبل بعض المراكب .. والي يظن انه في خصوصية غلطان .. الي بيرقص ويسوي هالامور معظم القوارب تكون جنب بعض والكل شايف بعضه ..

[Abu Muhsen]

ولاحظت انه اكثر فئة يستلغوها السياح .. وخاصة الاخوة من المملكة العربية السعودية...

[شبح الصمت]

قبل اسبوعين بالظبط يمكن ... فعلا كل واحد سعر ... لكن بالنهاية انا وزوجتي واطفالي فقط بالمركب نص ساعة بي 120 ريال اتوقع .. ..

لكن الي لفت نظري موضوع الاغاني وبعض التصرفات الغريبة من رقص وامور صراحة غير طيبة من قبل بعض المراكب .. والي يظن انه في خصوصية غلطان .. الي بيرقص ويسوي هالامور معظم القوارب تكون جنب بعض والكل شايف بعضه ..



صاحب المركب يخيرك تقدر تقوله صكر الاغاني ويا زين صوت البحر وانت تمشيء وتسولف مع الي معاك ..


يعني فوق الاثم ما يغير يطبع السمبووك بعد ..

اشوف الخطأ من الاشخاص نفسهم وليس الهندي

[اللوز]

قبل اسبوعين بالظبط يمكن ... فعلا كل واحد سعر ... لكن بالنهاية انا وزوجتي واطفالي فقط بالمركب نص ساعة بي 120 ريال اتوقع .. ..

لكن الي لفت نظري موضوع الاغاني وبعض التصرفات الغريبة من رقص وامور صراحة غير طيبة من قبل بعض المراكب .. والي يظن انه في خصوصية غلطان .. الي بيرقص ويسوي هالامور معظم القوارب تكون جنب بعض والكل شايف بعضه ..

الشي الملفت هو عدم وجود طاقم للحماية من الغرق لا قدر الله
فيجب توافر طاقم مخصص من الانقاذ من خفر السواحل يكون على مقربة من هذه اللنجات
نفس سيارة الاسعاف التي تكون متواجدة اثناء مباريات كرة القدم وكذلك في سيلين للاصابات لا قدر الله

[Abu Muhsen]

صاحب المركب يخيرك تقدر تقوله صكر الاغاني ويا زين صوت البحر وانت تمشيء وتسولف مع الي معاك ..


يعني فوق الاثم ما يغير يطبع السمبووك بعد ..

اشوف الخطأ من الاشخاص نفسهم وليس الهندي
بالفعل اخي الكريم وهذا اول شي اسويه اقله ممنوع اغاني ..... ازعاج مقرف الصراحة .

[Abu Muhsen]

الشي الملفت هو عدم وجود طاقم للحماية من الغرق لا قدر الله
فيجب توافر طاقم مخصص من الانقاذ من خفر السواحل يكون على مقربة من هذه اللنجات
نفس سيارة الاسعاف التي تكون متواجدة اثناء مباريات كرة القدم وكذلك في سيلين للاصابات لا قدر الله
الله يذكرك بالخير .. والله هاذي النقطة كنت بتكلم فيها ونسيت .. لو لا قدر الله صارت مشكلة وين سترة النجاة ... اتوقع انه يكون شايل معاه ستر نجاة .. بس وقت الجد الواحد مو فاضي يقعد يدور الستر عشان يلبس ويلبس الاطفال ...

[اللوز]

الله يذكرك بالخير .. والله هاذي النقطة كنت بتكلم فيها ونسيت .. لو لا قدر الله صارت مشكلة وين سترة النجاة ... اتوقع انه يكون شايل معاه ستر نجاة .. بس وقت الجد الواحد مو فاضي يقعد يدور الستر عشان يلبس ويلبس الاطفال ...

وكم سترة نجاة بتكون موجودة وكم عدد المنقذين لا قدر الله