ديكور للحمام ( توزيع الشاور + w.c + المغسلة + البانيو )

[khalid-63]

اخواني الاعزاء

اذا حد عنده شركة متخصصة بعمل ديكورات للحمامات او حد عنده فكرة معينه لا يبخل علينا فيها وجزاكم الله خير

[شموخ دائم]

,

,


مرحبا

اخوي الكريم

اكثر محلات السيراميك عندهم رسام لتوزيع الحمام ورسم طريقه تركيب السيراميك
بس تعطيه المساحه وهو يرتب لك
العمليه مو محتاجه شركه متخصصه

عاده الحمام اما يكون مستطيل او يكون مربع
وكل نوع وله توزيعاته المعروفه
يكفي تشوف صور حمامات الفنادق في ( جوجل ) بتجيك مئات الافكار
اختار منها ما يناسب الشكل عندك
والمقاول ينفذ الفكره

بس تاخذ بعين الاعتبار مكان الشباك و باب الحمام

بالتوفيق لك

,

,

[معماري قطري]

وتبي صور وأفكار شوف هذا الموضوع

http://www.qatarshares.com/vb/showthread.php?512951-%C7%E1%CC%CF%ED%CF-%DD%ED-%DA%C7%E1%E3-%C7%E1%E3%D8%C7%C8%CE-%E6%C7%E1%CD%E3%C7%E3%C7%CA-%E6%CA%D5%E3%ED%E3%C7%CA%E5%C7/page64

غير تبغي تصاميم للتوزيعات بعد مستعد بس عطني أبعاد الحمام وبابه وين ودريشته أو صور الخريطة بالكاميرا وحط الصورة وباسوي لك مقترحات بس صحيح مثل ما قال اخوي شموخ غالبية الشركات عندهم .. الشركات المحترمة والكبيرة والمتوسطة

[(عبدالله)]

السلام عليكم

بدايةً ما عندي إجابة لسؤالك الشيخ، لكن باعرض لك تجربتي في أهمية وحاجتي لمصمم للحمامات

عملت خرايط للحمامات لكن بدون تحديد مكان الشباك .. وتخربطت عقب ... الامر الثاني لو رجع بي الزمن كان عينت لي مصمم متخصص (وفاهم بالسوق والمواد المتوفرة فيه) حتى يصمم لي الحمامات بالتفاصيل: توزيع الاكسسوارات بأدق تفاصيلها حتى أبعاد حاجز شاور البانيو المناسبة ومواقع سلة الفوط وسلة الصابون والشامبو ومواقع خلاط شطاف الماي ومواقع الاكسسوارات بالسانتيمتر..إلخ

اللي عملته انا كان باجتهاد شخصي والحمدلله توفقت 80%.. ولأني من النوع اللي يدقق في التفاصيل .. تمنيت لو عينت مصمم وادفع له 5-6 آلاف لكن يسلمني تصاميم نظيفة وأكمل باقي ال20%

سيراميك الخليج والشركة المتحدة عملوا لي تصاميم حلوة لأني شريت بورسلان حمامات من عندهم لكن بسبب اهمالي بتزويدهم بمواقع الشباك ومواقع الاكسسوارات بدقة تعبت واضطريت أقعد مع مهندس التشطيبات يومياً في التفاصيل

والله يوفقكك

[معماري قطري]

لو حصل انترير دزاينر فاهم صح ويتابع التنفيذ زين لكن غالبية المهندسين يسون شيء عام أو يخططون حسب مواد محل معين أو يسوون شيء خيالي

لو تبي مصمم انترير أعرف مكتب قوي يسوي تصميم انترير بس غالي .. مكتب مؤكد ومكتبين احتمال كبير عندهم

[هارون الرشيد]

وأعمل أحسابك أخوي أنه المرحاض تكرم والملايكة والسامعين .... مايكون مواجة القبلة أو مدبر القبلة