هل تؤيد ... code خاص لمعايير البنيان !!

[بانغ بانغ]

بما ان معظم الناس تخطط لبناء منزل العمر او مجمعات سكنية او تجارية .... ويقعون في فخ الغش سواء من أناس غير فاهمين او غير أمينين او ضحية منتجات تعبانة ....

ليش الدولة لا تحدد خصائص معدات البناء او المواد الكهربائية وغيرها حسب مواصفات معينة construction code منعا لاي تلاعب في الجودة ...

مثلا السواكت والليتات والبيبات وووو ايحطون مواصفات عالمية ويفتحون التوريد لشركات عالمية معينة بدل الغوص في عالم made in china

انا لا انكر ان بعض المنتجات الصينية لابد منها لكن لو الواحد ايشطب بيت عمر .... بيكون الوضع غير خاصة ان سوقنا مب ذاك السوق المفتوح نفس السعودية والامارات .

يعني المفروض قبل لا يُعطى المواطن اتمام البناء .... يتم تشييك بعض المواد الرئيسية المركبة في البيوت والتأكد من جودتها ومطابقتها ....... عشان ما نطيح في نفس المشاكل اللي في المجمعات التجارية وقت الازمات الطبيعية .

تحياتي ..

[سالم الزهران]

أؤيد بكل قوة لكن حنا ما خلينا شيء ما تحايلنا علية ، يعني لو الشغلة تكلف الفين ريال مثلاً ،، بعد الكود يجيك السعر دبل الدبل ( بحجة حنا نطبق الكود ) ، وفي الختام يا ليتهم يلتزمون بالقواعد والانظمة حق الكود .

[بانغ بانغ]

أؤيد بكل قوة لكن حنا ما خلينا شيء ما تحايلنا علية ، يعني لو الشغلة تكلف الفين ريال مثلاً ،، بعد الكود يجيك السعر دبل الدبل ( بحجة حنا نطبق الكود ) ، وفي الختام يا ليتهم يلتزمون بالقواعد والانظمة حق الكود .

صحيح اخوي سالم بالضبط فمن كذا لازم الدولة تدعمنا عن طريق توفير موردين معروفين حتى لو موردين من الخليج

انا مثلا حاليا في الدمام في زيارة عمل مع بعض من افراد شركتي الخاصة مع عملاء كبار في الدمام انركب لهم بعض من منتجاتنا الحصرية في الخليج وتفاجأت انهم ( على الاقل هالمجموعة اللي شفتهم من التجار ) ملتزمين ببعض الكودات الخاصة لبعض الادوات بس مش عارف هل هاي كودات رسمية او تم التنسيق فيما بينهم بتركيبها .

مثلا شفت ان السواكت والبيبات والوايرات وحتى اسطح البيوت .... عوازلهم غير وكذا شغله عندهم غير عن اللي عندنا ويوم سألت قالوا احنا مانجيب اي شي من السوق المحلي ... بل اشياء ومعدات من موردين عالميين حفاظا على الجودة مع انها غالية

هاي اللي خلاني اطرح الموضوع ....

[مرتبش]

موجودة المواصفات القطرية للبناء qcs

[المهندس عبدالعزيز]

موجودة المواصفات القطرية للبناء qcs

صحيح وهو معتمد على اكواد عالمية اخرى ويتجدد كل فترة

[بانغ بانغ]

صحيح وهو معتمد على اكواد عالمية اخرى ويتجدد كل فترة

الله يجزاكم خير توي ادري والله

كيف ممكن انحصلها وانتابعها

[سالم الزهران]

صحيح اخوي سالم بالضبط فمن كذا لازم الدولة تدعمنا عن طريق توفير موردين معروفين حتى لو موردين من الخليج

انا مثلا حاليا في الدمام في زيارة عمل مع بعض من افراد شركتي الخاصة مع عملاء كبار في الدمام انركب لهم بعض من منتجاتنا الحصرية في الخليج وتفاجأت انهم ( على الاقل هالمجموعة اللي شفتهم من التجار ) ملتزمين ببعض الكودات الخاصة لبعض الادوات بس مش عارف هل هاي كودات رسمية او تم التنسيق فيما بينهم بتركيبها .

