خلاص أرحمونا !!!

[Rider]

السلام عليكم ورحمة الله وبركاته اخواني واخواتي ياجماعة ممكن الموضوع مكرر لكن والله مستفز معانه يوميه صارت في شوارعنا يعني يكفي الزحمه طلعوا لنا أصحاب الهواتف الذكية كل واحد ماسكه هالتلفون في ديه وشغال رسائل سنابات وخرابيطهم الي ماتخلص ياخي هذا شارع لازم تفهم ماسك الشارع والسيارة شوي يمين وشوي يسار وتمشي براحتك ليكون مسجل الشارع بأسمك والكارثة تعال طق هرن له ولا عطه ليت قام يأشر بيده اشفيك ياخي انت غلطان وتأشر لو وقفته نزل يزاعق عليك سبحان الله والله تعبتونا وطبعا انا اتكلم عن الجنسين ولحد يزعل اذا قلت انه القطريين هم الاغلبية الي يستخدمون هالتلفون وهم يسوقون طبعا فيه غير القطريين وطبعا انا قطري علشان لحد يطلع يقول اشفيك على القطريين بس الغلط غلط ومافيه فرق بين هذا وهذا
اتمنى صوتنا يوصل الى ادارة المرور ويكون هناك عقوبة تصل الى السجن او غرامة فوق ال 20 الف لكن موضوع 500 ريال 1000 ريال صارت عاديه عند البعض
خلاص أرحموناااااااااااااااااااا وأسف على الاطالة وأسلوب الكتابة

[فريج النجادة]

معك حق اخوي الكريم في كل كلمة تقولها

ولكن مهما حصل تضل القيادة فن وذوق واخلاق

مهما شفنا من اخطاء للغير

ولا نغير من مبادنا واخلاقنا

لان بالاخلاق ممكن الامور تتعدل وتتصلح

وبغير الاخلاق ممكن الامور تتفاقم وتزيد عن حدها

[ضوى]

والله معاك حق بكل كلمه قلتها
الوضع صاير مأساوي كم مرة بغوا يودرونا بالشارع والسبب ماسك تلفونه ويلف علينا من تشتته يخي تبي تموت موت بروحك ، لازم المرور يشوفون لنا حل بهالشي صج تعبنا

[ziad1971]

السلام عليكم ورحمة الله
الله يديم المحبة والخير على الجميع
بصراحة كلامك صح مية بالمية
انا اقول شنو المشكلة لو صف عاليمين واتحدث على راحته على التلفون ... ليش تلاقيه يسوق وماسك التلفون والكرك ويكلم اللي جنبه وآخر شيء يتذكر انه في نص الشارع واقف والسيارات خلفه شغاله هرن وليت والاخ ما هو سائل
الموضوع مو موضوع ادارة المرور ولا زيادة المخالفات

الموضوع موضوع اخلاق وتربية
لازم يتعلمون آداب الطريق والحرص على السواقة لانه اي حادث لا قدر الله ممكن يأذي نفسه والآخرين

انا اقول لو خطباء الجمعة لو يخصصون خمس دقائق كل جمعة من الخطبة تذكير الناس عن آداب الطريق واخلاق الاسلام والحرص على ارواح الناس وعدم الاستهتار

والله يحفظ الجميع

وسلامتكم

[حمد بن سعد]

يااااااااااااااااا كثرهم ان قمت اطوفهم من اليمين على طول ماعور راسي


صباحك عسل

[@north_star@]

فعلا اخوي رايدر تكون ماشي بدربك والا واحد لاف عليك بسبة انه مشغول بجواله واذا هرنتله يعصب كنك انت اللي غلطان ومنهم اللي تفتح الاشارة والحبيب مشغول وقاعد يتمشى والعالم وراه هرانة والمصيبة الاكبر الاسيويين اذا كان يتكلم بالجوال يمشي سرعة 20 وما هو عارف يسوق والا يلف يمين او يسار وطبعا لو تحط قنبلة وراه ولا بيلتفت صوبك

[Riku3]

الخطر هو في المسجات وصحيح كثير من المراهقين يسوق والجوال في حضنه @_@ ..

ما ادري شهالمخ الي يقولك تقدر تسوق وتكتب في نفس الوقت !! .. بس في النهاية الاخلاق هي الي تحكم الناس ..

