الخوف ( فوبيا جهاز الاشعه الرنين المغناطيسي!!

[الماريّة]

السلام عليكم ورحمه الله وبركاته

جهاز الاشعه الرنين المغناطيسي

بعض المرضى او الغالبيه العظمى يخاف من جهاز
الرنين المغناطيسي بسسبب ضيقه وجلوسه فيه
مابين (30 دقيقه واكثر

ولايخفى عليكم اغلب من يجب عليهم التصوير كبار
السن الذين يخافون من الاماكن الضيقه

برأيكم ايش نصيحتكم لمن يعانون الخوف

هل ممكن نصيحه منكم او طريقه يتبعها المريض
قبل دخوله الجهاز حتى لايشعر بضيق التنفس

للعلم طرحت هذا الموضوع لانه توجد عندي حاله
مريض يعاني من الخوف من هذه الامكان ولابد يعمل
هذا الاشعاع ضروري جدا


وهل يوجد بديل له مع العلم ان الدوله تخسر في هذا
الجهاز مبالغ كبيره ومع ذلك قليل من المرضى يستعملونه


انتظر ردودكم المشجعه
/
\
/
اختكم
الماريه


96929

[لبيبة]

وعليكم السلام ورحمة الله وبركاته،

يطلب الاستماع للقرآن راحة لنفسه، ويصبر ويعلم أن هذا الجهاز يستخدم للمساعدة في تشخيص ومتابعة الأمراض وهو ضروري،

وهناك جهاز mri مفتوح في مختبر أشعة الخليج، ممكن يصور به لو خايف وايد.

لكن لا داعي للقلق من الجهاز بإذن الله، والله يشافي مرضاكم ومرضانا ومرضى المسلمين.

[بانغ بانغ]

عن نفسي تعودت وجتني خبرات فيه من الام الدسك

صحيح كانه لحد / قبر وفي ناس ما يتقبلونه

[brooq]

السلام عليكم .. أختي المارية اسمعيني وركزي في كلامي شوي ..

أنا مرة انطلب مني عمل تصوير بجهاز الرنين المغناطيسي (mri).

رحت مستشفى حمد في اليوم الموعود ودخلت قسم الأشعة وبعدين الفني الفلبيني لبسني شيء مثل خوذة الرأس وسدحني تمهيداً لحشري في الجهاز .. طبعاً قال لي ممنوع أتكلم أو أتحرك طالما كنت داخل الجهاز .. ربع أو ثلث ساعة تقريباً حسب كلامه

الجهاز شبيه بالأنبوب وبمجرد دخول رأسي في الجهاز تخليت نفسي مدخليني القبر .. وصرخت في الفلبيني ستوووووب.

طبعاً هو .. عرف ردة فعلي من كثر الحالات اللي تمر عليه .. وقالي شكلك ما تقدر .. قلت له مستحيل أدخل في هذا الجهاز ..

قال لي جرب الجهاز اللي في مستشفى الرميلة .. وسيع وجديد .. وتقنية أحسن.

أنا في قلبي قلت معاد راح أجرب من كثر ما أنسدت نفسي .. لكن بعد مدة خذيت موعد في الرميلة وفي اليوم الموعود رحت وأنا كلي خوف ... لكن.

بمجرد وصولي ودخول للجهاز اللي في الرميلة ما بغيت اطلع منه من كثر ما استانست عليه .. حتى أني بغيت أنام في ..

وش زينه .. وسيع لدرجة أن الواحد يقدر يجلس فيه.. .. نصيحتي روحوا للجهاز اللي في الرميلة.

تحياتي ..

[<اضرب واشرد>]

قال لي جرب الجهاز اللي في مستشفى الرميلة .. وسيع وجديد .. وتقنية أحسن.


السلام عليكم
يعني جهاز الرميلة المريح، أدق وأفضل؟ ويؤدي نفس الغرض؟
زين ليش مايركبون مثله في مستشفى حمد

[عيسى111]

دخلت جهاز الرنين ونمت وما حسيت إلا وهو يصحوني من النوم

[سالم الزهران]

الجيت وي حق الجديد اوسع و كذلك السرير ،،، وربنا يشافي كل مريض ،،،اشوف يروح مع المريض ناس يرفهون عنه


وبالاخير ربنا لطيف بعبادة ، ما تشوفون شر

[الماريّة]

وعليكم السلام ورحمة الله وبركاته،

يطلب الاستماع للقرآن راحة لنفسه، ويصبر ويعلم أن هذا الجهاز يستخدم للمساعدة في تشخيص ومتابعة الأمراض وهو ضروري،

وهناك جهاز mri مفتوح في مختبر أشعة الخليج، ممكن يصور به لو خايف وايد.