مثلا شفت ان السواكت والبيبات والوايرات وحتى اسطح البيوت .... عوازلهم غير وكذا شغله عندهم غير عن اللي عندنا ويوم سألت قالوا احنا مانجيب اي شي من السوق المحلي ... بل اشياء ومعدات من موردين عالميين حفاظا على الجودة مع انها غالية

هاي اللي خلاني اطرح الموضوع ....

والله هذا شيء طيب و يشرح الصدر و اتمنى ان يصير لنا قواسم مشتركة في هذا المجال ، يا عمي الخليج قااادر على ان يصنع كل شيء لكن التشريعات و الوزارات دايماً اقل من تطلعاتنا

[شموخ دائم]

,

,


مرحبا

شكرا على الموضوع

المواصفات موجوده والكثير من الناس مايعرفها لانها غير منشوره بالصوره الصحيحه

الشي المهم ان مافي ( مراقبه ) على السوق ولا مراقبه على المقاول او المستخدم

ايش الفائده اذا المواصفات موجوده والناس تركب في بيوتها ( وايرات وليتات ) صيني من النوع السيىء جدا

ويسبب ( حرائق ) ومشاكل كبيره

من الاساس ليه هذه المنتجات المخالفه للمواصفات تدخل سوق قطر ؟؟؟؟؟

هذا السؤال الكبير الي من الواجب نسئله للمسئولين !!

امنعوا دخول الانواع المخالفه لمواصفات قطر ومواصفات الخليج

ابجوره قيمتها 15 ريال وتحترق وتشوط اول يومين تشغلها

:)

ليتات تطلع شرار بعد اسبوع من تركيبه

وكلها صيني من النوع الي ( بدون ضمان )

يجب منع الانواع السيئه من دخول السوق والموضوع يحتاج صرامه بالتطبيق

لان الشخص مو بكيفه يركب اشياء رخيصه

لان وقت حدوث الحريق هذا بيكون ( مشكله للدوله ) وخسائر فادحه بالارواح والممتلكات

وتكلفه على الدوله

علشان هناك شخص يبي يوفر كم ريال

:)

التطبيق على ارض الواقع اهم من وجود مواصفات على ( الورق )


وهذا غير موجود الان للاسف

الكل يبني بارخص طريقه ( ويأجر ) على الناس دون اهتمام ولا مراعاه لارواح الناس
,

,

[بانغ بانغ]

,

,


مرحبا

شكرا على الموضوع

المواصفات موجوده والكثير من الناس مايعرفها لانها غير منشوره بالصوره الصحيحه

الشي المهم ان مافي ( مراقبه ) على السوق ولا مراقبه على المقاول او المستخدم

ايش الفائده اذا المواصفات موجوده والناس تركب في بيوتها ( وايرات وليتات ) صيني من النوع السيىء جدا

ويسبب ( حرائق ) ومشاكل كبيره

من الاساس ليه هذه المنتجات المخالفه للمواصفات تدخل سوق قطر ؟؟؟؟؟

هذا السؤال الكبير الي من الواجب نسئله للمسئولين !!

امنعوا دخول الانواع المخالفه لمواصفات قطر ومواصفات الخليج

ابجوره قيمتها 15 ريال وتحترق وتشوط اول يومين تشغلها

:)

ليتات تطلع شرار بعد اسبوع من تركيبه

وكلها صيني من النوع الي ( بدون ضمان )

يجب منع الانواع السيئه من دخول السوق والموضوع يحتاج صرامه بالتطبيق

لان الشخص مو بكيفه يركب اشياء رخيصه

لان وقت حدوث الحريق هذا بيكون ( مشكله للدوله ) وخسائر فادحه بالارواح والممتلكات

وتكلفه على الدوله

علشان هناك شخص يبي يوفر كم ريال

:)

