مكاتب الحج والعمرة ... هل هي استغلالية ؟

[بانغ بانغ]

نتشرف بدخولنا لأيام ومناسبات دينية كريمة مثل رمضان والحج والله يكتب لنا الخير فيها

بما ان الرخص الخاصة بالحج والعمرة اتوقع اموقفة ومحكورة على ناس معينيين ...

ليش ما يتم اعطاء رخص لشركات وتجار غير عن الحاليين لان كثير من ( ماودي اقول نصابين ) بس مش امينيين صراحة

تكلفة غالية وخدمات تعبانه وبعضهم تم انذاره واستمر في طغياته وعنجهيته ..

هل تؤيد ... سحب الرخص من المخالفين او المقصرين

تحياتي وكل عام وانتوا بخير

[السيف5]

اكيد اؤيد سحب الرخصة

نتيجة لتقصيره ويستاهل فرض غرامة بعد

[بانغ بانغ]

بعدين شنو هالمبالغ الكبيرة عشان احد اهم اركان الدين

وين الحكومة من هالتسعيرات

اتمنى لو اتصير شركة حكومية معنية بشئون الحج بدل من هالمكاتب الاستغلالية

[بنت شرق]

صمدنا عشرين ألف وبقي أربعة

[سالم الزهران]

يسوون جداول وأحياناً كثيرة تختبص ، ولا فيه تعويضات ، الأجر على قدر المشقة

من يقوم عليها عندنا قل من يشار الى امانته او نسبته الصحيحة ، وش تنتظر

[بانغ بانغ]

يسوون جداول وأحياناً كثيرة تختبص ، ولا فيه تعويضات ، الأجر على قدر المشقة

من يقوم عليها عندنا قل من يشار الى امانته او نسبته الصحيحة ، وش تنتظر

اعرف ناس قبل كانوا ايروحون لحملات سعودية من الداخل ارخص واحسن واسرع بس مادري هل ايصير احين او لا

حملاتنا بس فالحين شو اعلامي وخدمات الخمس نجوم اكل وشرب واستغفر الله الواحد ما يحس رايح حج وخدمات تعبانه الا من رحم الله

[سالم الزهران]

اعرف ناس قبل كانوا ايروحون لحملات سعودية من الداخل ارخص واحسن واسرع بس مادري هل ايصير احين او لا

حملاتنا بس فالحين شو اعلامي وخدمات الخمس نجوم اكل وشرب واستغفر الله الواحد ما يحس رايح حج وخدمات تعبانه الا من رحم الله
مدرب بس أظن ان التصريح ما تأخذه الا تكون مسجل بحملة قطرية والله اعلم ، بنشد لك عن نظامهم هنا

[بانغ بانغ]

في تحقيق موسع في الراية اليوم للمهتمين ... وكانهم سامعيني .

الله يتقبل منا ومنكم

[QtrGate]

حملاتنا يحجزون في أفخم الفنادق والخيم والملكية
والاكل يكون كثير وغير الاهتمام
اكيد القيمة راح تكون غالية

ومع ذلك اشوف ان الأسعار جداً مبالغ فيها وتحتاج الى تسعيره على حسب الخدمة من حماية المستهلك

[محمد2]

اي والله وانتوا صاجين
حتى العمرة انا اشوف في مكاتب سفريات في البحرين والكويت (توديك وتجيبك وفنادق 4 نجوم مع الافطار ب 100 دينار كويتي يعني ب 1250 ريال قطري ، لمدة 3 ايام . وحنا القطريين التذكرة ب 2000 ريال انا ما ادري وين عايشين احنا هل في كوكب ثاني ومش عالارض مثل بقية البشر او ايش ،
نفس الكلام لمكاتب الحج نصب واحتيال وارتفاع الاسعار على وشو (ما ادري ؟؟؟؟؟؟)
انا اقول يسوون شركة مساهمة شغلتها الحج والعمرة ولها نسبة من الربح عالاقل نتجنب عالارتفاعات فالاسعار

[بوخالد911]

هلا بك
والله يوفقك ويكتب لك زيارة بيته العتيق ان شاء الله.
اسمح لي بالمداخلة.

مرة سألت أحد الاداريين عن سر ارتفاع رسوم الحج.
فقال :
القطرية ترفع أسعار التذاكر
السلطات السعودية تجبرك ان تاخذ باصات لنقل الحجاج.
وكذلك يجبرونك تشتري او تؤجر خيام من عندهم.

وحتى مقر إقامة الحجاج. في زيادة مستمرة

واسعارهم سنويا ترتفع.
فالمقاول يضطر يرفع الرسوم من صوبه.

ولكم تحياتي.

[بانغ بانغ]

هلا بك
والله يوفقك ويكتب لك زيارة بيته العتيق ان شاء الله.
اسمح لي بالمداخلة.

مرة سألت أحد الاداريين عن سر ارتفاع رسوم الحج.
فقال :
القطرية ترفع أسعار التذاكر
السلطات السعودية تجبرك ان تاخذ باصات لنقل الحجاج.
وكذلك يجبرونك تشتري او تؤجر خيام من عندهم.

وحتى مقر إقامة الحجاج. في زيادة مستمرة

واسعارهم سنويا ترتفع.
فالمقاول يضطر يرفع الرسوم من صوبه.

ولكم تحياتي.

بيض الله وجهك اخوي بوخالد ... الله يكتب لي الحج مرة ثانية هالسنة