لكن لا داعي للقلق من الجهاز بإذن الله، والله يشافي مرضاكم ومرضانا ومرضى المسلمين.





مرحبتين اختي لبيبه

الله يسلمج يارب ويبعد عنكم الامراض وجميع المسلمين

والقران لابد يحطونه له بس المشكله شلون نقنعه بعدم الخوووف

والجهاز هو mri مثل ماقلتي

واشكرج على ردج الجزيل

\
/

[الماريّة]

عن نفسي تعودت وجتني خبرات فيه من الام الدسك

صحيح كانه لحد / قبر وفي ناس ما يتقبلونه

مرحبا اخوي بانغ
ماشاء الله عليك

وصادق والله كنه قبر احنا يالمعافين نخاف منه
الله يعينهم

وشاكره لك مرورك
\
/

[الماريّة]

السلام عليكم .. أختي المارية اسمعيني وركزي في كلامي شوي ..

أنا مرة انطلب مني عمل تصوير بجهاز الرنين المغناطيسي (mri).

رحت مستشفى حمد في اليوم الموعود ودخلت قسم الأشعة وبعدين الفني الفلبيني لبسني شيء مثل خوذة الرأس وسدحني تمهيداً لحشري في الجهاز .. طبعاً قال لي ممنوع أتكلم أو أتحرك طالما كنت داخل الجهاز .. ربع أو ثلث ساعة تقريباً حسب كلامه

الجهاز شبيه بالأنبوب وبمجرد دخول رأسي في الجهاز تخليت نفسي مدخليني القبر .. وصرخت في الفلبيني ستوووووب.

طبعاً هو .. عرف ردة فعلي من كثر الحالات اللي تمر عليه .. وقالي شكلك ما تقدر .. قلت له مستحيل أدخل في هذا الجهاز ..

قال لي جرب الجهاز اللي في مستشفى الرميلة .. وسيع وجديد .. وتقنية أحسن.

أنا في قلبي قلت معاد راح أجرب من كثر ما أنسدت نفسي .. لكن بعد مدة خذيت موعد في الرميلة وفي اليوم الموعود رحت وأنا كلي خوف ... لكن.

بمجرد وصولي ودخول للجهاز اللي في الرميلة ما بغيت اطلع منه من كثر ما استانست عليه .. حتى أني بغيت أنام في ..

وش زينه .. وسيع لدرجة أن الواحد يقدر يجلس فيه.. .. نصيحتي روحوا للجهاز اللي في الرميلة.

تحياتي ..

مرحبتين اخوي بروق

هذا هو نوع الجهاز mri
نفس الي استخدمته وصحيح السرير ماله ضييق
حتى الاشخاص المتان ينحشرون فيه ماعرف شلون مختارين هالنوعيه

وبالنسبه للرميله شلون طيب يقبلون يسووون الاشعه للمريض وهو
مب بنفس المستشفى من مستشفى اخر

ياليت تفيدنا عشان نحول نبدل المكان

والله يشفيك يارب ويشفي جميع مرضى المسلمين

شاكره لك مرورك الكريم

\
/

[fantasy]

الله يجيرنا عذاب القبر و اهواله
ويشافي مرضى المسلمين

[زمن الغربة]

دخلت جهاز الرنين ونمت وما حسيت إلا وهو يصحوني من النوم

هههههه والله ضحكتني أخوي عيسى

دخلت هالجهاز اربع مرات ثلاث مرات في حمد....اول مره الأمور طيبه..عقب كل ما قلت حق حد ان حطوني فالجهاز يقولون لي كأنه قبر صح...فصار عندي ايحاء..فالمرتين اللي عقب صرت كل ما ادخل فالجهاز احس بضيقه :(

اخر مره فحصت فالجهاز اللي فالخور كان ممتاز....شكله مثل الحلقه...تحس براحه والامور طيبه

