اسعار الدلالين نصب ام ماذا

[الشريف90]

السلام عليكم ورحمة الله وبركاته

انا صارلي فوق السنه وانا اتابع اسعار الاراضي و الفلل و الاسعار كانت شبه متقاربه من حيث المساحه و المنطقه
من اسبوع وانا اتواصل مع الدلالين صارت معاي الامور انا مب فاهم ان هل هذا الدلال يحول النصب علي.

-مثال سالت عن الفلل مشروع البندري في الخيسه الجديده تقريبا سالت اربع دلالين اثنان منهم عطوني سعر 3.2 مليون. واحد عطاني 2.9 مليون مساحه ان ماخاب ظني 560 متر . اما الاخير عطاني سعر خيالي مع ان المساحه اصغر بكثير اتوقع من اصغر الارضي في المشروع البندري و السعر كان 3.8 مليون
فرق 900 الف ريال معقوله ان الدلال يرفع السعر من عنده و قولي ان هذا سعر المالك الصراحه مافي ثقه في الدلالين

وعندي امثله كثيره بس هذه وحده من اكبر الامثله

[بوخالد911]

هلا بكم

طبعا ما عاد في ثقة فيهم

وخصوصوا السنوات اللي طافت وبعد دخول دلالوة من جنسية عربية مشهورة بالكذب والنفاق
ارررررررررررررررررررررفعوا الاسعار للسما !!!

[بوجبر]

خلي تعاملك مع المالك مباشرة

[جبر ال جبر]

50% مع الاسف من الدلالين غير صادق ويلف ويدور ويخرب صفقات بين الشراي والبايع والامثله كثيره بعد يليت في برنامج في الابل ستور يخص الملاك مباشره ويعرض حلاله بس يكون موقع شهير والكل يطلع عليه ويشتري الواحد مباشره غير مزاد قطر وغير عقار سيل خصوصا الاخير عقار سيل عندي تحفظ على الاسعار المعروضه تحصل السعر فيه 4 مليون مثلا نفس العقار في موقع ثاني 3 مليون!!
ولكن لايمنع انه هناك دلالين صادقين ومحترمين ومافي داعي اسوي دعايه لهم عندهم برنامج ف الابل ستور وواضحين معاك وهدفهم تقريب وجهات النظر بين البايع الشراي بدون لف دوروان وفيه العكس عنده مثلا في هالمنتدى 50 نك نيم مسويهم من ايام التسجيل على الايميل العادي ومناقض نفسه مره يدعي العقار مرتفع ومب نازل واشترو ومره العكس يقولك مافي مشترين ومكتبي خالي هنوع اضرب عليه اكس على طول اي دلال يلف ويدور ويعرض عليك عقار اكثر من سعر السوق خله يولي الدلالين وايد والرزق عند رب العالمين والتيسير من عنده الله يعنيا ويعينكم ونحصل العقار المناسب بسعر المناسب

[شبح الصمت]

وعليكم السلام ورحمة الله وبركاته ،،

انطرح الموضوع اكثر من مره وانا معاكم في نقطة انه بعض الدلالين غير صادقين وبتكلم عن نفسي اشتغلت في مجال العقارات وشفت الي شفتوه عدم المصادقيه واللف والدوران ..

اخر سالفة ومن بعدها تركت السوق بس لي عرات بسيطة اذا حد مباشر معاي
ارض في جبل ثعيلب كانت ملك لشركة واحد من الربع

جاني دلال واعرفه عدل وتعاملت معاه لكن سبحان الله ما صار والا مره اني خلصت معاه شيء ..
قالي عندك ارض في جبل ثعيلب قلت له تبشر عندي وكلمت رفيجي وطرش لي اوراقها ..

قمت وارحت بحكم الثقة عطيته اياها وقالي خلال برد لك خبر ..
عاد محد رد علي وانا نسيت

بعد شهر اتصلت في رفيجي اقوله اخبر الارض قالي والله انباعت
قلت له من قالي المكتب الفلاني قلت له انا معطهم الاوراق قالي احلف قلت له والله ..

قال انا مسلمهم شيك بقيمة 180 الف ولو ادري انك معطهم الاوراق والله ما عطيتهم الشيك ..

