استفسار قانوني عن تفتيش خفر السواحل

[احب قطر]

السلام عليكم ورحمة الله وبركاته ،

عندي استفسار للاخوة العاملين في المجال القانوني ، ادارة أمن السواحل وفي الفترة الاخيرة صارو ينزلون الطراريد ويفتشونها ، وكلامهم انها تعليمات عالكل ، فهل يجوز قانونيا هذا الإجراء ، والاستفسار الثاني شفت يوم الجمعة أفراد أمن السواحل راحو عند واحد من سنابيك الاجار والنوخذه هندي ، وطلبو الظاهر القول والهندي قال باكلم الكفيل بيجيبه الحين ، وشوي الا هم راكبين السنبوك وللعلم ان كان فيه ناس ، فهل هذا الإجراء صحيح ان يركب السنبوك؟

[Sowaidi]

وعليكم السلام ورحمه الله وبركاته

اتوقع حالهم حال الجمارك والمعابر البريه وبإمكانهم التفتيش اي وقت

[BoFahed]

اخوي اتوقع للتفتيش المعدات و مواصفات السلامه والانقاذ وهذا لصالح الركاب وحوادث القوارب السياحية تتسبب لمجازر وكلنا نتذكر الحادثة اللي صارت بالبحرين وغيرها

يعطيهم الف عافيه اسود الداخلية

[ضوى]

طبعا هذا شي قانوني لانه عندهم ترخيص كمفتشين وكل هذا لسلامة الركاب

[@north_star@]

طبعا يصير اخوي لانه خفر السواحل جهة أمنية حكومية

[غريب الدّار]

أعتقد اخوي ان التفتيش ما يجوز الا بامر من النيابة
الا اذا هم كلموا صاحب الطراد وقالوا له صراحة ان التفتيش مايجوز الا بموافقته وطلبوا منه موافقة وهو وافق ، يعني يقولون له ان احنا نبي نفتش ومانقدر الا بموافقتك وهو وافق

هذا اللي اعرفه اخوي
واذا اني غلطان أتمنى حد يصحح لي المعلومة

[monatee]

مثال: لو عندي يخت وكنت فيه بوسط البحر

ورفضت التفتيش ؟؟ شلي بيصير وشنو بيترتب علي ، ولا اليخوت ماينطبق عليها التفتيش

مب تفتيش اماكن او اشياء شخصيه تحتاج اذن النيابه ؟

[غريب الدّار]

طبعا يصير اخوي لانه خفر السواحل جهة أمنية حكومية
يعني هل يحق لأي دورية توقفني في الشارع وتفتش سيارتي؟
لان الشرطة جهة امنية حكومية ؟

[غريب الدّار]

مثال: لو عندي يخت وكنت فيه بوسط البحر

ورفضت التفتيش ؟؟ شلي بيصير وشنو بيترتب علي ، ولا اليخوت ماينطبق عليها التفتيش

مب تفتيش اماكن او اشياء شخصيه تحتاج اذن النيابه ؟
استفسار سليم وفي محله اختي
المفروض اذن من النيابة على حسب علمي

[monatee]

طبعا يصير اخوي لانه خفر السواحل جهة أمنية حكومية


حتى الشرطه جهه امنيه عسكريه .. ومايحق لهم يدخلون بيوتنا او حتى تفتيش سيايرنا الا باذن النيابه

[غريب الدّار]

حتى الشرطه جهه امنيه عسكريه .. ومايحق لهم يدخلون بيوتنا او حتى تفتيش سيايرنا الا باذن النيابه

بالضبط اختي
مايجوز

الا اذا وقفوج مثلا وقالوا لج ان التفتيش مايجوز الا بموافقتج وسالوج هل توافقين على التفتيش ولا لا

وانتي وافقتي

سواء دخلوا سيارتج او بيتج

وقتها يحق لهم التفتيش بدون اذن من النيابة
واعتقد في حالات معينة


ولازلت اطلب تصحيح المعلومة اذا اني غلطان

[@north_star@]

يعني هل يحق لأي دورية توقفني في الشارع وتفتش سيارتي؟
لان الشرطة جهة امنية حكومية ؟


حتى الشرطه جهه امنيه عسكريه .. ومايحق لهم يدخلون بيوتنا او حتى تفتيش سيايرنا الا باذن النيابه

الحين في الطريج على سبيل المثال ثبوت فزعة شي طبيعي انه يقولك افتح شنطة السيارة واذا كنت مركب مخفي كحل ممكن يقولك نزل الجامة لانه عندهم ضبطيات قضائية ...وموضوع السيارات والطراريد يختلف كليا عن البيوت اللي يبيلها اذن نيابة وشي ثاني شلون يمسكون المهربين بالبحر وشدراه انه مهرب الا اذا وقفه وفتشه ؟؟؟ بيقوله انطر بالبحر اروح اجيب اذن نيابة ؟؟؟ هذا والله أعلم

[بانغ بانغ]

اللي فهمته من راع الموضوع بخصوص الاستفسار رقم 2 .. انه قارب سياحي يعني من حقهم ايفتشونه يمكن شاكين في شي

[غريب الدّار]

الحين في الطريج على سبيل المثال ثبوت فزعة شي طبيعي انه يقولك افتح شنطة السيارة واذا كنت مركب مخفي كحل ممكن يقولك نزل الجامة لانه عندهم ضبطيات قضائية ...وموضوع السيارات والطراريد يختلف كليا عن البيوت اللي يبيلها اذن نيابة وشي ثاني شلون يمسكون المهربين بالبحر وشدراه انه مهرب الا اذا وقفه وفتشه ؟؟؟ بيقوله انطر بالبحر اروح اجيب اذن نيابة ؟؟؟ هذا والله أعلم
هل في دورية فزعة او ثبوت تفتش مواتر؟
المخفي ممنوع بأمر القانون ماقلنا لا
وبعدين اخوي لما يقول لك نزل الجامة ، مايقصد يشوف شنو اللي داخل السيارة اخوي
يبي يتاكد من المخفي
المثال اللي ضربته ماله علاقة بالتفتيش
هذا شي

الشي الثاني :
ولا عمري مريت على دورية فزعة وقال لي افتح الشنطة !!! متى صارت هاذي؟

الشي الثالث :
هل تدري اخوي ان معظم الأخطاء القانونية اللي تخلي المتهمين في قضايا المخدرات بالتحديد يطلعون من القضية ؟
التفتيش بدون اذن

تصور !قضايا مخدرات ومطلوب فيها اذن

فما بالك بتفتفيش روتيني ؟

الشي الرابع :

لانه عندهم ضبطيات قضائية
شالمقصد من هالجملة اخوي ؟شلون يعني عندهم ضبطيات قضائية؟

[@north_star@]

يعني هل يحق لأي دورية توقفني في الشارع وتفتش سيارتي؟
لان الشرطة جهة امنية حكومية ؟


حتى الشرطه جهه امنيه عسكريه .. ومايحق لهم يدخلون بيوتنا او حتى تفتيش سيايرنا الا باذن النيابه


هل في دورية فزعة او ثبوت تفتش مواتر؟
المخفي ممنوع بأمر القانون ماقلنا لا
وبعدين اخوي لما يقول لك نزل الجامة ، مايقصد يشوف شنو اللي داخل السيارة اخوي
يبي يتاكد من المخفي
المثال اللي ضربته ماله علاقة بالتفتيش
هذا شي

