باب صيانه في السقف الجبسي

[wrc]

السلام عليكم ورحمة الله وبركاته

ممكن اعرف وين القى باب صيانه جاهز مخصص لاسقف الجبس في الدوحه؟

[اللوز]

ما تحتاج اخوي لباب صيانة
اتمنى الاعضاء يفيدونك

[(عبدالله)]

بتحصله عند العمودي طريق سلوى عند محطة بترول الجزيرة

اذا ماعنده في المحل خل يكلم فرعهم في الصناعية قبل لا تروح لهم واسأل عن المقاسات والأسعار وتوفرها

أسعارها في حدود 80-95 ريال (على ما أذكر) حساب المقاس

[معماري قطري]

جيد ينعمل لصيانة الدكتات أو الكهرباء أو مراوح الشفط وحتى مكيفات الدكت سبلت الوحدة الداخلية

[معماري قطري]

لو ما حصلت مثلاً أي عامل جبس ممكن يعمله من الخشب

[Azizuk]

صحيح كلام اخوي عبدالله

موجود عند العامودي ثلاث احجام بسعر 300 ريال

عند محلهم اللي عند دوار الساعة الناطقة قريب إستاد الدوحة ومكتبة حسونة سابقا

او تروح للمخازنهم بعد يبيعون هناك على ماضن في شارع 8 اول الصناعية

بس ينفتح الباب على تحت ومربوط بسلك او حبل

بعض الأماكن ماتقدر تستخدمة اذا المكان ضيق او الحمام

بيفتح الباب على تحت ممكن يعيق الحركة وممكن ينكسر

راعي الجبس نصحني أني ماركبه

عندك شركة كنوف متخصصة في مجال الجبس وتوابعه

جميع انواع الجبس من و الى

http://www.knauf.ae/contents.php?id=1140

وهذا قسم باب الصيانة

[wrc]

جزاكم الله الف خير يااخواني ماقصرتو

[ashhal_q]

موجود عن شركة الرميلة

[معماري قطري]

موجود عن شركة الرميلة

وين مكانهم ألحين؟ كانوا بيني وبينهم شارع مشي كم خطوة اوصلهم