انا يوم خذت الاوراق ذاك ذكي ما قالي المكتب بيخلص قال عنده زبون من برى المكتب وانا اعرف انه المكتب بس يمر عليهم ويخلص معاهم .

قلت في قلبي حسبي الله ونعم الوكيل ..

وسوالف وايد ..

بس الشيخ اوقات راعي العقار تجيب له سعر يطمع يقولك ابي اكثر ويجوون ناس ويعبوون راسه الي حوله لا بتجيب ومن هالكلام ..( هذا البايع )

ومن فترة ادور حق ابو رفيجي بيت
وداخ راسي لانه تحصل بيت اش زينه اخرتها الحمامات تكرمون صغار قراقير بيت بتدفع فيه قريب الـ 6 مليون اخرتها يخرب لك في اشياء بسيطة

المراد
اتصلت في دلال وما يبي يطلع بس يطرش لي اللوكيشن وامشي عليه اروح
المهم انا اللوكيشن ما عجبني اتصلت له قلت له يا فلان ابي بكره تطلع وتروينا الفيلا ..

قالي انا مش نائص لف ودروان
صراحة انا ويهي علامة استعجاب عليه
قلت له اسمع اهنيه انا عصبت شلي لف ودوران شغل عيال احنا والا بزران بنلف وندور معاك
انت شغلتك دلال تطلع اذا كلمة المشتري اما سالفة لوكيشن هذه اي واحد يقدر ياخذها من الف دلال واخرتها يوم تجي تخلص يدوخك السبع لفات

يوم شافني فتنت اهنيه قالي لا لا يا باشا دنا بضحك قلت له تضحك واحنا نتكلم جد لا سلامتك ..

وسحبت عليه

[الشريف90]

خلي تعاملك مع المالك مباشرة

شلون اعرف مالك الفله اذا كانت الفله جديده حتى الدلال ما يعطيك رقم المالك و قولي ان هاي سريه

[المرحب]

تعامل مع المالك مباشرة

لأن البقية كلهم تجار الشنطة وكل واحد له عمولة

الله يوفقك

[qatarlands]

انا برايي الشخصي لازم يكون فيه تعاون من الجانبين ادارة التسجيل العقاري .. والمجتمع
هي ثقافه مجتمع وتوعيه من الهيئات الحكوميه .... بعض الناس الاي عندنا من اهلنا مايبون يتعاملون مع مكتب او مع قطري خاصه عشان العموله لانه الاجنبي ممكن مايدفعله او بيرضى لو باقل شيء لانه تحصله هو مقهوي الصبح والعصر دلال عقارات عادي
ويجب على الجهات المختصه وضع قوانين ولوائح خاصه في مثل هذه الامور تسهل على المجتمع التعاون والتعامل معهم

[الشريف90]

50% مع الاسف من الدلالين غير صادق ويلف ويدور ويخرب صفقات بين الشراي والبايع والامثله كثيره بعد يليت في برنامج في الابل ستور يخص الملاك مباشره ويعرض حلاله بس يكون موقع شهير والكل يطلع عليه ويشتري الواحد مباشره غير مزاد قطر وغير عقار سيل خصوصا الاخير عقار سيل عندي تحفظ على الاسعار المعروضه تحصل السعر فيه 4 مليون مثلا نفس العقار في موقع ثاني 3 مليون!!
ولكن لايمنع انه هناك دلالين صادقين ومحترمين ومافي داعي اسوي دعايه لهم عندهم برنامج ف الابل ستور وواضحين معاك وهدفهم تقريب وجهات النظر بين البايع الشراي بدون لف دوروان وفيه العكس عنده مثلا في هالمنتدى 50 نك نيم مسويهم من ايام التسجيل على الايميل العادي ومناقض نفسه مره يدعي العقار مرتفع ومب نازل واشترو ومره العكس يقولك مافي مشترين ومكتبي خالي هنوع اضرب عليه اكس على طول اي دلال يلف ويدور ويعرض عليك عقار اكثر من سعر السوق خله يولي الدلالين وايد والرزق عند رب العالمين والتيسير من عنده الله يعنيا ويعينكم ونحصل العقار المناسب بسعر المناسب

ممكن تعلمني عن اسم البرنامج في الخاص

[الشريف90]