الشي الثاني :
ولا عمري مريت على دورية فزعة وقال لي افتح الشنطة !!! متى صارت هاذي؟

الشي الثالث :
هل تدري اخوي ان معظم الأخطاء القانونية اللي تخلي المتهمين في قضايا المخدرات بالتحديد يطلعون من القضية ؟
التفتيش بدون اذن

تصور !قضايا مخدرات ومطلوب فيها اذن

فما بالك بتفتفيش روتيني ؟

الشي الرابع :

شالمقصد من هالجملة اخوي ؟شلون يعني عندهم ضبطيات قضائية؟

اي نعم اخوي في حالات ممكن يقولك افتح الشنطة اذا كانوا شاكين بشي والحين عندك بعض الفنادق من فترة مثل ماريوت وانت داخل من البوابة في امن ( مب شرطة ) يمرر الجهاز تحت السيارة ويقولك افتح الشنطة وهالشي صار باللاند مارك من فترة وانت داخل المواقف اللي تحت ........ وبالنسبة للمخفي درجة المخفي تبين بدون فتح جامات واذا طلب منك تنزيل الجامة فهذا اجراء امني وتقدر تسال .

والظبطية القضائية عبارة عن تخويل قانوني يخول حامله بالتفتيش واصدار المخالفات والتبليغ .

[monatee]

الحين في الطريج على سبيل المثال ثبوت فزعة شي طبيعي انه يقولك افتح شنطة السيارة واذا كنت مركب مخفي كحل ممكن يقولك نزل الجامة لانه عندهم ضبطيات قضائية ...وموضوع السيارات والطراريد يختلف كليا عن البيوت اللي يبيلها اذن نيابة وشي ثاني شلون يمسكون المهربين بالبحر وشدراه انه مهرب الا اذا وقفه وفتشه ؟؟؟ بيقوله انطر بالبحر اروح اجيب اذن نيابة ؟؟؟ هذا والله أعلم


حتى لو قال افتح الشنطه مايعني انه يحق له .. ولا اذا جاك الشرطي يسألك وين رايح !!! ترى مايخصك

ومايحق له يفتش السياره نهائيا .. ومثل ماقال اخوي (غريب الدار) اغلب قضايا المخدرات يطلع منها المروج بسبه اخطاء فنيه وتفتيشيه من الشرطه نفسهم

القانون واضح .. مايتفتش شي الا باذن

والشرطي عنده صلاحيه الضبطيه القضائيه بعد الاذن الرسمي مب من نفسه

اما موضوع المهربين .. يحق لهم يوقفونهم ويسألونهم مثل مايحق لدوريه المرور توقفنا وتطلب الليسن والاستماره حتى لو بدون سبب .. لكن مايحق لهم التفتيش

وفوق هذا المهرب اصلا ماراح يوقف لخفر السواحل .. واللي يصير عندنا انهم يتعدون على بحرنا ويدخلون حدودونا ..

وهذا اللي يخلي خفر السواحل يلاحقونهم ويقبضون عليهم ..اولا بتهمه التعدي على الحدود وثانيا على التهريب سواء مخدرات او غيره


في النهايه .. كلنا نبي الامن والامان .. لكن بعد مايصير التعدي على الحريات الشخصيه

[غريب الدّار]

والظبطية القضائية عبارة عن تخويل قانوني يخول حامله بالتفتيش واصدار المخالفات والتبليغ .

يعني الشرطة عندهم ضبطية قضائية ؟

وش له ياخذون اذن من النيابة في حالة مداهمات المخدرات اخوي او أي تفتيش آخر؟ ؟

هاذي نقطة

النقطة الثانية :
بالنسبة للفنادق اخوي والمجمعات لاحظ شغلة مهمة :
انت اللي رايح تبي تدخل
مب هم اللي جوك :)

تبي تدخل مكان خاص وراعيه يبي يفتشك هذا شي ثاني اخوي

النقطة الثالثة :
في حالة انه يحق للشرطة التفتيش بدون اذن اخوي :
هل يجوز هذا في كل حالة ؟

يعني اليوم لو حد من الشرطة مثلا او دورية جات البيت وقالوا لي بنفتش
وقلت لهم لا
هل يحق لهم يقولون عندنا ضبطية قضائية (على قولتك اخوي) ويفتشون البيت بدون اذن ؟


وسؤال أخير لك اخوي :
لو وقفتني دورية ثبوتوقال لي الشرطي ابي افتش السيارة وانا منعته
تعتقد وش راح يصير؟


وبعدين في نقطة اخوي :
اللي انا شبه متأكد منه ان ولا حد يقدر يفتشك في الشارع او في البيت بدون اذن من النيابة او اذنك انت شخصيا
وغير جذيه اعتقد اجراء باطل

[غريب الدّار]

.. واللي يصير عندنا انهم يتعدون على بحرنا ويدخون حدودونا ..

وهذا اللي يخلي خفر السواحل يلاحقونهم ويقبضون عليهم ..اولا بتهمه التعدي على الحدود وثانيا على التهريب سواء مخدرات او غيره


ياسلام عليج اختي

كلام سليم مليون في المية
في حالة التعدي يصير الاجراء اجراء آخر مثل ماتفضلتي اختي
لكن في الظروف العادية مايحق لهم التفتيش

[@north_star@]

[quote=غريب الدّار;10361553]يعني الشرطة عندهم ضبطية قضائية ؟

وش له ياخذون اذن من النيابة في حالة مداهمات المخدرات اخوي او أي تفتيش آخر؟ ؟

هاذي نقطة
اخوي لا تخلط الحابل بالنابل لما تصير مداهمة على بيت أو موقع لازم اذن من النيابة لانه يكون في بلاغ في النيابة أو المكافحة على بيت معين مب يدخل على أي بيت مني والطريج .....وتكون اساسا قضية وما يقدر أي شرطي انه يداهم البيت على مسؤوليته وبدون اذن .


النقطة الثانية :
بالنسبة للفنادق اخوي والمجمعات لاحظ شغلة مهمة :
انت اللي رايح تبي تدخل
مب هم اللي جوك :)

تبي تدخل مكان خاص وراعيه يبي يفتشك هذا شي ثاني اخوي

وحتى البحر انا رايحله مب هم قالولي تعال ... الفندق ملكية شخصية والبحر وغيره ملكية عامة .

النقطة الثالثة :
في حالة انه يحق للشرطة التفتيش بدون اذن اخوي :
هل يجوز هذا في كل حالة ؟

يعني اليوم لو حد من الشرطة مثلا او دورية جات البيت وقالوا لي بنفتش
وقلت لهم لا
هل يحق لهم يقولون عندنا ضبطية قضائية (على قولتك اخوي) ويفتشون البيت بدون اذن ؟

انا وضحت هالنقطة انه تفتيش البيوت يختلف عن السيارات والقوارب ^^^^.

وكلامي اخوي غريب الدار لا يعني انه 100% صح لانه هذا اجراء بديهي أو أمني على حسب الوضع والصفة القانونية ... وبانتظار اي قانوني معانا بالمنتدى يعطينا رايه أو فكرة عن الاجراءات المتبعة .

