بدء تطبيق قانون الوافدين أكتوبر القادم

[رجل الجزيرة]

الجهات المعنية تواصل استكمال الإجراءات التنفيذية

بدء تطبيق قانون الوافدين أكتوبر القادم



http://www.raya.com/File/GetImageCustom/65dc55d9-047c-4025-a5a6-cfd2e22c3e4a/316/235


الدوحة - الراية: علمت الراية أن الجهات المعنية بتطبيق قانون تنظيم دخول وخروج الوافدين وإقامتهم تواصل الإجراءات اللازمة لسريان القانون في أكتوبر المقبل.

ويقضي القانون الصادر في أكتوبر من العام الماضي بدخوله حيز التنفيذ بعد سنة من تاريخ نشره في الجريدة الرسمية، ويحدد القانون العلاقة بين أصحاب العمل والموظفين مع تغيير الأسماء بحذف «الكفيل» .

ويُلزم القانون الوافد أو المستقدم بإبلاغ الجهة المختصة عن الخروج قبل الموعد بثلاثة أيام ويجوز للوافد الخروج من الدولة فور إخطار المستقدم الجهة المختصة بالموافقة، فيما ستكون هناك لجنة لتظلمات خروج الوافدين للبحث في حالات الاعتراض على الخروج.

كما يجيز القانون للوافد للعمل- بعد موافقة الجهة المختصة ووزارة العمل والشؤون الاجتماعية- الانتقال إلى صاحب عمل آخر فور انتهاء مدة العقد المحدد المدة، أو بعد مضي 5 سنوات على اشتغاله مع صاحب العمل إذا كان العقد غير محدد المدة.


http://www.raya.com/news/pages/5d977f5a-fbff-4b9f-8613-27cab2fd860a

[المخفي]

ههههههههههههههه

[عبدالعزيز 9]

ههههههههههههههه

خير يالشيخ ؟! القانون اصدره سمو الامير الشيخ تميم بن حمد

[بانغ بانغ]

والله بتصير الفوضى والمواطن بياكلها .....

الله المستعان بس

انا مثلا عندي شركة متخصصة ... يعني هالقانون بيسمح لهم التنقل لشركات منافسة عقب ما علمتهم وعطيتهم ... طبعا من حقي اسوي نفسي الشي ... يعني كفيل اللي مثلا راح اجيبه اش ذنبه مسكين ؟؟

نبي توضيحات بحقوق المواطن او الكفيل

لان في كثير من الاجانب قاعدين يطبخون الطبخة الكبرى فور تطبيق القانون

الله يلعن كأس العالم واللي خوفهم بكأس العالم وخوفهم بالعمال .....

[معماري قطري]

مشتطين قبل الصيف الله يعينهم على ( التعمير )

المستشفيات اللي انترست ناس وزحمة ما شافوا لها حل للحين ولا نسمع شيصير وشهر 6 بعد 40 يوم

[بانغ بانغ]

مشتطين قبل الصيف الله يعينهم على ( التعمير )

المستشفيات اللي انترست ناس وزحمة ما شافوا لها حل للحين ولا نسمع شيصير وشهر 6 بعد 40 يوم


اي والله مشتطين

عاد بعدين تعال كلمهم ... من الحين نافخين انفسهم .. بعدين ايشبيصير

[ساعي الخير]

لا أدري هل درس هذا القانون دراسة مستفيضة ، ووضعت حقوق المشغل في الحسبان، أم أن المسألة لم تدرس!
إن الشركات القطرية تعاني - قبل هذا القانون- من العمالة السائبة التي نافستها على حساب الجودة والالتزام، ولا أدري ماذا سيحصل بعد تطبيقه ! الله أعلم.

[بوخميس]

وقع عقد (5) سنوات وبتضمن انه يشتغل معاك خمس سنين

وبعدين ترا هو انسان مب عبد عشان يشتغل عندك لين ما انت تتكرم عليه وتسمح له انه يشوف شغلة ثانية.

ليش يطلع من عندك إذا هو مرتاح في شغله وياخذ راتب (مقنع) وفق وضع السوق.

اتمنى اي حد ينتقد هالقانون يحط نفسه مكان العامل أو الموظف.