تعامل مع المالك مباشرة

لأن البقية كلهم تجار الشنطة وكل واحد له عمولة

الله يوفقك

المرحب مشكور على النصيحه بس ممكن تعلمني شلون اعرف المالك من وين وعن طريق من ؟؟

[sweet qatar]

مب كل الملاك مثل بعض


واحد منهم انغشيت في سمعته .. وتحسفت اني شريت منه وابرك الساعات ان التواصل ما كان مباشر


يوم ياخذ فلوسه ما بغى ينطر يومين .. و يوم بغيت استلم الفيلا نطرني شهور حسبي الله عليه هو وجيش الدلالوه الي معاه


على فكرة اغلب الملاك ما يخلون التواصل مباشر

بعضهم الله يهديهم يحرجون الواحد

يعني الي بيبيع شي من املاكه محتاج فلوس و هذاك يجيك انا ظروفي صعبه وحالتي صعبه


وهذا الي صار مع ابوي .. الله يعوضه في المبلغ الي تنازل عنه في آخر بيعة ويبارك له في ماله وحلاله



على العموم الله يوفقك ياراعي الموضوع و يرزقك البيت الي يرضيك في اسرع وقت

[بصمة قطرية]

اللي يقول تعامل مع المالك مباشرة
شلون نعرف المالك ..
تعبت من الدلالين ومن كذبهم و نصبهم ..

[الشريف90]

اللي يقول تعامل مع المالك مباشرة
شلون نعرف المالك ..
تعبت من الدلالين ومن كذبهم و نصبهم ..

نفس المعاناه:cry2:

[تاجر كشخة]

خلي تعاملك مع المالك مباشرة

المشكلة ان المالك يلجئ لدلالين يعني المالك يرفع ايده ويخلي الموضوع عليهم ويريح راسه

[تاجر كشخة]

50% مع الاسف من الدلالين غير صادق ويلف ويدور ويخرب صفقات بين الشراي والبايع والامثله كثيره بعد يليت في برنامج في الابل ستور يخص الملاك مباشره ويعرض حلاله بس يكون موقع شهير والكل يطلع عليه ويشتري الواحد مباشره غير مزاد قطر وغير عقار سيل خصوصا الاخير عقار سيل عندي تحفظ على الاسعار المعروضه تحصل السعر فيه 4 مليون مثلا نفس العقار في موقع ثاني 3 مليون!!
ولكن لايمنع انه هناك دلالين صادقين ومحترمين ومافي داعي اسوي دعايه لهم عندهم برنامج ف الابل ستور وواضحين معاك وهدفهم تقريب وجهات النظر بين البايع الشراي بدون لف دوروان وفيه العكس عنده مثلا في هالمنتدى 50 نك نيم مسويهم من ايام التسجيل على الايميل العادي ومناقض نفسه مره يدعي العقار مرتفع ومب نازل واشترو ومره العكس يقولك مافي مشترين ومكتبي خالي هنوع اضرب عليه اكس على طول اي دلال يلف ويدور ويعرض عليك عقار اكثر من سعر السوق خله يولي الدلالين وايد والرزق عند رب العالمين والتيسير من عنده الله يعنيا ويعينكم ونحصل العقار المناسب بسعر المناسب

مع احترامي للقائمين على مزاد قطر لكن الناس الي فيه غير جديين ويحبون يخربون

[qatari 111]

الله المستعان

[القلب المؤمن]

والحل ؟؟؟؟

[ابوالعبد]

مشكله دلادلين صاروا من جنسيات عربيه وكله لعب في لعب بيوت علي 400 متر ههههههههه تنباع علي 4 مليون 200 سواء المشاف او الثمامه شدعوه

[الماريّة]

كم يربحون الدلالين:omen2:

[الوسيط العقاري]

هناك انواع من الدلالين

بعض الدلالين نصب واحتيال

وبعض الدلالين يعرض عليك اسعار حقيقيه بناء على رغبه المالك

وبعض الدلالين يعرض عليك سعر العقار بأعلى ب 100 الف الى 200 الف وذلك لمعرفته بأن اي مشتري بيفاوض في السعر عشان يقرب بين المشتري والبائع في البيع والشراء