[غريب الدّار]

اخوي لا تخلط الحابل بالنابل لما تصير مداهمة على بيت أو موقع لازم اذن من النيابة لانه يكون في بلاغ في النيابة أو المكافحة على بيت معين مب يدخل على أي بيت مني والطريج .....وتكون اساسا قضية وما يقدر أي شرطي انه يداهم البيت على مسؤوليته وبدون اذن .

أي حابل واي نابل اخوي ؟
:)
نفس المنطق اللي تتكلم به تكلمت به
صار حابل ونابل الحين ؟؟
:)
وبعدين تقول :

لما تصير مداهمة على بيت أو موقع لازم اذن من النيابة
طيب والحالات الثانية مب لازم اذن ؟
وش معنى هاذي محتاجة اذن وغيرها لا؟ من وين جبت هالكلام ؟




وما يقدر أي شرطي انه يداهم البيت على مسؤوليته وبدون اذن .


انت رديت على نفسك بهالجملة وناقضت نفسك واثبت كلامي :
مايقدر أي شرطي انه يداهم او يفتش بدون اذن اخوي

وبعدين اخوي شالفرق بين لما يفتش في الشارع او يفتش في البيت حسب كلامك ؟
اذا عنده ضبطية قضائية على قولتك وحسب فهمك المفروض مايعوقه شي ويفتش على كيفه
:)
ولا انا غلطان ؟.



وحتى البحر انا رايحله مب هم قالولي تعال ... الفندق ملكية شخصية والبحر وغيره ملكية عامة
ومن قال لك انه يحق له يفتشك في البحر؟ هذا الكلام انت قلته بدون اثبات

حتى في البحر المفروض اللي يبي يفتش طراد لازم اذن
البحر ملكية عامة (عى قولتك)
والطراد ملكية خاصة اخوي
وعلى فكرة مب انا اللي أقول هالكلام :
الدستور اللي يقوله


انا وضحت هالنقطة انه تفتيش البيوت يختلف عن السيارات والقوارب ^^^^.

وكلامي اخوي غريب الدار لا يعني انه 100% صح لانه هذا اجراء بديهي أو أمني على حسب الوضع والصفة القانونية ... وبانتظار اي قانوني معانا بالمنتدى يعطينا رايه أو فكرة عن الاجراءات المتبعة .
انت ماوضحت شي اخوي
انت خلطت :)
وبعدين شنو اللي قلته عن البيوت اخوي ؟
ان لازم اذن ؟

انزين شالفرق بين البيت والسيارة من هالناحية ؟ الاثنين ملكية خاصة

وعلشان اخليك اتوضح الموضوع اعطيك سؤال على كيفك :
لو شرطي يبي يفتش سيارة وهي صافة في البيت داخل
هل يحق له ؟

انت ليش فرّقت لين البيت والسيارة وغيرها؟ على أي أساس اخوي ؟


وانت قلت ضبطية قضائية
تقدر توضح لي الضبطية القضائية تخول حاملها بتفتيش شنو بالضبط؟

[Riku3]

الصلاحية الكاملة مفسدة .. الي اعرفه ان التفتيش يكون اما بالموافقة او احضار اذن من الجهات المسئولة للتفتيش .. ولو في صلاحية كاملة اكيد بتصير تجاوزات ..

في حلقة من حلقات برنامج "الفزعة" الي انعرض على قناة الريان صار فيه هالشي ....

وقفوا 2 وكانوا يشربون خمر وفي الحلقة تكلموا عن هالموضوع وكيف ان صاحب السيارة وقع على ورقة اذن علشان يفتشون سيارته .

[غريب الدّار]

صاحب السيارة وقع على ورقة اذن علشان يفتشون سيارته .
صح كلامك اخوي ريكو


وين الضبطية القضائية اللي تكلم عنها نورث ستار؟
:)

[@north_star@]

صح كلامك اخوي ريكو


وين الضبطية القضائية اللي تكلم عنها نورث ستار؟
:)

يعني وقع وهو سكران :nice:

[غريب الدّار]

يعني وقع وهو سكران :nice:
وقع وهو سكران ولا وقع وهو خلفان انت شعليك منه؟

الموضوع موضوع هل محتاجين اذن ولا لا :)
ليش خلوه يوقع على اذن أصلا ؟

وين الضبطية القضائية اللي تكلمت عنها اخوي ؟ :)نسيتها شكلك

وبعدين اخوي خلك في الموضوع لو سمحت
لاني ان طلعت برع الموضوع بسألك :
هل مكتوب انهم كانوا سكارى ؟ هل مجرد شرب الخمر يخلي الواحد سكران ؟:)


طبعاماابي اطلع برع الموضوع بس لاتحدني اسالك اخوي هالاسئلة بعد

جاوب على الأسئلة اللي قبل ولا عليك امر :)

[البرونزي]

انزين وين المشكله اذا فتش طرادي ؟؟
بالعكس الله يجزاهم خير يكفي انهم حاميين البلاد من سوالف التهريب ولدرجة ان تجيهم طلقات ورمي من
المهربين غير الاجواء في البحر من حر وبرد وموج والله يعينهم اغلب الي يتكلمون مايعرفون ايش الي صاير بالضبط
خفر السواحل يراقب اي طراد ينزل بحر بالرادار مثلا لو راعي طراد وقف عند طراد ثاني وقف فتره وحرك ترا الطرادين
في هاللحظه عليهم شبهه عندهم احتمال ان طراد سلم طراد ثاني ممنوعات وحاله ثانيه اذا طراد وقف في مكان وحرك وجيت
انت وقفت مكانه بعد ممكن تكون عليك شبهه لان المهربين يقطون ممنوعات في البحر ويرسل الاحداثيه حق الي بيستلمها من البلاد
بصراحه الله يعينهم ويعطيهم العافيه ياما فتشونا وبالعكس نتعاون معاهم ومقدرين تعبهم ومجهودهم

[@north_star@]

بعد الاطلاع على بعض نصوص القانون السموحة من الجميع رايي ومعلوماتي خطأ بالنسبة لعملية التفتيش التي تتم بدون اذن من النيابة ويكون الاستيقاف وفق المادة 36 من قانون الإجراءات الجنائية إذا وضع الشخص نفسه في موضع الشك أو الريبة، فيتمثل الاستيقاف من خلال التحري عن الشخص عن اسمه ووجهته ومطالبته ببطاقته الشخصية، دون التعرض المادي له كطلب نزوله من السيارة وتفتيشها أو تفتيشه، فهنا نكون بصدد قبض لا تفتيش، ولا يجوز لمأمور الضبط القضائي القبض على الأفراد إلا في حالة التلبس.

http://www.raya.com/Mob/GetPage/f6451603-4dff-4ca1-9c10-122741d17432/5f5d0182-fd38-4860-b650-5c6aabf3a030

[غريب الدّار]

بعد الاطلاع على بعض نصوص القانون السموحة من الجميع رايي ومعلوماتي خطأ بالنسبة لعملية التفتيش التي تتم بدون اذن من النيابة ويكون الاستيقاف وفق المادة 36 من قانون الإجراءات الجنائية إذا وضع الشخص نفسه في موضع الشك أو الريبة، فيتمثل الاستيقاف من خلال التحري عن الشخص عن اسمه ووجهته ومطالبته ببطاقته الشخصية، دون التعرض المادي له كطلب نزوله من السيارة وتفتيشها أو تفتيشه، فهنا نكون بصدد قبض لا تفتيش، ولا يجوز لمأمور الضبط القضائي القبض على الأفراد إلا في حالة التلبس.

http://www.raya.com/Mob/GetPage/f6451603-4dff-4ca1-9c10-122741d17432/5f5d0182-fd38-4860-b650-5c6aabf3a030




رحم الله والديك اخوي
نورتني بهالمعلومة الله ينور عليك ووضحتها لي اكثر

تسلم يدك

[@north_star@]

رحم الله والديك اخوي
نورتني بهالمعلومة الله ينور عليك ووضحتها لي اكثر

تسلم يدك

رحم الله والدينا ووالديك والله ينور علينا وعليك ..... واللهم ادم علينا نعمة الامن والامان

[احب قطر]

انا من وجهة نظري هذا يعتبر افراط في استخدام السلطة ، خاصة موضوع التفتيش لان اي انسان لديه خصوصيات وحرمة ولايجوز التعرض لحرمته او خصوصياته الا بوجه حق .

