واتس اب عمل للموظفين والموظفات ! لماذا !

[بانغ بانغ]

تقرير في جريدة العرب يتطرق لاجبار موظفات للدخول في جروبات عمل في الواتس اب

صراحة انتهاك للخصوصية واجبار على فتنة مافي داعي منها

هل الواتس الخاص بالشغل ذريعة لعلاقات مافي داعي منها

طبعا ما اذكروا اي جهة بس صحيح احيانا اتجيك دعوات اجبارية من ناس تعرفهم من بعيد

وهل الواتس اب يعتبر وسيلة تواصل رسمية ؟

تحياتي !

[Qt.1]

بالضبط اسرع واسهل طريقه لضعاف النفوس للوصول لتكوين العلاقات مع الموظفات واستغلال التواصل !!

[بانغ بانغ]

حامد سليمان
الثلاثاء، 19 أبريل 2016 02:11 ص
اشتكى عدد من الموظفات من إضافتهن على مجموعات العمل عبر تطبيق "الواتس آب"، وأشرن إلى أن هذه المجموعات لا تمثل إضافة بالنسبة للعمل، وأنه يمكن التعامل بصورة رسمية عن طريق رسائل البريد الإلكتروني، فهي لها الأفضلية عن التطبيقات المختلفة، وهي أفضل بكثير من هذه التطبيقات التي يجبرن على الانضمام لها مع مسؤوليهم من الرجال، وغيرهم من الموظفين.
وشددن في شكواهن لـ العرب على أن مجموعات "واتس آب" تتحول إلى نقاشات لا فائدة منها، ومنها ما يخرج عن حدود اللياقة واحترام وجود سيدات على هذه المجموعات، الأمر الذي يؤثر سلباً على سير العمل، وهي أمور يجب أن توضع في حسبان المسؤولين قبل إنشاء هذه المجموعات.
ولفتن إلى أن إنشاء سبل تواصل إضافية غير المنصوص عليها من قِبل أي مؤسسة، لا بد أن يكون بقرار إداري من مسؤوليها، على أن يوضح أسباب الإنشاء، حتى لا تتحول إلى وسيلة ضد سير العمل، وحتى يكون الخروج عن حدود العمل في المحادثات سبباً لتقديم شكاوى رسمية للمؤسسة.
ونوهت الموظفات بأن الحرص على سير العمل بأفضل صورة هو غاية كل موظف وموظفة، ولكن لا بد من آليات تحكم وسائل تواصل موظفي كل إدارة، الأمر الذي يصب في صالح العمل وليس ضده، لتتحول هذه الوسائل لإضافة، لا لطريقة مضايقة جديدة لبعض الموظفات، ولفتن إلى أنه من الضروري أن يبقى الانضمام لهذه المجموعات غير إجباري على الموظفين، فهي غير رسمية.

[بانغ بانغ]

بالضبط اسرع واسهل طريقه لضعاف النفوس للوصول لتكوين العلاقات مع الموظفات واستغلال التواصل !!

لا وخاصة يوم ايكون اول الطُعم عبارة عن ارسال ادعية

استغفر الله

[شيخ الديرة]

حامد سليمان
الثلاثاء، 19 أبريل 2016 02:11 ص
.
.
.
وأنه يمكن التعامل بصورة رسمية عن طريق رسائل البريد الإلكتروني
.
.
.


صار البريد الألكتروني برئ من تكوين علاقات؟

كان متهم قبل 10 سنوات

[بانغ بانغ]

صار البريد الألكتروني برئ من تكوين علاقات؟

كان متهم قبل 10 سنوات

بس الايميل الرسمي مال الشغل ... لو في اي تجاوز ... الاي تي يقدرون ايراقبونه

[مفكر قطري]

أبوي شايب و حول من النوكيا للأيفون على أساس ان اللي معاه في الدوام سووا قروب واتساب..
انا استغربت من هالشي..
طبعا هالشي مب رسمي لكن ما احس انه غلط او عيب .. و ما اتوقع انه بيكون رغم عن أنف الموظف،.
و انا ما اثق في هالنوع من التقارير.. و لا اثق في مصدرها ! لو الموظفة ما تبي مب شرط انها تدخل .. و اتوقع في ايميلات رسمية و مالهم حق اجبار الموظفات.. و أكرر اني لا اثق من هذا النوع من التقارير ..

مشكور اخوي بانغ بانغ ع النقل :)

[Charisma]

اذا قروبات العمل فيها شباب وبنات مكس ، اعرف ان الوضع "بلاليط" ، سوالف تطييح ميانة وشوي سوالف وشوي مقاطع "عبط" ، وشوي الوو .

وحتى لو كانت القروبات بنات فقط ، اشخل المحادثات وبتطلع من بين الف سطر ، سطرين يخصون العمل .


التواصل الرسمي يكون باستخدام الأيميل .