التطبيق على ارض الواقع اهم من وجود مواصفات على ( الورق )


وهذا غير موجود الان للاسف

الكل يبني بارخص طريقه ( ويأجر ) على الناس دون اهتمام ولا مراعاه لارواح الناس
,

,

بيض الله وجهك كنت انتظر مشاركتك صراحة ... هاي المقصد

ايش الفايدة والناس غافلين واتصير هالتجاوزات عن طريق المقاول

بارك الله فيك

[شيخ الديرة]

تحتاج ناس يعرفون شنون يفهمون الكود وتطبيقه

لا تتوقع تجيب نفس اللي عندك الحين يبنون بيتك على كود عالمي

[بانغ بانغ]

تحتاج ناس يعرفون شنون يفهمون الكود وتطبيقه

لا تتوقع تجيب نفس اللي عندك الحين يبنون بيتك على كود عالمي

بالضبط خاصة ان الاستشاريين نفسهم مش مواكبين المعايير العالمية والمقاول شغل بلدياتي حط وصكر ومع السلامة . طبعا ما اقصد كل الشركات .

تسلم

[معماري قطري]

من سنين يا بو فيصل يمكن من الثمانينات الكود موجود ويتحدث ويتغير شوي من وقت لوقت

مرة يسمونه QNCS - Qatar National Construction Standard ومرة QCS وكل مرة مدلعينه بإسم واختصار لكن لو تقراه كله اشارات لكود ثاني .. يعني إذا أردت أن تعرف ماذا في ايطاليا يجب أن تعرف ماذا في موزمبيق .. صدقني اتوقع اللي سواه ما يعرف شسوى

والنكتة إنه غير ملزم .. وقالوا كود مواصفات الخليج بيلزمون به الكل حتى التجار شهر 9 اللي راح ولا شفنا شيء للحين

هم حتى الإسم ما ثبتوا عليه

المفروض عندنا مواصفات ومقاييس لكل الأعمال وحتى رخص للمهن وما يشتغل الا مرخص والمفروض العقود كلها موثقة ومتابعة من قبل الحكومة

[معماري قطري]

المكتب الهندس والمقاول اللي ما عنده نسخة من الكود ما يعتبر ناجح والمفروض يكون ملزم للكل هم سووه نكتة بس

[بانغ بانغ]

المكتب الهندس والمقاول اللي ما عنده نسخة من الكود ما يعتبر ناجح والمفروض يكون ملزم للكل هم سووه نكتة بس


من سنين يا بو فيصل يمكن من الثمانينات الكود موجود ويتحدث ويتغير شوي من وقت لوقت

مرة يسمونه QNCS - Qatar National Construction Standard ومرة QCS وكل مرة مدلعينه بإسم واختصار لكن لو تقراه كله اشارات لكود ثاني .. يعني إذا أردت أن تعرف ماذا في ايطاليا يجب أن تعرف ماذا في موزمبيق .. صدقني اتوقع اللي سواه ما يعرف شسوى

والنكتة إنه غير ملزم .. وقالوا كود مواصفات الخليج بيلزمون به الكل حتى التجار شهر 9 اللي راح ولا شفنا شيء للحين

هم حتى الإسم ما ثبتوا عليه

المفروض عندنا مواصفات ومقاييس لكل الأعمال وحتى رخص للمهن وما يشتغل الا مرخص والمفروض العقود كلها موثقة ومتابعة من قبل الحكومة

الله يجزاك خير بوعبدالله

للاسف لين متى المواطن مغّيب وايعاني مع المقاولين

والله احيانا اتدش بيوت ... اتحس انك داش فندق لان بعض المقاوليين فعلا ايحط شي غالي بس جودة

السؤال ... هل من عنده امسوي كذا او المالك جابره ايسوي حسب المعايير ..

