( بعض البيوت اصبحت مهجوره ولم يبقى فيها الا الخدم )

[الماريّة]

السلام عليكم ورحمه الله وبركاته

اخواني وخواتي موضوعي قد يكون تكرر كثيرا لكن
مايمنع اكتب الي بخاطري والي اشوفه بشكل يومي


اخواني لا اخفي عليكم استخدم برنامج السناب لتواصلي مع
الاهل والصديقات ولكن انصدمت مما رأيته. ..

لاحظت بشكل يومي الاغلبيه عشيات وغدياتهم برى كله برى
ياعالم هل انا الي من كوكب اخر او الناس الي صح ؟؟؟؟

اصبحت البيوت مهجووووره طول اليوم الا من الخدم فقط
في الاول كانت الطلعات والتمشيات في الويكند والحين اصبحت
بشكل يومي وانا اجزم البعض عشان التصوير في السناب جات

لم يعد احد موجود في البيت الا الخدم ...ا
لاغلبيه كله برى الا من رحم ربي

استغرب من الناس جايبين خدم وحشم ولا يطبخون في بيوتهم

كله يوميا يوميا برى والله يمكن تحسبوني ابالغ والله. انه هذا الي قاعده
اشوفه لمجموعه كبيره من العوايل خلاص اصبحت ظاهره الغدا
والعشا في المطاعم شي روتيني بحياتهم ناهيك عن الاحتفالات الكثيره
والي اصبحت عاده بحيات الكثير


بالاول يمكن نشوف هالاشياء على فئه معينه الحين اصبحت هذي
الاحتفالات موجوده في حيات الاغلبيه حتى من كانوا متمسكين
بعاداتهم القبليه والله انا مصدوووووومه



اصبحوا خلاص نفس الغرب مايشوفون بيوتهم
والا وقت النوم اصبحت البيوت فنادق للنوم فقط

والله شي يحز بلخاطر من الظواهر الغريبه الي انتشرت
في مجتمعنا. وين عاداتنا وتجمع الاهل على صحن واحد
او سفره وحده ووين الترابط الاسري والله لم يعد يفرقنا
على الغرب بشي. كل شخص بحاله ( الاب في صوب والام في صوب
والابناء والبنات في صوب )

هل هذا هو التطور والانفتاح الزايد عند بعض الاسر ( فك الحبل على الغارب )
والله وثم والله قاعده اكتب باستغرااااب ومصدومه !

وهذي هي وسائل التواصل كشفت لنا تصرفات الناس
والتي اغلبها رياااء والعياذ بالله

اتمنى اشوف رايكم في هالموضوع
/
/

(لا اله الا انت سبحانك اني كنت من الظالمين )

،
،
الماريه

[طلعة الروح]

شكرا يالمارية، مش لأن كل شي أغلب الناس قامت تسوية كموضه او تقليد يعتبر صحيح ويجب الاقتداء به مافي احلى من التجمعات الاسرية ف البيت مهما لعبت التكنولوجي لعبتها فذلك بسبب الفهم الخاطئ والاستخدام الخاطئ لها ف قامت تأثر في أمور مش المفروض تاثر فيها زي ترك الاجتماعات والاكتفاء بالتواصل في برامج السوشل ميديا باسم الحداثه والتطور لأن لها نتايجها السلبية بعد فتره. وفي النهاية البرامج هذي يجب استخدامها بطريقه مقننه بحيث ما تأثر ع حياة الناس الاجتماعية او ال face time بين افراد الاسره الواحده او حتى اي محيط اجتماعي اخر لأن مانبي مثل هالتقنيات بدل ماتكون مصدر بديل للاجتماع ومؤقت أن تخلق لنا مشكله اخرى تسمى التبلد او العزله عن المحيط الحقيقي.

[راجي الْعفو]

وعليكم السلام و رحمة الله و بركاته

كررناها اكثر من مرة : التغريب و العلمانية دخلوا في مجتمعنا المتماسك
حتى صاروا يشوفون الشي الغلط عادي
الام برا البيت
البنت برا البيت
العيال تربية خدم
امور البيت و ادارته في أيد الخدم


هذه الحقيقة المُرّة اللي تزعّل الواقعين فيها و يسعون للدفاع عن اخطائهم بأي طريقة
بس ما ينفعهم لان الواقع كاشف عوارهم ..

هالامور يبي لها رجال امناء اصحاب دين و حكمة و معرفة بعواقب الامور
ًيعالجون المشاكل بالمناسب
اما ان يُوكَل الامر لرجال خائنين لمجتمعهم و يفرحون بانتشار الرذائل
ويشاركون اهلها فيها ، فهذه مصيبة


الواحد عليه بالنصح بالطريقة السليمة والدعاء
ولا يخاف انه ينصح او يستحي لان الناس بتنتقد او ما شابه
هو ع الحق و هم ع الغلط ليش الحيا ؟

هم اللي المفروض يستحون ع وجيهم المُلطّخة بـــ المفاسد
وكونهم يخالفون الفطرة السليمة



بس ما نبي نقول كله رياء ، ولكن نقول في تفاوت في الموضوع
الله يصلح حالنا اولا
و حال الجميع ..

