السرايات

[حمد 2002]

السلام عليكم ورحمه الله وبركاته

جهل الناس واستهزاءهم بالسرايات ..

المفروض من الجميع الجلوس بالبيت أثناء السرايات والدعاء انه الله يجيب العواقب على خير ..


هذا برق ورعد مب لعبه ..

بس للاسف البعض واقف وايصور ولا عليه والي ايدور بهالموتر ويطلب كرك !! ..

والي يتمشون بكتارا بالقريه السحريه وطارت عليهم المظلات وانقلب السحر على الساحر ..


والي راح بالبحر وبغى يغرق رغم التحذيرات ..


والي والي ..



ترى هذا برق وهوى شديد مب لعبه :anger1: ..


شكرا للجميع واتمنى لكم السلامه

[بانغ بانغ]

شكرا بو شهاب عالنصيحة

البعض صج بعضهم يتدعس وقت الازمات عشان التصوير

[HAMAD2008]

ربعنا من طخه بن عيدان مايطلع الا فالضربات ،،جامد

[نفسي عزيزه]

يجب اتباع سبل السلامه واخذ الحيطه والحذر من الاجهزه والذبذبات اثناء نزول الصواعق ومتابعة الارصاد الجويه وتحذيراتهم عن الاجواء داخل البحر وعلى السواحل

العام عندنا هندي انشوى شواه البرق مات ع طول جنب مكينة الطراد المنطقه بحر الشمال

[تاجر كشخة]

الله حافظ يا خوك

[النهار]

مايبي له شي اربط صنقل في الشفت وخله يحك بالارض علشان يمتص الصاعقه
انا امس من اول من بداء المطر سويت مسح من مدينة خليفه لين الرويس روحه ورده ياهي وناسه :shy:

[.قطر.]

وعليكم السلام
انا كنت بصور البرق بس خفت يصيد الجوال واتكهرب

[GENIUS]

تصوير البرق من الجوال ممكن بكل أمان انك تخليه على وضع الطيران وتقطع عنه الإرسال والموجات لحظة التصوير فقط.

[بوخالد911]

الله يحفظنا.

[النهار]

تصوير البرق من الجوال ممكن بكل أمان انك تخليه على وضع الطيران وتقطع عنه الإرسال والموجات لحظة التصوير فقط.

ليش ياخوي معلومه اول مره اعرفها جزاك الله خير
امس صورت البرق اكثر من 20 مره
المره القادمه ان شاءالله نسوى مثل ماقلت لنا

[طلعة الروح]

وعليكم السلام
انا كنت بصور البرق بس خفت يصيد الجوال واتكهرب

أشكرك وأهنيك ع الحس الأمني العالي

[Abu Mahmoud]

اول مؤة اشوفها قوية .. وطاح النخيل منها

الحمد لله .. الله ستر منها .. بس فعلا الاهمال فيها غلط ..

[.قطر.]

أشكرك وأهنيك ع الحس الأمني العالي

:shy:
العفو

[معماري قطري]

البرق صاعقته قوية وكفاية التلفون شغال وقاطه في السيارة لو لامسه البرق يحرق السيارة باللي فيها .. لكن رحمة من رب العالمين إن أكثر الصواعق تحدث فوق ولا يوصل للأرض إلا نادر

في فلوريدا يموتون في حدود 10 سنوياً من البرق والسبب نزول الغيم لمستويات دنيا

كنت خايف من هذي المسئلة خصوصاً بيتي لين كان فيه برق ينور من داخل بسبب وجود مناور سقفية وسئلت مهندس كهرباء قال لا تهتم الصاعقة لو نزلت تضرب الألمنيوم أو الحديد وللمباني العالية يحطون واير لتفريغ الشحنة في باطن الأرض .. وكذلك لأبراج الاتصالات لأَن لو ضربت التجهيزات بتخربها