::: أرجو الإفادة: مطلوب مراحل التشطيب بأفضل سيناريو ممكن :::

[إعلامي قطر]

..

بسم الله الرحمن الرحيم..

بأختصار يا أخوان عقب الإنتهاء من مرحلة العظم ممكن
الإفادة على شكل نقاط بجميع الخطوات اللاحقه للفائده؟

مثال:
التبليط
ضرب البيت برايمر
وعقب تركيب الدرايش والأبواب
وعقب تركيب المكيفات
(هل يفضل تركيب المكيفات قبل الصبغ وقبل المعجون؟)
تركيب الجبس
(هل يفضل صبغ الأسقف أولاً لتوفير طبقة عزل؟)
وهكذا..

ياليت بس للتأكيد تتكرمون بكتابة الخطوات على
شكل نقاط لأن هذا الموضوع يهمني ويهم بعض
الربع الجداد في موضوع البنيان وتكلمنا
عنه في المجلس أمس ولين الحين يقرقع
في صدري وحاب أتأكد منكم وشكراً..

..

[سالم الزهران]

اتمنى تثبيت مثل هالمواضيع للفائدة العامة و المنتدى فيه متخصصين وخبرة و يا زينها بدال ما انشد عن شيء في السوق ، الاقيه بالمنتدى ومن ناس ناصحين و اخويا ،،،،موفق يا صاحب الموضوع

[Azizuk]

شوف طال عمرك

اول شي تخلص تمديدات السباكة والكهرباء ومد انابيب التكيف ( بيبات الغاز المكيفات )

عشان لو في تكسير يجي البناي يعدل لك اللي كسروه العمال

بالنسبة للحمامات وانت بكرامة تعمل لها العوازل

بعدها تبلط حوائط الحمامات والمطابخ فقط

والأرضية تخليها بعدين

تخلص اعمال الجبس ومن بعدها تقدر تمد بيبات الكهرباء الارضيّة

عشان عمال الجبس مايكسرون بيبات الكهرباء

طبعا تحط بعين الاعتبار لو عندك تسليك لكاميرات او سماعات تقدر تسويه قبل

الشبابيك بعد تقدر تأخذ مقاساتها وإذا تقدر تركبها قبل او مع تركيب الجبس عشان الغبار والأتربة ماتدخل البيت وتوصخ لك المكان

بعد الانتهاء من هذا كله تقدر تسوي برايمر ومعجون اذا انت حاب

بعد الانتهاء من هذا كله تقدر تبلط أرضيات البيت مع أرضيات الحمامات عشان يكونون مستوى واحد او الحمام بعض الأشخاص يحبونها نازله واحد سنتمتر عن أرضيات البيت

بعدها تقدر تأخذ مقاسات البيبان الداخلية هذا لو بتخلي فريم الباب فوق بلاط الأرضيات

والو بتخليه تحت البلاط ممكن تأخذ مقاسات البيبان قبل تبليط الأرضيات الخيار عندك

لان في السابق يقول لك خل فريك الباب تحت قبل التبليط أقوى

اما حالياً معظم الناس تخلي فريك الباب فوق البلاط

عشان الارضه والحشرات ماتاكل الباب في المستقبل

ومن بعدها تقدر تصبغ البيت

طبعا كل شخص على حسب رغبته


وان شاالله الأعضاء في المنتدى مايقصرون معاك

ماشالله على بعض الأعضاء شرحهم وافي ومرتب

ملاحظة :victory:
لازم تحط في عين الاعتبار اذا مكيفاتك دكت لازم تعمل حسابها مسبقا من بداية العظم

وإذا بتركب حجر وشعائر للشبابيك الفيلا لازم تتركب قبل أخذ مقاسات وتركيب الشبابيك

[سعود.]

مازود على كلامك اخوي ( azizuk ) وانا اعتبرك مرجع لنا في المنتدي .

بس أفضل العازل المائي قبل كل شي .

واعجبتني فكرة فريم الباب فوق الارضية منعا للارضة والنمل الابيض .