للاسف ان ادارة خفر السواحل اصبحت تعمل بمنظور السلطة المطلقة وتجاوزات في حق المواطن .

مع العلم بانهم لو طورو من عملهم ماراح يحتاجون لمثل هذه التصرفات ، مثال على ذلك ، ان دور ادارة خفر السواحل التاكد من استخدام الانظمة حسب متطلبات ادارة تسجيل السفن ، ومن متطلبات الادارة وضع جهاز تتبع في الوسائط البحرية ، ومن خلال هذا الجهاز والانترنت يمكنك معرفة مسار اي وسيطة بحرية لمدة شهر ، ليش مايدربون افرادهم على استخدام هالتقنيات؟؟

انا من الناس اللي احرموني من اني اطلع اهلي معاي الحداق لاني ماراح ارضى ان احد يركب الطراد في وجود حرماتي.

بالاضافة الى ذلك عندهم رادارات وكاميرات وقسم متابع للتحركات موجود في المركز الوطني للقيادة ، ليش ماينسقون بينهم وبين بعض.

يعني انا اروح حداق عند البنانا ، وفي النهار ومشغل جهاز التتبع واجراءاتي كلها سليمة ، ليش يجي يفتشني؟؟

لا احد يقول ان خل يفتشك عادي ، مااعتقد ان احد يحب اي شخص كان يطلع على خصوصياته ويفتح ادراجه من دون سبب.

مع العلم بان تفتيشهم اس كلام ، الطراريد فيها مليون مكان ومايقدرون يشوفونها الا اذا ارفعو الطراد .

خافو الله في هالقطر يالخفر ، ودوركم تحمون الحدود من التسلل من الخارج مب تحطون حرتكم في اهل قطر .

وقسما بالله بدال ماالواحد يروح يستانس ، تجيه ضيقه من اجراءاتهم ،

ماردكم وغصبا عنكم راح توقفون اللي تسوونه ، ولكم ماراح يبقى الا كره اهل البحر لكم



The inform

[الحاقول]

اذا كان
المسافر عن طريق الجو يفتش
والمسافر عن طريق البر يفتش
والمسافر عن طريق البحر يفتش

فشئ طبيعي ان يتم تفتيش سفن الصيد لسهولة سفرها في البحر
وتدخل في منظومة السفر عن طريق البحر وحتى لو لم تسافر
تفعيل القانون شئ طيب وشكرا لحفر السواحل على جهودهم
في حماية البلاد والعباد

[عيسى111]

اذا كان
المسافر عن طريق الجو يفتش
والمسافر عن طريق البر يفتش
والمسافر عن طريق البحر يفتش

فشئ طبيعي ان يتم تفتيش سفن الصيد لسهولة سفرها في البحر
وتدخل في منظومة السفر عن طريق البحر وحتى لو لم تسافر
تفعيل القانون شئ طيب وشكرا لحفر السواحل على جهودهم
في حماية البلاد والعباد

نعم هذا هو الصحيح

[naklan]

ما ينلامون المفتشين مهربين المخدرات الايرانيين من الساحل المقابل
يحاولون بلا هوادة ادخال المخدرات بكل صنوفها لتدمير شبابنا والمستهدف
ليس قطر فقط البحرين والسعودية والكويت مستهدفه ايضا ولهم متعاونين
في قطر وغيرها المثل يقول لا تبوق ولا تخاف وخلهم يفتشون
الا نقول يعطيهم العافية هم العين الساهرة لراحتنا
وحماية حدودنا ولهم الشكر

[احب قطر]

بقلم : محمّد بن فهد آل ثاني ..
عرّفت محكمة التمييز القطرية الاستيقاف بأنه إجراء يقوم به رجل السلطة العامة في سبيل التحري عن الجرائم ومرتكبيها، ويكون الاستيقاف وفق المادة 36 من قانون الإجراءات الجنائية إذا وضع الشخص نفسه في موضع الشك أو الريبة، فيتمثل الاستيقاف من خلال التحري عن الشخص عن اسمه ووجهته ومطالبته ببطاقته الشخصية، دون التعرض المادي له كطلب نزوله من السيارة وتفتيشها أو تفتيشه، فهنا نكون بصدد قبض لا تفتيش، ولا يجوز لمأمور الضبط القضائي القبض على الأفراد إلا في حالة التلبس.

وقضت محكمة التمييز في نفس الحكم : " الفقرة الأولى من نص المادة (36) من الدستور قد نصت على أن " الحرية الشخصية مكفولة. ولا يجوز القبض على إنسان أو حبسه أو تفتيشه أو تحديد إقامته أو تقييد حريته في الإقامة أو التنقل إلا وفق أحكام القانون"، ومؤدى هذا النص أن أي قيد يرد على الحرية الشخصية - وهي من الحقوق الطبيعية المقدسة للإنسان من حيث كونه كذلك - سواء أكان القيد قبضًا، أم تفتيشًا أم حبسًا أم منعًا من السفر أم غير ذلك من القيود على حريته الشخصية لا يجوز إجراؤه إلا وفق أحكام القانون.

وعليه عند قيام الشرطة بنقط تفتيش للتأكد من رخص السوق وملكية السيارة فهذا إجراء سليم، وعند طلب رجل الشرطة من سائق السيارة التَرَجُّل منها لتفتيشها فهذا إجراء باطل ولا يحق له ذلك إلا في حالة التلبس بالجريمة كأنْ يكون السائق سكران، وطلب رجل الشرطة فتح غطاء السيارة لتفتيش ما بها من أجهزة مزودة للسرعة غير قانوني لأن تفتيش السيارة لا يجوز إلا بإذن من النيابة العامة، وكذلك تفتيش السيارة المحجوزة حجزًا إداريًا باطل ويبطل ما ينتج عن هذا التفتيش.

أما التفتيش الإداري كالتفتيش في المطارات على الأفراد أو الحقائب فهو تفتيش قانوني صحيح لأن القانون يخول تفتيش الأشخاص بصفة عامة في تلك الحالات، ما يعني أنه لو وجد الموظف ما يعد حيازته جريمة يكون التفتيش موافقًا لصحيح القانون.