[دايموند]

بوخميس..
مو شرط الكفيل ظالم المكفول في راتبه..الانسان طماع بطبعه..
تلقى دريول اجيبه من ديرته واعلمه واتعب عليه واعطيه راتب معقول ع قولتك 2000 ريال ويجي واحد نذل ويقوله تعال عندي وبعطيك 3000 ريال !!!بس علشان ياخذه جاهز ومجهز وعقب يروح للكفيل بو 3000 ريال ..وبعدها بسنه او سنتين يجي واحد ثاني يقزله تعال عندي وبعطيك 3500 ريال وهكذا وبترتفع اجورهم بسبب هالاشكال من الناس..

[المخفي]

خير يالشيخ ؟! القانون اصدره سمو الامير الشيخ تميم بن حمد

اكيد سمو الامير حفظه الله و رعاه

بكرة اذا انت مسافر في اوروبا و جاك مسج من مطراش انه دريولك او الشغالة مسافرين و داقين الخروجية و هم في المطار و بايقين البيت و بايعين كل شي

خل لجنة التظلم تفيدك

[المرحب]

أشهد بالله إنهم مشتطين بكل ما يخص الوافدين

لكن أي شي يخص القطري ما زال تحت الدراسة أو

رددوا يا ليل ما أطولك

[بانغ بانغ]

وقع عقد (5) سنوات وبتضمن انه يشتغل معاك خمس سنين

وبعدين ترا هو انسان مب عبد عشان يشتغل عندك لين ما انت تتكرم عليه وتسمح له انه يشوف شغلة ثانية.

ليش يطلع من عندك إذا هو مرتاح في شغله وياخذ راتب (مقنع) وفق وضع السوق.

اتمنى اي حد ينتقد هالقانون يحط نفسه مكان العامل أو الموظف.

لا اخوي الوضع مش مثل ما انت متصوره

حتى لو العمال او الموظفين مرتاحين في الشركة او الشغل ... بعض الجنسيات مزاجية يعني لو اختلاف بسيط .. طلع برع البلد او طلب ايغير كفيله او تمرد عالشركة

حاليا وحسب اللي قريناه - ان القانون معاه ... يعني رب العمل بيتورط

احنا مانقول عبودية ولا شي مادام انه ياخذ راتبه كل شهر وعنده تأمين صحي وسكن جيد وكل وسائل المعيشة العادية

مثلا عندي عامل قال للعمال .. من الحين ايخطط ايروح الشركة الفلانية ... لان الفورمان هناك وعده براتب اكثر بوايد .. ( طبعا وسيلة ضغط ليس الا )

ونفس الشي بعض العمال ايقولون لي خل انجيب فلان وعلان من الشركة المنافسة لشركتنا ... يعني تخطيطات من الحين

طبعا الله الرازق بس الموضوع يحتاج ضبط ومافي حق بيضيع والسوق مفتوح



(( نفس رد الاخت دايموند ما قصرت ))

[دايموند]

اتمنى عند تطبيق القانون الجديد لاول مره يلزم جميع الوافدين الالتزام بمده عالاقل 3 سنوات الاستمرار بنفس عمله وبعدها يغير مو من اول ما يتم تطبيق القانون وثاني يوم يروح يغير شغله !!!

[وكر الذيب]

اتمنى من مشرع القانون والقائمين علية الاخذ بعين الاعتبار حقوق الكفيل انا اشوف ان القانون مركز فقط على حقوق الوافد يعني لو شيسوي الوافد صد عنة والمسامح كريم انا مش عارف لين بنوصل مع هالوافدين صدقوني اذا تطبق القانون بهاذا الشكل بيصير مشاكل مالها نهاية وكلها على حساب امن البلاد واستقرارها وهالوافد اخر همة البلاد همة ياخذ فلوس ويروح بلادة واذا مافية قانون صارم يحمي (((((( الجميع )))))) بتكون النهاية مؤسفة
واذا صار ماصار حتى لو يذبح عيالنا جيب تذكرتة ويمكن في القانون الجديد أتكون التذكرة درجة اولى وحبة على راسة
ولا ننكر مثل مافية كفلاء سيئين وهاضمين حقوق العمال كذالك فية كفلاء معطين حقوق عاملينهم وزيادة فما نقدر انعمم قانون لحماية طرف واحد ولكن يجب ان يكون القانون لحماية جميع الاطراف
الله يكتب اللي فية الخير والصلاح للجميع

[ابوالحارث]

شرندرا برندرا حي درا و حي ما درا

[khlood]

على فكره العالم كله عايش بدون نظام الكفيل ليش متخرعين ؟
صحيح قطر لها مواصفات غير شوي من ناحية عدد السكان والثروة لكن في النهاية كلنا بشر مثل بعض والكل يبي يرتاح ومن حق اي انسان يطلب راتب زيادة مب جريمة يعني .
انا وحده ما ابي حد على كفالة شركتي , المهم يشتغلون بضمير .