[توشيبا]

ضايفيني في قروب العمل مسويه المدير العام

اذكر ان مافيه موظفات بس موظفين هذا اخر دخولي فيه من شهرين

[غريب الدّار]

مرحبا بانغ

اللي اعرفه ان القروبات هاذي في النهاية غير اجبارية
ومن غير المسموح او المقبول ان يتم فرضها على الموظف او الموظفة

الا اذا كان الموظفة او الموظفة يحملون موبايل خاص بالعمل ( يعني الشغل مطلع لهم الكرت) وقتها الشغل يقدر يجبرهم

غير جذيه الامر يجب ان يكون اختياري لكل الأطراف


تحياتي

[Charisma]

صار البريد الألكتروني برئ من تكوين علاقات؟

كان متهم قبل 10 سنوات

أيميل رسمي يخص العمل ( مراقب ) ، مب أيميل شخصي .

[المرحب]

استغفر الله
استغفر الله
استغفر الله

[العنيده]

صعبه تكون اجباريه ..
يعني انا في قروب لظروف شغلي بس ولله الحمد نستخدمه عشان تفاصيل الشغل اللي خارج ساعات الدوام
طبعا لنوعيه شغلي ولله الحمد مافيه اي ازعاج .. غير اني يوم اكون باجازه اخليه على الصامت القروب

بس يجبرونا لا خير ان شاء الله :omen2:

[مفكر قطري]

طبعا الجرايد هذي حالتها .. كل صحفي قال لقيت عندي سبق صحفي و خل أخوف الناس من الواتساب علشان اشتهر و أخذ علاوة حلوة و اسوي ضجة.... لو هذا الصحفي نزيه كان ذكر جهة العمل و كان من الممكن ان يبحث و يتعب نفسه شوي و يكمل التقرير و يحط رأي مدير حتى لو كان من جهة عمل مختلفة..

[بانغ بانغ]

بس في موظفات بسيطات ينجبرون يقبلون عشان خدعة " سير العمل "

احنا ماتقول كل مدير ايسوي جروب يعني شرير ... لا بس صراحة مب عدلة ابدا ... يعني حسسني بدون هالجروب ... بتقوم حرب عالمية !!! وبتنهار الاسواق العالمية ....

[الماريّة]

لا يتذمرون ولا شي هالموظفات

لو ضافوها تطلع وتسوي بلوك لقروبهم

مب ضروري :)

[بريق الحق]

ها ماضيفوني فالقروب (:
في قروب للدوام وانا المدير فيه والحمدلله مافي بنات ولا شي
الي عنده مشاكل فالقروبات يضيفني وان شاء الله نسوي خطة 123

[ضوى]

انا موجودة في ثلاث قروبات شغل

قروب زميلاتي اللي معاي بالدوام بنفس المكان
وقروب لزميلاتي اللي بمكان ثاني
وقروب لمديرتي وزملاء العمل

ومحد مزعجني ولله الحمد والمسجات كلها بخصوص العمل فقط الا زميلاتي بينا كلام وسوالف ودردشات ومناقشات في العمل وخارج العمل

[سالم الزهران]

ليس لدي واتسب ولله الحمد و لو طلبوا العمل بنشتري لهم جهاز ونخليه بالدرج فترة الدوام و بعد يغلق . والسرع ضبط التخاطب مع الطرف الآخر بالضرورة القصوى و العمل ليس ضرورة قصوى ، يالله لك الحمد

[Dana’1]

الي فهمته انك تقصد قروبات عمل فيها موظفين من الجنسين
مو قروبات مخصصه للنساء وثانيه للرجال

بصراحه الأفضل والمفروض إن الوحده من ينتهي دوامها تقطع اي علاقة عمل بموظف من الرجال يعني ماله حق يكلمها او يراسلها حتى وإن كان بخصوص العمل

إلا في حالات نادره ببعض الوظايف الي تتطلب هالشي وهي تكون على علم بالبدايه وموافقه ولأشياء فعلا ضروريه ويكون اتصال مباشر بعد والسلام ختام

[عين]

وصلنا لهذة الحالة !!

[Charisma]

وصلنا لهذة الحالة !!

منور المنتدى .

أي حالة ؟ عبر عبر ، انت في منبر حر .

[Qt.1]

أبوي شايب و حول من النوكيا للأيفون على أساس ان اللي معاه في الدوام سووا قروب واتساب..
انا استغربت من هالشي..
طبعا هالشي مب رسمي لكن ما احس انه غلط او عيب .. و ما اتوقع انه بيكون رغم عن أنف الموظف،.
و انا ما اثق في هالنوع من التقارير.. و لا اثق في مصدرها ! لو الموظفة ما تبي مب شرط انها تدخل .. و اتوقع في ايميلات رسمية و مالهم حق اجبار الموظفات.. و أكرر اني لا اثق من هذا النوع من التقارير ..

مشكور اخوي بانغ بانغ ع النقل :)

مهب محتاجين تقارير احنى هل قطر ونعرف بعضنا عدل ونعرف تفكير بعض الشباب , للاسف فكرة ان البنت تكون زميلة عمل فقط لاغير هذي صعبه اتحقق عندنا الاا من رحم ربي , لانها ثقافه جديده على مجتمعنا ,,

[عين]

منور المنتدى .

أي حالة ؟ عبر عبر ، انت في منبر حر .

