وداعا لأرامكس،، البريد العام يطرح نفس خدمة شوب ان شيب. الحقو

[fantasy]

السلام عليكم شباب
البريد افتحو خدمة اسمها كونيكت
عجيبه و رخيصه مقارنة بارامكس
اشوفها متأخرة بس الحقو سجلو فيها لانه مجاني لي بداية شهر خمس و بعدين بيصير التسجيل ب 99 ريال
فيه خصم لاول طلبية
خدمة ممتازة ناطرينها من سنين بدل احتكار ارامكس
كلمتهم قالوا تقريبا اسبوع يوصل الغرض
الحقوا و سجلووا فيه اخواني اخيرا طلع شي حلو من البريد

[بانغ بانغ]

مرحبا دكتور

كيف الخدمة يعني اتجيب اي شي من برع

[المرحب]

الخبر صحيح 100%

[fantasy]

هلا الشيخ
اي نعم تطلب اونلاين
والله اسعار ممتازه و حسابهم بالمية غرام يحسبونها و بريطانيا و اوروبا نص السعر تقريبا اذا اللي وصلني صح مقارنة بامريكا
لكن تبقا اسعار ممتازة
خل نشوف ارامكس اش بيسوون الحين

[مفكر قطري]

كيوبوست دشنوا خدمة تشبه خدمة ارامكس "شوب اند شب"

الدول اللي تغطيها الخدمة حالياً أمريكا وبريطانيا (أوروبا). وفي دول جاية في الطريق ان شاء الله.

التسجيل حالياً مجاني وسهل جداً. ادخل الرابط وسجل https://www.connected.qa

اسعارهم أرخص من أرامكس. أسعار الشحن :

http://www.connected.qa/en/our-services/shipping-rates

كما وصلنيي بعد التأكد و التوثيق

[fantasy]

شكرا على الروابط والله متعييز ادور عليها سهلت علينا الله يسهل عليك
الله يهداهم حاطين علم بريطانيا و تحس كأن الشحن من بريطانيا بس، لي اتصلت قالوا اوروبا هو المقصود
مفروض سوو دعاية قوية له بس على الله مخلينها

[مفكر قطري]

طبعا الخدمة مثل أرامكس بالظبط و وراح أتحصل على عنوان بريدي في الخارج ببلاش و بيوصلك الغرض على عنوانك في الخارج و بيطرشونه لك لين الدوحة. بالظبط مثل فكرة أرامكس و الحمدالله بدينا نشوف أشياء حلوة تصير

[fantasy]

اي والله صادق, ناوي اشتري بجلي قوية اضائته و مستخسر عن طريق ارامكس بسبب الرسوم
الحين باطلبه عن طريق هذول باذن الله

[شيخ الديرة]

!النسخة العربية للموقع سوف تكون متوفرة قريبا...انتظرونا وابقوا كونيكتيد

[شيخ الديرة]

سجلت حساب لكن انتظر 3 أشهر يتعلمون شغلهم وأسمع رأي الناس بالخدمة

[ضوى]

انا طالبة من حروة العشر ايام وللحين ماوصلني الغرض واصلا للحين ماطلع من امريكا ، تواصلت معاهم وللحين محد رد علي

[مفكر قطري]

انا طالبة من حروة العشر ايام وللحين ماوصلني الغرض واصلا للحين ماطلع من امريكا ، تواصلت معاهم وللحين محد رد علي

للتوضيح فقط ، طلبتي عن طريق connected ؟

سؤالي فقط فضولي لأَنِّي ما جربت الخدمة ؟ فشي حلو ان ناخذ feedback من ناس مجربين ؟

[ضوى]

للتوضيح فقط ، طلبتي عن طريق connected ؟

سؤالي فقط فضولي لأَنِّي ما جربت الخدمة ؟ فشي حلو ان ناخذ feedback من ناس مجربين ؟


ايه عن طريقهم واصلا حاطين بعض الشركات والتجار اللي ممكن تشتري منهم ومنهم امازون وطلبت من امازون وحطيت عنواني اللي بامريكا اللي خدمة كونيكتيد عطووني اياه ، وفعلا الغرض وصل لعنواني هناك من يوم السبت اللي طاف والمفروض انه خدمة كونيكتيد ياخذون مني فلوس عشان يطلع الغرض من امريكا وللحين محد اتصل لي وقدمت شكوى امس ومابعد احد رد علي

[مفكر قطري]

ايه عن طريقهم واصلا حاطين بعض الشركات والتجار اللي ممكن تشتري منهم ومنهم امازون وطلبت من امازون وحطيت عنواني اللي بامريكا اللي خدمة كونيكتيد عطووني اياه ، وفعلا الغرض وصل لعنواني هناك من يوم السبت اللي طاف والمفروض انه خدمة كونيكتيد ياخذون مني فلوس عشان يطلع الغرض من امريكا وللحين محد اتصل لي وقدمت شكوى امس ومابعد احد رد علي

مشكورة اختي على الإفادة .. ما اعرف كيف أفسر هذا النوع من التقصير لكن بالتأكيد من يُلام على هذا التقصير هي الإدارة لأن بالتأكيد ان سوء الإدارة هي سبب التأخير.. لو انتي في دولة أوروبية كان بيكون في تأمين و تعويض على الطرود اللي ما توصل او تتأخر عن الموعد .. اتمنى لو يتعلمون شغلهم بسرعة

[7llo]