[الماريّة]

عشان تحلا لهم السرقه بدون كفيل

هم بكفيل ولاعبين لعبتهم بالسرقات والنصب

هالمره بدون كفيل لاحول ولاقوه الا بالله

[سالم الزهران]

في صالح الوافدين فقط ، قطر صايرة من سنين تحت الضغط من قبل منظمات حقوقية بشأن العمالة ولذلك ستستمر التشريعات التي تحاول حل هذه المشكلة و لكن هل سيتطور القضاء القطري ليتماشى مع المشاكل التي سيسببها عدم الالتزام من قبل الوافدين بمهامهم التعاقديّة .

[الشريف90]

الله المستعان

[شموخ دائم]

,

,


مرحبا


شكرا على الموضوع

بفضل من الله حكومتنا رشيده وتحاول توزن الامور لاضرر ولاضرار

من حق الشخص منع الموظف من السفر اذا عليه التزامات ماليه او امانه ما تم ارجاعها
هناك تنسيق اما اذا مافي ما يمنع سفره فمن حقه يسافر في اجازته والقانون هنا واضح وينصف اذا كان هناك
تعسف او ظلم في بعض الحالات ولذلك تم عمل هذا القانون

أي شي جديد علينا نتخوف منه و ( ما نتقبله بسهوله ) ولكن بعد تجربته
نشوف الموضوع بطريقه اوضح واكثر شموليه

اعتقد السماح للشخص بالانتقال الى مكان أخر بعد 5 سنوات
قانون جيد ومنصف للطرفين
ولكن اتحفظ ان من حق صاحب الشركه او الكفيل عدم السماح للشخص الانتقال ( لطرف منافس )
وهذا قانون موجود بكل دول العالم لحفظ حقوق صاحب العمل
لان بكل عمل هناك اسرار وعملاء
من الواجب القانون يراعي هذا الجانب ( المهم )

مو شخص يطلع من عندي ويسحب العملاء الي يتعامل معاهم هذا فيه ( ظلم ) للطرف
هذا على مستوى الوظائف الكبيره والمهمه والمدراء

حتى في امريكا يوجد قانون عدم حمل الاسرار الى الطرف المنافس
ويمنع بالقانون اتمنى تطبيقه

اما على مستوى سائق وخادم فهذا موضوع بسيط عموما احنا كل 3 سنوات او 4 سنوات يروح شخص ونجيب شخص
الا البعض هو بطبيعه شخصيته مستقر لسنوات طويله ومرتاح مع كفيله او شركته وهذا ما عليه خوف
:)



,
,

[الاعرابي]

ويلٌ للعرب , من شرٍ قد إقترب !

[بانغ بانغ]

,

,


مرحبا


شكرا على الموضوع

أي شي جديد علينا نتخوف منه و ( ما نتقبله بسهوله ) ولكن بعد تجربته
نشوف الموضوع بطريقه اوضح واكثر شموليه

اعتقد السماح للشخص بالانتقال الى مكان أخر بعد 5 سنوات
قانون جيد ومنصف للطرفين
ولكن اتحفظ ان من حق صاحب الشركه او الكفيل عدم السماح للشخص الانتقال ( لطرف منافس )
وهذا قانون موجود بكل دول العالم لحفظ حقوق صاحب العمل
لان بكل عمل هناك اسرار وعملاء
من الواجب القانون يراعي هذا الجانب ( المهم )

مو شخص يطلع من عندي ويسحب العملاء الي يتعامل معاهم هذا فيه ( ظلم ) للطرف
هذا على مستوى الوظائف الكبيره والمهمه والمدراء

حتى في امريكا يوجد قانون عدم حمل الاسرار الى الطرف المنافس
ويمنع بالقانون اتمنى تطبيقه

اما على مستوى سائق وخادم فهذا موظوع بسيط عموما احنا كل 3 سنوات او 4 سنوات يروح شخص ونجيب شخص
الا البعض هو بطبيعه شخصيته مستقر لسنوات طويله ومرتاح مع كفيله او شركته وهذا ما عليه خوف
:)



,
,

بالضبط عبّرت باللي في خاطري

[RE-Qatar]

اتمنى يزيدون العمالة في بداية تطبيق القانون
عشان اللي يطلع يجي بداله 10
وماترتفع الاجور ولاتزيد عالمواطن المصاريف

[sanad81]

بوخميس..
مو شرط الكفيل ظالم المكفول في راتبه..الانسان طماع بطبعه..
تلقى دريول اجيبه من ديرته واعلمه واتعب عليه واعطيه راتب معقول ع قولتك 2000 ريال ويجي واحد نذل ويقوله تعال عندي وبعطيك 3000 ريال !!!بس علشان ياخذه جاهز ومجهز وعقب يروح للكفيل بو 3000 ريال ..وبعدها بسنه او سنتين يجي واحد ثاني يقزله تعال عندي وبعطيك 3500 ريال وهكذا وبترتفع اجورهم بسبب هالاشكال من الناس..