[Azizuk]

مازود على كلامك اخوي ( azizuk ) وانا اعتبرك مرجع لنا في المنتدي .

بس أفضل العازل المائي قبل كل شي .

واعجبتني فكرة فريم الباب فوق الارضية منعا للارضة والنمل الابيض .

ماعليك زود ياسعود وإلا باقي الأعضاء

بس العازل المائي وانت بكرامه للحمام لازم الواحد يكون حذّر

لو سمح الله حد خدشه من العمال ممكن ينجرح ويتسرب الماي في المستقبل

بعض شركات العازل يقول لك انت جيب عمال صب عليه صبيه وخرسانه

مب كل شركة ناصحه لك وفي ناس كثيرة ماتعرف بعض الأسرار

اول شي تسوي زاوية مايلة قبل العازل وبعدها مسحها بالبوتمين ( القار ) وبعدها تيرم ( قماش من فايبر مع قطن قوة تحمل الف ) بعدها رول العازل وبعدها فحص العازل بالماء

واخر مرحلة الصبيه الخرسانية

وبعدين يجي السباك يمدد بيبات الصرف

وهذا بعض الصور توضح بعض المراحل

96928

هذا هو التيريم القماش الأبيض

96926

وهذي بعد وضع رول العازل

96927

وآخر صورة تبين اخر مرحلة بعد صب الخرسانة الخفيفه قبل تركيب البيبات

[سعود.]

انا اقصد العزل المائي ( لسطح ) . انة يكون قبل كل شي علشان لاسمح الله لو فية تسريب مايخرب شغل الكهرباء والديكور .

[معماري قطري]

مازود على كلامك اخوي ( azizuk ) وانا اعتبرك مرجع لنا في المنتدي .

بس أفضل العازل المائي قبل كل شي .

واعجبتني فكرة فريم الباب فوق الارضية منعا للارضة والنمل الابيض .

الفريم فوق والسآب فريم أو الفريم الأساسي واللي يكون من المارين بلايوود عادي يكون جزء منه تحت ولو تم غمس الجزء التحتي في دواء الأرضة يكون أقوى ويقاوم لسنين طويلة .. البعض يغطسه في كاز أو ديزل بس الأطراف لازم نعزل عدل بطبقة ماستك وحبل ماستك لو أمكن بعد ازالة جزء من البورد المنضغط وهذا لو في حالة سوينا خرسانة تحت البلاط لكن بدون خرسانة مغامرة ما انصح بها

[معماري قطري]

انا اقصد العزل المائي ( لسطح ) . انة يكون قبل كل شي علشان لاسمح الله لو فية تسريب مايخرب شغل الكهرباء والديكور .

صحيح هذا أول شيء نبدأ به لأَن ما نضمن شيصير معانا وحتى الرطوبة البسيطة تتكثف وقت الصيف وتدخل في الخرسانة وتخربها وتصدي الحديد .. في هالوقت اتوقع المطر وقف لكن مهم نحسب حسابنا ما نتأخر عن شهر 9 ونكون مخلصين عازل السقف

التشطيب يكون ماشي من الداخل للخارج ومن فوق لتحت .. دوم السقف نبدأ في انهاؤه سواءً بالجبس ودكتات التكييف والإنارة أو على الأقل التجهيز لها من حيث التمديدات ونظام الإطفاء والإنذار والسماعات والكاميرات إن وجدوا بعدها نتجه للأرضيات بعدها تشطيب الحوائط .. الأرضيات حتى ممكن تشطيبها قبل مع وضع حماية عليها وبدون عمل الروبة .. الروبة نعملها بعد ما ننتهي من التشطيب بشكل شبه كامل وتكون خاصة ومناسبة لنوعية الأرضية عندنا .. الباركيه والأرضيات الخشبية غير تركيبها يتم بعد انتهاء الصبغ أفضل

الوضع للحمامات والمطابخ يختلف بعد التمديدات نركب الحوائط وبعدها الأسقف وآخر شيء الأرضيات وبعدها التجهيزات .. طبعاً تفاصيل التركيب تحتاج مهندس مشرف وتفصيل هندسي بالرسم واللي يعتمد على العمال والا على مقدرته الشخصية لازم بيخطيء وأحياناً الأخطاء كبيرة

[إعلامي قطر]

..

