ها تأخذين من مال زوجك من غير علمه @@@@@@ [الأرشيف]

اسعاف

17-04-2016, 05:55 PM

بعض الازواج فيهم صفة البخل
وينسى ويتناسى أن عليه نفقة في رقبته تلزمه منذ تزوج هذه الفتاة
لكن الطبع كما يقال غلاب
فالذي نشأ بخيل يستمر على ذلك
وكذلك إذا نشأ في بيئة بخلاء
الله يعين الزوجة التي لا تعمل ولا يكفيها مصروفها
وعليها حقوق وواجبات وهدايا وعطايا للاهل والجيران في المناسبات والاعراس
فهل يا ترى
تأخذين من مال زوجك من غير ما يعلم اذا قصر في نفقتك؟!

يقول العلامة بن باز في فتاواه
( يجوز للمرأة أن تأخذ من مال زوجها بغير علمه ما تحتاج إليه هي وأولادها القاصرون بالمعروف، من غير إسراف ولا تبذير، إذا كان لا يعطيها كفايتها؛ لما ثبت في الصحيحين عن عائشة رضي الله عنها أن هند بنت عتبة رضي الله عنها قالت: يا رسول الله إن أبا سفيان لا يعطيني ما يكفيني ويكفي بنىّ، فقال صل الله عليه وسلم:

«خذي من ماله بالمعروف ما يكفيك ويكفي بنيك)

اسعاف

17-04-2016, 06:02 PM

المشكلة تتفاقم عندما تعمل الزوجة
فترى الزوج ( يغسل ) يده تماما عن نفقة زوجته
بل يكلف زوجته ان تنفق على عياله ايضا!!!
وما أكثر قضايا النفقة في المحاكم في هذه المسئلة

رسالة لك أيها الزوج والأب
النفقة واجبة عليك نحو زوجتك وأبنائك حتى لو كانت زوجتك تعمل

وانت كرجل جعل الله لك القوامة والسيادة في البيت من أجل النفقة ورجحان العقل وتحمل المسؤولية

فلا تطالب زوجتك بحقوقها نحوك إذا كنت أنت مقصر في نفقتك عليها

اخيراً
عيب عليك يا ( رجل) تجعل زوجتك تنفق عليك وعلى بيتك وعيالك

MAZEN37

17-04-2016, 06:44 PM

الحريم اغلبهم يصرفون في الكماليات والمفوشر
وهالموضوع فرصه لهالفئه يحللون سواهم

طلعة الروح

18-04-2016, 12:14 AM

الاتفاق والتفاهم في هكذا أمر يفضل أن يكون قبل عقد القران كي يكونا طرفي الزواج على بينة لكن اذا حصل التقصير بعد الزواج بسبب بخل الزوج مثلا غير عن ان الفقر قد طرئ عليه فأظن الزوجه من السبب تقدر اتصرف وتعالج الموضوع بالطريقه المناسبه من غير تدخل طرف ثالث.

ضوى

18-04-2016, 12:32 AM

نوفا91

18-04-2016, 01:02 AM

لكم الجنة يامعشر النساء

طلعة الروح

18-04-2016, 01:15 AM

لكم الجنة يامعشر النساء

الله يعينهن،،، حقا الزواج وادارة المنزل مسؤولية كبيرة يبيلها مخ وحكمة وصبر من المرأة خصوصا اذا بالغلط طلع الي تزوجته شخص ماعنده حس المسؤولية وأرعن *بعيد الشر* عن الكل. لذلك الأفضل للجميع أن تطول الخطبه فتره معقوله وليس كما هو حاصل التعجل بعقد القران ليتسنى لنا معرفة صفات الرجل الحقيقيه وقبل أن تطيح الفاس بالراس.

المحاميه

18-04-2016, 03:33 AM

شكرا استاذ عالموضوع

بانغ بانغ

18-04-2016, 06:41 AM

لو الكل عرف الاولويات وفرّق بينها وبين الكماليات واستوت عندنا ثقافة التخطيط والارشاد ... محد كان تدين او حط جبل ديون فوق اظهره

BoFahed

18-04-2016, 07:41 AM

لو الكل عرف الاولويات وفرّق بينها وبين الكماليات واستوت عندنا ثقافة التخطيط والارشاد ... محد كان تدين او حط جبل ديون فوق اظهره

