عيادة الخراشي للاسنان - استشاره [الأرشيف] - منتديات شبكة الأسهم القطرية

مشاهدة النسخة كاملة : عيادة الخراشي للاسنان - استشاره

S.T.Y.L.E

23-04-2016, 09:03 PM

السلام عليكم

شرايكم في عيادة الخراشي للاسنان ( فرع الوعب )
ابي اركب تلبيس ( جسور ) واسعارهم غاليه بس ماعندي مشكله ادفع اذا كواليتي عالي مع العلم ان بحتاج علاج عصب

حد جرب ؟ وشرايكم في شغلهم ؟

بصمة قطرية

24-04-2016, 03:15 AM

ممتازين ..
صحيح أسعارهم غالية مثل ما ذكرت
بس شغلهم ممتاز ..
بوالعيال جربهم ..

qatari911

24-04-2016, 06:16 AM

للامانه جربته وشغلهم ممتاز
ومعكم في نقطة الاسعار مرتفعه بس يستاهل شغلهم نظيف

بوراشد82

24-04-2016, 02:39 PM

Saoud_

24-04-2016, 02:51 PM

انا مسويه عندهم ابتسامه هوليود بثمانيه وسبعين الف، وكم مره تطيح القشره،، وعلى فكره ماسويتها الا للضروره لان اسناني كانت فوق بعض ومشوهه ،،واعرف وحده للحين دافعه بعياده الخراشي ميه وثلاثطعش الف،، جدا" مبالغ بأسعاره ،، لو يرجع فيني الزمن رحت تايلند ولا اي دوله ثانيه اعدل اسناني بربع السعر ونفس الجوده

بل شدعوه 78 الف ريال عشان اسنان
روح الاردن

qatari911

24-04-2016, 03:14 PM

انا مسويه عندهم ابتسامه هوليود بثمانيه وسبعين الف، وكم مره تطيح القشره،، وعلى فكره ماسويتها الا للضروره لان اسناني كانت فوق بعض ومشوهه ،،واعرف وحده للحين دافعه بعياده الخراشي ميه وثلاثطعش الف،، جدا" مبالغ بأسعاره ،، لو يرجع فيني الزمن رحت تايلند ولا اي دوله ثانيه اعدل اسناني بربع السعر ونفس الجوده

عسى ماشر 78000 الف
والله لو سنوني متكسره ما ادفع هالمبلغ
قلنا اسعاره غالية بس ماتوصل للمبلغ هذا مثل ماقال الاخ الي قبلي روحي الاردن والا دبي

الشمالي111

24-04-2016, 03:19 PM

نصيحة الجسور ما منها فايدة مع مرور الوقت يصير فيه فتحه بين الجسر و اللثه انصح بالغرس افضل بكثير من الجسر واما بخصوص الخراشي ما عليه كلام

بصمة قطرية

24-04-2016, 03:36 PM

نصيحة الجسور ما منها فايدة مع مرور الوقت يصير فيه فتحه بين الجسر و اللثه انصح بالغرس افضل بكثير من الجسر واما بخصوص الخراشي ما عليه كلام

أنا مسوية جسور
لثتي وايد حساسة ما تتحمل زراعه ..
و سويت كل أسناني بس تلبيسات
مش القشرة أو العدسات او الفينير ..
لها أكثر من مسمى ..
الحمدلله مرتاحة مع الجسور و التلبيسات
صار لي سنتين و الكل يسألني وين مسويتها ..

الشمالي111

24-04-2016, 03:56 PM

أنا مسوية جسور
لثتي وايد حساسة ما تتحمل زراعه ..
و سويت كل أسناني بس تلبيسات
مش القشرة أو العدسات او الفينير ..
لها أكثر من مسمى ..
الحمدلله مرتاحة مع الجسور و التلبيسات
صار لي سنتين و الكل يسألني وين مسويتها ..

صحيح كلامتس بس مع مرور الوقت ما اقصد المدى القريب لاني شفت مقطع على اليوتوب يتكلم فيه عن مضار الجسر مع المدى البعيد اذا حصلته بحطه هنا

جبر ال جبر

25-04-2016, 08:59 AM

شالفرق بين الجسور والزراعه وين احسن عياده للزراعه الاسنان في قطر

ضوى

25-04-2016, 09:04 AM

عسى ماشر ذهب ؟ شهالسعر ؟

أم عزوزي

25-04-2016, 09:05 AM

للأسف عيادات الاسنان صايره ادفع وهات ما في جيبك

عنبوه عشان ضرس يجلعونه ويركبون لي تاج دافعه بس (للجلع بس)12000 + 4500(للتاج)

ورحت ساعتين ونص وهم يلعبون في ضروسي ويشقون ويشيلون ويحطون

واخر شي يقولون حجم التاج غلط اسمحيلنا

قسم بالله زفيتهم زف وطلعت

للأسف مافي رقابة ولا أي كلام

وشركات التامين ماتغطي

لاتعليق نتم على ضريساتنا وايد ابرك

S.T.Y.L.E

25-04-2016, 09:17 AM

S.T.Y.L.E

25-04-2016, 09:19 AM

شكرا جزيلا لكل اللي شاركو بردودهم

S.T.Y.L.E

25-04-2016, 09:20 AM

أنا مسوية جسور
لثتي وايد حساسة ما تتحمل زراعه ..
و سويت كل أسناني بس تلبيسات
مش القشرة أو العدسات او الفينير ..
لها أكثر من مسمى ..
الحمدلله مرتاحة مع الجسور و التلبيسات
صار لي سنتين و الكل يسألني وين مسويتها ..