وعليه فالقاعدة العامة في التفتيش أنه لا يكون إلا بإذن من النيابة العامة، ويرد عليه استثناءان حالة التلبس والتفتيش الإداري .أما ما جرى عليه العرف عند بعض مراكز الشرطة من خلال طباعة نموذج إخلاء مسؤولية لتفتيش الأفراد أو سياراتهم فهو إجراء باطل، إذ قد يعتبر البعض أن هذا إجراءً قانونيًا، أو قد يوقع البعض تحت رهبة الموقف ما يبطل هذا التفتيش وما ينتج عنه، وحتى عند موافقة الفرد بتفتيشه يجب على مأمور الضبط القضائي أن يخبره بالتهمة الموجهة إليه، وأن التفتيش بغير رضاه يعتبر إجراءً غير قانوني، المادة : 52 من ذات القانون.

[احب قطر]

اولا هاي مش سفر ، وحتى لو مسافر عن الطريق البحر فيتم تفتيشك عن طريق مراكز الجمارك والمصرح لها قانونا ، هاي رحلات بحرية قصيرة ، واحنا نتكلم عن قانونية الإجراء ، وليش تَحُطون كل اللي في البحر مجرمين ، وأساسا في تقنيات واجهزة ممكن الاعتماد عليها ، انا اعتقد ان هذا التفتيش فقط لفرض السلطة لان لا يسمن ولا يغني من جوع ، وأي إنسان له كرامة وله حقوق وأملاك اي إنسان تعتبر من المحرمات ولا يجب التعدي عليها الا بالقانون.

[احب قطر]

ما ينلامون المفتشين مهربين المخدرات الايرانيين من الساحل المقابل
يحاولون بلا هوادة ادخال المخدرات بكل صنوفها لتدمير شبابنا والمستهدف
ليس قطر فقط البحرين والسعودية والكويت مستهدفه ايضا ولهم متعاونين
في قطر وغيرها المثل يقول لا تبوق ولا تخاف وخلهم يفتشون
الا نقول يعطيهم العافية هم العين الساهرة لراحتنا
وحماية حدودنا ولهم الشكر
انا معاك اذا خل يركزون على مراقبة الحدود والسفن التجارية القادمة بدل ما يفترون علينا احنا

[معماري قطري]

أعتقد اخوي ان التفتيش ما يجوز الا بامر من النيابة
الا اذا هم كلموا صاحب الطراد وقالوا له صراحة ان التفتيش مايجوز الا بموافقته وطلبوا منه موافقة وهو وافق ، يعني يقولون له ان احنا نبي نفتش ومانقدر الا بموافقتك وهو وافق

هذا اللي اعرفه اخوي
واذا اني غلطان أتمنى حد يصحح لي المعلومة

الشيخ التفتيشات القانونية ما تحتاج أمر محكمة .. تفتيش سيارة مشتبه فيها أو أي وسيلة مواصلات .. تفتيش البيوت فقط وذلك لحرمتها لكن بعد لو دعت الحاجة كل شيء يتم بسرعة من ناحية الموافقات

[معماري قطري]

انا معاك اذا خل يركزون على مراقبة الحدود والسفن التجارية القادمة بدل ما يفترون علينا احنا

واحد يخرب على الكل

وهالواحد يتعاون مع مهربين وحتى يحطون الشحنة مغطسة تحت الماء ويرسلون له موقعها وهو يروح يشيلها وزين يكون أمننا قوي ونتمنى يقوى أكثر

[naklan]

انا معاك اذا خل يركزون على مراقبة الحدود والسفن التجارية القادمة بدل ما يفترون علينا احنا


اخوي الكريم أحب قطر حرس الحدود يتعرضون لأشرس حرب
ضد التهريب بكل انواعه وتعرف بعض الطراريد يرمون المخدرات
لبعض بلا توقف وفي عرض البحر ولهم مليون طريقة التشديد
ألي حاصل أكيد مجبرين عليه ولو ما فتشو الطيب اكيد
ما بيفتشون هاولاء المجرمين البلد تدخل فيه مخدرات
وضحاياها اولادنا لذالك نصبر على هذا الضرر
البسيط من اجل المصلحة العامة
والله ولي التوفيق

[احب قطر]

واحد يخرب على الكل

وهالواحد يتعاون مع مهربين وحتى يحطون الشحنة مغطسة تحت الماء ويرسلون له موقعها وهو يروح يشيلها وزين يكون أمننا قوي ونتمنى يقوى أكثر

طيب الحين مراكز الحدود مافيها تهريب مخدرات ؟؟ والسيارات اللي داخل البلد ماتشيل مخدرات؟؟ عيل ليش مايفتشون كل سيارة وهي داخله او طالعه ، الشبهه الجنائية لها أسس ، مايصير تشتبه في الناس كلها ، ومثل ماذكرت لو هم يستخدمون التقنيات اللي الدولة مستثمره مليارات فيها راح يكون أمنيا افضل ، كلنا نبي الأمن والامان ولكن مش على حساب انتهاك خصوصياتنا وحرماتنا ، انا اذا ملتزم بالقانون ومحدد وجهتي وانت تقدر تشوفني بكاميرا وبالرادار وبجهاز التتبع وانا بعيد عنك بحد أقصى 10 كيلو وطلعتي كلها 3 ساعات ، وانسان ماعلي اي سجل إجرامي ، ليش تشتبه فيني ، وياليت مره او مرتين ، كل مره اطلع فيها.

[بوخالد911]

هلا

طيب. ما حاولت تقابل المسؤولين هناك عشان تعرف الحقيقة.

[احب قطر]

هلا

طيب. ما حاولت تقابل المسؤولين هناك عشان تعرف الحقيقة.
كل مااتصل في رئيس قسم المنطقة الشرقية ما احصله

[بوخالد911]

كل مااتصل في رئيس قسم المنطقة الشرقية ما احصله


تفضل يمكن يفيدك


Home/ Coast Border
Contact us
Main Office
Phone : 44293333 Fax : 44293343
E-mail : Coast@moi.gov.qa

https://www.moi.gov.qa/site/english/departments/coastBorder/sections/sec780/780.html

مووفق.

[احب قطر]

تفضل يمكن يفيدك


Home/ Coast Border
Contact us
Main Office
Phone : 44293333 Fax : 44293343
E-mail : Coast@moi.gov.qa

https://www.moi.gov.qa/site/english/departments/coastBorder/sections/sec780/780.html

مووفق.
للعلم ارسلت مقترح عن هالموضع من خلال الموقع وكذلك عالايميل لتلقي المقترحات بس ماجاني رد. وجزاك الله خير

[شبح الصمت]

السلام عليكم ورحمة الله وبركاته ،

عندي استفسار للاخوة العاملين في المجال القانوني ، ادارة أمن السواحل وفي الفترة الاخيرة صارو ينزلون الطراريد ويفتشونها ، وكلامهم انها تعليمات عالكل ، فهل يجوز قانونيا هذا الإجراء ، والاستفسار الثاني شفت يوم الجمعة أفراد أمن السواحل راحو عند واحد من سنابيك الاجار والنوخذه هندي ، وطلبو الظاهر القول والهندي قال باكلم الكفيل بيجيبه الحين ، وشوي الا هم راكبين السنبوك وللعلم ان كان فيه ناس ، فهل هذا الإجراء صحيح ان يركب السنبوك؟


وعليكم السلام ورحمة الله وبركاته ،،،

انت كنت في السنبوك التي تم فيه الاجراء والا ماشاء الله عليك فهمت اش يبوون من الهندي ..