عزيزك بخصوص بايبات الغاز مددتها مره ولما جوني
عمال الصبغ قاموا يحركونها عشان البرايمر وإلخ
وكسروا بعض البايبات وتلعوزت وأيضاً دفعت
لشركة المكيفات مبلغ إضافي للتصليح !

ليش مايكون تمديد بايبات الغاز
عقب البرايمر والمعجون مثلاً
وقبل الصبغ مباشره؟

..

[معماري قطري]

ماعليك زود ياسعود وإلا باقي الأعضاء

بس العازل المائي وانت بكرامه للحمام لازم الواحد يكون حذّر

لو سمح الله حد خدشه من العمال ممكن ينجرح ويتسرب الماي في المستقبل

بعض شركات العازل يقول لك انت جيب عمال صب عليه صبيه وخرسانه

مب كل شركة ناصحه لك وفي ناس كثيرة ماتعرف بعض الأسرار

اول شي تسوي زاوية مايلة قبل العازل وبعدها مسحها بالبوتمين ( القار ) وبعدها تيرم ( قماش من فايبر مع قطن قوة تحمل الف ) بعدها رول العازل وبعدها فحص العازل بالماء

واخر مرحلة الصبيه الخرسانية

وبعدين يجي السباك يمدد بيبات الصرف

ما قصرت بشرحك الوافي بس المفروض العزل نسويه بعد تمديدات الصرف ويتم التركيز على عزل المنطقة حول البايبات بالتومين والعازل وتسكيرها صح قبل بالبلاستر .. بايبات الصرف بعد ما يتم لحام قطعها وتوصيلاتها صح بلاصق قوي وبتدخيلها في بعض مسافة كافية وبتركيب وصلة خاصة للبي تراب تمنع رجوع الماء والروائح وتسوي اغلاق محكم لازم نسوي فحص لها على ضغط مناسب .. صراحة نسيت كم بار بس حتى نشوف لو فيها تسريب في الوصلات .. بعدين نسوي العازل واحنا متطمنين

العازل نرفعه شوي ليكون في حدود 10 سم مرتفع من مستوى بلاطة الأرضية على الحائط .. ولو كنا مسوين بلاط الحائط قبل نترك آخر بلاطة تحت نركبها بعد العازل بحيث أسفلها يغطي أعلى العازل .. نفحص العازل وبعدها ندفن برمل ناعم وفوقه نسوي صبية بحدود 7 سم أو 5 سم للحمامات الصغار وتنرش بالماء لفترة اسبوعين حتى تقوى ونقدر بعد ما تنشف نركب بلاط الأرضية

السقف ممكن نكون مسوينه قبل أو عقب بس مهمة نظافة الشغل حتى ما يتكسر البلاط والسقالات تكون بتواير أو قطع بلاستيكية أسفلها حتى ما تجرح البلاط أو نركب بلايوود بكامل أرضية الحمام وقبله بلاستيك حماية للبلاط

مهم يستوي لنا انترلوك بين بلاط الأرضية وبلاط الحوائط

الطريقة الثانية نركب الأرضية قبل والحائط بعدين بس مكان الالتقاء لازم نحط سيليكون لأن يكون فيه خط فاصل بسيط يسرب الماء جهة الحايط ويبقع على الحائط من برا

السلوبات مهمة جهة الصرف للحمام والمطبخ وعمل نعلة بسيطة حول 1 سم مرتفعة ومحفوفة الزوايا عند باب الحمام ضروري وحطيت شرح وصور لها قبل

وهذا بعض الصور توضح بعض المراحل

96928

هذا هو التيريم القماش الأبيض

96926

وهذي بعد وضع رول العازل

96927

وآخر صورة تبين اخر مرحلة بعد صب الخرسانة الخفيفه قبل تركيب البيبات

خلاص إخوي بو سعود البايبات مركبة والأرضية جاهزة للتبليط .. بس هنا يبغي لك تجرب ميلان السطح أما بالتيلة تنحط في الطرف ولازم تتدحرج ناحية الصرف من كل الأطراف أو بالماء .. وقبل بالميزان تتأكد من السلوبات