ايه عن طريقهم واصلا حاطين بعض الشركات والتجار اللي ممكن تشتري منهم ومنهم امازون وطلبت من امازون وحطيت عنواني اللي بامريكا اللي خدمة كونيكتيد عطووني اياه ، وفعلا الغرض وصل لعنواني هناك من يوم السبت اللي طاف والمفروض انه خدمة كونيكتيد ياخذون مني فلوس عشان يطلع الغرض من امريكا وللحين محد اتصل لي وقدمت شكوى امس ومابعد احد رد علي


كنت باطلب 3 ساعات من امازون بس لما شفت وش كاتبه قلت بانطر , شكلي بانطر شهرين لين ماشوف العالم اغراضهم توصل ولا لا, اتمنى يكون فيه تنظيم وماتضيغ الاغراض الي توصل

[fantasy]

اوف معقوله كل هالفترة، اتصلت من شوي وقالي من يستلمون المبلغ كونكت عقبها راح يبعثون الغرض،، هل اقدر ادفع بالبي بال ولا كيف طريقة الدفع؟

[ضوى]

طريقه الدفع للشحن من امريكا لبريد قطر ماعرفها للحين محد كلمني عشان اعرف ، بالنسبة للامازون دفعت بالفيزا وفي عندهم دفع بالبي بال

[ضوى]

لحد يتسرع صبروا لين يبين معاي اللي بيصير وساعتها قرروا

[fantasy]

الله يعينج يارب و ناطرين انشالله مانبي نتسرع

[السكين]

تم التسجيل ، واعتقد الخطوة مبكّرة جداً مقارنة بضعف جودة الخدمة بالبريد ، أمس منقّع ساعة كاملة حتى يجيبولي طردي ، وتعبت وأنا اشكي ما خليت مكان ما شكيت من خدمتهم وضياع أغراض العالم ولكن لا حياة لمن تنادي.

أتمنى يكون هالشي دافع لهم لخدمة أفضل .. وشكراً على الموضوع.

[رآعي موآجيب]

يعني يوم نويت اقطع الخيط اللي بيني وبينهم عقب رفع الرسوم على خدمات متواضعه قاموا يفكرون وينافسون !!

في انتظار اختنا ضوي

لأني متضايق منهم الصراحه

[رآعي موآجيب]

هالخدمه مالها علاقه بالبريد الشخصي

توني سجلت الحين ولم يتم طلبه

يعني اعتقد انها خدمه منفصله عن البريد الخاص

اعتبرها اول ميزه :)

[ضوى]

اي ياخوي راعي مواجيب كلش ماله خص ببريدك الخاص هذي شي ثاني تماما تسبه خدمة شوب اند شيب

[توشيبا]

خلهم بالاول يطورون الموظفين ويحافظون على وصول البريد سالم ولا فيه تكسر ولا عيوب بعدين يطورون

[بـن عدوان]

انا سجلت قبل كم يوم وطلبت من امازون البريطاني وتم التسليم امس بس الموقع ماتسجل شي فيه

[رآعي موآجيب]

اي ياخوي راعي مواجيب كلش ماله خص ببريدك الخاص هذي شي ثاني تماما تسبه خدمة شوب اند شيب

صدقتي اختي
وننتظر تجربتش معهم وان شاء الله تكون ناجحه وفعاله ويفكونا من اسر واحتكار ارامكس و فيديكس

[نايم سهران]

من صجكم انتو ، مع صناديقهم الخايسه مليانه تراب وغبار

[poor]

وليش ماينزلون تطبيق للخدمة افضل من الموقع

[نايم سهران]

وليش ماينزلون تطبيق للخدمة افضل من الموقع


بينزلونه يا خوي لا تحاتي في سنة 2030

[fantasy]

ههههههه نايم سهران نظرتك ثاقبة جدا,, انشالله 2040 يوصل بس مايضيع لان مانقدر نطالبهم واتوقع 95 بالمية من المشاركين اهني لهم تجربة ضياع طرد ويا بريدنا الفاشل لكن الله المستعان

[بوحارب]

امس سجلت فيه

ولو اني مب مقتنع بالمشتريات عن طريق النت .. نظام شيبان هههههه

[وحيد-الشوق]

انا سجلت ونشوف بجرب شيء رخيص اطلبه خلال الايام الجاية مع انه البريد مايحمسون ولايشجعون نطلب شيء منهم خدمة سيئة جداً

[المبرمج صلاح]

من اللي قال ارخص تقريبا نفس سعر ارامكس
فيه 50 ريال بتدفعها على كل طلب غير وزن الشحنة
( اعتبرها ضريبه اعتبرها رسوم المهم مالها دخل بالشحنه بتدفعها مثل الفاتورة )
يعني الحسبة 50 ريال + كل 100 جرام بسعر 4.6 ريال
ولكن اللي يهمنا هنا هو التنافس الشريف ومنع الاحتكار
ولو عاوزين ينافسو صح يقدمون خدمة جمع الشحنات في بكج واحد وسرعة الشحن

عيب ارامكس الوحيد من نظري عدم جمع الشحنات والرسوم نوعا ما مرتفعه

[fantasy]

اخوي المبرمج مبلغ الخمسين علا قولتهم مرة وحده بالعمر لاول غرض تشتريه بعدين خلاص ماله وجود
الشي الثاني ان في خصم ثلاثين بالميه علا الخمسين ريال خلال هالفتره
لاتفهموني غلط وتقولون قاعد اروج لهم ههههه والله اني كارههم من تعاملهم وتضييع امانات الناس لكن منقهر من ارامكس اكثر و عدو عدوك هو صديقك

[بـن عدوان]

راسلت امازون ومبين انه تم التسليم وفي كونيكتد ماوصل شي الى الان !