والله يعطيهم العافيه وزين ما يسوووون

[غريب الدّار]

اذا كان
المسافر عن طريق الجو يفتش
والمسافر عن طريق البر يفتش
والمسافر عن طريق البحر يفتش

فشئ طبيعي ان يتم تفتيش سفن الصيد لسهولة سفرها في البحر
وتدخل في منظومة السفر عن طريق البحر وحتى لو لم تسافر
تفعيل القانون شئ طيب وشكرا لحفر السواحل على جهودهم
في حماية البلاد والعباد

اخوي ممكن تقول لي شلون عديته مسافر وهو موجود في المياه الإقليمية القطرية ؟

[غريب الدّار]

الشيخ التفتيشات القانونية ما تحتاج أمر محكمة .. تفتيش سيارة مشتبه فيها أو أي وسيلة مواصلات .. تفتيش البيوت فقط وذلك لحرمتها لكن بعد لو دعت الحاجة كل شيء يتم بسرعة من ناحية الموافقات



شنهي التفتيشات القانونية اخوي معماري؟ شنو تعريفها؟ من وين جبت المصطلح؟
في تفتيش قانوني وتفتيش غير قانوني مثلا؟
يعني القانوني مب محتاج وغير القانوني محتاج؟
التفتيش ماياخذ الصفة القانونية الا اذا تم بالقانون
ومايتم بالقانون الا في حالة وجود اذن من النيابة
الا في حالات محددة تم تبيانها في الموضوع بشكل عابر

(وأتمنى الرجوع لمداخلة الأخ الكريم نورث ستار)

ولاحظ اخوي ان الكلام ماكان عن الاشتباه
لاحظالموضوع والردود
في حالة الاشتباه تطبق قواعد أخرى

مع الاخذ في الاعتبار قواعد الاشتباه


يعني :
ليش اشتبه في طراد او سيارة او غير ذلك؟
لازم يكون في أساس


مب منيه والدرب تعال بافتشك لاني مشتبه
طيب مشتبه على أي اساس؟

هالنقاط الدقيقة هي اللي تفصل في الموضوع


تفتيش سيارة مشتبه فيها أو أي وسيلة مواصلات
من وين جبت هالكلام اخوي ؟
يعني بكرة لو يوقفون أي حد في الشارع اوفي الكورنيش ويقولون له بنفتشك ؟ عادي وبدون تصريح؟

اخوي هالكلام يخالف الدستور أصلا

[احب قطر]

وعليكم السلام ورحمة الله وبركاته ،،،

انت كنت في السنبوك التي تم فيه الاجراء والا ماشاء الله عليك فهمت اش يبوون من الهندي ..

والله يعطيهم العافيه وزين ما يسوووون

اولا كلامي واضح اني شفت وسمعت ، وعلى اي اساس حكمت ايش مسوين في السنيوك ، وانا استفساري عن القانون اللي يسمح بالتفتيش ، لان في مادة في الدستور وقانون الاجراءات تمنع التفتيش . فمبين من كلامك ان لك مغزى اخر انت اعلم به.

[شبح الصمت]

اولا كلامي واضح اني شفت وسمعت ، وعلى اي اساس حكمت ايش مسوين في السنيوك ، وانا استفساري عن القانون اللي يسمح بالتفتيش ، لان في مادة في الدستور وقانون الاجراءات تمنع التفتيش . فمبين من كلامك ان لك مغزى اخر انت اعلم به.



ممكن ترد على سؤالي

السنبوك من كان فيه !
لاجل اعرف اجاوبك

هل السنبوك شباب فقط
او السنبوك شباب وبنات


او اشلون كان وضعه

[احب قطر]

ممكن ترد على سؤالي

السنبوك من كان فيه !
لاجل اعرف اجاوبك

هل السنبوك شباب فقط
او السنبوك شباب وبنات


او اشلون كان وضعه

احنا ماقاعدين نتكلم عن ايش فيه او ايش يسوون ، ولكن مثله مثل اي سنبوك ثاني في الجزيرة ، وانا مالاحظت فيه اي شي مخالف للاداب ، احنا نتكلم عن القوانين المنظمة لعمل اي جهة ، والقوانين صادرة باسم سيدي سمو الامير ، وحتى لو كان في اب شي مقل للادب ، يقدر يسحب السنبوك ويحجز كل اللي فيه ، لان في اتهام ، ولكن بدون تهمة او شبهه .

[غريب الدّار]

احنا ماقاعدين نتكلم عن ايش فيه او ايش يسوون ، ولكن مثله مثل اي سنبوك ثاني في الجزيرة ، وانا مالاحظت فيه اي شي مخالف للاداب ، احنا نتكلم عن القوانين المنظمة لعمل اي جهة ، والقوانين صادرة باسم سيدي سمو الامير ، وحتى لو كان في اب شي مقل للادب ، يقدر يسحب السنبوك ويحجز كل اللي فيه ، لان في اتهام ، ولكن بدون تهمة او شبهه .

والله ياخوي انت اوحيت لي سؤال بصراحة :

بشكل عام :
هل مجرد وجود بنات وشباب على سنبوك (او أي مكان آخر) (في أوضاع عادية) مثلا يُعد حالة اشتباه تبيح التفتيش بدون اذن؟

مع اني مااعرف الإجابة بصراحة والله لكن مااعتقد


وأتمنى اللي عنده رد قانوني انه مايبخل علي به

[شبح الصمت]

احنا ماقاعدين نتكلم عن ايش فيه او ايش يسوون ، ولكن مثله مثل اي سنبوك ثاني في الجزيرة ، وانا مالاحظت فيه اي شي مخالف للاداب ، احنا نتكلم عن القوانين المنظمة لعمل اي جهة ، والقوانين صادرة باسم سيدي سمو الامير ، وحتى لو كان في اب شي مقل للادب ، يقدر يسحب السنبوك ويحجز كل اللي فيه ، لان في اتهام ، ولكن بدون تهمة او شبهه .


من تكون انت واسمح لي على هالكلمة انك ما لاحظت شيء مخالف للادب او شيء ملفت للنظر او او واعوذ بالله من كلمة لو ..!!

انت اعلم وادرى من القانون سؤال ..
وانت اشدراك انهم ما جاهم خبر والا شيء هالسمبوك فيه شيء غير الي محملهم ..
او في اشتباه او حالة هروب او تشييك على السمبوك على حالته .. !!!

اشياء كثيرة انت قاعد تتكلم فيها وتجهلها
وترى العالم ماخذين فكرة عن خفر السواحل انهم ناس عاديين
لا يبه ذولي داخلية
وانا شفت بعيني ذاك اليوم قدامي حصل الموقف ووقفت عليه شباب تطاولوا على الخفر وقطو كلام وسحبووووهم لين المنطقة الشرقية الي تطاول عليهم اسحبووه جابوا له الفزعه والي معاهم قالوا لهم خلو احد يجيكم ..


واذا انك اول مره تنزل السافليه وتشوف هالمنظر فتعود عليه ..


واي استفسار عندك ادارة المنطقة الشرقية

تقدر تتصل وتطلب التواصل مع الملازم حسن المهندي ..