توازن العرض و الطلب يجبر جميع الاطراف على مستوى محدد من الأجور لا تزيد و لا تنقص.. اذا كنت دريولك بو 2000 يسوى 3000 عند غيرك.. حقه أنه يروح.. بالذات بعد ما أتم 5 سنوات عندك.

[دايموند]

توازن العرض و الطلب يجبر جميع الاطراف على مستوى محدد من الأجور لا تزيد و لا تنقص.. اذا كنت دريولك بو 2000 يسوى 3000 عند غيرك.. حقه أنه يروح.. بالذات بعد ما أتم 5 سنوات عندك.

واذا عند غيره يسوى 4000 ريال؟! وغيره بعد بيعطيه 4500 ريال بس علشان يوفر ع نفسه وياخذه جاهز مجهز..!!


وبس هاذي حالتنا ..!!!! الطمع



انزين انا ميزانيتي وميزانيه الكثيرين غيرنا مانقدر ندفع 4000 او 4500 ريال لراتب درريول..

فعلشان بس كم شخص الله معطيه خير بيقعد يخرب علينا وياخذ من عندنا عمالنا..خل يجيب له من بره ويعطيه المبلغ الي يبيه لكن يروح عند عمالنا ويغريهم برواتب علشان يبوقهم من كفلاؤهم هاي مرفووض..
انا شخصيا ارفض اني اسويها واخذ عامل عاجبني شغله واغريه براتب اعلى واخليه يهد كفيله ويجيني


لان عندي مبدأ يحكمني..واخلاقياتي ماتسمح اني اكون نذله..اذا عجبني عامل اكلم كفيله واعطيه الي يبي مقابل ان يتنازل عن عامله لكن اروح للعامل نفسه واغريه. واوهق الكفيل فلا والف لا

[smart_os]

قيس الموضوع على نفسك
اذا حصلت فرصة براتب احسن ما بتتردد تاخذها

[دايموند]

قيس الموضوع على نفسك
اذا حصلت فرصة براتب احسن ما بتتردد تاخذها

حط مكانك بمكان الكفيل اولا...

[smart_os]

حط نفسك بمكان الشركة الي وظفتك...

أقتبس من كلامك
"اذا عجبني عامل اكلم كفيله واعطيه الي يبي مقابل ان يتنازل عن عامله لكن اروح للعامل نفسه واغريه"
هذا اسمه بيع وشراء عبيد

[دايموند]

سلامتك.. اي عبيد !!
بالمنطق اشلون اوظف عامل وهو مايبيني يعني لازم تبيني اذكر التفاصيل؟

اكلم الكفيل اذا وافق بعدها اكلم العامل

اشلون اوظف عامل وهو مايبيني !!


الزبده الموافقه تكون بين جميع الاطراف..

[H H]

واذا انتقل العامل لشخص آخر براتب اعلى ؟ وين المشكله؟؟
كلنا ان لقينا مكان براتب افضل مدينا البوز شبرين وياويل جهة العمل ياسواد ليلها اذا اعترضت!

البعض يبي يحتفظ بالعامل الجيد وفنفس الوقت مايبغي يدفعله المبلغ الي ممكن ياخذه فجهة اخرى!
هذول بشر , ومن حقهم يطمعون دام طمعهم في عرق جبينهم وفشغلهم! هالشي لاهو سرقه ولاحرام!

والي ماعندوش , مايلزموش!!

[H H]

وعلى طاري الي يعرضون على العمال رواتب اعلى وياخذونهم , من قال ان هذي سرقه ؟
هذول اشخاص محترمين محترفين يطبقون ابسط قواعد المنافسه في الاسواق الحره!

تقول عنهم حراميه في حال انهم اقنعوا الخادمه او العامل يشرد من عندك ويشتغل عندهم بدون حق وضد القانون.
غير كذا ؟ الي ماعندوش , مايلزموش!