قروب يجمع رجال ونساء !
بحجه العمل !
من يضمن ان لاتخرج المحادثات عن القروب بين ذكر وانثى وتصبح محادثاتهم خاصة بعد ان تتوفر الارقام

[Charisma]

قروب يجمع رجال ونساء !
بحجه العمل !
من يضمن ان لاتخرج المحادثات عن القروب بين ذكر وانثى وتصبح محادثاتهم خاصة بعد ان تتوفر الارقام


https://confluence.atlassian.com/s/en_GB/5997/6f42626d00e36f53fe51440403446ca61552e2a2.27/_/images/icons/emoticons/thumbs_up.png

[بوحارب]

مهب محتاجين تقارير احنى هل قطر ونعرف بعضنا عدل ونعرف تفكير بعض الشباب , للاسف فكرة ان البنت تكون زميلة عمل فقط لاغير هذي صعبه اتحقق عندنا الاا من رحم ربي , لانها ثقافه جديده على مجتمعنا ,,

صدقت يابوعبدالله

اليوم زميلة عمل وبكرة زميلة مادري شنو! :)

[معماري قطري]

وأست أب

[بانغ بانغ]

ها ماضيفوني فالقروب (:
في قروب للدوام وانا المدير فيه والحمدلله مافي بنات ولا شي
الي عنده مشاكل فالقروبات يضيفني وان شاء الله نسوي خطة 123

مدير يا مدير

[بانغ بانغ]

مرحبا بانغ

اللي اعرفه ان القروبات هاذي في النهاية غير اجبارية
ومن غير المسموح او المقبول ان يتم فرضها على الموظف او الموظفة

الا اذا كان الموظفة او الموظفة يحملون موبايل خاص بالعمل ( يعني الشغل مطلع لهم الكرت) وقتها الشغل يقدر يجبرهم

غير جذيه الامر يجب ان يكون اختياري لكل الأطراف


تحياتي

هلا بشيخنا غريب ... صحيح لو الشغل عطاهم جوالات حتى لين بعد نهاية الدوام ... ممكن الاتصالات والايميلات الرسمية لان بعض انواع الشغل ما يخلص وفيه متابعات

بس القصد ان البنات او من في الغروب ما يلتزم بالرد عالواتسابات والغروبات اللي ايسونها مدراء العمل لان هالوسيلة تعتبر مش رسمية وتفتح ابواب

حبيب

[سعود.]

اذا القروب مافية ( أختلاط ) ممكن يكون ايجابي

[بانغ بانغ]

اذا القروب مافية ( أختلاط ) ممكن يكون ايجابي

هو الشيخ الموضوع اللي انطرح في التحقيق في العرب عن الاختلاط بين زملاء العمل

[GENIUS]

عندنا قروب لشباب العمل فقط شباب.
طبعا الواتس آب ليس لمتابعة العمل بقدر ما هو للتواصل خارج أمور العمل للمناسبات والمواجيب.

لكن لدينا قروب آخر للعمل خاص لحالات الطوارئ وأعضائه موظفين مسؤلين عن الوضع في حالات الطوارئ التي يصعب معها إستخدام وسائل الإتصال المعتادة في العمل .

[بانغ بانغ]

عندنا قروب لشباب العمل فقط شباب.
طبعا الواتس آب ليس لمتابعة العمل بقدر ما هو للتواصل خارج أمور العمل للمناسبات والمواجيب.

لكن لدينا قروب آخر للعمل خاص لحالات الطوارئ وأعضائه موظفين مسؤلين عن الوضع في حالات الطوارئ التي يصعب معها إستخدام وسائل الإتصال المعتادة في العمل .

بالضبط يا خبير

[بوخالد911]

مب غصب السالفة.
ومن حق الموظفة الرفض.

[راجي الْعفو]

الحين انت ليش زعلان

اخوان و اخوات في الله اجتمعوا بمحبة و مودة

^_^

[بوخالد911]

الحين انت ليش زعلان

اخوان و اخوات في الله اجتمعوا بمحبة و مودة

^_^


ايواااااااا
كلمة حق يراد بها باطل !!!!

[راجي الْعفو]

ايواااااااا
كلمة حق يراد بها باطل !!!!

انت يا بوخالد استنكرت لانك كفو و شهم الله يثبتك ..

صحيح ..

هذا رداء اهل الفساد

اذا خيرا يبررون لشي سمّوه باسم مقبول في المجتمع عشان يمررون فكرتهم في وسطه

[محمد11]

موضوع القروبات انا اشوفها منها فايده وايد للتواصل وهذا الشي ماعتقد اجباري للكل حق الي بيدخل للعلم ..
واما بخصوص ان البنات داشين في قروبات الدوام وفيها رجال ... وامور الاختلاط ..
الايميل موجود ... المسجات موجوده .. مكان العمل موجود ...

الموضوع بما في ان قروب العمل للعمل فقط وفي حالة خروج الموضوع عن العمل داخل القروب اضن الموضوع يرجع للبنت اذا بدخل معاهم بالسوالف .. واعتقد محد راح يدخل في الغلط جدام 20 موظف في القروب ..

الموضوع اشوفه عادي وبالعكس التواصل والتطلبات اسهل ..