[جبر ال جبر]

يمكن بعضهم من جانب صحي يشوف الموضوع يعني اذكر جاري من 20 سنه كنا نضحك عليه لمن يودي عده الحلاقه الخاصه فيه لمحل الحلاق ونقول شفيه معقد الحين ماعتقد في واحد في قطر (نظيف) ماتكون له عده خاصه للحلاق
ونفس الشخص كان اذا يبون يجبون خبز من الخباز تكون فوطه خاصه للخبز يقول للصبي عنده حطها في الفوطه هذي او باسكت خشبي ولايحطونها في كيس النايلون او البلاستك
الحين في قانون طالع يحظر وضع الخبز في كيس بلاستك
نجي عند هالنوع من الاجهزه يمكن ناس تشوفها من الناحيه الصحيه مشكله لاني سمعت بعض الاجهزه غير مناسبه للحوامل معانها الجهاز اكيد في ضرر بسيط ع الجسم
فاللي عنده فوبيا على كلامج اتوقع مش خوف من الجهاز نفسه وبس الا ابعاده الصحيه له نظره فيها قد تكون صحيحه

[الحياة الخالدة]

السلام عليكم و رحمة الله
الله يشفي مريضكم و يعافيه و ياجره خير
الاخوان و الاخوات ما قصروا

الفحص بالرنين المغناطيسي ضروري جداً في حالات معينة ولا يغني عنه أي فحص آخر
مشكلته مثل ما قلتي أختي الخوف من الجهاز كونه ضيق و مغلق

لو كان موعد مريضكم في حمد ممكن تسألونهم إذا كان في إمكانية يعطونه الموعد في مستشفى آخر يتوفر فيه الجهاز المفتوح

و الرابط اللي وضعته بالأسفل قد يساعد قليلاً .. و خصوصاً نقطة مرافقة أحد أقارب المريض له في غرفة التصوير مع الأخذ في الاحتياط خلوه من أي أشياء معدنية أو مانعة لتواجده في المنطقة

http://www.zemodi.de/Patienteninfo-Magnetresonanztomographie-Klaustrophobie.html?l=ar

ما عليكم شر ان شاء الله

[حمد بن سعد]

اذا تقصدين جهاز التابوت مستشفى العمادي عنده واحد حديث ومفتوح

[بوعلاوي]

مرتين دخلت الجهاز ما حسيت شي وشغلوا لي القران .. مافي شي يخوف بالجهاز يفحصون جسمي يشوفون
انصح اللي يخافون يذكرون الله والجهاز عادي يساعد الاطباء معرفه المرض

[الماريّة]

السلام عليكم
يعني جهاز الرميلة المريح، أدق وأفضل؟ ويؤدي نفس الغرض؟
زين ليش مايركبون مثله في مستشفى حمد

مرحبا اخوي شاكره لك مرورك الكريم

وصدقت المفروض يكثرون من هالنوعيه

[الماريّة]

دخلت جهاز الرنين ونمت وما حسيت إلا وهو يصحوني من النوم

ماشاء الله عليك

والله فكره بس الي يخاف منه ماظنه بنام
وشاكره لك مرورك

[الماريّة]

الجيت وي حق الجديد اوسع و كذلك السرير ،،، وربنا يشافي كل مريض ،،،اشوف يروح مع المريض ناس يرفهون عنه


وبالاخير ربنا لطيف بعبادة ، ما تشوفون شر

مرحبتين اخوي سالم الزهران
ماعرفت الي تقوله ( الجيت وي )

ممكن تكتب اسمه بالانجليزي
والله يجزاك خير ويشفي كل المسلمين

شاكره لك واسعدني حضورك لمتصفحي

[الماريّة]

الله يجيرنا عذاب القبر و اهواله
ويشافي مرضى المسلمين

اللهم امين يارب

واسعدتني بمروك اخوي الكريم

[السيف5]

معقولة مستشفى حمد العام

ماعندهم الجهاز المفتوح

ألحين حتى عيادة الشرطة عندهم

انا سويته عندهم الصبح وبصراحة غفت عيني

[الماريّة]