[بانغ بانغ]

سلامتك.. اي عبيد !!
بالمنطق اشلون اوظف عامل وهو مايبيني يعني لازم تبيني اذكر التفاصيل؟

اكلم الكفيل اذا وافق بعدها اكلم العامل

اشلون اوظف عامل وهو مايبيني !!


الزبده الموافقه تكون بين جميع الاطراف..

لا تعورين راسك ... في ناس ما ذاقت .

[smart_os]

مثل ما قال hh
مشكلة البعض ما يبي يحط نفسه مكان العامل
من حق أي شخص انه يطمح للأفضل
والسوق عرض وطلب
تبي تخلي عاملك عندك ادفع قيمته بالسوق

[معماري قطري]

اي والله مشتطين

عاد بعدين تعال كلمهم ... من الحين نافخين انفسهم .. بعدين ايشبيصير

مبالغة في السعر ودمار شركات كثيرة غير عن العزوف عن الشغل في البيوت .. قبل كروة يحطون اعلانات في جرايد الهند في الصيف اللي عنده ليسن قطري بنعطيه راتب 3000 وسكن واجازة ألحين بتقل الاعلانات في الخارج وبيستوي السمك الكبير ياكل السمك الصغير

بعدها بيخف الضغط بس بيستوي سعر العمالة غالي غالي والكل بيدفع .. يعني توقع سواق بيطلب 3000 ريال ويمكن 5000 وبيتشرط ممكن أي لحظة يخليك ويستوي هو اللي يختار ما يختارونه

[معماري قطري]

مثل ما قال hh
مشكلة البعض ما يبي يحط نفسه مكان العامل
من حق أي شخص انه يطمح للأفضل
والسوق عرض وطلب
تبي تخلي عاملك عندك ادفع قيمته بالسوق

سوق النخاسة

لكن اللي بيكونون أسير هذا السوق المحتاجين للعامل مب العامل

[بنت شرق]

طيب اذا اكتشفوا القائمين على الامر أنه القانون ضرر اصحاب العمل بعد تطبيقه هل بيكون فيه امكانية لايقافه واعادة تدويره مثل ما صار مع صحة

[qatari911]

طيب اذا اكتشفوا القائمين على الامر أنه القانون ضرر اصحاب العمل بعد تطبيقه هل بيكون فيه امكانية لايقافه واعادة تدويره مثل ما صار مع صحة

بيكون فيه دراسه ومادري يطلع والا مايطلع مثل قانون الموارد البشرية

[Sowaidi]

ليش مصعبين السالفة ومعقدينها
بالعكس الحين تقدرون تحطون شروط وغرامات في عقد العمل
وإذا العامل شرد ولا يبي يروح مكان ثاني يدفع الي موجود في العقد

[المخفي]

الي بياكلها صح اصحاب الشركات

[دايموند]

لا تعورين راسك ... في ناس ما ذاقت .

ع قولتك...

[السفير العربي]

البعض يرى أن نظام الكفالة نوع من العبودية مرتئياً حقوق المكفول فقط غافلاً عن حقوق الكفيل ..! مستدلاً بأوضاع العاملين في الدول الأوربية ، فمن المعلوم أن في تلك الدول قوانين صارمة تحقق المحافظة على حقوق الطرفين بحيث لو أخل وطغى طرف على الأخر جُر إلى المحاكم العمالية المستعجلة وتوقع عليه عقوبة ، أما حالتنا فهيهات لو أخل المكفول بحقوق كفيله أن يعاقب ناهيكم عن طول مدة المحاكمة إن قُبلت أصلاً .. وأتوقع في حال تطبيق النظام الجديد أن تصعد وتيرة التضخم نظراً ارتفاع اسعار الخدمات بالذات بسبب غياب ضوابط تساوي الحقوق والإلتزام بالواجبات .. لنرى مايحمله الغد ..!

[معماري قطري]

البعض يرى أن نظام الكفالة نوع من العبودية مرتئياً حقوق المكفول فقط غافلاً عن حقوق الكفيل ..! مستدلاً بأوضاع العاملين في الدول الأوربية ، فمن المعلوم أن في تلك الدول قوانين صارمة تحقق المحافظة على حقوق الطرفين بحيث لو أخل وطغى طرف على الأخر جُر إلى المحاكم العمالية المستعجلة وتوقع عليه عقوبة ، أما حالتنا فهيهات لو أخل المكفول بحقوق كفيله أن يعاقب ناهيكم عن طول مدة المحاكمة إن قُبلت أصلاً .. وأتوقع في حال تطبيق النظام الجديد أن تصعد وتيرة التضخم نظراً ارتفاع اسعار الخدمات بالذات بسبب غياب ضوابط تساوي الحقوق والإلتزام بالواجبات .. لنرى مايحمله الغد ..!