المشكله اللذين يطبلون للعقار في المنتدى بعض ( صغار التجار ) تلاقيه عنده عقار مشتريه قبل 6 شهور بغالي ولازال يطبل للعقار ان السوق مانزل .. وماشوف نزول حقيقي وتلاقيه داش يعلق فقط على معروضات الدلالين ع اساس مخباه ( مصرف قطر الاسلامي ) وهو ماعنده الا الفلس وتلاقيه يسال بس كم السعر ووممكن رقمك وكم نهائي وغالي وليش ؟ .. عشان يحسس الناس في المنتدى انه انسان هامور وثقيل .. ويعرفون انفسهم عدل وهذولا من النوعيه اللي ساهمو في تدمير سوق العقار ومكاتب الدلالين

والله المستعان :)

( اعتقد اوصلت الفكره للي عارف نفسه وعلق في هذا الموضوع )

[راجي الْعفو]

وعليكم السلام و رحمة الله و بركاته :

الله يعينك و ييسر امورك


سؤال يطرح نفسه :

هل اقتراح ( هيئة الدلالين الرسمية ) ممكن يحل المشكلة ؟

بحيث تكون هناك هيئة رسمية حكومية يتم فيها تسجيل الدلالين
ويكون فيها شروط ومعايير لتجنب التلاعب ؟

ربما ..

[تاجر كشخة]

كم يربحون الدلالين:omen2:

2 في المئة

[الزعفراني]

في قانون يمنع مزاولة أعمال الوساطة العقارية .. وتصدقون هالقانون من سنة 2011 :)

لكن من اللي ملتزم فيه ؟ أو يطبقه ؟

لتفاصيل القانون :

http://www.almeezan.qa/LawView.aspx?opt&LawID=2500&language=ar

لذلك لو كل شخص فيكم واجه السمسار بهالقانون وقتها بتخف هالمشاكل .. وكل شخص يرغب في شراء عقار يقدر يلجأ لشخص مرخص له بمزاولة هالمهنه

في مكتب يتبع له .. مش يجيني شخص الصبح يشتغل مندوب شركة .. وعقب العصر يدلل على عقارات :)

فتكو بعافيه

[BoFahed]

وعليكم السلام و رحمة الله و بركاته :

الله يعينك و ييسر امورك


سؤال يطرح نفسه :

هل اقتراح ( هيئة الدلالين الرسمية ) ممكن يحل المشكلة ؟

بحيث تكون هناك هيئة رسمية حكومية يتم فيها تسجيل الدلالين
ويكون فيها شروط ومعايير لتجنب التلاعب ؟

ربما ..

المفروض اخوي مثل معارض السيارات يكون لهم جمعيه ومتحدث باسمهم ولازم اصحاب المكاتب القطريين يتفاعلون بالموضوع لانه كل من هب ودب صار سمسار تحت فيزة (مندوب مبيعات )

[شبح الصمت]

صحيح من الطرفين

من كل طرف واحد بالمية

بس في اوقات البايع يقول للدلال انا ما بعطيك صرف نفسك من صوب المشتري والعكس ..

انتم انتقدمت الدلالين وتقدرون تتعاملون مع مكاتب معروفه وتاخذ من البايع غصباً عنه 1 بالمئة اذا تسوق على عقاره ويدفع العموله وهو مبتسم ..

بس لي جات على الدلال قالووا لا حرام فيه ..

انزين اووكي انا ليش افتح لي مكتب وايجار ومخاسير وانا عندي علاقات ناس تبيع وناس تشتري ..
كان عندنا مكتب وفضينا المكتب لانه ما منه فايده


وبخصوص البيع اعرف وسيط كان ماسك املاك واحد من التجار الكبار ..

يحلف يقول وقفت على عقار وصل لمليار ..

يقول بدينا فيه من 700 مليون ووصله المشتري لين 800 مليون

وعقب وصله لين مليار يقول وهو اصلا كان ببيع على هالمبلغ

بس الرجال زاده لين مليار قله اصبر اشوي بتصل في المره بستشيرها ابيع والا لا ..


وللاسف ما باع العقار وطمع ..


يعني لا تنقدون على الدلالين الي يبي يدور بنفسه يحط علان ويكتب بالخط العرررريض ..