[نوفا91]

احذفي اللي عندج وضيفي اللي عندي وان شاء الله بتشوفين قبيلة فالبيت ومع الخدم لزوم الحياة

:)

[بانغ بانغ]

انها عبودية القرن الواحد والعشرين

اعنف واسوأ عبودية واجهها العرب ..... جهاز او برنامج بسيط ايمشي ناس وايخليهم ايكلمون نفسهم !

ههههههه طبعا امزح

[الأصيلة]

الحين سفر وتذاكر وخساير
كله عشان السناب شات
المشكلة حريم كبار صاروا ما يدركون الحقائق
في شور المراهقات والمراهقين
أول خبرنا السفر بالإجازات الطويلةا واللي عنده فلوس يسافر
لحين صار السفر مع كل طاري إجازه
مهما كانت مدتها واللي عنده واللي ماعنده
بس عشان التصوير
الحريم مع بناتهم مسافرين
والأب في البيت مع الخدم
وما أكثرهم ....

[الماريّة]

شكرا يالمارية، مش لأن كل شي أغلب الناس قامت تسوية كموضه او تقليد يعتبر صحيح ويجب الاقتداء به مافي احلى من التجمعات الاسرية ف البيت مهما لعبت التكنولوجي لعبتها فذلك بسبب الفهم الخاطئ والاستخدام الخاطئ لها ف قامت تأثر في أمور مش المفروض تاثر فيها زي ترك الاجتماعات والاكتفاء بالتواصل في برامج السوشل ميديا باسم الحداثه والتطور لأن لها نتايجها السلبية بعد فتره. وفي النهاية البرامج هذي يجب استخدامها بطريقه مقننه بحيث ما تأثر ع حياة الناس الاجتماعية او ال face time بين افراد الاسره الواحده او حتى اي محيط اجتماعي اخر لأن مانبي مثل هالتقنيات بدل ماتكون مصدر بديل للاجتماع ومؤقت أن تخلق لنا مشكله اخرى تسمى التبلد او العزله عن المحيط الحقيقي.


العفو اختي طلعه الروح

ومثل ماتفضلتي هالتقنيات اثرت في كثير في الناس
وابعدتهم عن بعض بحكم ان اغلبهم يتكيسل يتواصل مع الاخر
ويكتفي بوسائل التواصل

والله يهديهم جميعا

وشكرا لمروكِ الكريم

/
\

[qatari 111]

الحمدلله فريجنا اطلعوا كلهم بيوتيين ماقد شفت هالحاله الا نادر .

[راجي الْعفو]

انها عبودية القرن الواحد والعشرين

اعنف واسوأ عبودية واجهها العرب ..... جهاز او برنامج بسيط ايمشي ناس وايخليهم ايكلمون نفسهم !

ههههههه طبعا امزح

ليش المزح يا بو سوشي


هذه حقيقة و واقع ..


الا صدقت ..


الله يعافينا و يهدي الجميع

[بوحارب]

كلامج صحيح

وللأسف الناس ماعاد تعرف تمسك الريال

بس صرف في صرف

غدا في المطعم الفلاني
والعشا في الفندق الفلاني
والريوق في الكوفي الراقي

والطباخين في البيت مكبرين المخدة
وطبعا اغلب اللي كذا بس عشان تصوير ويروونا انهم وااااو

وبالعكس هم داون لان اغلب المطاعم أكلها وصخ

وبالنسبة للسفرات اغلبها ديون وحق مفوشر وتصوير بعد وآخر الشهر
تلاقيهم يتسلفون للأسف وشفنا هالشي

بس للعلم للحين في عوايل قاعده في بيوتهم وتاكل داخل البيت ويجتمعون يوميا مع بعض والله لا يفرقهم

[عابر سبيل]

مع تقديري الشديد لانفعالك اخت/المارية
لكني ارجح ان "الصور" لا تعبر عن "كامل" الحقيقة و لا كل الواقع..

الصور لا تعطي الا جزء يسييييير جدا من الواقع..
و هي لعبة يتقنها البعض لاخفاء "حقائق"
باعطاء نقطه حقيقية ربما هي واحد من 100 نقطه/صوره


عليه..
الحل الاسلم هو في التخفيف
من هذه البرامج و المتابعات
و تحديد وقت و كم محدد جدا
لمتابعة وسائل التواصل الاجتماعي
متخذين المنهج النبوي الشريف منهجا
(...وليسعك بيتك....)الحديث
ولا تهتمين بالاخرين
فهم مهما بلغو فئة قليلة في المجتمع
و هنالك اضعافهم ببساطة لا يضعون حياتهم
في هذه الوسائل.. لذا لا نراهم و لا نعرف حالهم!

