انتبهوا من اكل المطاعم

[المحاميه]

السلام عليكم ورحمة الله وبركاته


هالموضوع كان المفروض اتكلم عنه من زمان ..
اكيد تعرفون مطعم نوبو ..

طبعاً هالمطعم سوى ضجه فقلت باروح اجربه .. وشفت المنيو وكان مكتوب على بعض الاكلات ان فيها wine يعني خمر .. انا قلت اكيد لا .. او عالاقل اللي ياخذ الاوردر اذا شاف عرب ، مسلمين اكيد بداهةً ماراح يضيفلهم هالشي ..

اخترت طبق كان مكتوب من ضمن مكوناته wine ..
المهم اللي ياخذ الطلبات سجل الطلب عنده .. ومن باب الاستفسار وعشان ضميري يكون مرتاح قلتله هذا فيه خمر؟ قالي ايه .. يعني الطبق ذي يدخل فيه الخمر ومايشلونه تخيلوا.؟ قالي سوري.. بعد سوري يعني مايستحي على ويهه ويقول ممكن نشله .. المهم اني كنسلت الطلب المشبوه ..

انا كلش ماتوقعت ان فيه مطاعم تسوي هالحركات وتستغفلنا .. يعني الواحد صار لازم يدقق ...
وادري الحين فيه اعضاء بيقولون مطعم فيه خمر حرام ووو الخ وليش رايحه ..
ماكنت ادري انه فيه خمر والله .. وايد تكلموا عن المطعم وله سمعته والمصيبه الكل يمدحه .. طيب والخمر ليش محد قال شي؟


انا ذكرت هالمطعم على سبيال المثال لا الحصر .. اكيد فيه غيره على نفس السستم ..
اللي يحر انهم في بلادنا المفرووووووض كانوا يراعون تعاليمنا الاسلاميه وعاداتنا وتقاليدنا .. ولا هم فاتحين حق الكفار؟



حبيت انبهكم وشكراً :victory:

[حمد بن سعد]

ممكن اسم المطعم

لان في ناس ماتقرى المنيو تعتمد على الصور

[المحاميه]

^

وفيه ناس ماتقرا الموضوع كامل ..

كاتبه فوق نوبو ..
المنيو بدون صور ..

اخوي مب شرط بس هالمطعم .. ممكن فيه اكثر من مطعم على نفس النمط ماشي ..
الموضوع تنبيه مب تشهير ف هالمطعم ...

[وحيد-الشوق]

وعليكم السلام

جزاج الله خير للأسف فنادقنا اغلبها خمور ومنظرها مقزز ومستفز مثل مطعم ماركت في دبليو السيء ومطعم اوابل في سانت ريجيس عند دخولك للمطعم تشوف الخمور على يسارك بكميه كبيره سواء البار او في غرف التخزين منظر يقهر صراحه

[بانغ بانغ]

وعليكم السلام

جزاج الله خير للأسف فنادقنا اغلبها خمور ومنظرها مقزز ومستفز مثل مطعم ماركت في دبليو السيء ومطعم اوابل في سانت ريجيس عند دخولك للمطعم تشوف الخمور على يسارك بكميه كبيره سواء البار او في غرف التخزين منظر يقهر صراحه

يا شيخ وحيد ... هاي احد ملامح العلمانية اللي كنت اتكلم عنها سابقا في مجتمعاتنا

بخصوص الدبليو .... عندهم احسن سوشي في قطر

[الماريّة]

بصراحه من ادمان العرب على كل هالمطاعم

اشك انها كلها فيها كحول

ادماااااااااان مب طبيعي

ومشكككككككككككوره على التنبيه

[أم عزوزي]

المطعم هذا مكون من 3 طوابق

في طابق للاكل العادي وفي طابق للمشروبات الروحية

وفي طابق مثل الكوفي شوب

انا مارحت له بس اتصلت لهم مره وسالت

والصراحه المفروض الدولة تحط ضوابط لمثل هالامور

وشكرا

[وحيد-الشوق]

يا شيخ وحيد ... هاي احد ملامح العلمانية اللي كنت اتكلم عنها سابقا في مجتمعاتنا

بخصوص الدبليو .... عندهم احسن سوشي في قطر

الله كريم ياخوي الواحد يقول الحمدلله انه انولد مسكين :) اتفق معاك في سوشي الدبليو لذيذ جداً والافضل مثل ماقلت بس عتبي كان عالفندق بكبره هههههه

[المخفي]

حكم تناول الطعام في مطعم يقدم الخمر (http://fatwa.islamweb.net/fatwa/index.php?page=showfatwa&Option=FatwaId&Id=64040)

^^^^^^^^^

[حمد بن سعد]

^

وفيه ناس ماتقرا الموضوع كامل ..

كاتبه فوق نوبو ..
المنيو بدون صور ..

اخوي مب شرط بس هالمطعم .. ممكن فيه اكثر من مطعم على نفس النمط ماشي ..
الموضوع تنبيه مب تشهير ف هالمطعم ...


اول مره اسمع في هالمطعم

السفير احسن منه بدل الواين يحط جلي

[المحاميه]

حكم تناول الطعام في مطعم يقدم الخمر (http://fatwa.islamweb.net/fatwa/index.php?page=showfatwa&Option=FatwaId&Id=64040)

^^^^^^^^^

المفروض الواحد مايقعد فيه ويطلع .. هذا اللي اعرفه

[راجي الْعفو]

وعليكم السلام و رحمة الله و بركاته


جزاكم الله خير عالتنبيه ..

[نفسي عزيزه]

خمر:(

حسبي الله عليهم مايستحون ولاينتخون :(

[سالم الزهران]

جزاك الله خير يا اختنا المحامية و في موازين حسناتك

يعني الواحد لازم يحرص ؟ المشكلة احياناً يكون حجوزات الفنادق شاملة لوجبة او وجبتين و يا غافل لك الله

[أم عزوزي]

هاي الرابط للي يبي يعرف اكثر عن المطعم

شكله وقعدته حلوين بس مايندرى

http://press.fourseasons.com/ar/doha/hotel-news/2015/nobu-now-open2/

[qatari 111]

ما احب هالانواع من المطاعم اللي فالفنادق او الؤلؤه السبب اكلهم عباره عن نتفه من الوجبه وسعرهم غالي والطعم اللهم لك الحمد وغير الوصاخه خلف الكواليس واستخدام القفشه والسكين والشوكه مليون واحد كل من هب ودب استخدمها وعع .

[بوخالد911]

هناك الاسعار ناررررر

يا زين المطاعم اللي في غير منطقة اللؤلؤة.

[نوفا91]

والله انا حبيت المكان بروح بطلب عصير :(