يمتنع الوسطاء من المالك مباشرة

والله يوفق الجميع

[الماريّة]

2 في المئة

يعني كم لو الفيلا تثمن ب4 مليون

مشروع طيب هههههه

[شبح الصمت]

يعني كم لو الفيلا تثمن ب4 مليون

مشروع طيب هههههه


اذا بتاخذين من طرفين تطلع لج 80 الف

على الـ 4 مليون واحد بالمئة يعني 40 الف ..

بس نرد ونقول على حسب البايع يمكن يعطيج ويمكن لا
والمشتري بعد يمكن يعطيج يمكن يقول خذ من ذاك الصوب ..

على حسب الاتفاق وعلى حسب الذمة والضمير لدى الطرفين

[الشريف90]

صباح الخير لحد الحين محد قالي شلون اتعامل مع المالك مباشره اذا كان الدلال ما يعطيني رقمه او اتقابل مع المالك في مكتبه او في موقع الفله نفسها

[شبح الصمت]

صباح الخير لحد الحين محد قالي شلون اتعامل مع المالك مباشره اذا كان الدلال ما يعطيني رقمه او اتقابل مع المالك في مكتبه او في موقع الفله نفسها



شوف اخوي مسألة انك تبي توصل للمالك بتكون بطرق ملتويه وبيكون فيها لف ودوران وهالشيء اتوقع انك ما تبي تاكل حق احد صح والا لا ..

شخص اهو دللك على العقار ومن ثم رحت من وراه وخلصت مابي افتي بس اسال فيها احد المشايخ .

في طرق يستخدموووونه بعض البشر الي ما تخاف الله اياً كان مشتري او دلال توصل للعقار وعقب اهو بطريقته يقدر يوصل للمالك .


ومابي اوضح اكثر

وفي بعض الملاك ما يبووون احد يتواصل معاهم مباشرة يقول مابي عوار راس لي جاني الشراي الجاد بخلص معاه ويبلغ الدلال
لا تجيب لي والا توصل لي سومه او عربون الا من مشتري جاد ..

[وحيد-الشوق]

نصب مافيها كلام محد رفع اسعار العقارات الا هم حسبي الله عليهم عمولتهم اكثر من راتب مواطن قطري ويتشكون من اوضاعهم

[شبح الصمت]

ي جماعة الخير الي شاك في سعر العقار

يحسبها من نفسه

يتصل حق اي مثمن معتمد يساله عن اسعار الاراضي في المنطقة الفلانية وطبعأً على حسب الارض مربعه طواليه عمق فيها طول فيها على كم شارع ويختلف سعرها حسب مساحتها وحسب موقعها الاستراتيجي

وعقب يحسب مساحة الارض ويضربها بالحسبه 10.764 ضرب قيمة الارض وعقب يحسب التشطيب كم ويقارب بينها وبين السعر الي معطينه

وطبعاً في ناس مستثمرين يعني يبي يتربح اما الي ماخذ الارض من زمان بـ 100 واترفع سعرها لين 350 بعد يبي يتربح ..

[الشريف90]

شوف اخوي مسألة انك تبي توصل للمالك بتكون بطرق ملتويه وبيكون فيها لف ودوران وهالشيء اتوقع انك ما تبي تاكل حق احد صح والا لا ..

شخص اهو دللك على العقار ومن ثم رحت من وراه وخلصت مابي افتي بس اسال فيها احد المشايخ .

في طرق يستخدموووونه بعض البشر الي ما تخاف الله اياً كان مشتري او دلال توصل للعقار وعقب اهو بطريقته يقدر يوصل للمالك .


ومابي اوضح اكثر

وفي بعض الملاك ما يبووون احد يتواصل معاهم مباشرة يقول مابي عوار راس لي جاني الشراي الجاد بخلص معاه ويبلغ الدلال
لا تجيب لي والا توصل لي سومه او عربون الا من مشتري جاد ..





