هل ودك تعيش او تروح الفضاء ... ولماذا ؟

[بانغ بانغ]

كثير منا من ايمل يطلع مشوار خفيف دبي او لندن او المالديف عشان ايريح باله من الضغوطات ... خاصة ان الفتن بين الناس والحسد والصراعات ووووووو تؤثر على النفسية الادمية...

لو كانت في مركبات اتوديك الفضاء ... هل راح اتفكر تسكن في الفضاء او اتم فترة !

مع ان هذي الفكرة قيد الدراسة في امريكا والغرب لكن بمبالغ خيالية

احنا انقول فرضا ... وطبعا ردودكم بتم اما رد تورية او تشبيه او حقيقة او خيالي لكن سيعبر عما بداخلك

وهل بتودي معك زوجتك / زوجك .... او بتروح بروحك !

محدثكم بانغ ... عن نفسي ودي اروح بروحي اتأمل الكواكب والاجواء الفضائية واشوف الارض من بعيد

[naklan]

شوف اخوي بانغ بانغ. بطبيعة الانسان حب التغيير
لو تجلس في احسن قصر بعد فترة تمل لذالك بالنسبة لي
اروح الفضاء لو فيه رحلات للفضاء ومن طبيعتي اني اروح
واسافر بلدان مجهولة بالنسبة لي واستمتع باكتشافها
شرايك أنا وانت وباقي العصابة السنة الياية نروح
نستكشف الكهوف في افريقيا

[حمد 2002]

اخوي نكلان إشرايك تطرح لنا دورات انا وباقي الأعضاء من إخوانك الصغار المساكين عن شلون نكون تجار كبار نفسك بدال السفر للكهوف بافريقيا

[سالم الزهران]

بالنسبة لي لا ، صرت خواف الله يقول الحق

الفضاء خلق عجيب يبعث على الرهبة و الخشية من الله عز وجل

لو بروح محل نائي ودي يكون معي شاعر لاجل يوصف الاوضاع و يجدد فينا النشاط

[بانغ بانغ]

شوف اخوي بانغ بانغ. بطبيعة الانسان حب التغيير
لو تجلس في احسن قصر بعد فترة تمل لذالك بالنسبة لي
اروح الفضاء لو فيه رحلات للفضاء ومن طبيعتي اني اروح
واسافر بلدان مجهولة بالنسبة لي واستمتع باكتشافها
شرايك أنا وانت وباقي العصابة السنة الياية نروح
نستكشف الكهوف في افريقيا

على يدك اموت في المغامرات

عشت اسبوعين في ادغال استراليا

ودي اجرب افريقيا بس بشرط النهار دليلنا وراجي مرشدنا الديني وانت العقل المدبر

[بانغ بانغ]

بالنسبة لي لا ، صرت خواف الله يقول الحق

الفضاء خلق عجيب يبعث على الرهبة و الخشية من الله عز وجل

لو بروح محل نائي ودي يكون معي شاعر لاجل يوصف الاوضاع و يجدد فينا النشاط

شاعر ؟؟؟ مب وقته كلش

وده الواحد في هدوء تام

[النهار]

ههههههههههههههههههههه
ياخذوني في مكوك فضاء
ويعتقلوني في ابوغريب او غنتناموا
ولا روح الفضاء يبا هذول جذوب لاتصدقهم
يقولون يبون يودون رحله بدون رجعه لمجموعه لكوكب الزهره ون وي
شكلهم بيتخلصون منهم في الارض قبل اطلاق المكوك

[النهار]

شوف اخوي بانغ بانغ. بطبيعة الانسان حب التغيير
لو تجلس في احسن قصر بعد فترة تمل لذالك بالنسبة لي
اروح الفضاء لو فيه رحلات للفضاء ومن طبيعتي اني اروح
واسافر بلدان مجهولة بالنسبة لي واستمتع باكتشافها
شرايك أنا وانت وباقي العصابة السنة الياية نروح
نستكشف الكهوف في افريقيا