اللي عند الدول الأُوروبية غير الإقامة موجودة والمصرح لهم بالعمل يعتبرون مهاجرين ومقيمين وممكن يكونون مواطنين وغالبية العمال مواطنين وعندهم خبرة في العمل وتخصص مدروس .. حتى للتعامل مع القمامة وغيرها من المهن البسيطة عندهم ترخيص وتدريب معين واجراءات محددة.

الوضع عندنا يختلف .. الكفيل يجيب عامل ويخسر عليه ويدفع سكنه ومواصلاته وعلاجه وغير عن راتبه اللي ما يحلم به في بلاده .. فهي مصلحة متبادلة أما يتحرر الوضع وتستوي مزايادات فمثل ما تتوقع بيزيد التضخم أضعاف مضاعفة وبتزيد المشاكل عندنا .. الواضح من القانون إننا استوينا تحت رحمة العمال

[معماري قطري]

هناك على الشركة تحط اعلان وتقابل العمال وتختارهم بناءً على كفاءاتهم وبراتب محدد وبدون الزيادات المفروضة علينا كعلاج واقامة ومواصلات واستقدام وهنا الوضع يشمل كل شيء ويترك للعمال الحين حرية مطلقة لترك العمل

[معماري قطري]

سلامتك.. اي عبيد !!
بالمنطق اشلون اوظف عامل وهو مايبيني يعني لازم تبيني اذكر التفاصيل؟

اكلم الكفيل اذا وافق بعدها اكلم العامل

اشلون اوظف عامل وهو مايبيني !!


الزبده الموافقه تكون بين جميع الاطراف..

وأصلاً الموافقة موجودة من الأساس في عقد الكفالة .. انا اجيبه بعقد وادفع له مبلغ وزيادة سنوية .. هم لو بيحددون الفئات وأقصى راتب لها بيكون معروف لكن فتحوا مجال كبير للسرقة .. يروح يومين بس يسلم على هله ويرجع لغيرك معزز مكرم وزايدين راتبه لو 50 ريال لازم بيرضى

[معماري قطري]

طلعوا لنا ناس وايد مدافعين عن حقوق العمال حتى في المنتدى الله المستعان

[معماري قطري]

انا احط نفسي مكان عامل وابحث عن فرصة أفضل ما يصير .. انا صاحب عمل وانا دافع تذكرة وانا مهيئ كل ظروف الحياة الكريمة لعامل هو عرض نفسه للبيع ويمكن دفع فلوس لعصابات العمل في بلاده حتى يجي ويحصل ثغرات كلها في صالحه وفي صالح ( السمك الكبير اللي ياكل السمك الصغير )

بكرة بنحصل معمل طابوق مملوك حق سوبر طابوق مان ومنشأ حديث ياكل مصانع الطابوق الصغيرة وعمالها ويبيع الطابوق بضعف سعره بسبب عماله غاليين وهو مخونهم على شركاتهم السابقين اللي سكرت وخسرت .. أو الكل بيزيد الرواتب للعمال اللي عنده وبيزيد السعر أضعاف مضاعفة

[بوخميس]

الكل يتكلم عن القانون كأنه قانون (العمال والدريوليه)

هذا قانون إقامة جميع الوافدين، سواء كان دكتور في الجامعة أو مدير شركة أو موظف عادي.

ما اقدر كحكومة أفصل قوانين حق عمال بو 1000 ريال وقانون ثاني حق المتخصصين.

[ziad1971]

السلام عليكم ورحمة الله
انت ليش مصعبين الامور وحاطين السيء قبل الحسن
ما في شيء الا بعد تجربة

المهم
موضوع العامل او الموظف او اي شخص له خبرة اوتعلم داخل البلاد من حقة يشوف مصلحتة .. لان الحياة كل ما لها في ارتفاع بالاسعار والانسان بس يكبر تزيد مسؤولياته ومصاريفه تزيد
وثاني شيء لو اي عامل يبي يطلع اكيد راح يعرض عليك الراتب اللي حصله او الوضع اللي رايح عليه وانت اذا بتقدر تزيده في راتبه زيده او تقلي انك انت ما عندك مانع من انك تشوف غيري بس بشرط بس احصل بديل عنك

وهذه القوانين اكيد ما تم الموافقة عليها اللا بعد دراسة ومستشارين يشوفون الايجابيات والسلبيات