مرحبا بك يا شبح الصمت كلامك صحيح اذا انا جيت من ورا الدلال و كلمت صاحب البيت و خلصت المعامله معاه من غير الدلال كذا انا ما عطيت حقه في 1٪ لان هو دلاني على العقار

بس معضم الناس و اكثرهم يبون يتعاملون من مالك البيت او العقار لان الدلالين يرفع من سعر العقار مثل ما وضحت في موضوعي ان في فله سعرها 2.9مليون و نفس الفله بس اضغر مساحه و في نفس المنطقه يبيعه ب 3.8 مليون يعني الدلال حاط مليون في جيبه ببلاش المفوض ان الدلال يدلل على العقار فقط ما يحاول يستربح من ورا الناس و في هاي النقطه انا ابحث عن صاحب البيت من ورا الدلال لان الدلال يحاول ينصب علي

للعلم انا ما عندي مشكله اتعامل مع اي دلال بس يكون عنده ضمير و يخاف الله

[CH Engineer]

صارت معاي
كنت رايح اشوف ارض بام قرن ونفس الوقت اشوف باقي المعروض مره وحده
ودلال عرض علي نفس الارض الي رايح أشوفها وزاد 40 ريال عالفوت ويقولي دا السعر النهائي واللهي قابت له ورفض يبيع

اهم شي قلت له اني رايح اشوفها والسعر اقل بأربعين ريال للفوت و رد علي رد عجيب يقولي انا اعمل آيه بال40

عالعموم هالجنسيه تحصله سمكري ولا بناي ولا مدرس رياضيات و عن طريق النت يدور أراضي ويعرض على كيفه
وإذا سألته يقولك انا من مكتب عقارات !!!!
وقت البيعه يضبطونه الي من جنسيته مع مكتب تخلص الإجراءات معاه


الرسوم عاليه 1%
اذا شريت فيلا ب4 مليون ادفع 40الف للدلال؟؟؟
ماتشوفون ان جا الوقت الي تتوقف فيه هالمهزله
تثبيت الرسوم افضل حل (1500-3000) حسب العقار وإعطاء بطاقه لكل دلال تثبت مزاولته للمهنه

[وحيد-الشوق]

صارت معاي
كنت رايح اشوف ارض بام قرن ونفس الوقت اشوف باقي المعروض مره وحده
ودلال عرض علي نفس الارض الي رايح أشوفها وزاد 40 ريال عالفوت ويقولي دا السعر النهائي واللهي قابت له ورفض يبيع

اهم شي قلت له اني رايح اشوفها والسعر اقل بأربعين ريال للفوت و رد علي رد عجيب يقولي انا اعمل آيه بال40

عالعموم هالجنسيه تحصله سمكري ولا بناي ولا مدرس رياضيات و عن طريق النت يدور أراضي ويعرض على كيفه
وإذا سألته يقولك انا من مكتب عقارات !!!!
وقت البيعه يضبطونه الي من جنسيته مع مكتب تخلص الإجراءات معاه


الرسوم عاليه 1%
اذا شريت فيلا ب4 مليون ادفع 40الف للدلال؟؟؟
ماتشوفون ان جا الوقت الي تتوقف فيه هالمهزله
تثبيت الرسوم افضل حل (1500-3000) حسب العقار وإعطاء بطاقه لكل دلال تثبت مزاولته للمهنه

معاك في كل كلمة 40 الف يحصلها بس بلسانه وبالكذب والغش ويقولك انا مسكين ياعمي طير محد رفع الاسعار في قطر غيركم حتى الشقق يدللون عليها ويزيدون بكيفهم صارت مهنة الي يسوى والي مايسوى

[الشريف90]

في النهايه محد يبيع على سعر السوق لان مافي شي اسمه سعر السوف
انا ما شفت الى اسعار خياليه و متفاوته الله يعين الجميع و يعين المطلقات و فئه قرض من غير ارض

[بانغ بانغ]

اللي سمعته امس ان في قانون لتحديد مزاولة المهنة للقطريين فقط ... يعني برخصة رسمية

يعني لو تطبق بيصير فيه نظام

مادري حقيقة او لا

[BUHASSEN]

وفوق هاي مافي شي محدد بالنسبه لهم بس لان رواني العقار صار يستحق هالعموله الخياليه
لازم يخلص لك اياها ويجهز الاوراق ويسجلك لازم تفاصيل شغله يمارسها ويتقسم المبلغ بناءا عليه
الامور مب واضحعه مافي شي ينظم العمليه حقوق الدلال تضيع مرات ومرات العكس ينصب ويغش وتطلع الارض معروضه عند 100 دلال