هههههه والله ضحكتني أخوي عيسى

دخلت هالجهاز اربع مرات ثلاث مرات في حمد....اول مره الأمور طيبه..عقب كل ما قلت حق حد ان حطوني فالجهاز يقولون لي كأنه قبر صح...فصار عندي ايحاء..فالمرتين اللي عقب صرت كل ما ادخل فالجهاز احس بضيقه :(

اخر مره فحصت فالجهاز اللي فالخور كان ممتاز....شكله مثل الحلقه...تحس براحه والامور طيبه

مرحبتين اخوي زمن الغربه

ماشاء الله عليك حلووو والله
وبما انك تعودت عليه لاتخلي احد يأثر عليك وتستضيق منه
وهو في الاخير لو المريض يفكر انه بتم فتره وبيطلع مكان حس
بشعور الخوف

وبنشوف جهاز الخور اذا يناسبنا بنحول عليهم
وجزاك ربي الفردوس على مرورك العطر

\
/

[أم عزوزي]

الله يجيرنا من عذاب القبر

وعساكم على القوة وربي يشفي جميع المرضى

بصراحه كوني كمريضه ديسك في الظهر والرقبه

كنت احتاج وايد لعمل هالنوعيه من هالاشعه

لكن الحمدلله كون دكتوري في الأهلي اخذ منه تحويل واروح العمادي لان الي عندهم مفتوح

وبنفس اليوم اخذ نسخه من التقارير واقدر اروح فيها أي مكان ثاني

لكن الحمدلله دام الرميله فيها جهاز اريح ف ان شاء الله يستفيد منها الجميع

وماعليكم شر يارب

[عيسى111]

هههههه والله ضحكتني أخوي عيسى

دخلت هالجهاز اربع مرات ثلاث مرات في حمد....اول مره الأمور طيبه..عقب كل ما قلت حق حد ان حطوني فالجهاز يقولون لي كأنه قبر صح...فصار عندي ايحاء..فالمرتين اللي عقب صرت كل ما ادخل فالجهاز احس بضيقه :(

اخر مره فحصت فالجهاز اللي فالخور كان ممتاز....شكله مثل الحلقه...تحس براحه والامور طيبه

هذا اللي صار معاي يا خوي زمن الغربة مشكلتي إذا انسدحت في أي مكان أنام على طول

[بانغ بانغ]

المشكلة ان اللي ايكح او يعطس او يتحرك لازم ايسويه مرة ثانية لان الثبات ضروري

عشان النتايج اتكون واضحة

[الماريّة]

يمكن بعضهم من جانب صحي يشوف الموضوع يعني اذكر جاري من 20 سنه كنا نضحك عليه لمن يودي عده الحلاقه الخاصه فيه لمحل الحلاق ونقول شفيه معقد الحين ماعتقد في واحد في قطر (نظيف) ماتكون له عده خاصه للحلاق
ونفس الشخص كان اذا يبون يجبون خبز من الخباز تكون فوطه خاصه للخبز يقول للصبي عنده حطها في الفوطه هذي او باسكت خشبي ولايحطونها في كيس النايلون او البلاستك
الحين في قانون طالع يحظر وضع الخبز في كيس بلاستك
نجي عند هالنوع من الاجهزه يمكن ناس تشوفها من الناحيه الصحيه مشكله لاني سمعت بعض الاجهزه غير مناسبه للحوامل معانها الجهاز اكيد في ضرر بسيط ع الجسم
فاللي عنده فوبيا على كلامج اتوقع مش خوف من الجهاز نفسه وبس الا ابعاده الصحيه له نظره فيها قد تكون صحيحه


هلا اخوي جبر

تسلم على مرورك الطيب
والله يعين رفيجك هاي حاله وسواس نظافه الي بهالنوعيه

وبخصوص المرضى الي يخافون من هالجهاز
لا هم اصلا مايحبون الاماكن الضيقه بشكل عام

وهاي الي يمنعهم من عمل هالفحوصات

والله يعين الجميع وشاكره لك تواجدك
\
/

[محمد2]

مستغرب ليش ما يوسعون التابوت اللي يدخلون المريض فية ، يعني مب خسرانين الشركة المصنعة

[فريج شرق]

اختي ممكن المستشفى يعطيك حبة مهدئة لدخول الجهاز ويروح الخوف وكل شي بيكون تمام ان شاء الله

[سالم الزهران]