واكلمهم علا تويتر ويجابوني بشي ثاني !

[شيخ الديرة]

يبدو لي انهم لا يشحنون ما يستلموه بطريقة تلقائية، وانما انت تقرر، لان يقول اجمعهم وقرر ان تشحن اكثر من طرد حتى تكون ارخص

[شيخ الديرة]

كلام الاخ صلاح صحيح بالنسبة للكلفة

لو يريد ينافسون يكتبون جدول للمقارنة

[ya3coub]

مسجات الواتس اب فيها بهارات

دخلو و حسبو بنفسكم و اقرو القوانين

و اختي ضوى يبيلج من يستلمونه لين يوصلج البيت ما يقارب الأسبوعين شوفي مكتوب بموقعهم 10 ايام لين يوصل الدوحة و عقبها 5 ايام لين توصلج البيت.


و عن التجربة بطلب شي كبير جدا جدا و ثقيل فابي استفيد من هال30% ادور موقع يجمعلي الأغراض الي ابيها و يطرشها دفعه وحدة, بشحنة وحدة.


و ارامكس ارخص للأشياء الصغيرة و بعدها كونكتد ارخص بشكل بسيط, بسوي جدول مقارنة و بحطه لأن الي سويته قبل كان على ورقة و بيدي عالسريع

[الحاقول]

ارخص بشكل بسيط جدا وليس بشكل كبير يعني كم ريال

[بوخالد911]

تم التسجيل.
وللحين ما طلبت.
مش مستعجل.

[النهار]

تم التسجيل

[h9466]

جربتوا my us ،جاني عرض منهم بس للحين ماجربته

[المبرمج صلاح]

اخوي المبرمج مبلغ الخمسين علا قولتهم مرة وحده بالعمر لاول غرض تشتريه بعدين خلاص ماله وجود
الشي الثاني ان في خصم ثلاثين بالميه علا الخمسين ريال خلال هالفتره
لاتفهموني غلط وتقولون قاعد اروج لهم ههههه والله اني كارههم من تعاملهم وتضييع امانات الناس لكن منقهر من ارامكس اكثر و عدو عدوك هو صديقك

لا اخوي كل طلب تسويه عليه 50 ريال رسوم

مثلا اليوم طلبت اربع شحنات هتدفع عليهم كلهم 50 ريال
بعد يومين طلبت شحنتين هتدفع عليهم 50 ريال اخرى
بعد اسبوع طلبت شحنة هتدفع 50 ريال

يعني بمختصر كل التوصليه الواحدة عليها 50 ريال

[المبرمج صلاح]

هذه بعض التعليقات عالخدمة من احد الاصدقاء

للاسف بعد ماكنت متفائل بان الشركة تكون افضل من ارامكس تفاجأت بعد اول تجربة بالتالي:
( تجربتين وتجربة شخص ثاني )

كانت تجربتي اني طلبت عدد وايرات بوقت واحد من امزون على عنوان ارامكس وعنوان كونيكتد.
ووصلوا مع بعض للعناوين ولكن.

شركة ارامكس دخلوا الشحنه بالحساب بتاريخ 16/4.
ووصلت الدوحة بتاريخ 19/4
السعر 123 ريال.

شركة كونيكتد!! للاسف ماوصلت الحساب وكلمتهم مرتين وعطيتهم رقم الشحنه وانزلت بالحساب بتاريخ 19/4.
وبتوصل الدوحه بتاريخ 29/4!!!.
السعر124 ريال.

نقاط حبيت اوضحها:
ظ،- الوزن:
- ارامكس تحسب السعر على الوزن الفعلي.
- كونيكتد تحسب السعر على الوزن والحجم! يعني مثل ماتشوفون بالصور، شحنه وزنها الحقيقي 0.5 كيلو، حاسبينها بتكلفة 1.5 كيلو!!

ظ¢- خدمة العملاء بالتلفون:
- ارامكس خدمتهم سريعة جداً مع خدمة المسجات والرد السريع على الاتصال.
- كونيكتيد للاسف اذا تتصلون لهم يردون البريد العام وبعدها اي استفسار او طلب يراسلون المتخصصين وعاد الواحد ينتظر لين يردون عليه.

ظ£- تجميع الشحنات :
- ارامكس للاسف هالشي السلبي الوحيد ان ماعندهم هالخدمة.
- كونيكتد عندهم ولكن!! تكلفتها غاليه لان كل شحنة تبي تدمجها مع غيرها تدفع ظ¢ظ© ريال عليها غير وزنها!.

ظ¤- المواد المشحونه:
- ارامكس: جربت اطلب على ارامكس عطورات، وبطاريات، سوائل وكل شي يوصل ( السوائل تتاخر شوي ).
- كونيكتد: للاسف اول تجربة لشخص يطلب بطارية ارسلوا ان الشحنة خطرة ويرجى التواصل مع البريد لمعرفة التفاصيل!.