وعسى ان تكرهوا شيئا وفيه خيرا كثيرا

والله ولي التوفيق

[بانغ بانغ]

السلام عليكم ورحمة الله
انت ليش مصعبين الامور وحاطين السيء قبل الحسن
ما في شيء الا بعد تجربة

المهم
موضوع العامل او الموظف او اي شخص له خبرة اوتعلم داخل البلاد من حقة يشوف مصلحتة .. لان الحياة كل ما لها في ارتفاع بالاسعار والانسان بس يكبر تزيد مسؤولياته ومصاريفه تزيد
وثاني شيء لو اي عامل يبي يطلع اكيد راح يعرض عليك الراتب اللي حصله او الوضع اللي رايح عليه وانت اذا بتقدر تزيده في راتبه زيده او تقلي انك انت ما عندك مانع من انك تشوف غيري بس بشرط بس احصل بديل عنك

وهذه القوانين اكيد ما تم الموافقة عليها اللا بعد دراسة ومستشارين يشوفون الايجابيات والسلبيات

وعسى ان تكرهوا شيئا وفيه خيرا كثيرا

والله ولي التوفيق

كلامك جميل صراحة

بس لو ان عندي مهندس في شركتي وحصلت مهندس اقل منه راتب واحسن كفاءة ... هل من حقي اجيبه واكنسل اللي موجود او بس العامل يقدر يلوي ادراعي !

ملاحظة لبعض الاعضاء ... انا كل مشاركاتي في الموضوع في مستوى عمال ومهندسين فقط لاني صاحب عمل وحريص محد ايخرب علي مثل غيري ... طبعا اكيد القانون وقت مايتم تطبيقه راح ايحلون اي ثغرات فيه

شكرا اخوي

[mersal]

كلامك جميل صراحة

بس لو ان عندي مهندس في شركتي وحصلت مهندس اقل منه راتب واحسن كفاءة ... هل من حقي اجيبه واكنسل اللي موجود او بس العامل يقدر يلوي ادراعي !

ملاحظة لبعض الاعضاء ... انا كل مشاركاتي في الموضوع في مستوى عمال ومهندسين فقط لاني صاحب عمل وحريص محد ايخرب علي مثل غيري ... طبعا اكيد القانون وقت مايتم تطبيقه راح ايحلون اي ثغرات فيه

شكرا اخوي

يخوي من حقك اذا كنت صاحب عمل تشغل في شركتك اي شخص باي راتب انتا الي بتحدده،، واذا عندك مثلا مهندس ولقيت واحد افضل منه من حقك تنهي خدماته حسب العقد الي بينكم،، وهو على القانون الجديد بدبر حاله بمكان ثاني..*

[بانغ بانغ]

يخوي من حقك اذا كنت صاحب عمل تشغل في شركتك اي شخص باي راتب انتا الي بتحدده،، واذا عندك مثلا مهندس ولقيت واحد افضل منه من حقك تنهي خدماته حسب العقد الي بينكم،، وهو على القانون الجديد بدبر حاله بمكان ثاني..*

بالضبط
جزاك الله خير عالتوضيح

[طرف محايد]

الإخوة الأعزاء هل قرأ البعض منكم نصوص القانون الجديد
رقم 21 لسنة 2015
والمقرر العمل به في أكتوبر 2016
حتى يحكم عليه بأنه قانون غير مناسب للعمل به في دولة قطر؟

[طرف محايد]

للعلم فقط
قانون العمل رقم 14 لسنة 2004
مستخدمي المنازل لا تنطبق عليهم أحكام هذا القانون
وذلك بنص المادة رقم 3 من القانون

[qatarman8008]

انا اشوف هالقانون هو لمصلحة الناس اللي عندهم كفالات شخصية.. وايضا لمصلحة التجار واصحاب الرخص التجارية..
كيف..؟؟
الحين تجيب سائق او خدامة اوظباخ..
تدفع 12 الف فيزة..
وتعلمه سواقة وتطلع له رخصه باربع او خمس الاف ويمكن يضبط يمكن مايضبط..
ومايعرفون عربي ولا يعرفون شغل البيت.. ويبي يسافر وتذاكر سفر ولغلاغة..
وبعد هالخساير كلها .. يشرد..
لكن الحين تشوف لك واحد زوين وتتفق معاه على مدة العمل والراتب وتفتك من كل ما سبق..
يجيك بكرة ويبدا الشغل..
اذا زوين مددت العقد .. واذا موزوين تقبضه الباب.. بكل راحات وسهالات..
ونفس الطريقة للتجار ايضا..
تقدر تحد من صلاحياته.. مايوقع شيكات ولا اي اعتمادات مالية..
تلزمه بدفع الايجار 6 شهرو مقدم.. وهكذا..

