استفسار شارع خشم الزينة الجديد

[كلاسيك قطر]

من جرب الطريق الجديد من سلوى الى الدمام يختصر 200 ك

يمر على البحر الى هافمون الخبر

بعد كم كيلو المفرق وهل يوجد لوحات وعلامات وخدمات

[A-Alansari]

اذا تقصد الشارع الي قبل ماتروح الحسا تاخذه ويوديك الدمام على طول

بيجيك نفس مخرج يمين قبل ماتدخل الحسا مكتوب عليه الدمام يمين تاخذه كله سيدة لين نهايه الشارع يجيك مخرج يمين تطلع على خط الدمام

نهايه الشارع اقصد يعني مافي سيده بعد لازم تاخذ يمين من المخرج عشان توصل خط الدمام

اما اذا تقصد مخرج ثاني فماعرف صراحه بس هالطريج الي اعرفه يختصر وايد وانا اروح منه دوم

وعشان تتأكد انك على الخط صح هو يجيك ثلاث مسارات رايح وثلاثه جاي

[كلاسيك قطر]

اذا تقصد الشارع الي قبل ماتروح الحسا تاخذه ويوديك الدمام على طول

بيجيك نفس مخرج يمين قبل ماتدخل الحسا مكتوب عليه الدمام يمين تاخذه كله سيدة لين نهايه الشارع يجيك مخرج يمين تطلع على خط الدمام

نهايه الشارع اقصد يعني مافي سيده بعد لازم تاخذ يمين من المخرج عشان توصل خط الدمام

اما اذا تقصد مخرج ثاني فماعرف صراحه بس هالطريج الي اعرفه يختصر وايد وانا اروح منه دوم

وعشان تتأكد انك على الخط صح هو يجيك ثلاث مسارات رايح وثلاثه جاي
لا لا قبل خط الدمام وعقب محطه ساسكو اتلف يمين

[كود نمبر]

مرحبا اخوي
الطريق للحين مب جاهز لكن اذا حاب تجرب نفسك وتروح عليه الأمور سهله
تأخذ يمين مع طريق خشم الزينه بيكون البيب يباريك على يسارك قبل الهجرة
حول يسار وخلك تباري البيب الطريق سليت ماهو شين بتمشي حوالي 40 كيلو
بيجيك الطريق خطين رايحه وجايه وعليها لوحات إرشادية بتمشي لك حوالي 150 كيلو
او اقل بتشوف هاف مون والشاليهات على يدك اليمين الطريق المزفلت ممتاز ولا عليه زحمه
بس المشكلة في الأربعين كيلو اول ماتحول اذا موترك فورويل جرب ورح معاه

أتمنى أني وضحت لك الطريق

[كلاسيك قطر]

مرحبا اخوي
الطريق للحين مب جاهز لكن اذا حاب تجرب نفسك وتروح عليه الأمور سهله
تأخذ يمين مع طريق خشم الزينه بيكون البيب يباريك على يسارك قبل الهجرة
حول يسار وخلك تباري البيب الطريق سليت ماهو شين بتمشي حوالي 40 كيلو
بيجيك الطريق خطين رايحه وجايه وعليها لوحات إرشادية بتمشي لك حوالي 150 كيلو
او اقل بتشوف هاف مون والشاليهات على يدك اليمين الطريق المزفلت ممتاز ولا عليه زحمه
بس المشكلة في الأربعين كيلو اول ماتحول اذا موترك فورويل جرب ورح معاه

أتمنى أني وضحت لك الطريق
لاهنت يالغالي بس انا قالولي شارع قار وكل شي اوكي
وطوله 30 كيلو

[Dana’1]

لااا الي قالوا لك يمكن يقصدون طريق العيون إلي هو قبل الأحساء بكم كيلو تاخذه يمين لأن هو الي تقريبا30-40كم ومن هناك طريقين واحد يطلعك على محطة العيون والثاني طريق العقير قار فعلا ويطلعك على هافمون كمسافه ماتفرق كثييير بين خط العيون والعقير الفرق بالزحمه طريق العيون مزدحم عكس العقير شبه فاضي


أما إلي تقصده من لفة خشم الزينه هذا للحين بر وكنكريت ولا حوله القار تمشي مباري البيب تقريبا 50-60كم تجيك شركه كبيره بمعداتها واضحه يمين خط البيب بعدهالشركه تقريبا ب40 أو اكثر شوي تقريبا يجيك*خط سفلت لين هافمون