اقصد المدخل حق المريض واسع مرّه في الاجهزة الجديدة و يفرق عن الاول كثير يعطي شعور بالراحه نوعاً ما عن الاولي و نحمد الله ان وفروا هذه الاجهزة ونطلبه الشفاء لكل مريض ,, جزاك الله خير اختنا المارية

[معماري قطري]

عن نفسي تعودت وجتني خبرات فيه من الام الدسك

صحيح كانه لحد / قبر وفي ناس ما يتقبلونه

الله يشفيك

انا سمعت مبالغات كثيرة عنه لكن قرب الأنف فيه جهاز يبث هواء بارد منعش وفيه أُكسجين على ما اعتقد .. سويت للرقبة في مستشفى الخور ولازم الرقبة تكون ثابتة بقاعدة خاصة تثبت الراس وكانت تجربة صعبة بسبب خوفي من اللي سمعته .. بعدها في ألمانيا سويت للظهر وكان الصوت مزعج أما الجهاز مريح وكنت مغمض عيوني ومرتاح

نصيحتي الواحد ما يخاف ولا يسمع مبالغات الناس

[معماري قطري]

مستغرب ليش ما يوسعون التابوت اللي يدخلون المريض فية ، يعني مب خسرانين الشركة المصنعة

صناعته تحتم يكون ضيق علشان المجال المغناطيسي يكون فعال وتبين الصور

[بصمة قطرية]

دخلته وايد عشان الدسك والصداع ..
و كل مرة تجيني ضيقة و أعد الثواني
متى بخلص :(
والمشكلة كل مرة أتخيل يتسكر علي و لا يطيح فوقي :(
وأتم على أعصابي ..

[الماريّة]

برد عليكم ان شاء الله كلكم
واشكر تفاعلكم جميعا في موضوعي

راجعه لكم باذن الله
/
\

[بوحارب]

سويت mri تقريبا عشرين مره خلال اربع سنوات ماضيه

بس الامور طيبة الحمدلله

اقول لفني الاشعه يشغل لي القرآن وانشغل بالأذكار

وأغمض عيني لييييييين ما يسحبني الفني خارج الاشعه

[ya3coub]

يعتمد على الشخص و الي معاه بيدخلونه و يسون له التصوير للأسف البعض فيهم دفاشة

مرة واحد من ربعي مسوي حادث دراجة و مكسر مسكين و اسمع صراخه من برع الغرفة دخلت معاه و قلت لهم خلوه يشوف الجهاز اول شي صج مكسر بس لازم يرتاح فوق الآلم اتقولونله لا تتحرك.


الشخص قبل لا يدخل يقول للدكتور او الي بيسويله تراني خايف و متردد و الناس مخوفيني و احس فيه ضيق هل ممكن افحص الجهاز " طبعا ما راح يفحصه" بقدر ما انه سلمسه و يشوفه و ياخذ لفه حوله و يعرف انه عبارة عن سرير يدخل و يطلع بكل بساطة و اذا الدكتور او الممير الي معاه وافقو ما ناحسوه بيرتاح

هاي طبيعه البشر و بعدها يغمضعينة و ممكن يحس بصداع بسبب الأشعة و الرنين بس عادي يحاول يتخيل شي يحبه يخطط حق سفرة يحط امله بأنه بعد هالتصوير و العملية الي بيسويها شنو بيسوي.

يهط هدف جدامة و اهم مغمض عيونه يفكر بحياته و مستقبله ولا بيحس إلا و اهم مطلعينه و يقولونله يا فلان افتح عينه ترا خلصنا

[aloosh]

سويت في المانيا وكان مفتوح وزي الفل مو نفس هذا
اعتقد هذا القديم في المستشفيات المطوره حلو ها المشكله

[العقل المدمر]

اتذكر وحدة جابوها الغرفة فالمستشفى وتصييييح منهاااارة
سالناها شفيج قالت دخلوني الجهاز وتخيلت نفسي فالقبر
واحنا نهديها ونقول لها ذكري الله ومسكينة نامت عقب من التعب

المهم صار في خاطري اجرب هالجهاز :(
مايصير يسوون نفسه يسمونه جهاز التوبة
نقط داخله الناس الفاسدة يمكن يتوبون :(

[فلان]

http://www.amerimedimaging.com/wp-content/uploads/2013/04/Closed-vs-Open-compare.jpg