ظ¥- الاسعار:
- ارامكس : اسعارها واضحه جداً ، وبعض الشحنات تجي بسعر ارخص اذا كانت علبتها نوع خفيف.
- كونيكتد: للاسف في شي اسمه بيز جارج بقيمة 50 ريال! وكل اعادة دمج ع الشحنه 30 ريال ، هذا غير الوزن الي يعتمد على الحجم ويرتفع مثل ماتشوفون بالصورة الفرق بين الوزنين بالشحنتين .

بالنهاية:
اتمنى يبذلون جهد اكبر لتحسين خدمة العملاء، توفير برنامج للهواتف، تعديل بالاسعار، استخدام الوزن الحقيقي، التوصيل بشكل اسرع.

[qrt_trading]

هذه بعض التعليقات عالخدمة من احد الاصدقاء

للاسف بعد ماكنت متفائل بان الشركة تكون افضل من ارامكس تفاجأت بعد اول تجربة بالتالي:
( تجربتين وتجربة شخص ثاني )

كانت تجربتي اني طلبت عدد وايرات بوقت واحد من امزون على عنوان ارامكس وعنوان كونيكتد.
ووصلوا مع بعض للعناوين ولكن.

شركة ارامكس دخلوا الشحنه بالحساب بتاريخ 16/4.
ووصلت الدوحة بتاريخ 19/4
السعر 123 ريال.

شركة كونيكتد!! للاسف ماوصلت الحساب وكلمتهم مرتين وعطيتهم رقم الشحنه وانزلت بالحساب بتاريخ 19/4.
وبتوصل الدوحه بتاريخ 29/4!!!.
السعر124 ريال.

نقاط حبيت اوضحها:
ظ،- الوزن:
- ارامكس تحسب السعر على الوزن الفعلي.
- كونيكتد تحسب السعر على الوزن والحجم! يعني مثل ماتشوفون بالصور، شحنه وزنها الحقيقي 0.5 كيلو، حاسبينها بتكلفة 1.5 كيلو!!

ظ¢- خدمة العملاء بالتلفون:
- ارامكس خدمتهم سريعة جداً مع خدمة المسجات والرد السريع على الاتصال.
- كونيكتيد للاسف اذا تتصلون لهم يردون البريد العام وبعدها اي استفسار او طلب يراسلون المتخصصين وعاد الواحد ينتظر لين يردون عليه.

ظ£- تجميع الشحنات :
- ارامكس للاسف هالشي السلبي الوحيد ان ماعندهم هالخدمة.
- كونيكتد عندهم ولكن!! تكلفتها غاليه لان كل شحنة تبي تدمجها مع غيرها تدفع ظ¢ظ© ريال عليها غير وزنها!.

ظ¤- المواد المشحونه:
- ارامكس: جربت اطلب على ارامكس عطورات، وبطاريات، سوائل وكل شي يوصل ( السوائل تتاخر شوي ).
- كونيكتد: للاسف اول تجربة لشخص يطلب بطارية ارسلوا ان الشحنة خطرة ويرجى التواصل مع البريد لمعرفة التفاصيل!.

ظ¥- الاسعار:
- ارامكس : اسعارها واضحه جداً ، وبعض الشحنات تجي بسعر ارخص اذا كانت علبتها نوع خفيف.
- كونيكتد: للاسف في شي اسمه بيز جارج بقيمة 50 ريال! وكل اعادة دمج ع الشحنه 30 ريال ، هذا غير الوزن الي يعتمد على الحجم ويرتفع مثل ماتشوفون بالصورة الفرق بين الوزنين بالشحنتين .

بالنهاية:
اتمنى يبذلون جهد اكبر لتحسين خدمة العملاء، توفير برنامج للهواتف، تعديل بالاسعار، استخدام الوزن الحقيقي، التوصيل بشكل اسرع.






Sending more packages at the same time allows you to save on your shipping charges. You will pay the base charge on your first package only. The base charge is free for your second and further packages. Use our free 21 day storage to consolidate as many packages as possible and send them together in one shipment.

Note: Minimum chargeable weight for Air Freight is 0.5kg and an incremental weight step of 0.1kg thereafter.

[ضوى]

ابديت لشحنتي

وصلني مسج اليوم منهم اه الشحنة وصلت لعنواني باامريكا ولازم اسوي سيلف ديكليريشن حتى تطلع الشحنة من هناك تفاجات بوجود طلبين واحدة لي والثانية مدري وشهي اصلا وطبعا مايخليني ادفع عن شحن طلبي بس لازم ادخل تفاصيل الطلب الثاني اللي ما اعرفه ، اتصل الخط الساخن وبلغتهم وحاليا بانتظار الرد

[Dana’1]

عرفت عن الخدمه من العضو يعقوب في أحد مواضيع بقسم الإستفسارات،،وفعلا سجلت فيها
لكن بيني وبين نفسي اقول إذا هم بخدمة البريد العادي ما افلحوا كيف بهذا،،،بس بعد ليش أحكم خل أجرب واشوف واحكم بنفسي بما إنها جديده

عاد الحين قرأت هالموضوع طلع كلامي صحيح...فشلت فكره إني اطلب عن طريقهم حتى إشعار أخر^--^

[شيخ الديرة]

Sending more packages at the same time allows you to save on your shipping charges. You will pay the base charge on your first package only. The base charge is free for your second and further packages. Use our free 21 day storage to consolidate as many packages as possible and send them together in one shipment.

Note: Minimum chargeable weight for Air Freight is 0.5kg and an incremental weight step of 0.1kg thereafter.