[هيليوم]

السوق بيصير فيه توازن في النهاية وراح تمشي الامور

[كاشف الغطاء]

قيس الموضوع على نفسك
اذا حصلت فرصة براتب احسن ما بتتردد تاخذها

الحين الطالب المبتعث ما يسمحون له ينتقل لجهة ثانية لو حصل راتب اعلى

نفس الشيء العامل يجي ما يعرف شي واحنا نعلمه ونعطيه خبرة ويروح ينتقل على طول بارد مبرد ؟

[مختلف جداََ]

بعد تطبيق القانون الجديد
سيحدث توازن في سوق العمل
و سيبحث الجميع عن أصحاب الخبرة الحقيقية
و سيجتهد كل الموظفين في سبيل اكتساب الخبرة
و سيحدث توازن حقيقي : الراتب المستحق مقابل الخبرة الفعلية

والشخص اللي يبي يوظف سواق ولا عامل راح يدور الخبرة فقط

والناس اللي بتبوق العمال الخبرة ، كم بتبوق
السوق فيه مئات الآلاف من العمالة

واللي يقول أنا جبته عديم خبره و تعلم عندي و في الآخر ياخذه واحد ثاني على الجاهز ، ودي يجاوبني كم تقترح يتم العامل عندك ؟ عشر سنين ولا عشرين سنة .

معروف انه مع زيادة الخبرة يزيد الراتب ، ليش الزعل ؟؟!!



نصيحة للجميع :
لا تاخذ عامل ولا موظف ما عنده خبرك ، و تقعد تعلمه و تدربه
وبعدين تشتكي إنه شاف عرض أحسن من عرضك .

و في الآخر :

السوق عرض و طلب

[معماري قطري]

الحين الطالب المبتعث ما يسمحون له ينتقل لجهة ثانية لو حصل راتب اعلى

نفس الشيء العامل يجي ما يعرف شي واحنا نعلمه ونعطيه خبرة ويروح ينتقل على طول بارد مبرد ؟

والطالب المبتعث في دولة اوروبية أم أمريكا عليه شروط للدوام بدون غياب ولا يحق له ينقل لجامعة ثانية الا بموافقات وتعقيد

[بانغ بانغ]

امس مشيت احد فنييني لان كان امخطط ينتقل لشركة منافسة وعرفت من الشركة نفسها لانهم حبوا يتأكدون انه شغال معي وهل انه جيد او لا !!!! خونوا فيه بالعربي

هاي لحين ما تطبق القرار ... وقاعدين يتآمرون !

والله لو قالي كنت بنقله بس مب شركة منافسة

[CH Engineer]

يا اخوان في شي اسمه عقد
والعقد بينك وبين الي يشتغل عندك تقدر توضح فيه كل شي
ان يشتغل عندك سنتين او 4 سنين
في حال قرر انه يسافر يتكفل بتكاليف الاستقدام والتذاكر
اشترط عليه ما يسافر الا بحال إلغاء العقد وعلل ان سفره بدون إلغاء العقد يعتبر هروب ويسبب ضرر كبير لك

اشترط عليه ان يتحمل تكاليف المخالفات والحوادث المتسبب بها محد فيهم يقدر يتحمل هالمسووليه
لو نعاملهم حسب القانون محد فيهم يقدر يجمع فلوس

[CH Engineer]

امس مشيت احد فنييني لان كان امخطط ينتقل لشركة منافسة وعرفت من الشركة نفسها لانهم حبوا يتأكدون انه شغال معي وهل انه جيد او لا !!!! خونوا فيه بالعربي

هاي لحين ما تطبق القرار ... وقاعدين يتآمرون !

والله لو قالي كنت بنقله بس مب شركة منافسة

جدد عقودهم شهرين قبل القانون وشوفلك محامي يضبط العقود

[بانغ بانغ]

جدد عقودهم شهرين قبل القانون وشوفلك محامي يضبط العقود

اي والله صادق هاي اللي بسويه

[نورث يورك]

قانون حضاري و عادل.... بالنسبة لعلاقة المكفول بالكفيل هي علاقة متبادلة تحكمها المادة فقط. فية كفلاء لو الأمر بيده كان ما دفع لو ريال للعامل...

business is business