اما موضوع مب عارف سببه وليش فتشوووه وتنقد على الاجراء هذه اجراءات قانونيه تنقد على شخص عادي مثلي مثلك

اما نفس هالمواضيع اتوقع انه اجراءاتهم مش غلط وهم عارفين شيسوون ..

[جبر ال جبر]

عساهم ع القوه ويعطيهم العافيه ودام امورك طيبه وسليمه شلي مضايقكك بالعكس المفروض تفرح انه فيه امن ونظام لسلامتك وسلامه الدوله وخير يعني تفتيش خله يفتش

[احب قطر]

من تكون انت واسمح لي على هالكلمة انك ما لاحظت شيء مخالف للادب او شيء ملفت للنظر او او واعوذ بالله من كلمة لو ..!!

انت اعلم وادرى من القانون سؤال ..
وانت اشدراك انهم ما جاهم خبر والا شيء هالسمبوك فيه شيء غير الي محملهم ..
او في اشتباه او حالة هروب او تشييك على السمبوك على حالته .. !!!

اشياء كثيرة انت قاعد تتكلم فيها وتجهلها
وترى العالم ماخذين فكرة عن خفر السواحل انهم ناس عاديين
لا يبه ذولي داخلية
وانا شفت بعيني ذاك اليوم قدامي حصل الموقف ووقفت عليه شباب تطاولوا على الخفر وقطو كلام وسحبووووهم لين المنطقة الشرقية الي تطاول عليهم اسحبووه جابوا له الفزعه والي معاهم قالوا لهم خلو احد يجيكم ..


واذا انك اول مره تنزل السافليه وتشوف هالمنظر فتعود عليه ..


واي استفسار عندك ادارة المنطقة الشرقية

تقدر تتصل وتطلب التواصل مع الملازم حسن المهندي ..

اما موضوع مب عارف سببه وليش فتشوووه وتنقد على الاجراء هذه اجراءات قانونيه تنقد على شخص عادي مثلي مثلك

اما نفس هالمواضيع اتوقع انه اجراءاتهم مش غلط وهم عارفين شيسوون ..
اولا انا مواطن لي حقوق وعلي واجبات ومن حقي استفسر عن اب اجراءات تتخذ لها تاثير علي ، وثانيا انا مااتكلم عن سب او او او سحبو ناس ، واذا احد غلط على اي شخص اثناء اداء عملة فيستاهل اشد عقاب ولا انا بارضى ان احد يغلط عاللي يمثل القانون ، وانا مره ثانية موضوعي مش السنبوك ، موضوعي احقية افراد الخفر انهم يركبون السنبوك ويدخلون ملك الغير ، مع العلم ان راحت الدورية وكملو قعدتهم وكانو عائلة وكلهم لابسين ثياب عاديه علشان مااحد يبهت او يقط اتهامات ،

[محمد جاسم 68]

انا عن نفسي تم تفتيش طرادي وانا راجع من البحر عند الخفر في البداية كنت مستاء من الاجرأت لاني كنت تعبان لكن لو نفكر شوي ونشوف البلاوي اللي تصير من حوالينا نقول لهم يعطيهم الف عافية على الجهود لان بصراحة كان كلام الشرطي محترم جدا واقنعني بسبب التفتيش فشكرا لهم .

[qatari911]

لا تبوق ولا تخاف
حتى لو اهلي معي برد عليهم وبقول هلي معي وبخلي عقد الزوج معي احتياط علشان مايتهموني من غير سبب
وخلهم يقومون بواجبهم ويفتشون
وهم مابيفتشون الا باذن اكيد

[BoFahed]

من تكون انت واسمح لي على هالكلمة انك ما لاحظت شيء مخالف للادب او شيء ملفت للنظر او او واعوذ بالله من كلمة لو ..!!

انت اعلم وادرى من القانون سؤال ..
وانت اشدراك انهم ما جاهم خبر والا شيء هالسمبوك فيه شيء غير الي محملهم ..
او في اشتباه او حالة هروب او تشييك على السمبوك على حالته .. !!!

اشياء كثيرة انت قاعد تتكلم فيها وتجهلها
وترى العالم ماخذين فكرة عن خفر السواحل انهم ناس عاديين
لا يبه ذولي داخلية
وانا شفت بعيني ذاك اليوم قدامي حصل الموقف ووقفت عليه شباب تطاولوا على الخفر وقطو كلام وسحبووووهم لين المنطقة الشرقية الي تطاول عليهم اسحبووه جابوا له الفزعه والي معاهم قالوا لهم خلو احد يجيكم ..


واذا انك اول مره تنزل السافليه وتشوف هالمنظر فتعود عليه ..


واي استفسار عندك ادارة المنطقة الشرقية

تقدر تتصل وتطلب التواصل مع الملازم حسن المهندي ..

اما موضوع مب عارف سببه وليش فتشوووه وتنقد على الاجراء هذه اجراءات قانونيه تنقد على شخص عادي مثلي مثلك

اما نفس هالمواضيع اتوقع انه اجراءاتهم مش غلط وهم عارفين شيسوون ..

اخوي ما صار الا الخير اتوقع اخونا يستفسر وفيه اخوان عندنا محامين بالمنتدى وموظفين بالداخليه

نتمنى من ادارة العلاقات العامه في الوزارات والمؤسسات الحكومية والخدمية يكون له ممثل في منتدانا الغالي (اكبر منتدى في قطر) يرد على استفسار الاعضاء بشكل رسمي ومباشر يستفيد منها الكل

[شبح الصمت]

اخوي ما صار الا الخير اتوقع اخونا يستفسر وفيه اخوان عندنا محامين بالمنتدى

نتمنى من ادارة العلاقات العامه في الوزارات والمؤسسات الحكومية والخدمية يكون له ممثل في منتدانا الغالي (اكبر منتدى في قطر) يرد على استفسار الاعضاء مباشرة



بوفهد انا ما غلطت عليه ومحشوم واعتذر منه اذا بدر مني اي شيء ضايقه ..


واحنا مش محامين بس مطلعين على اشياء وشايفينها بعيونا

والله يعطيهم العافيه امن السواحل

نزلت قرارات في صالح مرتادي البحر وهالشيء لمصلحتنا ولازم نستانس عليه مب نزل ونقول وين القانون وهم اصلا اصل القانون ..

عالعموم انا وضعت له اسم الشخص المسؤول عن المنطقة الشرقية
يقدر يتواصل ويستفسر او يمر عليهم اذا يبي توضيح وصدقني انه لو وصل لهم راح يقتنع بكلامهم ..

[بانغ بانغ]

اخوي ما صار الا الخير اتوقع اخونا يستفسر وفيه اخوان عندنا محامين بالمنتدى وموظفين بالداخليه

نتمنى من ادارة العلاقات العامه في الوزارات والمؤسسات الحكومية والخدمية يكون له ممثل في منتدانا الغالي (اكبر منتدى في قطر) يرد على استفسار الاعضاء بشكل رسمي ومباشر يستفيد منها الكل

http://www.qatarshares.com/vb/showthread.php?617705-اقتراح-شباب-منتدى-الاسهم-لجميع-الادارات-!

كلامك سليم ويدعم مقترحي السابق

[المحاميه]

السلام عليكم

انا شخصيا ما قدرت افتي ف الموضوع
السالفه مشربكه ..