صادق اخوي للاسف عندنا مشكله في التخطيط والتدبير يعني تلاقي متوسط الرواتب للدرجه العاديه لربعنا الازواج + حريمنا وامهاتنا وخواتنا المدرسات تقريبا يساوي ال 50-70 الف (الله يزيد ويبارك اكثر واكثر )وتلقاهم الاثنين مديونين ووضعهم صعب لانه رايح لاشياء يمكن الاستغناء عنها على الاقل اول 5 سنوات لين يبنون عش الزوجيه

مثلا (سفره -موتر كشخه -لبس وشنط ماركات بالالاف -خدامه +مربيه +سواق -دراجه او طراد -عنه في الموسم بالشي الفلاني-ثقافة الشراء عند الابناء كل شي يبونه ياخذونه )

انا ما انتقد حد والله يزيد ويبارك لهم ومن حقهم يتمتعون ويتهنون بخير بلادهم بس والله قلبي عليهم

ياما تكلمو خبراء قطريين على الموضوع وانه ثقافه الاستهلاك عاليه والادخار منخفضه عندنا

معماري قطري

18-04-2016, 06:28 PM

معماري قطري

18-04-2016, 06:33 PM

لكم الجنة يامعشر النساء

الجنة للي تشتغل وتعطي زوجها راتبها كامل وان سألها محتاجة تقول له لا الحمد لله .. واللي ما تبي تسافر كلش الا حج وعمرة مرة وحدة في العمر مب كل شهر عمرة .. واللي تقعد في البيت ما تحب السوق تكرهه وتكره الزيارات

معماري قطري

18-04-2016, 06:39 PM

بصراحه انا اشتغل وراتبي لي وريلي شايل معظم المصاريف الله يحفظه ولا يتمنن علينا عارف انه هذا واجبه حتى ولو اني اشتغل ، وانا اصرف عالبيت بمزاجي وبكيفي مايجبرني ومافي احسن من التفاهم والاتفاق ، والله يعين المرهً اللي زوجها جعص وبخيل

عجبتني الكلمة الحمراء احس انها تطلع من القلب

ألحين الله يسلمج يعتبرون اللي يحاسب من التبذير والمصروفات اللي ما لها معنى بخيل .. الإنسان العاقل لازم يوفر مبلغ ويبتعد عن السلفيات ويدبر له مدخول ثاني غير الوظيفة

اسعاف

18-04-2016, 08:30 PM

الحريم اغلبهم يصرفون في الكماليات والمفوشر
وهالموضوع فرصه لهالفئه يحللون سواهم
يوجد من الرجال أيضا يصرف على كمالياته ويقصر في نفقته على زوجته وبيته

اسعاف

18-04-2016, 08:34 PM

اسعاف

18-04-2016, 08:37 PM

بصراحه انا اشتغل وراتبي لي وريلي شايل معظم المصاريف الله يحفظه ولا يتمنن علينا عارف انه هذا واجبه حتى ولو اني اشتغل ، وانا اصرف عالبيت بمزاجي وبكيفي مايجبرني ومافي احسن من التفاهم والاتفاق ، والله يعين المرهً اللي زوجها جعص وبخيل
ضوى
مالها حل ههه
عسى ربي يوفقك ويبارك لك في زوجك وعيالك

تَر اللي الله يرزقها زوج كريم وثقيل ويقدر المسؤولية
هاي في نعمة عظيمة
لازم تحمد الله عليها
وتقره على نفسها وزوجها المعوذات مخافة الحسد

اسعاف

18-04-2016, 08:40 PM

لكم الجنة يامعشر النساء

آحس أنك قلتيها من قلب
هههه
نعم في زوجات متصبرين على حظهم التعيس مع الزوج الشحيح
ومضحيه بمالها علشان تمشي السفينة الى بر الأمان
ويكبرون لعيال ولا يتعقدون من بخل أبوهم
لك الجنة صج

اسعاف

18-04-2016, 08:45 PM

الله يعينهن،،، حقا الزواج وادارة المنزل مسؤولية كبيرة يبيلها مخ وحكمة وصبر من المرأة خصوصا اذا بالغلط طلع الي تزوجته شخص ماعنده حس المسؤولية وأرعن *بعيد الشر* عن الكل. لذلك الأفضل للجميع أن تطول الخطبه فتره معقوله وليس كما هو حاصل التعجل بعقد القران ليتسنى لنا معرفة صفات الرجل الحقيقيه وقبل أن تطيح الفاس بالراس.
المرأة الذكية هي اللي تسبر أغوار زوجهه في فترة العقد وتكتشف عالمه الخفي والغامض

مَش كله تعدل وصبغ وتنسل في الشعر العبل
وفساتين وطباخ
وما اكتشفت الذيب الا يوم عرسها

اسعاف

18-04-2016, 08:47 PM

شكرا استاذ عالموضوع

العفو يا حضرة المحامية الفاضلة
أليس جدران المحاكم تضج من قضايا النفقة ومشاكلها مع الزوج؟!!