[الماريّة]

مع تقديري الشديد لانفعالك اخت/المارية
لكني ارجح ان "الصور" لا تعبر عن "كامل" الحقيقة و لا كل الواقع..

الصور لا تعطي الا جزء يسييييير جدا من الواقع..
و هي لعبة يتقنها البعض لاخفاء "حقائق"
باعطاء نقطه حقيقية ربما هي واحد من 100 نقطه/صوره


عليه..
الحل الاسلم هو في التخفيف
من هذه البرامج و المتابعات
و تحديد وقت و كم محدد جدا
لمتابعة وسائل التواصل الاجتماعي
متخذين المنهج النبوي الشريف منهجا
(...وليسعك بيتك....)الحديث
ولا تهتمين بالاخرين
فهم مهما بلغو فئة قليلة في المجتمع
و هنالك اضعافهم ببساطة لا يضعون حياتهم
في هذه الوسائل.. لذا لا نراهم و لا نعرف حالهم!

مرحبا اخوي عابر سبيل
اشكرك على مرورك وردك القيم بموضوعي
والسناب جات عباره تصوير فيديو فواضح
كل التصرفات من خلال التصوير وين المكان
وايش يسوون ومتى الوقت فالفيديو كانه تصوير مباشر
يثبت الحقائق

ومثل ماتفضلت والله مامنه فايده الا فقط التواصل
ومعرفه احوال الاهل ولكن متابعه حيات الناس
مامنها فايده ( وش على الناس من الناس )

وكثير حاولت احذفه لكن يردوني له بالغصب
ويحرجوني هلي وخواتي ليش ماتسوين وتضيفينا

فا فعلا والله ماله هدف زين والمفروض نبدل هالبرامج
باشياء افضل تفيدنا ونكسب منها اجر اكثر

لكن باذن الله ان اقرر ولا اتردد كثيرا في حذف هذه
البرامج الممله والمتتبعه لحيات الناس


واف شكر لك اخوي على ردك ونصحك لي

لك جزيل الشكر ,,

\
/
\

[معماري قطري]

كلام واقعي بيوتنا شبه مهجورة

[Charisma]

مرحبا اختي ،

حتى مع تواجدهم في البيت ، المجلس ، مناسبه ..إلخ ، وضعية "المغيّب" ، شاركت بردود كثيره عن خطر برامج التقاطع الأجتماعي في مواضيع مختلفه ، واثارها والله ماتحتاج لتحليل .






في المطاعم : يطلب الطبق حسب شكلة "المغري" لمشاركة الجماهير المتلهفه " في أعتقادهم" ، كليك كليك ويالله مشينا .


في السفر : وعند الوصول ، أقرب شركة أتصالات وباقة لاتقل عن 60 جيجا بايت ، "لمشاركة الجماهير المتلهفه" ، تفاصيل السفره من طأطأ لسامعليكو لتتم تغطيتها وبشكل حصري ، متقوقع في هالعالم الأفتراضي ، وبعيــــــد عن "اللحظه" ومتعتها.


في المجالس : صارت الزوايا " بالحجز " ، تعبير اخر "كراسي VIP" ، يتسابق عليها "المغيبين" ، حتى يمارسون طقوسهم الأنطوائيه بسلام .


في البيوت :نسلم المايك لكبار السن ، واسمعوا شكاويهم .


بين الزوجين : هدوووء ...






جزء بسيط "جدا" ، من خطر "المخدرات الرقميه" موجود في هالمقطع :




https://www.youtube.com/watch?v=crC2fpZSBQ0

[الحاقول]

قديما كان الاسواق والمطاعم للرجال واليوم الاسواق والمطاعم للنساء

[الماريّة]

وعليكم السلام و رحمة الله و بركاته

كررناها اكثر من مرة : التغريب و العلمانية دخلوا في مجتمعنا المتماسك
حتى صاروا يشوفون الشي الغلط عادي
الام برا البيت
البنت برا البيت
العيال تربية خدم
امور البيت و ادارته في أيد الخدم


هذه الحقيقة المُرّة اللي تزعّل الواقعين فيها و يسعون للدفاع عن اخطائهم بأي طريقة
بس ما ينفعهم لان الواقع كاشف عوارهم ..