اشكرك عالمداخلة بش مهندس بس لو انك تنشأ قناة خاصة بالبنيان والعمران مثل ما قلت قبل ... كنا استفدنا

[محمد2]

اصلاً الكل ينصب على المالك المسكين من المقاول الى الاستشاري ،
انت لين تجي تبي تشترط في دفتر المواصفات ابغي البيبات والادوات الصحيه ماركة كذا وانجليزي وكذلك الكهرباء حسب مواصفات انجليزية ،
ويوم تعطي للمقاول ويحسبة عليك على ان الاغراض اللي تبيها صناعة انجليزية
ويروح السوق فرضا وما يحصل في نفس الوقت هالمواد حسب دفتر المواصفات ويجيب لك بضاعة صينية زبالة الله يعزكم ،
والغلط على ادارة الكهرباء والمياه المفروض اثناء الفحص واتمام البناء اذا شافوا بالذات الكهرباء والمياة من البضاعة التعبانة ما يوصلون الكهرب والماي ،
لان البضاعةً التعبانة من الادوات الكهربائية تؤدي الي الحريق واشعال البيت الخ ،،،،،،
اما من ناحية استخدام المواد الردي في السباكة والادوات الصحية يؤدي الي هدر المياة
ف اتمنى من ادارة المواصفات منع دخول هالبضايع التعبانة الي البلد ومعاقبة التجار وتغريمهم بمبالغ طائلة حتى يتجنب التاجر احضار هالبضايع التعبانة من الصين او من الدول اللي لا تقيد بالجودة في انتاج بضاعتها

[بانغ بانغ]

اصلاً الكل ينصب على المالك المسكين من المقاول الى الاستشاري ،
انت لين تجي تبي تشترط في دفتر المواصفات ابغي البيبات والادوات الصحيه ماركة كذا وانجليزي وكذلك الكهرباء حسب مواصفات انجليزية ،
ويوم تعطي للمقاول ويحسبة عليك على ان الاغراض اللي تبيها صناعة انجليزية
ويروح السوق فرضا وما يحصل في نفس الوقت هالمواد حسب دفتر المواصفات ويجيب لك بضاعة صينية زبالة الله يعزكم ،
والغلط على ادارة الكهرباء والمياه المفروض اثناء الفحص واتمام البناء اذا شافوا بالذات الكهرباء والمياة من البضاعة التعبانة ما يوصلون الكهرب والماي ،
لان البضاعةً التعبانة من الادوات الكهربائية تؤدي الي الحريق واشعال البيت الخ ،،،،،،
اما من ناحية استخدام المواد الردي في السباكة والادوات الصحية يؤدي الي هدر المياة
ف اتمنى من ادارة المواصفات منع دخول هالبضايع التعبانة الي البلد ومعاقبة التجار وتغريمهم بمبالغ طائلة حتى يتجنب التاجر احضار هالبضايع التعبانة من الصين او من الدول اللي لا تقيد بالجودة في انتاج بضاعتها

بالضبط اخوي محمد هاي المقصد اللي ودنا نتجاوزه ...

[معماري قطري]

الله يجزاك خير بوعبدالله

للاسف لين متى المواطن مغّيب وايعاني مع المقاولين

والله احيانا اتدش بيوت ... اتحس انك داش فندق لان بعض المقاوليين فعلا ايحط شي غالي بس جودة

السؤال ... هل من عنده امسوي كذا او المالك جابره ايسوي حسب المعايير ..