اسعاف

18-04-2016, 08:49 PM

لو الكل عرف الاولويات وفرّق بينها وبين الكماليات واستوت عندنا ثقافة التخطيط والارشاد ... محد كان تدين او حط جبل ديون فوق اظهره

صحيح
هذا اذا كان الزوج سوي وسمح وكريم مع اهله
لجعل الزوج كل مصروفاته على الضروريات فقط
ومن هنا تبدأ المشاكل مع الزوجة
لكن اذا كان يابس وبخيل

اسعاف

18-04-2016, 08:53 PM

صادق اخوي للاسف عندنا مشكله في التخطيط والتدبير يعني تلاقي متوسط الرواتب للدرجه العاديه لربعنا الازواج + حريمنا وامهاتنا وخواتنا المدرسات تقريبا يساوي ال 50-70 الف (الله يزيد ويبارك اكثر واكثر )وتلقاهم الاثنين مديونين ووضعهم صعب لانه رايح لاشياء يمكن الاستغناء عنها على الاقل اول 5 سنوات لين يبنون عش الزوجيه

مثلا (سفره -موتر كشخه -لبس وشنط ماركات بالالاف -خدامه +مربيه +سواق -دراجه او طراد -عنه في الموسم بالشي الفلاني-ثقافة الشراء عند الابناء كل شي يبونه ياخذونه )

انا ما انتقد حد والله يزيد ويبارك لهم ومن حقهم يتمتعون ويتهنون بخير بلادهم بس والله قلبي عليهم

ياما تكلمو خبراء قطريين على الموضوع وانه ثقافه الاستهلاك عاليه والادخار منخفضه عندنا
تَر المسرف على الكماليات
والبخيل على الأساسيات
سيان في المشكلة
الحل في التوسط

qatara

18-04-2016, 08:53 PM

ما دامها اخذت من وقت الزوج والبيت

فواجب عليها تساعد ولا تجلس بيتها

اين حقوق البيت في 8 ساعات يوميا وبعدها

راحه من تعب هل 8 ساعات التي تخاذها من وقته

اذا المساله حقوق يا شيوخ الطرف الواحد ؟!

فهذا حق اين هو وما التعويض

؟

اسعاف

18-04-2016, 09:01 PM

الله يهداك يا اسعاف

أول شيء الحمد لله على سلامتك لنا فترة ما نشوفك قطعتنا وثاني شيء ما يصرفون في البيت غير النساء والأطفال واحنا بس نشتغل ونعطيهم .. مساكين الرجال اتوقع رجال العصر هذا مجاهدين
هههه
الله يسلمك
الحقيقة هجرت فترة المنتدى لاني وجدت مكان اخر فيه اكثر حرية لطرح المواضيع التي أهواها

اما كلامك عن صرف الرجل على اهله
فاعلم ان خير دينار يفقه الرجل دينارا ينفقه على اهله
كنّا ذكر ذلك المعصوم

بشائر

18-04-2016, 09:08 PM

جزاك الله خير على الموضوع المهم ..

اللهم إنى أعوذ بك من الهم والحزن.. وأعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال.

يقول الرسول صلى الله عليه وسلم: (لا يدخل الجنة خب ولامنان ولابخيل) (أخرجه أبو داود 1964)
وحديث : ( لا يجتمع الشح والإيمان في قلب عبد أبداً ) (أخرجه النساني 3110ـ 3112 ) فاتقوا الله معشر الرجال البخلاء وترفعوا عن البخل وأنفقوا ووسعوا على من تعولون .

