عندما يتفرعن المعافى ...على المريض..هكذا تفعل وزارة الصحة

[الخبير العقاري]

السلام عليكم ورحمة الله وبركاته

اعتذر منكم لطول الغياب واشكر إدارة المنتدى التي لم تحذفني لقل مشاركاتي.

لقد قامت وزارة الصحة الموقرة بالتعامل مع المرضى الذين لا يتوفر لهم العلاج في الداخل بمعاملات لم يسبق لها مثيل من قبل على مستوى هذه الوزارة أو حتى وزارات الصحة بالدول المجاورة حيث أنها حددت فترة العلاج للمريض بالخارج ثلاثة اشهر وكانوا المرضى مستائين جدا وإذا بالوزارة تصدر قرار جديد وتحدد مهلة العلج بالخارج شهر فقط..

فمتى سافر المريض ومتى أنهى فحوصاته ومتى تحددت له مواعيد الطبيب وهناك امراض مزمنة تحتاج فترات طويلة قد تستغرق أكثر من 6 شهور.

وخصوصاً الامراض التي عمليات ومتابعة دقيقة..

فلماذا هذا الأسلوب ياوزارة الصحة مع مرضاكم.

كل ذا ذلك من اجل توفير المال مثلاً على حساب المرضى.

أمر مؤلم وملفت للنظر

وأخيرا أقول يامعافى احمد الله وأرحم المريض.

فلربما دعوة مريض تجعل منك مريض.

[بانغ بانغ]

الحمدلله عالسلامة

وماتشوفون شر .

فعلا غريب الموضوع بس اتوقع في حالات استثناء من العلاج بو شهر ... يمكن اكون غلطان

ياخي جيبوا فرق طبية زائرة وفكوا عمركم ... يتعالج بين اهله واعياله

[ممنوع اللمس]

انا حاليا علاج بالخارج
بتكلم بكل صراحه
سفارتنا مو مقصره نهائيا لكن بعد ماصارت التعديلات كل شي من الدوحه من اللجنه هناك تغير الوضع ومجبورين
الشباب في السفاره عساهم عالقوه ولو جلست مع الربع من الدول الثانيه قلت الله يعينكم

لكن المكاتب اللي يتعاملون معاها المكتب الطبي
صفرررررر ويرفعون الضغط ولا يخلصون لك شي الا لو دفعت لفلان وعلان

وفتره كل شهر تجديد بصراحه امرها غريب يعني الفحوصات على كم موعد لين تتحدد الحاله يبيلها شهر
المفروظ بداية ثلاث شهور عقب تمديد حسب تقرير الدكتور المختص مو تقرير المستشفى نفسه
والله يعين ويشافي جميع مرضى المسلمين

[بانغ بانغ]

انا حاليا علاج بالخارج
بتكلم بكل صراحه
سفارتنا مو مقصره نهائيا لكن بعد ماصارت التعديلات كل شي من الدوحه من اللجنه هناك تغير الوضع ومجبورين
الشباب في السفاره عساهم عالقوه ولو جلست مع الربع من الدول الثانيه قلت الله يعينكم

لكن المكاتب اللي يتعاملون معاها المكتب الطبي
صفرررررر ويرفعون الضغط ولا يخلصون لك شي الا لو دفعت لفلان وعلان

وفتره كل شهر تجديد بصراحه امرها غريب يعني الفحوصات على كم موعد لين تتحدد الحاله يبيلها شهر
المفروظ بداية ثلاث شهور عقب تمديد حسب تقرير الدكتور المختص مو تقرير المستشفى نفسه
والله يعين ويشافي جميع مرضى المسلمين

ما تشوف شر يخوي وايسهل امورك

[معماري قطري]

تفرعنوا علي اليوم ما عرفت اوصل لباب الطواريء من اللخبطة اللي مسوينها

بس رحت عيادة الجيش في السد وقلت يا حي الحياة .. شفت الدكتور وساعدني بالاستشارة الطيبة ووصاني استمر على الدواء وفحصني زين وما خذت نص ساعة هناك

[معماري قطري]

انا حاليا علاج بالخارج
بتكلم بكل صراحه
سفارتنا مو مقصره نهائيا لكن بعد ماصارت التعديلات كل شي من الدوحه من اللجنه هناك تغير الوضع ومجبورين
الشباب في السفاره عساهم عالقوه ولو جلست مع الربع من الدول الثانيه قلت الله يعينكم

لكن المكاتب اللي يتعاملون معاها المكتب الطبي
صفرررررر ويرفعون الضغط ولا يخلصون لك شي الا لو دفعت لفلان وعلان

وفتره كل شهر تجديد بصراحه امرها غريب يعني الفحوصات على كم موعد لين تتحدد الحاله يبيلها شهر
المفروظ بداية ثلاث شهور عقب تمديد حسب تقرير الدكتور المختص مو تقرير المستشفى نفسه
والله يعين ويشافي جميع مرضى المسلمين