اشكرك عالمداخلة بش مهندس بس لو انك تنشأ قناة خاصة بالبنيان والعمران مثل ما قلت قبل ... كنا استفدنا

الشرح كتابة أفضل بكثير والله يجزيك بما دعيت يا بو فيصل

الكود ينفعك في كل شيء .. مثال بسيط الواير للإضاءَة يعطيك سمك معين للحماية البلاستيكية ودرجة ليونتها ويعطيك سمك للأسلاك داخل وعددها ومن أي مادة وايش نسب المادة .. ونفس الوضع للوايرات الباقية فلا يستخدم في البلاد الا الجيد وشيء بشيء بتحصل البضاعة التعبانة ما يجيبونها .. أو ببساطة يجرمون حتى استيرادها وان حصلوا حد موردها يكون عليه عقاب كبير

نفس الوضع للإنارة ولباقي المواد .. إنت تروح تشتري متطمن وتشتري شيء جيد ويناسب بدون أضرار .. يعني فيه جودة وسط مقبولة وجودة عالية جودة دنيا هذي المفروض تنشال من القاموس

كارثة كبيرة يتسببون فيها عينك عينك إنهم يخلون المخططات الإنشائية مسؤول عنها المكتب ولا يراجعونها ولا يوثقونها للرجوع لها لو صارت كارثة أو انهيار .. وهذا يفتح الباب لبعض الاستشاريين في المبالغة في الخرسانات والمقاول يسعر على أساس هذي المبالغة .. ووقت البناء بينهم وبين المقاول ينزلون الكميات اللي مدفوعة قيمتها 25 و 30% وفوق ويتقاسمون المبلغ بينهم وبين المقاول .. واللعبة مستمرة في كل شيء .. المواصفات عالية حق شيء معين ما يفهم فيه المالك يغيرونها لأَقل درجة وأرخص

التوثيق والجدية في متابعة الشكاوي والبت فيها ومعاقبة المتجاوزين عقاب رادع شيء ضروري للبنيان المستدام مثل ما يقولون ومثل ما قطر تستحق الأفضل المواطن يستحق بيت ما فيه شلوخ ومشاكل ما نشوفها في دول العالم العاشر حتى

[معماري قطري]

المقاول اللي يهتم بعمله ويحط غالي وجودة وراه استشاري متابع صح ومالك يدفع

[المهندس عبدالعزيز]

الله يجزاكم خير توي ادري والله

كيف ممكن انحصلها وانتابعها

من موقعهم الرسمي وهي بمبلغ معين، وطبعا المواصفات لأنها جديدة في اشياء كثيرة ناقصة منها وتعارضات، واي مواصفات في العالم ما تعترض على بلدأ المنشأ الصين او بنجلادش ما دام مطبق المواصفات فما يهمك بلد المنشأ، وبشكل عام مشاريع الملاحق والفلل والمقاولين والاستشاريين الصغار بشكل عام ما يطبقونها، فمثلا المقاول مطلوب منه ان يعين حارس في الموقع 24 ساعة على مدار الاسبوع وهذا تكلفة على المقاولين الصغار وما يطبقون كثير من هذه المواصفات والشغل على البركة

[بانغ بانغ]

من موقعهم الرسمي وهي بمبلغ معين، وطبعا المواصفات لأنها جديدة في اشياء كثيرة ناقصة منها وتعارضات، واي مواصفات في العالم ما تعترض على بلدأ المنشأ الصين او بنجلادش ما دام مطبق المواصفات فما يهمك بلد المنشأ، وبشكل عام مشاريع الملاحق والفلل والمقاولين والاستشاريين الصغار بشكل عام ما يطبقونها، فمثلا المقاول مطلوب منه ان يعين حارس في الموقع 24 ساعة على مدار الاسبوع وهذا تكلفة على المقاولين الصغار وما يطبقون كثير من هذه المواصفات والشغل على البركة

بيض الله وجهك مهندسنا العزيز عبدالعزيز

[المهندس عبدالعزيز]

بيض الله وجهك مهندسنا العزيز عبدالعزيز

جزاك الله خير والشباب ما قصروا في الردود

[شيخ الديرة]

اللي فهمناه من الحوار ان الكود موجود، لكن البلدية لا تستوجب تطبيقه لترخيص البناء او شركات المقاولات

وتوقعاتي انه لو تقرر إلزامه فإن الكلفة سوف تصل للقمر

[معماري قطري]

بالضبط خاصة ان الاستشاريين نفسهم مش مواكبين المعايير العالمية والمقاول شغل بلدياتي حط وصكر ومع السلامة . طبعا ما اقصد كل الشركات .