الزوج البخيل هذا مصيبة وابتلاء تبتلى به زوجته المسكينة وعيالها وماااله علاج لأن حرصه على الدنيا وحبه للفلوس فاق على حبه حتى لنفسه قبل زوجته وعياله
وهو بعد مسكين حارم نفسه من التمتع بماله وحارس له حتى يسلمه لورثته ( جعلهم يتهنون فيه ولا يبقون)

هذا المبحث يتكلم بإسهاب عن البخيل :
http://articles.islamweb.net/media/index.php?page=article&lang=A&id=15975

Charisma

18-04-2016, 09:24 PM

مرحبا بك اخوي أسعاف ،

وجزاك الله خير على الموضوع "المهم" ، وحتى تعم الفائده ودنا أحد يوضح معنى "بخيل" . <- الطلب له هدف .

qatara

18-04-2016, 09:26 PM

مساكين بعضهم منهوب بعلمه ولا بدون علمه

واخرتها لاحمد ولا يشكرون بل يكفرون العشير

الله المستعان

سالم الزهران

18-04-2016, 10:42 PM

البخيل يا كبتن هو الواجد للشيء المانع له

الاخ معماري ، وينك عنا في ساعة الزحمه ،، تواسينا

ههههه

المبرمج صلاح

18-04-2016, 11:34 PM

مرحبا بك اخوي أسعاف ،

وجزاك الله خير على الموضوع "المهم" ، وحتى تعم الفائده ودنا أحد يوضح معنى "بخيل" . <- الطلب له هدف .

البخيل من وجهة نظري من
يكون صافي راتبه اخر الشهر يتجاوز الاف ويبخل على اهله واولاده بمئات معدودة بحجة مش ضرورة قيس على ذلك
عسبيل المثال شخص رصيده بمئات الاف في البنك و يكون راكب هو واهله سيارة او اثاث بيته عفا عليهما الزمن بحجة كله يمشي

وصف صفة البخل تختلف من شخص لاخر حسب دخله الصافي والطلبات التى يرفضها

باختصار من يستطع توفير الطلب لنفسه او لزوجته او اولاده بدون ان يؤثر عليه ماديا او يضر احد من اسرته او غيره ويرفض الطلب بحجة مادية فهو بخيل

Charisma

19-04-2016, 11:52 AM

البخيل يا كبتن هو الواجد للشيء المانع له

الاخ معماري ، وينك عنا في ساعة الزحمه ،، تواسينا

ههههه

وضح اكثر اخوي سالم ، يعني ممكن مثلا وحده تشتكي ان زوجها بخيل ، تسأل كيف ؟ تقول ماشرى لي شنطة ماركة ، ماسفرني امريكا ..إلخ ، حتى وإن كان على حافة المقدره .

البخل ينظر له نظرات متفاوته " من النساء "، لذلك سالت عن توضيح معنى البخل .

البخيل من وجهة نظري من
يكون صافي راتبه اخر الشهر يتجاوز الاف ويبخل على اهله واولاده بمئات معدودة بحجة مش ضرورة قيس على ذلك
عسبيل المثال شخص رصيده بمئات الاف في البنك و يكون راكب هو واهله سيارة او اثاث بيته عفا عليهما الزمن بحجة كله يمشي

وصف صفة البخل تختلف من شخص لاخر حسب دخله الصافي والطلبات التى يرفضها

باختصار من يستطع توفير الطلب لنفسه او لزوجته او اولاده بدون ان يؤثر عليه ماديا او يضر احد من اسرته او غيره ويرفض الطلب بحجة مادية فهو بخيل

شكرا على التوضيح ..

اللي بغيت أوصل له ، كيف نفرق بين "البخيل" ، "المسرف" ، "المعتدل" ، مانبي نوجد مشكلة من العدم عند أسر "معتدله" قد يفهمون ان البخل هو عدم توفير الأشياء الثمينه والسعي وراء الرفاهيه المطلقه والصرف لمجرد الطلب والتمني حتى وان كان السبيل لذلك " الأقتراض " .

جبر ال جبر

19-04-2016, 11:58 AM

ضوى

19-04-2016, 12:00 PM

البخيل اللي عنده ويطلع البيزة بالعسر ، اذا اشتهوا السمج قالهم مب لازم واذا سوت دياية واحدة مرته للغدا حق عشر انفار قالها اسراف وتبذير ، اللي تطلب منه 500 ريال لموجب اجتماعي يقولها ماعندي مب لازم ، واللي تطلب منه 100 ريال كسوة شتا والا صيف لها يقولها البس من اللي عندج ، البخيل اللي ثوبه مصوفر من كثرة الغسيل ويبين عليه اثار الفقر وهو غني عنده خير ، ماله داعي احد ينط لي ويقولي زاهد ومدري شنو هذي مب زهد هذي بخل ، الله يحب يشوف اثار نعمته على عبده بما يرضيه

سالم الزهران

19-04-2016, 12:07 PM

والله يا كبتن انت مشاركتك عرفت مغزاها لكن بعد في تعقيبك ذكرت حافة المقدرة و هذي بعد تربطنا شوي.