الدفع 50 ريال لأول طرد بالشحنة ، لكل شحنة التي تتكون من أكثر من طرد،
يعني الطرد رقم 1 بالشحنة الدفع 50 + حسبة الوزن، الطرد رقم 2 فقط حسبة الوزن...

[Riku3]

توني طلب من ارامكس طلع علي الوزن 84 ريال .. حسبتها على كونكت 82.2 ريال ..

الـ 50 ريال لكل شحنة تجيك .. سالفة المجاني هي للطرود المتجمعه مع بعض فالاول هو الي عليه 50 لانهم في النهاية بيجمعون الطرود كلها في علبة واحدة .

الشي الوحيد الي ممكن يفيدني مستقبلاً هو تجميع العلب لاني اعاني منها مع ارامكس .

عن نفسي لو خدماتهم متساويه بحول على كونكت فقط لانها شركة قطرية .. بس بعطيهم كم شهر قبل لا اجربهم .

[shadad]

انا مو فاهم الحين ربعنا لمتى يصدقون اي شي وما يسوون بحث صغير ! هاي اسعار الخدمه كما بالموقع (http://www.connected.qa/en/our-services/shipping-rates) :

50 ريال تدفعها بكل شحنه + 4.6 لكل 100 جرام ( يعني 46 ريال عن كل 1000 جرام = 1 كيلو ) . بالله عليكم من ارخص اراميكس والا هاي ! اراميكس ما يدفعونك ال 50 ريال حقت كل شحنه وال 46 ريال عن كيلو نفس الشي حقت اراميكس وترخص يوم يكون الوزن اعلى على عكس البريد العادي ثابته. اشوف خلكم على اراميكس احسلكم .

ههههههههههههه

[واقع]

انا مو فاهم الحين ربعنا لمتى يصدقون اي شي وما يسوون بحث صغير ! هاي اسعار الخدمه كما بالموقع (http://www.connected.qa/en/our-services/shipping-rates) :

50 ريال تدفعها بكل شحنه + 4.6 لكل 100 جرام ( يعني 46 ريال عن كل 1000 جرام = 1 كيلو ) . بالله عليكم من ارخص اراميكس والا هاي ! اراميكس ما يدفعونك ال 50 ريال حقت كل شحنه وال 46 ريال عن كيلو نفس الشي حقت اراميكس وترخص يوم يكون الوزن اعلى على عكس البريد العادي ثابته. اشوف خلكم على اراميكس احسلكم .

ههههههههههههه

اول كيلو او اثنين ممكن ارامكس ارخص ، بس تقريبا بعد الكيلو الثالث كونكت تصير افضل بشكل كبير

لو طلبت عن طريق ارامكس ثلاث اغراض منفصلة وكل واحد يجيك ابروحه حتى لو وزنهم اقل من نص كيلو راح تدفع حوالي 140 ريال !!! بينما كونكت ميزتهم انها تجمع الشحنات وتشحنهم مرة وحدة وهذي خدمة جدا ممتازة

ولاتنسون أيضا ان في خدمة كونكت الشحنة يتم توصيلها لباب البيت عكس ارامكس اللي تحتاج تمر على الفرع

الخدمة ممتازة واعتقد انهم ماتوقعوا الطلب الكبير على الخدمة ، شخصيا راح انتظر كم شهر قبل ما ابتدي الطلب من عندهم ، واتوقع ارامكس ممكن ينزلون اسعارهم علشان ينافسون

[Qt.1]

هذه بعض التعليقات عالخدمة من احد الاصدقاء

للاسف بعد ماكنت متفائل بان الشركة تكون افضل من ارامكس تفاجأت بعد اول تجربة بالتالي:
( تجربتين وتجربة شخص ثاني )

كانت تجربتي اني طلبت عدد وايرات بوقت واحد من امزون على عنوان ارامكس وعنوان كونيكتد.
ووصلوا مع بعض للعناوين ولكن.

شركة ارامكس دخلوا الشحنه بالحساب بتاريخ 16/4.
ووصلت الدوحة بتاريخ 19/4
السعر 123 ريال.

شركة كونيكتد!! للاسف ماوصلت الحساب وكلمتهم مرتين وعطيتهم رقم الشحنه وانزلت بالحساب بتاريخ 19/4.
وبتوصل الدوحه بتاريخ 29/4!!!.
السعر124 ريال.

نقاط حبيت اوضحها:
ظ،- الوزن:
- ارامكس تحسب السعر على الوزن الفعلي.
- كونيكتد تحسب السعر على الوزن والحجم! يعني مثل ماتشوفون بالصور، شحنه وزنها الحقيقي 0.5 كيلو، حاسبينها بتكلفة 1.5 كيلو!!

ظ¢- خدمة العملاء بالتلفون:
- ارامكس خدمتهم سريعة جداً مع خدمة المسجات والرد السريع على الاتصال.
- كونيكتيد للاسف اذا تتصلون لهم يردون البريد العام وبعدها اي استفسار او طلب يراسلون المتخصصين وعاد الواحد ينتظر لين يردون عليه.

ظ£- تجميع الشحنات :
- ارامكس للاسف هالشي السلبي الوحيد ان ماعندهم هالخدمة.
- كونيكتد عندهم ولكن!! تكلفتها غاليه لان كل شحنة تبي تدمجها مع غيرها تدفع ظ¢ظ© ريال عليها غير وزنها!.