والله المستعان

[بوحارب]

انا تعاملت كثير مع الدلالين ومن نفس الجنسية اللي تقصدونها (المصريين) :)

الحمدلله توفقت معاهم الصراحة وكانوا اقدع ناس للأمانه بالنسبة للأجرائات اللي صارت لي


لدرجة احد المكاتب دفعت له عربون 20000 ريال لأرض وبعدها رحت البنك اخلص معاهم اجرائات القرض
وتم رفض السلفة من البنك لأنه راتبي ما يكفي للمبلغ المطلوب

وكلمت المصري راعي المكتب وقالي ولا يهمك تعال خذ عربونك وامورك طيبة :)

ودلال ثاني شريت منه عقار وكانت نسبته 15000 ريال

قلت ممكن تنزلي الفايده وترضى ب 12000 ريال

قالي مافيش مشكلة يا فندم :)

المهم

الدلالين اغلبهم حرامية ومب راعيين شغل عقارات نفس ما قالوا الشباب فوق
في الصبح فيتري والعصر دلال>>> على كيف ابوه هههههههههههه

ونصيحة

اللي يبي يشتري او يبيع عقار لا يتعامل الا مع مكتب معروف ويكون وسيط مباشر

اما تدخل قروب كامل في عقارك ابشرك ان مب منباع الا عقب عشر سنين

[بوسيف الهاجري]

هناك انواع من الدلالين

بعض الدلالين نصب واحتيال

وبعض الدلالين يعرض عليك اسعار حقيقيه بناء على رغبه المالك

وبعض الدلالين يعرض عليك سعر العقار بأعلى ب 100 الف الى 200 الف وذلك لمعرفته بأن اي مشتري بيفاوض في السعر عشان يقرب بين المشتري والبائع في البيع والشراء

المشكله اللذين يطبلون للعقار في المنتدى بعض ( صغار التجار ) تلاقيه عنده عقار مشتريه قبل 6 شهور بغالي ولازال يطبل للعقار ان السوق مانزل .. وماشوف نزول حقيقي وتلاقيه داش يعلق فقط على معروضات الدلالين ع اساس مخباه ( مصرف قطر الاسلامي ) وهو ماعنده الا الفلس وتلاقيه يسال بس كم السعر ووممكن رقمك وكم نهائي وغالي وليش ؟ .. عشان يحسس الناس في المنتدى انه انسان هامور وثقيل .. ويعرفون انفسهم عدل وهذولا من النوعيه اللي ساهمو في تدمير سوق العقار ومكاتب الدلالين

والله المستعان :)

( اعتقد اوصلت الفكره للي عارف نفسه وعلق في هذا الموضوع )
هههههه اي والله وصلت صارلي معاه موقف خلها على الله

[باراكودا]

اللي سمعته امس ان في قانون لتحديد مزاولة المهنة للقطريين فقط ... يعني برخصة رسمية

يعني لو تطبق بيصير فيه نظام

مادري حقيقة او لا

نعم فيه قانون يمنع مزاولة الدلاله في العقارات بدون مكتب مرخص والعقوبة مشددة لمن يمارس هذه المهنة
على الرصيف .

[شموخ دائم]

,

,


مرحبا


شكرا على الموضوع

والمناقشات الجميله

حبيت اوضح ان بعض ملاك العقار ما يبي حد يتصل فيه ويوصي المكتب او الموظف انه مايعطون رقمه لحد
مايبي كل شوي واحد يتصل فيه الي يبي ينزل له والي مو جاد والي يسئل عن الاسعار وبيسولف بالمجالس
فلان بيبيع وفلان بيشتري هذي امور فيها ( خصوصيات ) لازم نفهم هذي النقطه زين
يحط سعره والجاد يجي ( يسجل ) ويدفع



القانون بينزل خلال اسابيع وبيتم عمل ( بطاقه ) لموظف العقارات
وفي سجن وغرامات و ( ابعاد ) لكل من يزاول المهنه بدون بطاقه
والحصول على البطاقه لازم يكون ( قطري ) وصاحب رخصه محل عقارات
ويقدر يحط مساعدين اجانب موظفين ( مندوبين ) لاتمام عمليه البيع