اللي عنده فلوس يشتري ديور للقاروره و يسفرها تركيا ،لان امريكا ما تؤمن ديارهم ولا انظمتهم.

اذا عنده يوسع على اهله وهو الكسبان لانه سيتدلل و تزين اموره .

الله الله في القوارير يا كبتن .

Charisma

19-04-2016, 12:27 PM

مشكلتنا الاساسيه عندنا خلط في المفاهيم والتسميات في فرق كبير بين الاقتصادي والبخيل وايضا بين الكريم والمسرف اذا عرفنا تصنيفهم وتعرفهم بشكل اساسي وواضح اعتقد بيكون map road للجميع خصوصا انه الوسطيه والانفاق المعتدل هو المعيار الاساسي الي نستند عليه اذا فصلنا الموضوع بعض البخل في بعض الامور محمود واغلبه مذموم واغلب الكرم في بعض الامور محمود واغلبه مذموم

سلامي عليك ، بكره بتقرا الموضوع وحده وبتاخذ من زوجها مبلغ وقدره " دون علمه " ، وبتشتري عقد كارتيه بحجة ان زوجها بخيل .

ترى مابالغ فعلا في ناس ماتعرف تصنف او تفرق ، وفي هالزمن مفاهيم البخل شملت الكماليات حتى ولو كان ذلك على حساب المستقبل والتخطيط له .

البخيل اللي عنده ويطلع البيزة بالعسر ، اذا اشتهوا السمج قالهم مب لازم واذا سوت دياية واحدة مرته للغدا حق عشر انفار قالها اسراف وتبذير ، اللي تطلب منه 500 ريال لموجب اجتماعي يقولها ماعندي مب لازم ، واللي تطلب منه 100 ريال كسوة شتا والا صيف لها يقولها البس من اللي عندج ، البخيل اللي ثوبه مصوفر من كثرة الغسيل ويبين عليه اثار الفقر وهو غني عنده خير ، ماله داعي احد ينط لي ويقولي زاهد ومدري شنو هذي مب زهد هذي بخل ، الله يحب يشوف اثار نعمته على عبده بما يرضيه

هذا فعلا بخل ، ان كان "مقتدر" ويقدم "الدراهم" على أهله بمثل ماذكرتي ، اما الزهد فهذا موضوع طويل .

والله يا كبتن انت مشاركتك عرفت مغزاها لكن بعد في تعقيبك ذكرت حافة المقدرة و هذي بعد تربطنا شوي.

اللي عنده فلوس يشتري ديور للقاروره و يسفرها تركيا ،لان امريكا ما تؤمن ديارهم ولا انظمتهم.

اذا عنده يوسع على اهله وهو الكسبان لانه سيتدلل و تزين اموره .

الله الله في القوارير يا كبتن .

هههههههههه

وقت الجد الواحد "يضحي بنفسه" لجل أهله فمابالك بدراهم ، لكن من باب النقاش خصوصا ان "السفاهه" في التقدير "قد" تكون حاضره ويساء فهم الموضوع والحكمه منه.

qatara

19-04-2016, 03:59 PM

ربا السماء الذي لو اعطا كل مسالته ولا ينقص ذالك من ملكه شي

لم يعطي بدون قدر وحساب ولا لفسدت البشر

حتا وان كان الرجل غني فلابد ان يكون صرفه بقدر

وليس بمزاجيه زوجه متلفه

فكلمة بخيل بعضهن لو اعطاها دم قلبه الي زمرت بتقول بخيل

شي معروف كفران العشير عند اقل زعله

مللنا من الكذب والافتراء

عقليته مش متفهم

مافي توافق

بخيل

متشدد

مايترس عينه شي

يضربني

دايم يهاوشني

مهملني

يهجرني

مايفهمني

يفرض رايه

كله برع البيت

صاك علي مايخليني اطلع مع صديقاتي

مايثق فيني

الي رقد يشاخر ( وهذه حجه تحججت بها واحده للطلاق لما لم تجد أي خلل لتفتري به ) ببلد خليجي