[معماري قطري]

اللي عندك يمكن نظام ثاني والنظام اللي ذكرته انا غير

اتوقع بيسوي لك البي تراب فوق الصبية وبيحط رمل وبعدين بلاستر بسلوب بس هشكل بتبقى عندك نقاط ضعيفة ممكن يتسرب منها الماء اللي هي الجانبية

كان المفروض يركب البايبات كلها ويعزل حولها وتحتها ومثل ما ذكرت يمدد العازل لتحت آخر بلاطة حائط

في حالتك انتبه للأطراف وما اشوف بلاط حائط والبلاستر ناعم يبين لي .. ممكن ناوي تسوي بلاط الأرضية قبل وبعدين الحوائط حتى يبين الشكل أحلى والبلاطة مالت الحائط تجي فوق بلاطة الأرضية وفي هذي الحالة زاوية التقاء البلاطتين لازم تنعزل بالسيليكون .. تركيب بلاط الحوائط لازم يكون بمونة مناسبة للبلاستر الناعم لاصق قصدي .. كان لازم الحوائط مخشنة شوي حتى تمسك مع اللاصق ومع البلاط

والله يوفقك ويعينك بس انتبه ثرى بعض العمال والشركات يمشون وضع خاطيء لعدم علمهم به .. تفكك البلاط مشكلة مستفحلة والوقاية منها سهلة بالتخشين وباللاصق المناسب وطريقة الخلط الصحيحة وبالمقادير الصحيحة .. فيه لاصق تلصق به البلاطة على الزجاج ولا تطيح وبكمية بسيطة

[معماري قطري]

..

عزيزك بخصوص بايبات الغاز مددتها مره ولما جوني
عمال الصبغ قاموا يحركونها عشان البرايمر وإلخ
وكسروا بعض البايبات وتلعوزت وأيضاً دفعت
لشركة المكيفات مبلغ إضافي للتصليح !

ليش مايكون تمديد بايبات الغاز
عقب البرايمر والمعجون مثلاً
وقبل الصبغ مباشره؟

..

اللي يشتغلون الصبغ عندك ( تيوس ) والا البايب بارتب حوله وباخليه بس ما همهم يخربون شيء ويخلصون شغلهم

[إعلامي قطر]

اللي يشتغلون الصبغ عندك ( تيوس ) والا البايب بارتب حوله وباخليه بس ما همهم يخربون شيء ويخلصون شغلهم

أنا أشهد يالخبير هههه
يعني نعتمد تمديد البايبات قبل الصبغ خلاص :)

..

[معماري قطري]

أنا أشهد يالخبير هههه
يعني نعتمد تمديد البايبات قبل الصبغ خلاص :)

..

هذا الصح وينعمل بلاستر حولها قبل بس لو تشوف شركة التكييف يحددون بالضبط وين الفتحات حتى التركيب يكون سلس زين

يا اخوي على طاري سالفة الخبير حلمت ببانغ جابوه خبير عندنا .. وانا شكلي خلاص آوت حان وقت الراحة أو مرحلة جديدة في تغيير شامل لطبيعة الشغل والمكان .. الله ييسر اللي فيه الخير إن شاء الله دعواتكم لي بالتوفيق

[سعود.]

مشكور اخوي ( معماري ) على الردود الوافية منك ومازلنا نتعلم منك .

ولا هو قصور بباقي الاعضاء والشكر ايضا لشموخ دائم و azizuk الي تعلمنا منهم كثير .

[معماري قطري]

مشكور اخوي ( معماري ) على الردود الوافية منك ومازلنا نتعلم منك .

ولا هو قصور بباقي الاعضاء والشكر ايضا لشموخ دائم و azizuk الي تعلمنا منهم كثير .

