عدنا لكم بعد الغياب.سؤال اريد اشطب البيت بالمعقول بما تنصحون

[الخبير العقاري]

االسلام عليكم.


ارحب بالجميع بعد الغياب..

والسؤال الأول حاولت اكتب في قسم المقاولات والتشطيب وماوجدت حقل إنشاء موضوع جديد ماهو السبب؟

السؤال الثاني ايام وابدأ التشطيب للمنزل وعلى حسابي الشخصي بما تنصحونني بس بالاسعار المعقولة من صبغ وديكور وأرضيات وحمامات كرمكم الله.

ووكذلك ديكورات

في انتظار مشاركاتكم وتوجيهاتكم المباركة ومن كان فيه عون أخيه كان الله في عونه.


اخوكم ابو محمد

[hamadazoz]

ابو محمد كيف الحال الله يبارك لك مقدما

انا نفسك شطبت بنفسي الامر متعب شوي . ولكن بعد توفيق الله توفقت في اكثر الاعمال والاشخاص اللي شطبوا لي محترمين .

اما بالنسبة للتشطيب فيعتمد على ذوقك او خيارك بالدرجة الاولى مثلا عندك بيبات الماء خارجي او داخلي طبعا انا ركبت داخلي بي بي ار الماني

البلاط عندك سيراميك او بورسلان انا ركبت بورسلان اسباني و ايطالي

الديكور عندي رقم واحد فنان بس طبعا انت تختار شتبي وهو يشتغل لك على الصور

الصبغ نفس الشي

الدرايش و الابواب الحمامات انصحك ب اليو بي في سي عندك الاخيار الالماني او معماري قطر

اطقم الحمام عندك كثير انواع وهالشي يعتمد على الميزانية

عندك عوازل الماء شركة المسند

كهربائي ما اعرف اذا ركبت بس عندي واحد شاطر

واي استفسار انا حاظر طبعا كل اللي ذكرتهم انا مجربهم ومشتغل معاهم و ثقة


الحذر من الشركات الوهمية والعمالة السائبة اللي ماتعرف وين تلاقية عقب خلك عالمضمون

[بدوور]

ابو محمد كيف الحال الله يبارك لك مقدما

انا نفسك شطبت بنفسي الامر متعب شوي . ولكن بعد توفيق الله توفقت في اكثر الاعمال والاشخاص اللي شطبوا لي محترمين .

اما بالنسبة للتشطيب فيعتمد على ذوقك او خيارك بالدرجة الاولى مثلا عندك بيبات الماء خارجي او داخلي طبعا انا ركبت داخلي بي بي ار الماني

البلاط عندك سيراميك او بورسلان انا ركبت بورسلان اسباني و ايطالي

الديكور عندي رقم واحد فنان بس طبعا انت تختار شتبي وهو يشتغل لك على الصور

الصبغ نفس الشي

الدرايش و الابواب الحمامات انصحك ب اليو بي في سي عندك الاخيار الالماني او معماري قطر

اطقم الحمام عندك كثير انواع وهالشي يعتمد على الميزانية

عندك عوازل الماء شركة المسند

كهربائي ما اعرف اذا ركبت بس عندي واحد شاطر

واي استفسار انا حاظر طبعا كل اللي ذكرتهم انا مجربهم ومشتغل معاهم و ثقة


الحذر من الشركات الوهمية والعمالة السائبة اللي ماتعرف وين تلاقية عقب خلك عالمضمون
ممكن الكهربائي وبعد مال الديكور واكون شاكرة جدا

[شموخ دائم]

,

,


مرحبا


موفق ان شاء الله

لو تحط ميزانيه لكل شي بالبيت ان شاء الله راح تضبط معاك الامور

نفرض معاي 600 الف لازم اوزعها على اللسته الاتيه
ويتم التوزيع من خلال اخذ عروض اسعار لكل شي من اللسته
وبعد ماتجمعها بيطلع معاك رقم نفرض طلع معاك التشطيب بيكلف 700 الف


بكذا نرجع ننزل المواصفات في بعض الامور الي كانت الاسعار فيها مرتفعه نغير خياراتنا
وبسهوله ممكن نوصل الى 600 الف او حتى 500 الف

لو كانت الابواب كلفت 70 الف ممكن نختار شي ارخص بحدود 50 الف
والجبس والصبغ كلف 100 الف ممكن نغير الشكل ونخفف الشغل الى 60 الف .... الخ

اللسته المعروفه هي :-

ميزانيه للكهرباء
ميزانيه للبيب فيتر
ميزانيه لحمامات البيت
ميزانيه للارضيات
ميزانيه للابواب
ميزانيه للشبابيك
ميزانيه للمطابخ
ميزانيه للاسقف والجبس
ميزانيه للصبغ
ميزانيه للسلم والهاندريل
ميزانيه للاضاءه
ميزانيه للانترنت والكيبل الدش والتلفونات
ميزانيه للحوش والسور والابواب الخارجيه
ميزانيه للكراج

واختيار العماله الجيده للتركيب

حاول تلتزم بها راح تضبط معاك الامور ان شاء الله
واذا زاد المبلغ عن الميزانيه في احد الامور لازم تخفف ميزانيه احد الامور الاخرى
وبكذا تعمل

هناك امور كثيره تقدر تاجلها الى بعد ما تسكن هناك غرف تقدر تتركها فاضيه بدون اثاث
لانك مالك حاجه فيها وكذلك المجالس واذا عندك اكثر من صاله تعمل صاله وحده وتررك الاخرى الى بعد السكن
حديقه الببيت ممكن تتاجل
..... الخ

على سبيل المثال لو الحمامات كامله حاط لها سعر 100 الف للبيت والملحق
كل حمام 15 الف مع التركيب وكل شي يكون كامل من كل شي بلاط وقطع واسقف ومرايه واكسسوارات ومراوح شفط

ولقيت بالسوق حمام ب 20 الف واعجبك من المفترض ( ما تشتريه ) لانه فوق الميزانيه بكثير وخلاف التركيب وباقي الامور والاكسسورات

وقيس على ذلك كل شي

ممكن تلاقي بلاط حمام ما يزيد سعره عن 3500 ريال وشكله ممتاز وعلى ذوقك لكن هذا يتطلب منك تشوف كل المحلات
لانك بتلاقي امور ممتازه وسعرها ممتاز في حدود الميزانيه

السوق فيه كل شي يخطر على بالك من الرخيص والمتوسط والغالي
المهم انت وشطارتك بتركيب الامور كل على حده وتضبطها من خلال ميزانيتك المحدده مسبقا

لف السوق كله بتلاقي على حسب ميزانيتك ان شاء الله

,

,

اخوك


شموخ دائم

[الفني]

مرحبا بالاخوان بالنسبة للاخوان اي حد يبي منكم كهربائي عندي كهربائي شاطر من الجنسية الباكستانية الرجال ونعم فيه هاي رقمه واسمه محمد ورقم جواله 55057747