امس مراهق راكب كروزر ونافخ نفسه واقف ورى باص ومصكر عليه ,, راعي الباص هرنله مره وحده بس زعل ونزل يدخن وتم تقريباً 3 دقايق يستهبل لين تحرك من وراه !! .. غرور اعوذ بالله .

[قطريه ماركه]

وين القطريين في الشوارع ما نشوفهم عملة نادرة

ما في الا أجانب ما يعرفون يسوقون و يسببون زحمة و حوادث و بلاوي :anger1:

[المحاميه]

لاحول ولاقوة الا بالله

[ضوى]

وين القطريين في الشوارع ما نشوفهم عملة نادرة

ما في الا أجانب ما يعرفون يسوقون و يسببون زحمة و حوادث و بلاوي :anger1:

الظليمه شينه والله قطريين ومراهقين وفي مقيمين واجانب ماعاد احد يحترم احد

[MAZEN37]

الناس يتسلون في الزحمه
المسؤل اشغال لازم تفتح الشوارع علشان يطالعون جدامهم

[السكين]

أخوي rider انت غلط X غلط

يعني بالله عليك شخص يبي يصور فيديو وبعدها يحط فلتر المنطقة وبعدها فيس وبعدها تيكست وبعدها يشخبط بأدوات الرسم على الصورة .. طبيعي السيارة تترنح يمين يسار ..

يعني من الأهم حياتك ولا سنابه ..لا طبعاً سنابه الأهم .

[ya3coub]

حيا الله أخوي رايدر

طبعا شي صحيح و للأسف انا من الناس الي لما اسوق السيارة فالزحمة امسك التلفون و اصور سناب او سنابين بداية الزحمة و قبل المخرج الي بطلع منه و ارسل

ما اقعد ازخرف و اكتب خرابيط و ادخل تويتر انسخ و الصق.



اليوم نفس الحالة شتقول للي يداوم بدراجة و يجيه بو الشباب بكل برود يلف عليه و يسمع صوت الدراجة و بعد مصر انه ما انتبه لين يلحس الصبية و عقب يرفع راسه!!!!!!

يعني انا اسوق عاليسار و لله الحمد أغلب السائقين من يشوف ليت الدراجة او يسمعها يفتح من مسافة بس اتشوف الأخ "صاحب الجوال, او النحيس, او الي ما عنده خبره بالسواقة" يلف و يضيق عليك و تتضرر سيارته و مع ذلك اهم شي ما ينقطع اتصاله مع جواله

[QtrGate]

تعودت اشبك الجوال بلوتوث قبل لاسوق عشان مامسكه
في في الاونه الاخيرة قمت استخدم الجوال اذا حد تكلم في الواتساب
وأحاول اني أتجاهل لكن مرات يجذبك الجوال

اعترف انه خطأ كبير
وأتمنى إصدار مخالفة حجز الموتر لكل من يشوف الجوال وهو يسوق

[الحياة الخالدة]

كلامك صحيح أخوي رايدر
و هالمشكلة ليست مقتصرة على القطريين ولا أبرئهم .. لكنها عامة

انا صارت عندي قاعدة أو يقين .. من اشوف السيارة تلف يمين و يسار أو ما تتحرك و السيد ماشي
أتأكد أن سايقها ( سواء رجل أو امرأة ) ماسك جواله و مشغول فيه
وما ينبغي أبداً نحط مشكلة الزحمة و التسكيرات و الاصلاحات في الشوارع شماعة و عذر للتسلي بالجوال

[معماري قطري]

صادفني واحد من فترة من هذي الأشكال والشارع كان لسيارة وحدة ويمشي 40 ويسولف .. ركبت رصيف وطفته وانا معلق على الهرن معصب ورحت البيت الا لاحقني لين الباب ونزلت له معصب أكثر .. كان كبير سن بس هزأته ليش يلحقني لين البيت وشيبغي مني وعلمته من آكون وطردته وهو يقول المفروض تعزمني أتقهوى .. قلت له كل هذا واعزمك بعد يالله طير .. فارق والليل راح عند عيال عمي يقدم بلاغ قالوا له روح المركز لو غلط عليك

[معماري قطري]

صادني حادث على أيام البليب وبعدها استويت الجوال على البلوتوث ولا اعطيه ويه للوتس أب والرسائل

[qatari911]

حيا الله أخوي رايدر

طبعا شي صحيح و للأسف انا من الناس الي لما اسوق السيارة فالزحمة امسك التلفون و اصور سناب او سنابين بداية الزحمة و قبل المخرج الي بطلع منه و ارسل

ما اقعد ازخرف و اكتب خرابيط و ادخل تويتر انسخ و الصق.