العفو يا اخوي هي عدة طرق لها محاسنها ومساوئها ولازم ننتبه للتنفيذ .. كثير من الدول يتم فيها تنفيذ البايبات من تحت الصبية ويتم اخفاؤها في السقف تحت وبعضها في تجويف خاص .. ولا يسوون عازل نهائياً وأسقفهم خشب بس يهتمون بتفاصيل العزل من فوق ومن خلال السيراميك والمونة تحت السيراميك

وبو سعود طريقة شغل بيته صح انا ما انتبهت بعدين كبرت الصور وشفت البايبات وبيمددون البيتراب فوق الخرسانة وبيدفنون وبعدين بعد صبية والبلاط وهو ما ينخاف عليه ينتبه ويقرأ ويتابع الله يوفقه

[Aozomblue]

السلام عليكم
كنت بنبه على موضوع عزل الحمامات بس شكلة اخوي معماري ما قصر ما شاء الله عليه
يعطيك العافية اخوي معماري كفيت و وفيت

[بوخالد911]

هلا بكم

قبل لا تصبغ الغرف
لازم تكون حطيت الدرايش والبيبان
عشان لا يتوصخ الصبغ.

[معماري قطري]

السلام عليكم
كنت بنبه على موضوع عزل الحمامات بس شكلة اخوي معماري ما قصر ما شاء الله عليه
يعطيك العافية اخوي معماري كفيت و وفيت

عليكم السلام ورحمة الله وبركاته

الله يعافيك .. تبي الصج الموضوع طويل وفيه تفاصيل كثيرة وطرق كثيرة صعب ينشرح في كم كلمة .. للمهتمين لازم يقرون ويتابعون كتب مختصة في هذي الأُمور

[Azizuk]

هلا بمعماري قطري

بيبات التصريف تركبت بعد الخرسانة والصبيه وبعد الفحص عليها تم دفنها

وهذي صور توضيحية

96931

96932

96933

96934

هذا البيبات تم وضعها بعد الانتهاء من العازل والابلاستر

وطبعا الطابوق المكسر يرفع البيبات تم إزالتهم واستبدال قطع الطابوق بالدفان عشان ماتتكسر البيبات

المشكلة أني ماعرف انزل صور الا عن طريق المنتدى والصور تطلع صغيرة

ماعرف استخدم البرامج الاخرى مع أني حاولت انزل من كذا برنامج وماعرفت في السابق كنت استخدم غلف أب وبعدين قفل الموقع

أسف الصور طلعت مقلوبة ماعرفت شلون أعدلها

[Azizuk]

مشكور اخوي ( معماري ) على الردود الوافية منك ومازلنا نتعلم منك .

ولا هو قصور بباقي الاعضاء والشكر ايضا لشموخ دائم و azizuk الي تعلمنا منهم كثير .

مشكور اخوي سعود وجميع الأعضاء مشكورين

المنتدى وأعضاء المنتدى مايقصرون فيهم الخير والبركة

وانا بعداستفدة استفادة عظيمة من الأعضاء في السابق قبل ابتدئ بالبناء

[معماري قطري]

هلا بمعماري قطري

بيبات التصريف تركبت بعد الخرسانة والصبيه وبعد الفحص عليها تم دفنها

وهذي صور توضيحية

96931

96932

96933

96934

هذا البيبات تم وضعها بعد الانتهاء من العازل والابلاستر

وطبعا الطابوق المكسر يرفع البيبات تم إزالتهم واستبدال قطع الطابوق بالدفان عشان ماتتكسر البيبات

المشكلة أني ماعرف انزل صور الا عن طريق المنتدى والصور تطلع صغيرة

ماعرف استخدم البرامج الاخرى مع أني حاولت انزل من كذا برنامج وماعرفت في السابق كنت استخدم غلف أب وبعدين قفل الموقع

أسف الصور طلعت مقلوبة ماعرفت شلون أعدلها

الطريقة صحيحة يعني عزلوا مداخل البايبات من الطوفة صح وسووا العازل والصبية وبعدين كملوا البايبات