ظ¤- المواد المشحونه:
- ارامكس: جربت اطلب على ارامكس عطورات، وبطاريات، سوائل وكل شي يوصل ( السوائل تتاخر شوي ).
- كونيكتد: للاسف اول تجربة لشخص يطلب بطارية ارسلوا ان الشحنة خطرة ويرجى التواصل مع البريد لمعرفة التفاصيل!.

ظ¥- الاسعار:
- ارامكس : اسعارها واضحه جداً ، وبعض الشحنات تجي بسعر ارخص اذا كانت علبتها نوع خفيف.
- كونيكتد: للاسف في شي اسمه بيز جارج بقيمة 50 ريال! وكل اعادة دمج ع الشحنه 30 ريال ، هذا غير الوزن الي يعتمد على الحجم ويرتفع مثل ماتشوفون بالصورة الفرق بين الوزنين بالشحنتين .

بالنهاية:
اتمنى يبذلون جهد اكبر لتحسين خدمة العملاء، توفير برنامج للهواتف، تعديل بالاسعار، استخدام الوزن الحقيقي، التوصيل بشكل اسرع.

للاسف بعض المعلومات الي ذكرتها غلط لي عوده للتوضيح ,,

[ضوى]

اخر ابديت

اليوم بس وصلني انه ممكن ادفع ودفعت والمبلغ مب رخيص 156 ريال والخمسين ريال طلعت تأمين على الاغراض و50 السعر الاساسي و46 ثمن الوزن واكتشفت اني ماغيرت العمله وتعاملت انه بالريال القطري عاد الله يستر

[fantasy]

للاسف عدد من الاخوان يجيب معلومات مش دقيقة و يتعامل معها على اساس انها صح
بانتظار Qt1 و توضيحاته
توي ادري ان يوصلون الغرض للبيت
كل شي له سلبية و ايجابيه
بس اختي ضوى مافهمنا تفاصيل الطلب ابدا عشان نعرف المبلغ يشمل شو
اللي اعرفه ان العطورات في ارامكس مسموحه حاليا، طلبت من اربع شهور عطورات شرطهم ان مايتجاوز خمسين مل للعطر هذا اللي اتذكره، اذا غيروو الحين فهذا شي ثاني
نصيحه اللي يبي يطلب بطارية يطلب من علي اكبرس توصيل مجاني بس ياخذله من اسبوعين ثلاث الى ست اسابيع و قد يصل الى ثمان اسابيع اهم شي ماتكون مستعجل

[ضوى]

الشحنة عبارة عن كريم ليل وكريم نهار عدد 4 علب ثمنهم ب726.21 ريال

[shadad]

اول كيلو او اثنين ممكن ارامكس ارخص ، بس تقريبا بعد الكيلو الثالث كونكت تصير افضل بشكل كبير

لو طلبت عن طريق ارامكس ثلاث اغراض منفصلة وكل واحد يجيك ابروحه حتى لو وزنهم اقل من نص كيلو راح تدفع حوالي 140 ريال !!! بينما كونكت ميزتهم انها تجمع الشحنات وتشحنهم مرة وحدة وهذي خدمة جدا ممتازة

ولاتنسون أيضا ان في خدمة كونكت الشحنة يتم توصيلها لباب البيت عكس ارامكس اللي تحتاج تمر على الفرع

الخدمة ممتازة واعتقد انهم ماتوقعوا الطلب الكبير على الخدمة ، شخصيا راح انتظر كم شهر قبل ما ابتدي الطلب من عندهم ، واتوقع ارامكس ممكن ينزلون اسعارهم علشان ينافسون

والله يا خوي اغلب الجماعه بيجيبون عدهم للكليوا الثالث. عقبها الوزن بينكبك بالسعر خصوصا ان السعر نفسه نفس اراميكس. طيب قلنا اوكي لموضوع تجميع الشحنه وهي الميزة اللي مو موجودة في اراميكس لكن حسب كذا صديق لي الخدمه مب افضل من اراميكس حتى لو يوصلوا للبيت - في تأخير- هاي مو كلام الربع وبس . تقدر تلقى الردود . عندك المبرمج صلاح وضح بمثال من عنده .
اذا ما نافس اراميكس او قدم خدمة مشاببهه على الاقل له فما اعتقد بيكون عليها اقبال خصوصا انه اكيد خدمة البريد في قطر لها امتيازات من الحكومة ربما في ما يخص الشحن من والى حالها حال تفوق اغلب الخدمات الحكومية على الخاصه.

[(عبدالله)]

الحمدلله استلمت أغراضي أمس

تاريخ الشراء من أمازون 17/4 وتسلمي للأغراض أمس 2/5 = 15 يوم

من خلال تجربتي في Connected مقارنة مع Shop and ship، وصلت للخلاصة التالية:

مميزات Connected :

(1)
إمكانية تجميع الأغراض المشتراة في شحنة واحدة تتجمع خلال 21 يوم
بعكس Shop and ship كل غرض لوحده.

(2)
أرخص بحيث تبدأ التسعيرة ب50 ريال وبعد ذلك بوحدة وزن 100 جرام، أما shop and ship يبدأ
ب43 ريال وبعد ذلك بوحدة ال500 جرام تقريباً (1 باوند).

(3)
أهم ميزة .. يوصلون لك الغرض لين باب البيت، أما shop and ship لازم تستلم من عندهم.

(4)
توفير خدمة التأمين على الشحنة بقيمة 50 ريال في حالة تلفها أو ضياعها خلال الشحن.