ومثلت بمسلسل طاش ماطاش

وفيه وفيه وفيه

المصطلحات والاعذار الجاهزه للاستخدام لاي وحده تبي تخلع او تطلق للضرر
كل هوشه تستخدم حيلة ومصطلح الا من رحم ربي وستهدت بالله وتحرت الاجر وصبرت

الرجل يفدي اهله بروحه تجي مفتريه تقول بخيل او فيه وفيه وفيه

بسكم تاليف الي فيها خير بتكون ستر لزوجها وهو ستر لها مهب

تكون وكاله انباء تنشر شي صادق واشياء كاذبه تفضح بيتها بنفسها

السوال مثل هولا النسوه هل هن قايمات بكل واجباتهن
كامله ولا فيهم خلل والرجل صابر وساتر ؟!

يستحيل لان الكمال لله وحده

الحمد لله على نعمة العقل

مانقول الا الله المستعان

العقل المدمر

19-04-2016, 04:47 PM

الجنة للي تشتغل وتعطي زوجها راتبها كامل وان سألها محتاجة تقول له لا الحمد لله .. واللي ما تبي تسافر كلش الا حج وعمرة مرة وحدة في العمر مب كل شهر عمرة .. واللي تقعد في البيت ما تحب السوق تكرهه وتكره الزيارات

خيييييررر ؟ في أي دين هاي ؟ :eek5:

بصمة قطرية

19-04-2016, 05:36 PM

خيييييررر ؟ في أي دين هاي ؟ :eek5:

منطق غريب عجيب ..!!!
حلوة تشتغل و تعطيه راتبها كامل ..
عفواً على هالكلمة ..
الرجال اللي يستحي على وجهه ما ياخذ من زوجته ..
قال إيش ..
تعطيه راتبها كامل ..
لا يكون هي تشتغل له ..!!
عشان تصرف عليه ..
تتعب عشان سي السيد ياخذ راتبها ..!!!
صدمني هالرد بصراحة ..!!!!!!!!

ابو خليفه

19-04-2016, 05:48 PM

العقل المدمر

19-04-2016, 05:50 PM

منطق غريب عجيب ..!!!
حلوة تشتغل و تعطيه راتبها كامل ..
عفواً على هالكلمة ..
الرجال اللي يستحي على وجهه ما ياخذ من زوجته ..
قال إيش ..
تعطيه راتبها كامل ..
لا يكون هي تشتغل له ..!!
عشان تصرف عليه ..
تتعب عشان سي السيد ياخذ راتبها ..!!!
صدمني هالرد بصراحة ..!!!!!!!!

قلتي اللي فقلبي
ناقص توصله هو وعياله دواماتهم
انا اقتنعت ان لها الجنة دام بتعيش مع زوج يسوي فيها جذي :eek5:

بصمة قطرية

19-04-2016, 06:28 PM

بصراحه الوحده اذا بتشتغل وراتبها لها تقعد في البيت ابرك لها ولعيالها مايجوز تغيب عن البيت وخاصه الأم وعندها يهال مهملتهم في سبيل المعاش اللي لا البيت مستفيد منه و لا الزوج عيل ليش تشتغلين ههههههه هذه موضه جديده بعد راتبي لي والله حاله الشره على الزوج ساكت عنج

راتبها لها و لبيتها و عيالها
لكن زوجها إسمح لي أخوي
عيب عليه كرجال ياخذ راتب مرته
والله عيب ..
من اللي المفروض يصرف على البيت ..!!
صرنا نشوف العكس
المرة تحط في البيت أكثر من الرجال ..
راتبها لها تحط بكيفها بمزاجها
محد يجبرها ..
الحين 99% من الحريم رواتبهم تروح على البيت
أكثر من صرفها على نفسها ..
خلونا نكون منصفين ..
و لا نظلم المرة و نطلع الرجال في كل الحالات مب مقصر ..
حتى لو كان قايم بالبيت و مب مقصر
ما له حق يحاسبها على راتبها و ياخذه منها ..
تشتغل لنفسها المرة مصاريفها وايدة
و تحتاج للمجاملات الإجتماعية و المناسبات ..
اللي بيقول هالاشياء مب لازم و مش ضرورية
يعني لازم نسكر بيباننا لا نزور و لا نوجب
في زواج ولادة بيت جديد و لا حد يوجبنا ..