اليوم نفس الحالة شتقول للي يداوم بدراجة و يجيه بو الشباب بكل برود يلف عليه و يسمع صوت الدراجة و بعد مصر انه ما انتبه لين يلحس الصبية و عقب يرفع راسه!!!!!!

يعني انا اسوق عاليسار و لله الحمد أغلب السائقين من يشوف ليت الدراجة او يسمعها يفتح من مسافة بس اتشوف الأخ "صاحب الجوال, او النحيس, او الي ما عنده خبره بالسواقة" يلف و يضيق عليك و تتضرر سيارته و مع ذلك اهم شي ما ينقطع اتصاله مع جواله

الله يحفظك انا من اشوف دراجه اوخر عنها
اخاف يوقف فجأه او يسوي حركة بهلواني ويطيح وادعسه


واعاني من بعض شبابنا الي ينشغل بالتيلفون واذا دقيت هرن وقف في وجهك او لف عليك يخرعك
وبعض المقمين العرب و الاسيوين نفس الحالة

[رآعي موآجيب]

أخوي rider انت غلط X غلط

يعني بالله عليك شخص يبي يصور فيديو وبعدها يحط فلتر المنطقة وبعدها فيس وبعدها تيكست وبعدها يشخبط بأدوات الرسم على الصورة .. طبيعي السيارة تترنح يمين يسار ..

يعني من الأهم حياتك ولا سنابه ..لا طبعاً سنابه الأهم .

طبعا السناب أهم :omen2:

يوم الجمعه كنت واقف في الباركن على يمين الشارع ، ادور لوكيشن في جوالي ، وفجأه ضرب في وجهي فلاش ولا مسكت حواسي إلا موتري على صوب وانا كأني في حلم ولا غتره ولا عقال وطاقيتي على الجير :eek5:

بسم الله الرحمن الرحيم ،، وش العلم !!!

وانزل من الموتر منيب مستوعب الحاله ، وكل شوي يمسكني واحد ( الشيخ انت بخير ؟ فيك شي ؟ تحس بشي ؟ )

عقبه استوعبت اني مدعوم وانا واقف :omen2:

ويجيني ذاك الصبي يسلم علي خشم ! ( احسب انه يعرفني ) بس وجهه في دم

من انت ياولد ؟ قال انا اللي دعمتك :)

زين عسى ماشر !! انا واقف في المواقف شاللي بلاني فيك ؟

قال : ( السموحه يالشيخ ، والله كنت لاهي بالجوال ) :omg:

اي والله ياجماعه ان هذا رده

قلت ان عفست خشته في القاع ، بيقولون فلان الفلاني مسوي الشوارع ساحة معركه وبنفس الوقت بيدخلوني باريس لين يتنازل هو

وان خليته فهو قاهرني ومعرض روحي للخطر وكنسل موتري الجديد والقانون يقول روحوا للمحاكم سنتين والا ثلاث الين يحكم القاضي بتعويض يمكن يدفع كامل ويمكن يدفع لي كل شهر 1000 ريال :secret:

الشكوى لله ،، انا استخدم السناب واتابعه ، لكن اذا فيه شي مهم بشوفه اوقف على اليمين ، لكن يوم وقفت بعد ما سلمت :omen2:

للحين ظهري ورقبتي توجعني وانا اتخيل اني مستفرد فيه في بلاد مافيها قانون ، بس انا وياه والسناب شات :threaten:

[Rider]

شكرا لكل الاخوة والاخوات على الردود والله القصد التبيه والتنويه ياخي السواقه فن وذوق وأخلاق والله الجوال لاحقين عليه ممكن وانت واقف في زحمة عند اشارة تشوف جوالك لكن تسوق وانت شغال رسائل وتواصل مع الاخرين لي يشوفهم يقول بياخذون منه الجوال اول مايوصل البيت

[qatarman8008]