فهمت غلط أو خانني التعبير .. في النهاية المهم العازل يكون مرتفع على الجدران وداخل تحت آخر بلاطة حائط ولا شيء يخرقة ويخربه من البايبات .. يعني التركيب يكون على دفعتين دفعة قبل العازل ودفعة بعد الصبية والعازل وبعدين يجي الدفان وتجي صبية خفيفة للتبليط .. الصبية الاولى تكون أساسية لحماية العازل وتكون ناعمة ويفترض يجي فاصل بينها وبين العازل

قلت لك شغلك صح ومنتبه الله يوفقك وتخلص على خير

[إعلامي قطر]

هذا الصح وينعمل بلاستر حولها قبل بس لو تشوف شركة التكييف يحددون بالضبط وين الفتحات حتى التركيب يكون سلس زين

يا اخوي على طاري سالفة الخبير حلمت ببانغ جابوه خبير عندنا .. وانا شكلي خلاص آوت حان وقت الراحة أو مرحلة جديدة في تغيير شامل لطبيعة الشغل والمكان .. الله ييسر اللي فيه الخير إن شاء الله دعواتكم لي بالتوفيق

يبي لنا شركه بنيان يالخبير إللي يشاركك ربحان :)

بالمناسبه على طاري المكيفات يالخبير متى
أركبهم بأي مرحله بالضبط عقب المعجون
ولا عقب الصبغ النهائي؟

..

[معماري قطري]

يبي لنا شركه بنيان يالخبير إللي يشاركك ربحان :)

بالمناسبه على طاري المكيفات يالخبير متى
أركبهم بأي مرحله بالضبط عقب المعجون
ولا عقب الصبغ النهائي؟

..

سامحني يا اخوي استويت ما انتبه لكل المشاركات

يعتمد الله يسلمك أي نوع تكييف بتستخدم والتجهيز للتكييف دوم يكون من الأساس

للسبلت أحسن تخطط أماكنه مع توزيع الأثاث من البداية يعني من التصميم .. لو مواجهك مشكلة وهواه بارد يضر .. المهم البايبات تنزل سيدة من فوق لتحت حتى يسهل تبديلها

طريقة الأمريكان حلوة يسوون دكتات تمديد تحت البلاط من الحوش لداخل البيت ويحطون الوحدة الخارجية بين الزراعة .. الوحدة الداخلية يخلونها واقفة في كبت خاص في الجدار وتكون سهلة صيانتها ومنها تطلع دكتات للبيت كله حتى للحمامات وتكون أصغر وهذا للدكت سبلت

عندنا بعد ما يتحدد المكان وتتمدد البايبات وينعمل بلاستر حولها والمفروض يحدد مكان البايب مختص من الشركة حتى يكون المكيف مكانه مثل ما نبغيه بعدين نصبغ قبل التركيب أو نركب ورق جدران أو أي تشطيب

[معماري قطري]

طريقة الأمريكان أفضل لأن مسار الغاز يكون أُفقي والكمبريسر يشتغل براحته .. الوحدات تقريباً في نفس المستوى وبعدين الدكتات توزع الهواء

[إعلامي قطر]

عليكم السلام ورحمة الله وبركاته

الله يعافيك .. تبي الصج الموضوع طويل وفيه تفاصيل كثيرة وطرق كثيرة صعب ينشرح في كم كلمة .. للمهتمين لازم يقرون ويتابعون كتب مختصة في هذي الأُمور

يالخبير جعلي ماذوق حزنك مافينا شدة كتب..

مشاركاتك الجميله إنت وباقي الأخوان هي
أفضل مرجع بالنسبه لي والنقاشات في
هذا القسم صدقاً علمتني الشيء الكثير !

جزاكم الله عنّا خير الجزاء..

..

[معماري قطري]

يالخبير جعلي ماذوق حزنك مافينا شدة كتب..

مشاركاتك الجميله إنت وباقي الأخوان هي
أفضل مرجع بالنسبه لي والنقاشات في
هذا القسم صدقاً علمتني الشيء الكثير !

جزاكم الله عنّا خير الجزاء..