(5) التسجيل والحصول على عناوين بريد مجانية، اما shop and ship برسوم تدفه لمرة واحدة.



سلبيات Connected مقارنة مع Shop and ship :

(1)
المدة طويلة بين الشحن والاستلام، عندهم 15 يوم اما shop and ship ممكن 7-8 أيام.

(2)
الدفع مقدمأ وبعد الدفع تبدأ عملية الشحن والمدة، اما shop and ship الأهم عندهم توصيل
الغرض للدوحة والدفع مع الاستلام من عندهم أو خيار ثاني الدفع اونلاين خلال موقعهم.

(3)
تحديث حالة الشحنة غير صحيح وغير دقيق، أنا استلمت اغراضي وحتى هاللحظة الحالة في الموقع
للشحنات الثلاثة تقول shipped وباقي لها 3 حالات لين
توصل حالة Delivered وهي أصلاً في الواقع delivered!!.

(4)
عندهم عناوين لبريطانيا وامريكا فقط، اما shop and ship عندهم لعدد 15 دولة.



مميزات تنافسية في الاثنين Connected و shop and ship :

1- خدمة العملاء جيدة وفاهمين شغلهم وعملية الشحن.
2- يرسلون مسجات في حالة وصول الشحنة الدوحة ويعطونك خبر بالشخص اللي استلم الغرض سواء
بالمسج عند connected وفي الموقع عند shop and ship.
3- توفر خيار الدفع اونلاين، على الرغم من انه اجباري عند connected.


خدمات تتميز بها شركات أخرى ومب متوفرة عن connectec ولا shop and ship :

1- خدمة إعادة التغليف، فمثلاً شركة fish is fast تستلم الأغراض كلها وتعيد تغليفها بالتخلص من الاوزان الهالكة
مثل القراطيس واكياس البلاستيك الهوائية والكراتين الكبيرة وابدالها بتغليف مناسب يوفر الوزن كل هذا ب2 دولار.
2- خدمة التصوير قبل بدء الشحن حتى تتأكد من تفاصيل الغرض اللي شريته قبل الشحن هل هو صحيح مثل الشكل واللون و و و و أو يردونه
توفرها خدمة fish is fast برسم شامل في ال2 دولار.

هذا اللي طرى على بالي والله يوفقكم

[هارون الرشيد]

يا شباب ترى في عرض عند فيديكس . من يومين بغيت أطرش أغراض لي أمريكا وكلمت البريد الممتاز على وزن 10 كيلو قالولي ب 1000 ريال
و أتصلة حق بريد فيديكس وقالولي 10 كيلو ب 500 ريال جاتني الظحكه . ولكن من باب الخير والوطنية . أتصلة للبريد العام وقلت لهم مش معقول بريد عالمي وسريع أرخص منكم ؟ 50% مش معقول حد بيجيكم ! طبعا الموضف ماعنده رد وقال شنسوي

[ضوى]

وصلت شحنتي الخميس وعيبها بس انها اغلى من ارامكس حسب ماوصلني وتتاخر وايد في الشحن ونفس ماذكر الاخ عبدالله مافي تحديث للسيستم وللحين شحنتي عندهم في الطريق واتفق مع اغلب النقاط اللي ذكرها

[Bin LA]

خدمة جدا غالية و بطيئة مقارنة بارامكس.
طلبت عن طريق كونيكتد و وزن الشحنة كان 2.3 كيلو لكن دفعوني حق 4.8 كيلو يقولون علشان الوزن الحجمي
يوم استلمت الشحنة كاتبين عليها 2.3 كيلو يعني مافي مصداقية كلش
دفت 295 ريال حق بريد قطر و كان ممكن نفس الشحنة تجيني عن طريق ارامكس ب 111 ريال
المصيبة حاسبين 29 ريال رسوم اعادة التغليف مع اني ما طلبت هالخدمة
المشكلة اعادة التغليف طلع يقطون الكرتون الاصلي و يلفون الشحنة في بلاستيك يعني اذا بترجع الاغراض تتوهق لازم اتدورلك كرتون جديد
هل بستخدمها مرة ثانية؟
مستحيل

[asulaiti]

توقفت عن التعامل معهم منذ حوالي سنتين أو ثلاث .. لسوء خدمات التواصل معهم .. يعني شحنتك تأخرت .. ما تقدر تحصل معلومة شافية !!
واستمريت مع أرامكس .. لأن التعامل معهم وايد أفضل !!

رجعت اجرب كوينكيتد هذا الشهر .. قلت يمكن تحسنت خدمتهم .. لكن تحسفت !!
هذا اغراضي موجودة عندهم من 4 يوليو ولم استطيع شحنها منهم !!
غير سوء خدمات التواصل معهم .. ترسل لهم استفسار عن الشحنة .. تلاقي رد منهم (عبارة عن نسخ ولصق) لرد جاهز منهم !!
تطلب تفاصيل أكثر .. يعني من حقي .. أغراضي ومحجوزة عندهم .. يردون عليك بنفس الرد السابق والأسبق !! نسخ ولصق !!

خاطري أصور لكم ردودهم !!

والله قمة الاستهزاء بالزبون !!
هذه أغراضي وابغي أعرف متى تشحنونها؟
تجد ردهم (بما معناه): متى تكون أغراضك جاهزة للشحن سيتم إبلاغك!