بريق الحق

19-04-2016, 07:13 PM

ههههه اضحك الله سنكم جميعا
اتوقع لازم نحل مشاكل الرجل والمراة وبعدها بنحرر الاقصى (:
اعذرني اخوي بس فالقلب شي مايعلمه الا الله حالتنا صعبه في هالزمن

بانغ بانغ

19-04-2016, 07:27 PM

هههههه بعض الردود صج اتضحك والله يعينهم

- اشفيها لو الوحدة عطت بعض من راتبها لزوجها او اقتطعت مبلغ حق امور مهمة مثل شراء ارض او بيت كمساهمة

- ونفس الشي اشفيها لو الرجل اقتطع مبلغ لزوجته كمصروف شهري وراتبها ايتم لها بالكامل ...

الحياة تعاون ... الحمدلله عالنعمة اللي احنا فيها ... غيركم مش امحصل راتب او شغل

بشائر

19-04-2016, 08:16 PM

بصراحه الوحده اذا بتشتغل وراتبها لها تقعد في البيت ابرك لها ولعيالها مايجوز تغيب عن البيت وخاصه الأم وعندها يهال مهملتهم في سبيل المعاش اللي لا البيت مستفيد منه و لا الزوج عيل ليش تشتغلين ههههههه هذه موضه جديده بعد راتبي لي والله حاله الشره على الزوج ساكت عنج

الطبيعي والمنطقي إن الزوجة تغطي غيابها عن البيت بالمساهمة بجزء من راتبها ( مب كل الراتب ) لأن الوقت اللي بتكون فيه خارج البيت من حق زوجها وعيالها..وكله بالاتفاق بينها وبينه وإلا قعدتها في البيت ورعاية زوجها وعيالها أفضل لها وتجنبها كثير من المشاكل اللي تهدد تماسك أسرتها .
فلو الزوج هو اللي مشغول عن هله من البديهي إنه يحط لهم دريول علشان مايتعطلون ويقدرون يخلصون أشغالهم
أو يرضى ان زوجته تسوق المهم لازم يكون عنده حل بديل ومناسب ..

سالم الزهران

19-04-2016, 08:18 PM

اؤيد ان المرأة تشتغل عشر سنين تشتري فيها بيت او عقار لنفسها وتساعد اللي تبغي ، بعد كذا على البيت دامني طيب يا بنت الناس اولادنا بيدشون سن حساس ولازم تكونين في البيت ، لو ركزنا على ابنائنا ما صار خلاف والله اعلم .

العقل المدمر

19-04-2016, 09:48 PM

ههههه اضحك الله سنكم جميعا
اتوقع لازم نحل مشاكل الرجل والمراة وبعدها بنحرر الاقصى (:
اعذرني اخوي بس فالقلب شي مايعلمه الا الله حالتنا صعبه في هالزمن

الريال اللي مايعرف يحل مشاكل مرته مابيقدر يحرر الاقصى
بعد قولوا الحريم اللي لازم يحررون الاقصى :(

العقل المدمر

19-04-2016, 10:00 PM

صرنا نشوف العكس
المرة تحط في البيت أكثر من الرجال ..
راتبها لها تحط بكيفها بمزاجها
محد يجبرها ..
الحين 99% من الحريم رواتبهم تروح على البيت
أكثر من صرفها على نفسها ..
خلونا نكون منصفين ..
و لا نظلم المرة و نطلع الرجال في كل الحالات مب مقصر ..
حتى لو كان قايم بالبيت و مب مقصر
ما له حق يحاسبها على راتبها و ياخذه منها ..
تشتغل لنفسها المرة مصاريفها وايدة
و تحتاج للمجاملات الإجتماعية و المناسبات ..
اللي بيقول هالاشياء مب لازم و مش ضرورية
يعني لازم نسكر بيباننا لا نزور و لا نوجب
في زواج ولادة بيت جديد و لا حد يوجبنا ..

هاي المشكلة
تطلع تشتغل وياه وترجع البيت وياه وترقد وياه وتقوم وياه
وتجابل البيت وتصرف على نفسها وعلى عيالها من طيب خاطر
ويطلع هو فلوسه طايح فجبده ويروح الميلس يقول حق ربعه بتزوج الثانية
ويساعدونه ويزوجونه ويجي هني يتحلطم ليش الحريم يصرفون من طيب خاطر يبون الموضوع غصب