تسلم

صدقني فيه ناس حافظين الكود عن غيب .. واقصد الكود السهل اللي ينفهم وواضح وبدون إشارات لغيره

قبل كودنا كله اشارات للكود البريطاني وكله ref. to B.S. 301 or something similar وإنت لازم تجيب عدة أكواد بريطانية علشان تطلع منها المعلومة .. انا حطيت رابط للكود قبل في موضوع العقود الهندسية ومستغرب من كلام المهندس عبدالعزيز ليش يسوون النسخة بمقابل مع إنها كانت متوفرة بي دي اف ولازم يعممونها حتى تستفيد منها الناس .. ليش يسوون قانون ويخشونه عن الناس؟

وبالنسبة للمقاول يشتغل على الكود أسهل له بوايد ويعرف شله وشعليه .. مثلاً الكود يذكر خطوات تركيب الطابوق ومقادير الخلطة للمونة وشاللي المفروض ينعمل في أماكن معينة وحالات معينة ويتبعها بالضبط لا يزيد ولا يقلل يكون مؤدي اللي عليه صح

أعتقد اليورو كود حق شغلات كثيرة موجود في فور شيرد واللي يحب ينزله يقدر وهو عدة مراجع ولكل شغلة مرجع واحتمال كود الخليج الجديد موجود أي حد يشتريه يقدر ينزله للعالم يستفيدون

[معماري قطري]

اللي فهمناه من الحوار ان الكود موجود، لكن البلدية لا تستوجب تطبيقه لترخيص البناء او شركات المقاولات

وتوقعاتي انه لو تقرر إلزامه فإن الكلفة سوف تصل للقمر

فيه توجه لإلزام الكل به والتكلفة بتزيد شوي لكن الجودة بترتفع وايد لو تم تطبيقه صح .. لو ما طبقوه مثل اللي عايش في بلاد بلا قانون يسوي اللي يبي

[معماري قطري]

توجد تعليمات لمقاولي الطرق تمثل كود خاص للحمايات وللشغل لكن نرى كل مقاول له طريقة تختلف وحمايات تختلف والسبب تهاون أشغال في الزامهم

[بانغ بانغ]

في الراية اليوم

التوصيلات الكهربائية الرديئة تغرق الأسواق
التوصيلات الكهربائية الرديئة تغرق الأسواق
الدوحة - الراية: تصاعدت خلال السنوات القليلة الماضية شكاوى المستهلكين من تسلل الأدوات والتوصيلات الكهربائية المنزلية الرديئة للأسواق، وسط مطالبات بوجود مواصفات قياسية قطرية تضمن جودة تلك المواد المنزلـيــة.

وحـــذر مواطنون من استمرار تسلل تلك المواد الكهربائية الرديئة التي تتلف بسرعة وينتج عنها زيادة التحميل والحرائق وإتلاف الأجهزة الكهربائية نتيجة عدم انتظام التيار، لافتين إلى أن ارتفاع أسعار التوصيلات الأصلية وراء إقبال المستهلكين على المقلدة.

وفي سياق متصل أكد د.محمد سيف الكواري الوكيل المساعد لشؤون المواصفات والتقييس بوزارة البلدية والبيئة وجود مواصفات قياسية قطرية لجميع المنتجات التي ذكرها المواطنون، وسوف يخضع بعضها للمراقبة اعتباراً من يوليو 2016، ما عدا الأسلاك والكابلات الكهربائية بسبب عدم اكتمال البرنامج التطبيقي. وتوقع مراقبة الأسلاك والكابلات المستوردة في المرحلة الثانية، مشيراً إلى أن هيئة التقييس قامت بوضع كتيبات توعوية للأسلاك والكابلات وتوزيعها على أفراد المجتمع للتوعية بها.