يعني لو قالوا لي خلال شهر .. والله أبرك من ردهم الأولي!! على الأقل عرفت متى راح تشحونها!!
أما ردهم بأنه متى تكون أغراضي جاهزة للشحن سيتم إبلاغي!!
طيب ... متى تكون أغراضي جاهزة للشحن؟
الرد: متى تكون أغراضك جاهزة للشحن سيتم إبلاغك!

الصراحة .. توبة أرجع اتعامل معهم !!
والله أدفع زيادة وأحصل تعامل أرقى واهتمام بالزبون بشكل أفضل .. أبرك من تعامل كونيكتيد !!

[تاجر كشخة]

وين الي قال وداعاً ارامكس :p

[مضارب جديد]

عمر الحكومة ما تقدر تنافس القطاع الخاص

مستحيل


ولو نافست بالسعر فعن طريق دعم مالي

[asulaiti]

الدعم المالي موجود لديهم .. وبالتأكيد دعم سخي ..

لكن إدارياً لديهم فشل ذريع .. حيث مشاكلهم هي هي نفسها منذ حوالي ثلاث سنوات أو أكثر، وهي:
- تأخر في الشحنات.
- ردود غير منطقية.
- المبالغة في تصنيف بعض المنتجات بالخطرة.
- لا تحصل على معلومات مؤكدة (أو شبه مؤكدة على الأقل) عن وضع الشحنة ومتى سيتم ارسالها.
- لا تحصل على تتبع لمسار الشحنات.
- همهم تحصيل المبلغ أكثر من رضا العميل.

أنا تركتهم من ثلاث سنوات .. بس قلت أجرب يمكن تغير الوضع .. أتفاجأ بالوضع هو نفسه ما تغير!
معقولة ما تم تصحيحها ؟؟

[asulaiti]

تخيلوا أفتح شكوى عندهم .. يطلبون بيانات (ومنها الفواتير) .. تنتظر مافي رد .. تتصل على الخط الساخن .. يطلبون منك الفواتير مرة ثانية !!

هو الواحد فاضي لهم ؟؟؟؟؟؟؟

[asulaiti]

وين الي قال وداعاً ارامكس :p

أنا بعد قلت جذي .. بس شكلي راح اتراجع .. أهلاً أرامكس .. وداعاً كونيكتيد !!

[عايش فرحان]

الدعم المالي موجود لديهم .. وبالتأكيد دعم سخي ..

لكن إدارياً لديهم فشل ذريع .. حيث مشاكلهم هي هي نفسها منذ حوالي ثلاث سنوات أو أكثر، وهي:
- تأخر في الشحنات.
- ردود غير منطقية.
- المبالغة في تصنيف بعض المنتجات بالخطرة.
- لا تحصل على معلومات مؤكدة (أو شبه مؤكدة على الأقل) عن وضع الشحنة ومتى سيتم ارسالها.
- لا تحصل على تتبع لمسار الشحنات.
- همهم تحصيل المبلغ أكثر من رضا العميل.

أنا تركتهم من ثلاث سنوات .. بس قلت أجرب يمكن تغير الوضع .. أتفاجأ بالوضع هو نفسه ما تغير!
معقولة ما تم تصحيحها ؟؟

مال عمك ما يهمك

كلنا نكره ارامكس بسبب مغالاتهم في الاسعار .. ولكن على الاقل اغراضنا توصل في وقت معقول و يتعاملون معناو مع طلباتنا باحترافية ويحترمون حقوقنا و عقولنا

[توشيبا]

سوال

البريد عنده فرع مثلا في الريان ابغي ارسل شي حق واحد في الخور للفرع اللي فيه

يقبلون ولالا

وكم المده
وكم السعر

[sara jsm]

سوال

البريد عنده فرع مثلا في الريان ابغي ارسل شي حق واحد في الخور للفرع اللي فيه

يقبلون ولالا

وكم المده
وكم السعر

اسكت الله يخليك :happy:
انا مجربه وخذ معاي 35 يوم توصيل .. يقولي الموظف عشان الخور بعيده ههههههه
قلت لهم ماتستحون على وجوهكم .. انا اطلب امريكا يوصل في 10 ايام .. وانتو هني بينا نص ساعه ماخذ معاكم فوق الشهر .. شي يفشل والله .. ( السالفه قبل الكورونا )

[Breakaway]

أنا والله مثلكم، قلت من البداية وداعاً اراميكس واهلا بكونيكتد والحين بيصير العكس، عندهم ضعف وقلة وعي في تصنيف المواد، كنت طالب حامل جوال مغناطيس صغير حق السيارة صنفوه مواد خطرة!! طلبت سماعة ومايك بلوتوث صغيرة للجوال أيضا صنفوها مواد خطرة!!

لكن عندهم مميزة السماح باستيراد المواد الغذائية، اراميكس عندهم ممنوع

[توشيبا]

اسكت الله يخليك :happy:
انا مجربه وخذ معاي 35 يوم توصيل .. يقولي الموظف عشان الخور بعيده ههههههه
قلت لهم ماتستحون على وجوهكم .. انا اطلب امريكا يوصل في 10 ايام .. وانتو هني بينا نص ساعه ماخذ معاكم فوق الشهر .. شي يفشل والله .. ( السالفه قبل الكورونا )


اما 35 يوم

انا جربت من دبي لين مكانهم في المطار واستلمته منهم اقل من 24 ساعه
وجربت من السعوديه اخذ يوم ونص

بس اقول حق ارامكس اي لفيو :cry2: