توزيع المطبخ

[Aozomblue]

منقول للفائده

[Aozomblue]

تتمةة

[معماري قطري]

مشكور إخوي اوزمبلو

لي تعليق بسيط .. هذي الأرقام المصمم يغير فيها بحدود معقولة أو نقدر نسوي أرقام خاصة بنا تناسب طول صاحبة البيت مثلاً

شفت مبالغة في ارتفاع نعلة الكبت السفلي للمطبخ .. 15 سم وايد والبعض يسونها 7 سم وتكون مناسبة لدخول طرف القدم تحتها وكشكل وتجي عليها حماية بلاستيك أو سيراميك ضد الماء وقت الغسيل .. 10 سم كذلك مناسبة

إرتفاع الكاونتر 90 سم معقول لكن الأهم يكون متناسب مع الفرن لو بنسوي الفرن منسجم مع الكاونتر .. بعض الأفران تجي 92 وبعضها أقل وتنحسب بالمليمتر ولازم نعرف شلون بنشبكها مع الكاونتر بقطعة خشب ورخام ( حافة التقاء الكاونتر بالفرن )

بالنسبة لمكان المغسلة شيء استوى مثل العرف تكون قرب النافذة حتى يستفيد اللي يغسل من النور الخارجي وكذلك يطالع برا ويسرح بفكره .. شيء ثاني مهم ننزلها شوي لغاية 80 سم - 85 سم بحيث تكون عريضة وبارزة من الكاونتر بحدود 5 سم لسهولة استعمالها وقربها من المستعمل .. فيه نماذج كثيرة ومعلق عليها في موضوع المطابخ عندي والموجود في هذي الصفحة

[Aozomblue]

هلا اخوي معماري
اتفق معاك بخصوص النعلة 7 سم اعتقد انها كافية و تكون سيراميك
ارتفاع الكاونتر يتحدد من ارتفاع الفرن و المصمم لازم انه يحط هل الشي في اعتباره

[معماري قطري]

هلا اخوي معماري
اتفق معاك بخصوص النعلة 7 سم اعتقد انها كافية و تكون سيراميك
ارتفاع الكاونتر يتحدد من ارتفاع الفرن و المصمم لازم انه يحط هل الشي في اعتباره

وقت البنيان غالبيتنا يستعجل ويتكيسل يركز في هذي الأُمور البسيطة والمهمة لذلك التصميم الأساسي مهم جداً

قصدي تصميم المطبخ واختيار قطعه وتخيله كيف ورسم واجهات جدرانه بدقة وأماكن الكهرباء والتكييف وكل شيء

[Aozomblue]

لازم انك تعطي نفسك وقت زيادة بخصوص توزيع سوكتات الكهرباء و التكييف اماكن المفروشات من اهم الخطوات
و اهمالها يعطيك نتائج سلبية خاصة انك تستعملها يومياً

[معماري قطري]

لازم انك تعطي نفسك وقت زيادة بخصوص توزيع سوكتات الكهرباء و التكييف اماكن المفروشات من اهم الخطوات
و اهمالها يعطيك نتائج سلبية خاصة انك تستعملها يومياً

الحمد لله انا سويت حركات حلوة في المطابخ كلها وتوفقت بس بعد خلال هال 12 سنة من صممت بيتي عندي أفكار وايد استوت وكلها استعرضتها خصوصاً في موضوع المطابخ

[سعود.]

ولا ننسى المثلث الذكي في المطبخ لسهولة الحركة .

حاولت احط الصورة بس تطلع صغيرة .

اي حد يقدر يكتب في قوقل ( المثلث الذكي في المطبخ ) ويشوف كيف التوزيع المثالي للمطبخ

[معماري قطري]

ببساطة المثلث يقول ما يكون فيه عائق بين الثلاجة والمغسلة والفرن .. وزيادة تكون المسافة على بعد خطوتين قصيرتين ما بين 120 و 100 سم لسهولة الحركة والخطوة القصيرة تكون 45 سم تقريباً لكن الواحد يكون واقف على بعد معين من الكاونتر ما يكون ملتصق فيه

[بوخالد911]

هلا
بالنسبة لبيتي
المطبخ 7*5
وفي استور تابع له بمساحة 5*3 حق الثلاجات والفريزر.
بين المطبخ والاستور مدخل بدون باب

[معماري قطري]

هلا
بالنسبة لبيتي
المطبخ 7*5
وفي استور تابع له بمساحة 5*3 حق الثلاجات والفريزر.
بين المطبخ والاستور مدخل بدون باب

اتوقع بيتك ما شاء الله سويته بدراسة جيدة وان شاء الله تتوفق فيه

الستور مهم ولو يقدر الواحد يسوي ستورين أفضل .. بس استغلال المساحة صح للعرض نحتاج 1.8 يكون مريح لو بنستعمل أرفف بعرض 60 سم وممر بينهم بنفس العرض .. وممكن نستخدم أرفف حتى 40 سم تكون أقوى ومناسبة لغالبية الأغراض

تبليط الحوائط ببلاط عادي أبيض حتى من أرخص الأنواع مهم للنظافة والأرفف يكونون ألمنيوم مثبتين ببراغي وحوافهم عليها سيليكون .. انا مسوي هشكل في بيتي ودخلت من فترة شفت المخزن مثل الجديد والحمد لله

[بوخالد911]

اتوقع بيتك ما شاء الله سويته بدراسة جيدة وان شاء الله تتوفق فيه

الستور مهم ولو يقدر الواحد يسوي ستورين أفضل .. بس استغلال المساحة صح للعرض نحتاج 1.8 يكون مريح لو بنستعمل أرفف بعرض 60 سم وممر بينهم بنفس العرض .. وممكن نستخدم أرفف حتى 40 سم تكون أقوى ومناسبة لغالبية الأغراض

تبليط الحوائط ببلاط عادي أبيض حتى من أرخص الأنواع مهم للنظافة والأرفف يكونون ألمنيوم مثبتين ببراغي وحوافهم عليها سيليكون .. انا مسوي هشكل في بيتي ودخلت من فترة شفت المخزن مثل الجديد والحمد لله


هلا بك

شهادة أعتز فيها

طبعا بالاضافة الى الاستور اللي تابع للمطبخ

عندي استور ثاني بنهاية الملحق بمساحة 5 * 5

وزين انك نبهتني لفكرة تبليط الحوايط
لأني لحد الان بس صابغهم

اشكرك للمقترح
ولا تحرمنا من آرائك النيرة

[معماري قطري]

هلا بك

شهادة أعتز فيها

طبعا بالاضافة الى الاستور اللي تابع للمطبخ

عندي استور ثاني بنهاية الملحق بمساحة 5 * 5

وزين انك نبهتني لفكرة تبليط الحوايط
لأني لحد الان بس صابغهم

اشكرك للمقترح
ولا تحرمنا من آرائك النيرة

توكل على الله وبلط بترتاح .. حتى لو بالزايد عندك من البلاط وكم نوع المهم حماية السطح ونظافته

[بوخالد911]

توكل على الله وبلط بترتاح .. حتى لو بالزايد عندك من البلاط وكم نوع المهم حماية السطح ونظافته

ان شاء الله سيتم ذلك.
طابت ليلتك.