جدول ل اسبوع في اوربا

[al-marri]

السلام عليكم ورحمة الله وبركاته

بغيت من خبراء المنتدى وهذا القسم بالذات يفيدوني بجدول حلو لمدة أسبوع .

المانيا - النمسا - سويسرا .


مارحت للدول هذي من قبل .

السفره لشخصين .

وياليت تخبوني عن احسن مكان لتأجير السياره .

والاستفسار الآخر الفيزا ماخذينها من السفاره الفرنسية لمدة 4 سنوات ولاكن مارحت لتغيير في جدول الاجازات .

هل هناك مشكله اذا رحت لامانيا والفيزا صادرة من السفار الفرنسية ؟؟

والسلام عليكم ورحمة الله وبركاته

[غير البشر]

وعليكم السلام ورحمه الله وبركاته

ياهلا ومرحبا اخوي

اول شي بغيت اقولك ان المدهه قليله جدا لزياره ها الاماكن
اسبوع ماتكفي راح يكون الجدول متعب لكم ولا راح ترتاحون
يعني يبغيلك بكل منطقه يومين فقط وخبرك راح يضيع وقتكم وجهدكم في نقل الاغراض

اي رايك دامها اسبوع
يا تروح الريف السويسري او الريف النمساوي !!

بالنسبه لموضوع فيزتك
اذا مطلعها جديده وماسافرت عليها للحين
اكيد راح تكون مشكله بكل دوله تروحها غير فرنسا
الحل هو
نرتب لك حجوزات وهميه لفرنسا
بحيث تكون اكثر دوله راح تقيم فيها فرنسا
جذي ماعندك اي مشكله تدخلها غير فرنسا ان شاء الله

[al-marri]

ياهلا بك يالغالي وشاكر لك سرعة الرد ،،،


شيك الخاص لوسمحت

[غير البشر]

العفوو اخوي

تم الرد

[CH Engineer]

غير البشر اذا سويت حجوزات وهميه ونزلت في سويسرا يقبلون هالشي؟
ولا بعد لازم تنزل في فرنسا ؟

من يسالك عن الحجوزات ؟

[رآعي موآجيب]

مثل ماقال راعي الفزعات غير البشر

المده جدا قليله لـ 3 دول حتى لو انها قريبه من بعض

الاحظ على الاغلبيه يكثرون الدول اللي بيزورونها في رحلتهم !! طبعا هذا مايخليك تستمتع ، لأن رحلتك السياحيه تتحول لـ رحله سواقه بالسياره من بلاد الى بلاد ، بس تجرب الفنادق وهذا استنزاف للوقت والجهد والمال

لا تركزون على ( رحنا 3 / 4 / 5 / دول اوروبيه ) هذا كلام فاضي ولا منه فايده

ركز انك تسافر وتستمتع في سفرتك وتكون مرتاح نفسيا وجسديا ، مهوب مشتط وكل يومين في بلاد !!

انا مسافر استمتع والا حد يطاردني ؟ :omen2:

المهم ارشح لك الريف النمساوي اذا كنت تحب الهدوء والبعد عن الازعاج ، واذا كنت تبغي مدن كبيره ومجمعات واسواق ، ارشح لك زيورخ وتقدر تزرق لـ انترلاكن الصبح وترجع المساء

شوف اللي يناسبك وبعطيك كل التفاصيل والمواقع والاحداثيات اذا انت اللي بتسوق

[قطريه ماركه]

المانيا ميونخ
النمسا انسبروك
سويسرا بحيرة لوقانو
بس جذي بتمر على ايطاليا (فيرونا )

[حـ ن ـيـ ن]

السلام عليكم ورحمة الله وبركاته

بغيت من خبراء المنتدى وهذا القسم بالذات يفيدوني بجدول حلو لمدة أسبوع .

المانيا - النمسا - سويسرا .


مارحت للدول هذي من قبل .

السفره لشخصين .

وياليت تخبوني عن احسن مكان لتأجير السياره .

والاستفسار الآخر الفيزا ماخذينها من السفاره الفرنسية لمدة 4 سنوات ولاكن مارحت لتغيير في جدول الاجازات .

هل هناك مشكله اذا رحت لامانيا والفيزا صادرة من السفار الفرنسية ؟؟

والسلام عليكم ورحمة الله وبركاته


وعليكم السلام ورحمه الله وبركاته

ياهلا ومرحبا اخوي

اول شي بغيت اقولك ان المدهه قليله جدا لزياره ها الاماكن
اسبوع ماتكفي راح يكون الجدول متعب لكم ولا راح ترتاحون
يعني يبغيلك بكل منطقه يومين فقط وخبرك راح يضيع وقتكم وجهدكم في نقل الاغراض

اي رايك دامها اسبوع
يا تروح الريف السويسري او الريف النمساوي !!

بالنسبه لموضوع فيزتك
اذا مطلعها جديده وماسافرت عليها للحين
اكيد راح تكون مشكله بكل دوله تروحها غير فرنسا
الحل هو
نرتب لك حجوزات وهميه لفرنسا
بحيث تكون اكثر دوله راح تقيم فيها فرنسا
جذي ماعندك اي مشكله تدخلها غير فرنسا ان شاء الله


خبير السياحة غير البشر :nice:

الله يعطيه العافية

جداوله مميزة

[al-marri]

تسلم أخوي غير البشر وراعي مواجيب ،،

قررت اخلي السفره 11 يوم ، وابي جداولكم لاني ابي احجز هاليومين .

مبدئياً افكر انزل ميونخ والرجعه من جنيف . راح اخذ سيارة . ابي ميونخ والمناطق اللي حولها والنمسا والاخير انترلاكن وجنيف ،
مايمنع اذا عندكم اقتراح افضل ومناطق ماذكرتها .

يعطيكم العافيه جميع .