ويطلع لك من الكهف واحد حاط عضمه في خشمه
ويحطك في جدر هونقا بونقا

[naklan]

شوف أنا ودي راجي هو الي قدام
علشان البركة وحتى الفرن مال الكنافة بناخذه
علشان يتشجع ويروح ويانا ههههههههه


شوف اخوي حمد 2002 أنا عودت نفسي ان أكون*مستمع فقط
اما اذا بتخاوينا لاستكشاف كهوف افريقيا فاوعدك بغزلان مشوية يوميا

[naklan]

ويطلع لك من الكهف واحد حاط عضمه في خشمه
ويحطك في جدر هونقا بونقا

ما عليك من الي يحطون عضم في خشومهم
هذولا الذهب والأحجار الثمينه يمينه ويسارة وما يدري
عنهم اذا طلع من الكهف نوزع عليهم بيض مفيوح
ونخليهم يشيلون العدة ههههههههه

[naklan]

بالنسبة لي لا ، صرت خواف الله يقول الحق

الفضاء خلق عجيب يبعث على الرهبة و الخشية من الله عز وجل

لو بروح محل نائي ودي يكون معي شاعر لاجل يوصف الاوضاع و يجدد فينا النشاط


هههههه الله يهديك يا سالم شاعر بيتم طول الرحلة يطير
بسبب الجاذبية وحتى بيت شعر واحد ما يطلع منه الا أقول
لك خذ معك يقط وسمن شهرين تتم تقرض فيهم وتشغل
وقتك اي بعد كيس حب شمسي علشان ما تحرقك
الشمس هههههههههه

[Charisma]

كثير منا من ايمل يطلع مشوار خفيف دبي او لندن او المالديف عشان ايريح باله من الضغوطات ... خاصة ان الفتن بين الناس والحسد والصراعات ووووووو تؤثر على النفسية الادمية...

لو كانت في مركبات اتوديك الفضاء ... هل راح اتفكر تسكن في الفضاء او اتم فترة !

مع ان هذي الفكرة قيد الدراسة في امريكا والغرب لكن بمبالغ خيالية

احنا انقول فرضا ... وطبعا ردودكم بتم اما رد تورية او تشبيه او حقيقة او خيالي لكن سيعبر عما بداخلك

وهل بتودي معك زوجتك / زوجك .... او بتروح بروحك !

محدثكم بانغ ... عن نفسي ودي اروح بروحي اتأمل الكواكب والاجواء الفضائية واشوف الارض من بعيد

بالسلامة اخوي بانغ ، اذا ناوي تروح خل حميد عندي . https://upload.wikimedia.org/wikipedia/commons/e/e2/Bye.gif

[راجي الْعفو]

نكلان اذا فرن الكنافه موجود في الرحلة فالمتعة مضمونة ^_^



وين رحت للفضاء يا بوفيصل
خلص حديقة الفضاء اللي ع سطح البيت و عقب ربك ييسرها ^_^

[Dana’1]

لا ما اعتقد
كوكب الأرض فيه كثيير أماكن جميله تستحق التأمل وبعييده عن ضجة المدن ولجة الناس^ــ^

إذا ختمتها عقب نفكر بالفضاء:discuss:

[naklan]

لا ما اعتقد
كوكب الأرض فيه كثيير أماكن جميله تستحق التأمل وبعييده عن ضجة المدن ولجة الناس^ــ^

إذا ختمتها عقب نفكر بالفضاء:discuss:


كلام سليم حتى قيعان المحيطات السحيقة لم تكتشف كلها بعد
تذكرت العالم الامريكي الي اكتشف مداخن حرارية في قاع المحيط
ولقا انواع كثيرة من الكائنات الحية تعيش بدون شمس فقط
على المداخن الحرارية

ومصور ولادة جزيرة شلون البركان تم يطّلع الحمم وبعد سنين
صارت جزيرة صخرية مصورها يوم كان شاب ورجع لها بعد 40 سنه
وقد تحطمت الصخور وصار منا رمل والطيور سكنتها وجلبت البذور
في احشائها وبعد تخلصها من فضلاتها نبتت البذور على هذه
الارض وأصبحت جنة في وسط المحيط. سبحان الله