انا نفسج ، بس للاسف كسروه مستشفى رميله يعلهم الـ ... يوم شالو ضرس العقل
ف مضطر اسوي واحد جديد

وين سويتيه ؟

S.T.Y.L.E

25-04-2016, 09:25 AM

عسى ماشر 78000 الف
والله لو سنوني متكسره ما ادفع هالمبلغ
قلنا اسعاره غالية بس ماتوصل للمبلغ هذا مثل ماقال الاخ الي قبلي روحي الاردن والا دبي

والله تسمح لي ، صج برى ارخص بوايد واسرع
لكن انا مجرب ، والله عالجت برى بسررررعه وبسعر جدا بسيط وطبعا انا مب دكتور
مستخدمين نوعيه مب كواليتي عالي ، غير جذي ركب لي جسر على اسنان فيها اعصاب ، حزتها كنت ماعرف هالسوالف الا لين رن علي راسي واضطريت اشيله واعالج

فالدوحه صج غاليين ، بس حكم عقلك في اختيار المكان و اذا مادفعت على نفسك ليش تخزن فلوسك

S.T.Y.L.E

25-04-2016, 09:31 AM

شالفرق بين الجسور والزراعه وين احسن عياده للزراعه الاسنان في قطر

الجسر : يشيل لك عصب الضرس ، وينحت الضرس ويغطيه في ضرس سيراميك كنه طبيعي بالضبط ومايتسوس
الزراعة : يشيل الضرس المنتهي ، ويحط مثل مسمار ( قطعه بلاتينيوم ) ، وانواع الزرعات مختلفة في السريعه وفيه البطيئه على حسب السعر ، المهم بعد ماتلتحم قطعه البلاتينيوم مع العظم ، يتم تغطيتها بسن

الزراعه افضل لكن اغلى بكثير من الجسر
ماجربت الزراعه ، والجسور بجربها عند الخراشي خلال هالفتره

Wolf 91

25-04-2016, 12:36 PM

الجسر : يشيل لك عصب الضرس ، وينحت الضرس ويغطيه في ضرس سيراميك كنه طبيعي بالضبط ومايتسوس
الزراعة : يشيل الضرس المنتهي ، ويحط مثل مسمار ( قطعه بلاتينيوم ) ، وانواع الزرعات مختلفة في السريعه وفيه البطيئه على حسب السعر ، المهم بعد ماتلتحم قطعه البلاتينيوم مع العظم ، يتم تغطيتها بسن

الزراعه افضل لكن اغلى بكثير من الجسر
ماجربت الزراعه ، والجسور بجربها عند الخراشي خلال هالفتره

صحيح كلامك عن الزراعه ، لكن عن الجسر غلط اللي انت ذكرته هاي التلبيسه يلبسون اسنانك اللي ساحبين عليه العصب يبردونه ويخلونه مثل المسمار ويلبسون عليه سيراميك

اما الجسر غير

الجسسر عنك ضرس مفقود شايلينه لك .. في هالحاله الطبيب يخيرك بين انه يسوي لك زراعه او جسر عشان يغطي الفراغ

الجسر ينحت الضرسين اللي جنب الضرس المفقود عشان يلبسهم ويحط الجسر ..

نصيحه الجسر مضاره على المدى البعيد واجد .. يتجمع الاكل ويسبب رائحه بالفم ومع الوقت اللثه ترتخي وتبعد عن الجسر

نوفا91

26-04-2016, 12:11 AM

انا سويت عندهم تلبيس والدكتور سافر وللحين انطر يكمل شغله ، بس رحت لهم من قبل وهلي كلهم عنده من زمان شغلهم نظيف وماعليه كلام

بصمة قطرية

26-04-2016, 12:37 AM

انا نفسج ، بس للاسف كسروه مستشفى رميله يعلهم الـ ... يوم شالو ضرس العقل
ف مضطر اسوي واحد جديد

وين سويتيه ؟

عند دكتور أحمد كان في عيادة الشفاء
صار له فترة طلع من عندهم
شغله ما عليه كلام
عيالي كلهم عالجوا اسنانهم عنده ..
بشوف وين راح و بقول لك ..

بصمة قطرية

26-04-2016, 12:38 AM

صحيح كلامك عن الزراعه ، لكن عن الجسر غلط اللي انت ذكرته هاي التلبيسه يلبسون اسنانك اللي ساحبين عليه العصب يبردونه ويخلونه مثل المسمار ويلبسون عليه سيراميك

اما الجسر غير

الجسسر عنك ضرس مفقود شايلينه لك .. في هالحاله الطبيب يخيرك بين انه يسوي لك زراعه او جسر عشان يغطي الفراغ

الجسر ينحت الضرسين اللي جنب الضرس المفقود عشان يلبسهم ويحط الجسر ..

نصيحه الجسر مضاره على المدى البعيد واجد .. يتجمع الاكل ويسبب رائحه بالفم ومع الوقت اللثه ترتخي وتبعد عن الجسر

صحيح كلامك عن التلبيسات والجسور ..
واللي لثته حساسه ما يقدر غير إنه يركب جسر ..
الزراعه لازم. اللثة سليمة و قوية ..

S.T.Y.L.E

05-05-2016, 11:14 PM

طيب حد جرب خلع سن فيه خراج ( بعيد الشر عن الجميع )
هل الالم ياخذ اسبوع جذي ؟ لان عندي واحد شلته وصار تقريبا 5 ايام ، ضرس العقل ماسوى فيني جذي :(
المسكن يقضي على الالم بس مب زيينه الادويه وايد ، عندي بعد مضاد حيوي ومضاد التهاب

هل هالشي طبيعي ؟