أحنا تو يوم الخميس رايحيين من عنده بس مو من عند خشم الزينه
رحنا لين لوحة الفرداني وعقب نزلنا البر لييين قطعنا خط البيب لين الشركه الي قلت لك عندها تقريبا25-30كم
وبعدها تخلي الشركه يمينك وتمشي على خط كنكريت تقريبا 40-50 ممكن اكثر شي بسيط لين خط السفلت إإلي يوديك لهافمون

تدري عاد اذا باريت الساحل تشوف انوار أم باب ودخان... ياليت لو يسون جسر ليين الخبر^_^

بالتوفيق

[(عبدالله)]

السلام عليكم

شكثر هالطريق يختصر مسافة ووقت عن طريق العقير؟

مثلاً إذا من الدوحة إلى مجمع الراشد يأخذ 3 ساعات ونص بدون زحمة المراكز ، كم هالطريق بيوفر علي؟

[ya3coub]

انا رايح و راد على الطريق الي اهو مختصر من العقير

بعد محطة السيح يمين و من ثم اول مخرج يمين "الي اهو يقولك القرى الشرقية يسار" تمشي سيدا مسافرة 30 كيلو رايح راد الشارع بعدين من الجسر تاخذ يسار باتجاه العزيزية الشارع من احسن ما يكون بالعكس وايد وايد زين و حلو و فاضي و وسيع غير الـــ30 كيلو رايح راجع و نقطة تفتيش وحدة ولا رادارات ولا اي شي مافيه محطات بترول و يطلعك كللللللللللللللللللللللللللللللللللله سيدا عالخبر جسر البحرين.


غيره في الي اهو من خشم الزينة اصحاب الفورويل يستخدمونه عبارة عن كركري و ليس بقار مسافرة 60 كيلو يطلعك على المخرج الي قلت لك الجسر يسار.

هاي يختصر ساعه إلى ربع.

حاليا انا من الدوحة للبحرين مع المراكز و بدون سرعه مفرطة تاخذلي بالظبط 4 ساعات و الوالد معاي يعني مافي مجال اسرع.

مع مختصر خشم الزينة من الدوحة للبحرين بـــ3 ساعات اذا مسرع و 3 و ربع اذا مو مسرع



اتمنى بالجهات السعودية يكملون هالـــ60 كيلو من الخط والله بيفيد اهل الخليج وااااايد وااايد اهل عمان و الأمارات

و البحرين و الكويت الكل بياخذ هالمختصر و بيصير حيوي و الزحمة بتخف عالحسى

[كلاسيك قطر]

انا رايح و راد على الطريق الي اهو مختصر من العقير

بعد محطة السيح يمين و من ثم اول مخرج يمين "الي اهو يقولك القرى الشرقية يسار" تمشي سيدا مسافرة 30 كيلو رايح راد الشارع بعدين من الجسر تاخذ يسار باتجاه العزيزية الشارع من احسن ما يكون بالعكس وايد وايد زين و حلو و فاضي و وسيع غير الـــ30 كيلو رايح راجع و نقطة تفتيش وحدة ولا رادارات ولا اي شي مافيه محطات بترول و يطلعك كللللللللللللللللللللللللللللللللللله سيدا عالخبر جسر البحرين.


غيره في الي اهو من خشم الزينة اصحاب الفورويل يستخدمونه عبارة عن كركري و ليس بقار مسافرة 60 كيلو يطلعك على المخرج الي قلت لك الجسر يسار.

هاي يختصر ساعه إلى ربع.

حاليا انا من الدوحة للبحرين مع المراكز و بدون سرعه مفرطة تاخذلي بالظبط 4 ساعات و الوالد معاي يعني مافي مجال اسرع.

مع مختصر خشم الزينة من الدوحة للبحرين بـــ3 ساعات اذا مسرع و 3 و ربع اذا مو مسرع



اتمنى بالجهات السعودية يكملون هالـــ60 كيلو من الخط والله بيفيد اهل الخليج وااااايد وااايد اهل عمان و الأمارات

و البحرين و الكويت الكل بياخذ هالمختصر و بيصير حيوي و الزحمة بتخف عالحسى

أيوه عليك نور يالغالي هاي الي اقصده من خشم الرينه بس انا شفت قار من اسبوعين انا كنت موجود ع الخط يجطون قار عليه