..

الله يجزيك بما دعيت

البعض يا اخوي ما يتثقف في الشيء ويسوي بحث بسيط قبل ليسويه .. والبعض ينخدع من الكلام ويسمع النصيحة اللي هو يبيها وأحياناً يسمع لمجتهد يشوف الموضوع من منظور واحد .. المختصين يدرسون الموضوع من جوانبه ويمكن شفتني في الغالب ما اقدر اعطي راي سريع ولازم ادرس التصميم بعض المواضيع حسب الخبرة والامور اللي تمر علي اعطي اجابة مقتنع بها 100%

[Stars]

شوف طال عمرك

اول شي تخلص تمديدات السباكة والكهرباء ومد انابيب التكيف ( بيبات الغاز المكيفات )

عشان لو في تكسير يجي البناي يعدل لك اللي كسروه العمال

بالنسبة للحمامات وانت بكرامة تعمل لها العوازل

بعدها تبلط حوائط الحمامات والمطابخ فقط

والأرضية تخليها بعدين

تخلص اعمال الجبس ومن بعدها تقدر تمد بيبات الكهرباء الارضيّة

عشان عمال الجبس مايكسرون بيبات الكهرباء

طبعا تحط بعين الاعتبار لو عندك تسليك لكاميرات او سماعات تقدر تسويه قبل

الشبابيك بعد تقدر تأخذ مقاساتها وإذا تقدر تركبها قبل او مع تركيب الجبس عشان الغبار والأتربة ماتدخل البيت وتوصخ لك المكان

بعد الانتهاء من هذا كله تقدر تسوي برايمر ومعجون اذا انت حاب

بعد الانتهاء من هذا كله تقدر تبلط أرضيات البيت مع أرضيات الحمامات عشان يكونون مستوى واحد او الحمام بعض الأشخاص يحبونها نازله واحد سنتمتر عن أرضيات البيت

بعدها تقدر تأخذ مقاسات البيبان الداخلية هذا لو بتخلي فريم الباب فوق بلاط الأرضيات

والو بتخليه تحت البلاط ممكن تأخذ مقاسات البيبان قبل تبليط الأرضيات الخيار عندك

لان في السابق يقول لك خل فريك الباب تحت قبل التبليط أقوى

اما حالياً معظم الناس تخلي فريك الباب فوق البلاط

عشان الارضه والحشرات ماتاكل الباب في المستقبل

ومن بعدها تقدر تصبغ البيت

طبعا كل شخص على حسب رغبته


وان شاالله الأعضاء في المنتدى مايقصرون معاك

ماشالله على بعض الأعضاء شرحهم وافي ومرتب

ملاحظة :victory:
لازم تحط في عين الاعتبار اذا مكيفاتك دكت لازم تعمل حسابها مسبقا من بداية العظم

وإذا بتركب حجر وشعائر للشبابيك الفيلا لازم تتركب قبل أخذ مقاسات وتركيب الشبابيك




ملاحظة بسيطة :

جدران الحمامات تتبلط قبل عمل عازل أرضية الحمام

[معماري قطري]

ملاحظة بسيطة :

جدران الحمامات تتبلط قبل عمل عازل أرضية الحمام

أكيد أفضل لأن أي قطعة بلاط تطيح بتخدش العازل .. بس البلاطة الأخيرة يستحسن نخليها عقب واللي هو صف البلاط السفلي وبحيث تكون البلاطة مغطية جزء من العازل اللي يرتفع صوب الحائط .. بعدها تجي بلاطات الأرضية تثبت بلاطة الحائط الأخيرة وتسوي اقفال محكم على العازل وفي نفس الوقت نتجنب انفتاح زاوية التقاء بلاط الحائط ببلاط الأرضية .. ولو سوينا الأرضية قبل وركبنا البلاطة الأخيرة عليها حتى تكون كاملة تبقى معالجة الزاوية هذي ضرورية بالسيليكون دائماً لأَنها تنفتح

عارف صعب توصل المعلومة وشرحي يمكن ما ينفهم للكثيرين