طبعاً البيوت ممنوع قطعاً تفتيشها الا بأمر من النيابه او بموافقة صاحب البيت وفي بعض الحالات اللي ذكرها القانون حصراً
اما الاشخاص، فما تقدر تفتشهم الا اذا الشخص كان متلبس او عليه امر بالقبض
السياره اذا كانت في حوزة الشخص تقدر تفتشها اذا كانت هناك امارة قويه على وجود ممنوعات، او اذا كان الشخص متلبس او عليه امر قبض ..

المشكله كل حاله لها قاعده وتفرعات ..
واللي طرح الاستفسار مايعرف شنهي الاحداث بالضبط .. طيب انت شفت الامن اسالوا الهندي اول عقب دشوا عليه .. طيب يمكن شافوا شي؟ او كان متلبس او عليه امر قبض ..

اعتقد السنبوك في حكم السيارة ..
هذا والله اعلم ..

واخوي اذا هالموضوع زاعجك وتعرضت شخصياً للاساءه فمن حقك تقدم شكوى وتطعن في الاجراءات بالبطلان ( من غير اذن النيابة ) لان ما بني على باطل فهو باطل ..

[المحاميه]

اخوي ما صار الا الخير اتوقع اخونا يستفسر وفيه اخوان عندنا محامين بالمنتدى وموظفين بالداخليه

نتمنى من ادارة العلاقات العامه في الوزارات والمؤسسات الحكومية والخدمية يكون له ممثل في منتدانا الغالي (اكبر منتدى في قطر) يرد على استفسار الاعضاء بشكل رسمي ومباشر يستفيد منها الكل

اقتراح حلو
لكن التنفيذ صعب
لان هل الخبره دايما يكون عليهم ضغط ومشغولين
صعب يعطيك من وقته ..

وتذكروا الاستشاره ب 1000 :secret::tease:

[احب قطر]

للمادة 36 من الباب الثالث من الدستور والتي تنص على "الحرية الشخصية مكفولة. ولا يجوز القبض على انسان او حبسه او تفتيشه او تحديد اقامته او تقييد حريته في الاقامة او التنقل الا وفق احكام القانون. ولا يعرض اي انسان للتعذيب او للمعاملة الحاطة بالكرامة ".

[احب قطر]

وبناءا على اطلاعي المتواضع من الدستور وقانون الاجراءات الجزائية رقم 23 لسنة 2004 لا يحق لهم التفتيش ، وحتى لو لقو شي فبالسهولة ابطال القضية ، وهذا الاجراء لا يدعم الامن ، بل يكون ثغره كبيرة للمجاوزين عن القانون ، ولكن لو تم التحري بالكامل واستخدام الاجهزة لمتابعة التحركات للطراريد ومن بعد جمع الادلة كاملة والاشتباه يتم اصدار قرار تفتيش من جهة الضبط القضائي للتمكن من القبض عالمجرمين ،

[BoFahed]

بوفهد انا ما غلطت عليه ومحشوم واعتذر منه اذا بدر مني اي شيء ضايقه ..


واحنا مش محامين بس مطلعين على اشياء وشايفينها بعيونا

والله يعطيهم العافيه امن السواحل

نزلت قرارات في صالح مرتادي البحر وهالشيء لمصلحتنا ولازم نستانس عليه مب نزل ونقول وين القانون وهم اصلا اصل القانون ..

عالعموم انا وضعت له اسم الشخص المسؤول عن المنطقة الشرقية
يقدر يتواصل ويستفسر او يمر عليهم اذا يبي توضيح وصدقني انه لو وصل لهم راح يقتنع بكلامهم ..



عزيز وغالي واعتذارك يدل على معدنك الطيب وجزاك الله خير على التوضيح والتوجيه

فعلا المنتدى ثروة وايد استفدنا من اخوانا الاعضاء وردودهم ونصايحهم ومشورتهم في عدة مجالات قانونية او اقتصادية او دينيه وحياتيه بشكل عام

[المحاميه]

وبناءا على اطلاعي المتواضع من الدستور وقانون الاجراءات الجزائية رقم 23 لسنة 2004 لا يحق لهم التفتيش ، وحتى لو لقو شي فبالسهولة ابطال القضية ، وهذا الاجراء لا يدعم الامن ، بل يكون ثغره كبيرة للمجاوزين عن القانون ، ولكن لو تم التحري بالكامل واستخدام الاجهزة لمتابعة التحركات للطراريد ومن بعد جمع الادلة كاملة والاشتباه يتم اصدار قرار تفتيش من جهة الضبط القضائي للتمكن من القبض عالمجرمين ،

قانون الاجراءات الجنائية عندنا وليس الجزائية ..
الموضوع بيحكمه قانون الاجراءات وليس الدستور
:)

[المحاميه]

وبناءا على اطلاعي المتواضع من الدستور وقانون الاجراءات الجزائية رقم 23 لسنة 2004 لا يحق لهم التفتيش ، وحتى لو لقو شي فبالسهولة ابطال القضية ، وهذا الاجراء لا يدعم الامن ، بل يكون ثغره كبيرة للمجاوزين عن القانون ، ولكن لو تم التحري بالكامل واستخدام الاجهزة لمتابعة التحركات للطراريد ومن بعد جمع الادلة كاملة والاشتباه يتم اصدار قرار تفتيش من جهة الضبط القضائي للتمكن من القبض عالمجرمين ،

اخوي في حالة التلبس يكون التفتيش صحيح وكذلك اذا عنده امر بالقبض ..

[تاجر كشخة]

انا عن نفسي حياهم الله وبكون متعاون معهم ومتفهم لطبيعة عملهم
الله يقويهم:victory:

[احب قطر]

قانون الاجراءات الجنائية عندنا وليس الجزائية ..
الموضوع بيحكمه قانون الاجراءات وليس الدستور
:)

جزاك الله خير عالتصحيح واثرائك للموضوع

[ولد سالم]

السلام عليكم
بصراحه ما يحق لهم
وأكره شي اذا انا راد ورايح الفرضه يوقفون الواحد ويفتشون
انا الي اهمه الوقت ابي أوصل بالوقت المعين وهم يوقفونك ويقولون من وين طالع يعني قدامكم رايح صوب الفرضه
اذا يبون يفتشون ومحد يتذمر اول شي يشوفون اذا حد بلغ انه عنده عطل فالطراد يتمون ساعتين او 3 لين يجونه
ووقت التصوير ما شاء الله

[مخطط قطري]

اذا ماعنده اذن من النيابه وحسيت انه غلط عليك او كان الاجراء تعسفي اعتقد يحق لك رفع دعوه عليهم بسوء استغلال السلطه اما اذا كان في الموضوع اشتباه وفتش بطريقه تحفظ كرامتك وبدون اي احراج او اهانه لك اشوف انه اجراءهم صحيح بغض النظر عن تفاصيل الموضوع

[qatari 111]

المشكله ان مشينا معاهم بالقانون راح يكون في تجاوزات من تهريب ممنوعات وغيرها وهاذي فرصه للمهربين .

[البحار00]

الله يعطيهم الف عافية

وقفونا عند دوبة الخفر بكل احترام واستاذنو بأدب

وقالو بنفتش الطراد قلنا تفصلوا خذو راحتكم

وفتشوا ورجعو كل شي مكانه

وفي الاخير استسمحو منا انهم عطلونا

قلنا بالعكس احنا معاكم ومع القانون

جزاهم الله خير وقواهم الله