يشترط

1- وجود الصك الاصلي للعقار
2- عقد بين الطرفين موضح به قيمه العقاربين المكتب ومالك العقار ويطلع عليه المشتري
3- كتاب من البلديه لايوجد غرامات بيئيه على العقار
4- شهاده افاده من التخطيط موضح فيه المسموح بالعقار هل سكني او تجاري او اداري

هناك مهله الان لتعديل اوضاع المكاتب وعمل البطاقات من خلال مقابلات شخصيه مع اصحاب المكاتب

وهناك عقوبات كبيره على المكاتب المخالفه

,

,

[بوخالد911]

انا تعاملت كثير مع الدلالين ومن نفس الجنسية اللي تقصدونها (المصريين) :)

الحمدلله توفقت معاهم الصراحة وكانوا اقدع ناس للأمانه بالنسبة للأجرائات اللي صارت لي


لدرجة احد المكاتب دفعت له عربون 20000 ريال لأرض وبعدها رحت البنك اخلص معاهم اجرائات القرض
وتم رفض السلفة من البنك لأنه راتبي ما يكفي للمبلغ المطلوب

وكلمت المصري راعي المكتب وقالي ولا يهمك تعال خذ عربونك وامورك طيبة :)

ودلال ثاني شريت منه عقار وكانت نسبته 15000 ريال

قلت ممكن تنزلي الفايده وترضى ب 12000 ريال

قالي مافيش مشكلة يا فندم :)

المهم

الدلالين اغلبهم حرامية ومب راعيين شغل عقارات نفس ما قالوا الشباب فوق
في الصبح فيتري والعصر دلال>>> على كيف ابوه هههههههههههه

ونصيحة

اللي يبي يشتري او يبيع عقار لا يتعامل الا مع مكتب معروف ويكون وسيط مباشر

اما تدخل قروب كامل في عقارك ابشرك ان مب منباع الا عقب عشر سنين

لا تصير مصري مثلهم. !!!

[بانغ بانغ]

نعم فيه قانون يمنع مزاولة الدلاله في العقارات بدون مكتب مرخص والعقوبة مشددة لمن يمارس هذه المهنة
على الرصيف .


اللي سمعته امس ان في قانون لتحديد مزاولة المهنة للقطريين فقط ... يعني برخصة رسمية

يعني لو تطبق بيصير فيه نظام

مادري حقيقة او لا


,

,


مرحبا


شكرا على الموضوع

والمناقشات الجميله

حبيت اوضح ان بعض ملاك العقار ما يبي حد يتصل فيه ويوصي المكتب او الموظف انه مايعطون رقمه لحد
مايبي كل شوي واحد يتصل فيه الي يبي ينزل له والي مو جاد والي يسئل عن الاسعار وبيسولف بالمجالس
فلان بيبيع وفلان بيشتري هذي امور فيها ( خصوصيات ) لازم نفهم هذي النقطه زين
يحط سعره والجاد يجي ( يسجل ) ويدفع



القانون بينزل خلال اسابيع وبيتم عمل ( بطاقه ) لموظف العقارات
وفي سجن وغرامات و ( ابعاد ) لكل من يزاول المهنه بدون بطاقه
والحصول على البطاقه لازم يكون ( قطري ) وصاحب رخصه محل عقارات
ويقدر يحط مساعدين اجانب موظفين ( مندوبين ) لاتمام عمليه البيع

يشترط

1- وجود الصك الاصلي للعقار
2- عقد بين الطرفين موضح به قيمه العقاربين المكتب ومالك العقار ويطلع عليه المشتري
3- كتاب من البلديه لايوجد غرامات بيئيه على العقار
4- شهاده افاده من التخطيط موضح فيه المسموح بالعقار هل سكني او تجاري او اداري

هناك مهله الان لتعديل اوضاع المكاتب وعمل البطاقات من خلال مقابلات شخصيه مع اصحاب المكاتب

وهناك عقوبات كبيره على المكاتب المخالفه

,

,

بالضبط هاي اللي قصدته في مشاركتي ان بتكون فيه رخصة على شكل بطاقة بس اللي سمعته انه فقط للقطريين

بنشوف