[نوفا91]

فضاء مره وحده يمممه

انا الالعاب اخاف منهم اذا مرتفعة بعد فضاء لايبه خلنا ع الارض عند تي تايم ابرك

[بانغ بانغ]

بالسلامة اخوي بانغ ، اذا ناوي تروح خل حميد عندي . https://upload.wikimedia.org/wikipedia/commons/e/e2/Bye.gif



هههههههههههههه سلامتك شيخ طيار

من بيأكلي على القمر

يمدحون بيض وطماط هنلك ...

اشفيكم علي انت ونكلان وراجي .... طايحين فيني هالكم يوم

ترا والله اهدد مب راجع لكم

[بانغ بانغ]

فضاء مره وحده يمممه

انا الالعاب اخاف منهم اذا مرتفعة بعد فضاء لايبه خلنا ع الارض عند تي تايم ابرك

اي والله انا نفسك

اركب فوق السطح ايجيني دوار لاني اعاني من فوبيا المرتفعات vertigo

[بانغ بانغ]

لا ما اعتقد
كوكب الأرض فيه كثيير أماكن جميله تستحق التأمل وبعييده عن ضجة المدن ولجة الناس^ــ^

إذا ختمتها عقب نفكر بالفضاء:discuss:

هههههه اذا ختمتيها ,,,,

اتوقع الحسا ما درتيها كلها

خل انشوف نكلان ايقول بيودينا عند الافريقان

[سالم الزهران]

شاعر ؟؟؟ مب وقته كلش

وده الواحد في هدوء تام


هدوء تام بالنسبة لك لانك هاديء وتبي تتأمل بس انا معصي ما اروح الفضاء الى اذا شاء الله

بالنسبة للشاعر هو بيوثق كل شيء وبعدين يونسنا يعطينا من القصيد الطيب و يشببنا و تعرف ترجع فل ايموشنز

تدري ان كان فيه مسؤول سعودي يكره الطيران موووت و كان يبهذل في الناس اذا هم منتظرينه , يطلع بباص من الرياض الى الشرقية مثلاً و يطق اربع ساعات لاجل ما يركب طياره و سمعت ان اذا كان فيه شيء في الخارج يستدعي السفر بالطيارة ...ياخذ مهديء قوي و الله العالم هذا من وكالة يقولون

[سالم الزهران]

بالنسبة لي المسألة ليست مسألة مرتفعات فديارنا بجنوب السعودية كلها مرتفعات وسقنا السيارات فيها ونحن صغار و يا ما طاحت قلوبنا من تطفي السيارة او يقابلك واحد ونت توك عليمي . و لا الخوف من الطيران لكن لي سبب مدري اشلون بس يوم شفت الابراج اللي بالمنطقة المركزية عند الحرم بمكة المكرمة ( صراحة ما عجبتني و لا كان ودي اي شيء ينافس منارات او مآذن الحرم المكي ) و كذلك الابراج العالية في دبي تصورت ان البحث عن الارقام القياسية ليس هدف و تطاول العرب في البنيان من علامات الساعة و تبعث على الكبر و التعالي و الخيلاء و البرج اللي قاعد يبنيه الوليد في جده بعد يبيه يصير اطول من خليفة ؟ الله لا يبلانا و لذلك خلك قريب من الارض و يا زين الرقه زيناه و يا زين الطعس زيناه و يمك ترمس قهوة و خلية نحل و ان طلع لك جربوع ازين من يطلع لك مخلوق فضائي و لا تشوف نكلان متنفخة عيونه:eek5: .