السلام عليكم ورحمة الله وبركاته اخواني واخواتي ياجماعة ممكن الموضوع مكرر لكن والله مستفز معانه يوميه صارت في شوارعنا يعني يكفي الزحمه طلعوا لنا أصحاب الهواتف الذكية كل واحد ماسكه هالتلفون في ديه وشغال رسائل سنابات وخرابيطهم الي ماتخلص ياخي هذا شارع لازم تفهم ماسك الشارع والسيارة شوي يمين وشوي يسار وتمشي براحتك ليكون مسجل الشارع بأسمك والكارثة تعال طق هرن له ولا عطه ليت قام يأشر بيده اشفيك ياخي انت غلطان وتأشر لو وقفته نزل يزاعق عليك سبحان الله والله تعبتونا وطبعا انا اتكلم عن الجنسين ولحد يزعل اذا قلت انه القطريين هم الاغلبية الي يستخدمون هالتلفون وهم يسوقون طبعا فيه غير القطريين وطبعا انا قطري علشان لحد يطلع يقول اشفيك على القطريين بس الغلط غلط ومافيه فرق بين هذا وهذا
اتمنى صوتنا يوصل الى ادارة المرور ويكون هناك عقوبة تصل الى السجن او غرامة فوق ال 20 الف لكن موضوع 500 ريال 1000 ريال صارت عاديه عند البعض
خلاص أرحموناااااااااااااااااااا وأسف على الاطالة وأسلوب الكتابة

اتفق معك وبقوة على كل ماكتبت.. :omen2:

[khaldoon]

اشهد انك انسان رائع من موضوعك فوق ولا اقدر ازيد شي

[راعي ال VXR]

الله انا نعوذ بك من جهد البلاء ودرك الشقاء وسوء القضاء وشماتة الاعداء

[Rider]

اتفق معك وبقوة على كل ماكتبت.. :omen2:

بيض الله وجهك عزيز وغالي

[Rider]

اشهد انك انسان رائع من موضوعك فوق ولا اقدر ازيد شي

عزيز وغالي

[naklan]

قبل كم يوم جنبي واحد لابس لباس الشرطة في
سيارته الخاصة وشغال شات المفروض يكون قدوة
العملية سايحة والكل حتى النساء من ضمنهم
وهذا غلط حتى الرد على المكالمات المفروضً
تصف وتتكلم براحتك ولا تعرض نفسك
والنَّاس للخطر

[طلعة الروح]

كل بيت فيه أفراد من هالنوع عندهم سلوكيات خاطئة كثيرة وطبيعي تنعكس تعاملاتهم المتخلفه على الشارع.

بصراحه لازم يشتغلون عليهم بالضبطية القضائية مع التقاط الصوره في حال سمح الوضع بالتصوير مع العقوبه الجنائيه في حال تسبب مسك صاحب الهاتف لضرر بالاخرين او بالشارع نفسه اي الممتلكات العامه ويفضل الحبس كعقوبه، ، ، وضع مخالفه اسمها حمل الهاتف وتخصيص مبلغ كبير مب أقل من 3000 ، طبعا هذا حل جزئي.

لكن الحل الكلي راح يكون جهود من الافراد انفسهم وتوعية وحملات مروريه وبعد المرور بمراحل تدريجية للتغيير وتحسين للسلوكيات الفردية غير المقبوله.

[بصمة قطرية]

يا كثر هالنوعيات في الشارع
ومن كل الجنسيات
الله يعيننا عليهم ..
المفروض يخلون مبلغ كبير مخالفة للي يمسك
الجوال و هو يسوق عشان يتأدبون
لكن مبلغ بسيط محد مهتم عادي ..
عيالي دوم أقول لهم إن شاءالله تتخالفون
إذا مسكتوا الجوال وانتو تسوقون ..
اللي يقهرني أكثر شي اللي يمسك يسار
و يتمخطر تكبس له تدق له أهران غصب يفتح
آخر شي تحصله ماسك الجوال و يهذر
هالحركة وايد تصير لنا و كله مع أجانب ..
حد يقول لهم في إختراع إسمه سماعه ..
والخط اليسار مب للتمشي ..

[سالم الزهران]

متى يصير عندنا وعي ؟ الله اعلم

انا بالعادة ارد على التلفون اذا دق و انا في خط سريع و مرتاح اما اذا في الشوارع و الاشارات فلا اقدر لانه يشتت انتباهي

ظاهرة الانشغال بالسناب وطقته من ها البرامج اظنها للشباب اما من تجازو ثلاثين سنة فلا اظنه يلقي لها بال من اساسه

اخونا اللي صدموا سيارته و هو واقف عز الله اني تضايقت من ها الموقف و عسى الله يعوضك خير ... اليوم نحتاج نرجع لسيارات كابرس و بويك افينو القديمة ( يصدمك ويتعور هو )