كان قبل 3 شهور والتجديد حسب الحالة بس أكيد تغيرت الأُمور

وصج شيء يقهر المريض يصاب بأي شيء ثاني لازم موافقة من الدوحة مع إن العلاج يكون بسيط ومتوفر بعض الأوقات .. وهم يحطون مكاتب عرب ويشككون في مصداقيتهم .. زين كان من البداية اعتمدتوا موظفين من عندكم

الله يشفيك أو يشفي مريضك ويسهل عليكم

[بصمة قطرية]

قلنا لكم من زمان أسوأ قطاعين التعليم والصحة
و هاذي النتايج قاعدين نشوفها قدامنا ..!!!!!
تخبط عشوائية مادري لين وين راح يوصلون ..
أكثر قطاعين قاعدين يخسرون عليهم
في المقابل أسوأ و أفشل قطاعين ..!!!
خاطري أعرف اللي يحط هالقرارات في الصحة
منها وقف العلاج في الخارج لكثير من المرضى
هل هو واعي لهالقرارات ..!!!
هل هو مدرك لخطورة وضع بعض المرضى ..!!
كم مريض تضرر من هالشي ..!
كم مريض وقف علاجه و رجع
و كم مريض رفضوا تكملة علاجه ..!!!!
يعني ( مرضى ) رابحين يتعالجون مب رايحين سياحة ..!!!
علاج و غربة تاركين أهاليهم ..
لا حول و لا قوة إلا بالله ..

[سليمان احمد]

شهاده لله لجنة العلاج بالخارج ماقصرو بس اعتقد والله اعلم ان القرار لحالات معينه ماتستدعي المده الطويلع

انا عالجت لاكثر من اربع شهور في امريكا ولا شفت الا كل خير ودولتنا ماقصرت وسفارتنا في امريكا ماقصرت

المخصصات مستمره والتواصل دايم والعلاج مستمر ومارجعو احد ولا كنسلو علاج احد في فترة وجودي

لكن قد تكون هناك حالات معينه انتهت من العلاج ويماطلون للاستمرار في الخارج والشي اللي تقوم فيه اللجنه

اعتقد انه شي تصحيحي للسلبيات ولبعض الحالات اللي ماتستدعي مكوث فتره اطول في الخارج والله اعلم

لكن الحمدلله السفارات والمكاتب الطبيه اللي تعاملت معاها ماشفت منها الا كل خير وتيسير

وجزاهم الله خير جميعا

[ممنوع اللمس]

السفاره ماتقصر المكتب الطبي مايقصر بعد

لكن لجنة العلاج بالخارج اول مره حد يمدحها ماشفنا من وراها شي
الله يخلي الديوان ويجزاهم كل خير
اللجنه الطبيه طالب اضافج علاج والحين بنكمل شهر
وللحين ماجا رد
لا بالله مقصرين ومقصرين بعد

[معماري قطري]

عندنا الدك ( ثور ) يتفرعن على المريض ولا حد يحاسبه

[moonبنتnight]

حسبنا الله ونعم الوكيل ..

[أسير الاسهم]

عسى الله يعين بس

انا بروح الاسبوع الجاي .. ولا أدري شبيصير معنا !؟

من كلام الناس وردة الفعل على القرارات الصادرة من وزارة الصحـة .. بصراحة المريض بدال ما يروح متفآئل ويدعي لهم بالخيـر .. لا هالمره بيروح مكتئب وخايف يروح ويعب وفحوصات ومواعيد وآخر شي يردونه .. وبدال ما يدعي لهم يدعي عليهم

سالفـة شهـر قوية يا وزارة الصحـة .. ما يمدي الواحد فحص وعرف اللي له واللي عليـه .. على الاقل اذا رجع يكون مقتنـع انه ما له علاج هناك .. مب يروح ويفحص وما امداه يعلمونه بالنتائج انتهـى الشهر .. أرجع الدوحـة

والله حرام هنا مافي شي .. وبرا بعد بتخربون وبتحرمون المرضى من أمل الشفـاء

حسبنـا الله .. نِعـم الوكيــل

[بوراشد82]

للحين اراسل اللجنه من شهر وقفوا علاج ولدي فجأه،، حتى الخط الساخن اللي حاطينه بموقعهم حرقته ردوا علي وقالوا بنشوف موضوعكم ولا ردوا ،، صارلي ثلاث اسابيع اطارد وراهم ،، دخيل الله ردوا علي بس ،،والعلاج مب متوفر في قطر نهائيا" ،، ولدي عمره ست سنين ومخزنه الخلايا الجذعيه له من اخوانه وابي استخدمها ولا جاني رد،، عيل ليش حاطين بنك فيرجن لتخزين الخلايا الجذعيه من الاساس اذا انتم ماراح تخلونا نستخدمها في حاله مرض الطفل او اخوانه؟؟؟

[عين]

الطبقة المخملية هي السبب لهذة القرارات
والمشكلة مارح يتطبق عليهم القانون والقرارات الجديدة