هالامور يبي لها رجال امناء اصحاب دين و حكمة و معرفة بعواقب الامور
ًيعالجون المشاكل بالمناسب
اما ان يُوكَل الامر لرجال خائنين لمجتمعهم و يفرحون بانتشار الرذائل
ويشاركون اهلها فيها ، فهذه مصيبة


الواحد عليه بالنصح بالطريقة السليمة والدعاء
ولا يخاف انه ينصح او يستحي لان الناس بتنتقد او ما شابه
هو ع الحق و هم ع الغلط ليش الحيا ؟

هم اللي المفروض يستحون ع وجيهم المُلطّخة بـــ المفاسد
وكونهم يخالفون الفطرة السليمة



بس ما نبي نقول كله رياء ، ولكن نقول في تفاوت في الموضوع
الله يصلح حالنا اولا
و حال الجميع ..

وعليكم السلام ورحمه الله وبركاته اخوي راجي العفو

جزاك الله خير على الاطراء واذا كان عدم وجود ولي امر بالبيت
فتاكد انه من طبع اهل البيت التصرف بحريه تامه واللامبالاه

والمشكله يااخوي اغلب الرجال لاهين في امور دنياهم التي معتقدين
انها اهم من اسرهم

والنصيحه مش دايم بتنفع مع بعض اقل حاجه لنصحتهم تجنبوك
لان مثل ماتفضلت يعتقدون بان مايفعلونه هو الصواب

والله يعين الجميع يارب ويصلح بالهم

وشااااااااااكره لك مرورك الكريم

\
/
\

[الماريّة]

احذفي اللي عندج وضيفي اللي عندي وان شاء الله بتشوفين قبيلة فالبيت ومع الخدم لزوم الحياة

:)

ربي يحفظهم وعين العقل يازين الحريم وعيالهم الي في بيوتهم
لعبهم اكلهم سوالفهم تجمعهم والله ان البيت اكثر راحه من الطلعات الفاضيه
بكثره

[الماريّة]

انها عبودية القرن الواحد والعشرين

اعنف واسوأ عبودية واجهها العرب ..... جهاز او برنامج بسيط ايمشي ناس وايخليهم ايكلمون نفسهم !

ههههههه طبعا امزح


هههههه صادق اخوي بانغ بانغ

بعضهم تسمعه يسولف تحسبه يحاكيك
واثاريه يسولف مع جواله هههههه

صار الجوال اهم من سوالف الاهل

[الماريّة]

الحين سفر وتذاكر وخساير
كله عشان السناب شات
المشكلة حريم كبار صاروا ما يدركون الحقائق
في شور المراهقات والمراهقين
أول خبرنا السفر بالإجازات الطويلةا واللي عنده فلوس يسافر
لحين صار السفر مع كل طاري إجازه
مهما كانت مدتها واللي عنده واللي ماعنده
بس عشان التصوير
الحريم مع بناتهم مسافرين
والأب في البيت مع الخدم
وما أكثرهم ....

اي والله يالاصيله شفتي الي اشوفه
شي مب طبيعي الله يهدييييهن هالحريم
ومثل ماقلتي البلا صار في الحريم لكبار

ينافسون المراهقات بكل شي هههه
حلو التصوير بس لما يكون منظر طبيعي ظاهره كونيه
انا امووووت على هالاشياء على الظواهر الطبيعيه


الله يهدينا وياهم يارب

وشاااااااااااكره لج حبوبه المرور

[الماريّة]

الحمدلله فريجنا اطلعوا كلهم بيوتيين ماقد شفت هالحاله الا نادر .

يحليلهم ماشاء الله

اكيد انهم من نفس العايله او القبيله وتطبعوا بطبع بعض

الله يكثر من امثالهم

[ضوى]

خل الناس تستانس وتصور اذا مافي شي يضر احد والا يجرح احد ، البيوت مليانة بناسها واعرف ناس يحبون يطلعون ويصورون بس مب معناته انهم هاجرين بيتهم للخدم ، والناس هذي وثقت فينا وضافتنا يمكن عشان نفرح لها ويمكن عشان نستفيد من المطاعم اللي يحطونها والتجارب اللي مروا فيها فانا اشوف هالشي ايجابي مب سلبي

[المرحب]

مشكورة المارية على طرح الموضوع

فعلاً صار هذا شي عادي عند الأغلبية إلا من رحم ربنا

نعمة اللهم احفظها من الزوال

(لا اله الا انت سبحانك اني كنت من الظالمين )

[عين]

انتم من يدعمهم بمتابعتهم
ف بالمتابعة تشجيع
حتى الي في بيوتهم مشغولين في المنتديات ومتابعة خلق الله
وجودة والعدم واحد .

[راجي الْعفو]

قديما كان الاسواق والمطاعم للرجال واليوم الاسواق والمطاعم للنساء

شرح مُبسّط لمصطلح ( انسلاخ الفطرة )

[دايموند]

لاحظت اغلب الي حولي ما يطبخون العشا..ويطلبون من المطاعم... بس الغدا الي ينطبخ فالبيت
اما العشا الي يطلع للمطعم واللي يطلب توصيل منازل...