Charisma

19-04-2016, 10:07 PM

هاي المشكلة
تطلع تشتغل وياه وترجع البيت وياه وترقد وياه وتقوم وياه
وتجابل البيت وتصرف على نفسها وعلى عيالها من طيب خاطر
ويطلع هو فلوسه طايح فجبده ويروح الميلس يقول حق ربعه بتزوج الثانية
ويساعدونه ويزوجونه ويجي هني يتحلطم ليش الحريم يصرفون من طيب خاطر يبون الموضوع غصب

https://encrypted-tbn1.gstatic.com/images?q=tbn:ANd9GcQQN9Ed4DE-_1tXStyNN0PSQBdgh6XDBxDCw_Tk466S5ev_Z902kA

العقل المدمر

19-04-2016, 10:39 PM

https://encrypted-tbn1.gstatic.com/images?q=tbn:ANd9GcQQN9Ed4DE-_1tXStyNN0PSQBdgh6XDBxDCw_Tk466S5ev_Z902kA

من جميع الموظفات المتزوجات اللي حولي بدون استثناء بعد :shy:

بـن عدوان

19-04-2016, 10:47 PM

الحريم يموتون عالفلوس

بوخالد911

19-04-2016, 10:59 PM

الرجال هو ملزم بالانفاق ع بيته.
واذا الزوجة عطت من راتبها. كثر الله خيرها.

ابو خليفه

20-04-2016, 01:42 AM

راتبها لها و لبيتها و عيالها
لكن زوجها إسمح لي أخوي
عيب عليه كرجال ياخذ راتب مرته
والله عيب ..
من اللي المفروض يصرف على البيت ..!!
صرنا نشوف العكس
المرة تحط في البيت أكثر من الرجال ..
راتبها لها تحط بكيفها بمزاجها
محد يجبرها ..
الحين 99% من الحريم رواتبهم تروح على البيت
أكثر من صرفها على نفسها ..
خلونا نكون منصفين ..
و لا نظلم المرة و نطلع الرجال في كل الحالات مب مقصر ..
حتى لو كان قايم بالبيت و مب مقصر
ما له حق يحاسبها على راتبها و ياخذه منها ..
تشتغل لنفسها المرة مصاريفها وايدة
و تحتاج للمجاملات الإجتماعية و المناسبات ..
اللي بيقول هالاشياء مب لازم و مش ضرورية
يعني لازم نسكر بيباننا لا نزور و لا نوجب
في زواج ولادة بيت جديد و لا حد يوجبنا ..
القصد من الكلام اللي قلته ان خروج المرأه من بيتها لازم يكون للضروره ومب عيب لوخذ من معاشها وين المشكله وليش هو متحمل غيابها عنه وعن البيت وصابر اذا كان راتبه على قده ومايكفي لكن تجي وحده تقول راتبي لي مالي خص في شي لا عيل قعدي في بيتج ابرك ،، يعني لو خيروا البنت بين الزوج او الراتب شبتاخذ

ابو خليفه

20-04-2016, 01:46 AM

الطبيعي والمنطقي إن الزوجة تغطي غيابها عن البيت بالمساهمة بجزء من راتبها ( مب كل الراتب ) لأن الوقت اللي بتكون فيه خارج البيت من حق زوجها وعيالها..وكله بالاتفاق بينها وبينه وإلا قعدتها في البيت ورعاية زوجها وعيالها أفضل لها وتجنبها كثير من المشاكل اللي تهدد تماسك أسرتها .
فلو الزوج هو اللي مشغول عن هله من البديهي إنه يحط لهم دريول علشان مايتعطلون ويقدرون يخلصون أشغالهم
أو يرضى ان زوجته تسوق المهم لازم يكون عنده حل بديل ومناسب ..

كلام سليم وياليت تفكير النسوان كلهم مثل هالتفكير كان خفت نسبة الطلاق

راجي الْعفو

20-04-2016, 06:54 AM

عجيبه ردودك يا بو عبدالله ،
جميلة بصراحة وفيها حقائق
بس سالفة انها تحول راتبها بالكامل هذي ذبحتني ^_^

-------

النفقة واجبة ع الزوج دون الزوجة ، فما له حق انه يلزمها بأي شي من هالناحية

الحديث اللي ذكرته يا شيخ إسعاف هو الاصل و الميزان في الموضوع
والبخل قد يكون نسبي من شخص لشخص و من مجتمع لمجتمع

اما موضوع راتب الزوجة ، فليس من المُروءة انه رجل صاحب قوامة و يروح يطلب من زوجته
ما يُستساغ هالشي ابدا و لا ينبلع !