[Dana’1]

هههههه اذا ختمتيها ,,,,

اتوقع الحسا ما درتيها كلها

خل انشوف نكلان ايقول بيودينا عند الافريقان

هههههههه
لبى الحسا وأهلها إي والله الحسا ماختمناها تراها كبيييييره درت بجزء من قراها ومزارعها غير*مدنها الكبيره
وبعد باقي كثيييييييييييييييير ماشفته ويمكن ماادري عنه
حتى بلادنا الحبيبه قطر ما ختمناها وانت تبغانا نروح الفضاء،،، أقول خلنا بالأرض أحسن هههههههههه


بمناسبة افريقيا فيه واحد من زماااان جاب لي الخرعه منها أفريقي قال لنا بتعليق( أنا وناس كثير مثلي يترصدون للعرب والبيض الاجانب في افريقيا عشان نذبحهم وشخصيا لو يحصل لي اشق صدره وأتل قلبه بيدي السودا القويه وهو يشوف

الوصف بروحه يصرع
انا قمطت وانا بدياري هههههههههه

عاد المشكله مو هنا ... المشكله إني بروح أفريقيا وكلامه في راسي لا بارك الله بالعدو:(
إسم الله علي وعلى المسلمين من يده السودا

[ya3coub]

اروح و حلم لي بأن ازور الفضاء

و ان شاء الله فالمستقبل بتصير احسن و اسهل

[Miss]

اي عادي وين المشكله
ناخذ نقاهة من البشر

[بانغ بانغ]

الا يالربع وين بوحارب

لايكون سواها وراح

[الحياة الخالدة]

يعني أولاً جزء من سؤالك غلط
شلون يعني أعيش أو أسكن في الفضاء .. يعني أتعلق في اللاشيء ؟؟ والا اقضي حياتي في مركبة الفضاء
قول أسكن في أحد الكواكب في هالمجرة والا المجرات اللي تارسة الفضاء

و الاجابة : بالنسبة لي كلش كلش ما عندي هالانترست
شاللي حادني اخلي الارض اللي انولدت فيها و عشت فيها حياتي كلها .. واروح مكان الله وحده اللي يعلم باللي فيه

لا يبا : اللي يبي يروح الله يسمح دربه
ولين رجع بالسلامة يعلمنا عن مغامرته

[بانغ بانغ]

يعني أولاً جزء من سؤالك غلط
شلون يعني أعيش أو أسكن في الفضاء .. يعني أتعلق في اللاشيء ؟؟ والا اقضي حياتي في مركبة الفضاء
قول أسكن في أحد الكواكب في هالمجرة والا المجرات اللي تارسة الفضاء

و الاجابة : بالنسبة لي كلش كلش ما عندي هالانترست
شاللي حادني اخلي الارض اللي انولدت فيها و عشت فيها حياتي كلها .. واروح مكان الله وحده اللي يعلم باللي فيه

لا يبا : اللي يبي يروح الله يسمح دربه
ولين رجع بالسلامة يعلمنا عن مغامرته

ههههههههههههههههههههههههههههه

في المريخ والقمر واي مكان

يعني لازم اتلعوزونا حتى في الفضاء

اعوذ بالله من اهل الارض

نكلان وراجي ... حصلوا مرة في المريخ تعالوا على سنة الله ورسوله وخلوا اهل الارض في الحر

[naklan]

يعني أولاً جزء من سؤالك غلط
شلون يعني أعيش أو أسكن في الفضاء .. يعني أتعلق في اللاشيء ؟؟ والا اقضي حياتي في مركبة الفضاء
قول أسكن في أحد الكواكب في هالمجرة والا المجرات اللي تارسة الفضاء

و الاجابة : بالنسبة لي كلش كلش ما عندي هالانترست
شاللي حادني اخلي الارض اللي انولدت فيها و عشت فيها حياتي كلها .. واروح مكان الله وحده اللي يعلم باللي فيه

لا يبا : اللي يبي يروح الله يسمح دربه
ولين رجع بالسلامة يعلمنا عن مغامرته


تلقين
تقرير رحلتي 2016 الى زحل وعطارد بالصور
هههههههه والصور كلها صخور

[بصمة قطرية]

لاااا طبعاً
مافي بحر و مطر وورد
خلوني في الأرض أحسن
إنتو روحوا الفضاء خففوا شوي الزحمة من الأرض
حلو كله تطيرون :)